كل رمضان و احنا بخير

[Scorpion]

باسم مسيحيي محاورات المصريين اعضاء و زوار .. نهنيء جميع إخوتنا المسلمين برمضان مبارك ... كل سنة و احنا جميعآ بخير و جنب بعض .  كل سنة و احنا ايد و مصير واحد و ان كره الكارهون ...

[tarek hassan]

محدش له نفس يحتفل بقدوم رمضان ولا يهني بقدومه ولا حد قدر يفتح موضوع 

انتقم الله من الظالمين المعتدين القتلة اللي عكروا الصفو حول كل الأديان السماوية 

اللي بيحاولوا يفسدوا العلاقة بين المصريين والوقيعة بين الدولة والمواطنين 

اللي بيقابلوا السماحة بالكبر الفوقية وتزكية النفس والتعدي على الغير 

بدل ما كنا بنقول في مناسبتنا الدينية كل عام وإحنا بخير جعلوا فيها مصائب وكوارث يندى لها جبين الإنسانية وتهتز لها الضائر الحية 

كنت أتمى إن تيجي مناسباتنا الدينية وإحنا بنتعبد جميعا لله وبنذكره كل واحد على طريقته بلا تكفير أو تفجير أو قتل 

24 دقائق مضت, Scorpion said:

باسم مسيحيي محاورات المصريين اعضاء و زوار .. نهنيء جميع إخوتنا المسلمين برمضان مبارك ... كل سنة و احنا جميعآ بخير و جنب بعض .  كل سنة و احنا ايد و مصير واحد و ان كره الكارهون ...

كل سنة وإحنا يد واحدة وقلب واحد ضد الإرهاب الأسود  

 

 

[Scorpion]

علشان كده اخي طارق التهنئة برمضان كانت لازم تيجي من مسيحي.. رد واضح و صارم انهم مهما عملوا مش حيفرقونا .. مش يكسرونا ...مش حيخلونا نيأس ..  مهما عملوا اعيادنا مش حيحولوها لمياتم ...  و مافيش اكتر من مناسبة زي رمضان بيجتمع علي حبه  كل المصريين تبقي رمز لترابطنا ده ..  حزننا علي من غادرنا توازيها فرحتنا  بتواجده الان في مكان لا يعرف الشر او الكراهية طريقآ له...

علشان كده .. من كل قلبي بقولها 

كل رمضان و احنا بخير و مع بعض

[tarek hassan]

50 دقائق مضت, Scorpion said:

علشان كده اخي طارق التهنئة برمضان كانت لازم تيجي من مسيحي.. رد واضح و صارم انهم مهما عملوا مش حيفرقونا .. مش يكسرونا ...مش حيخلونا نيأس ..  مهما عملوا اعيادنا مش حيحولوها لمياتم ...  و مافيش اكتر من مناسبة زي رمضان بيجتمع علي حبه  كل المصريين تبقي رمز لترابطنا ده ..  حزننا علي من غادرنا توازيها فرحتنا  بتواجده الان في مكان لا يعرف الشر او الكراهية طريقآ له...

علشان كده .. من كل قلبي بقولها 

كل رمضان و احنا بخير و مع بعض

كل عام وأنت بخير وصحة وكل أبناء الوطن ... لا ينال منا أحد .... هنفضل نقدم شهداء وعزاؤنا إنهم في منزلة أفضل بكتير .... يمكن علشان الأيام روحانية يكون الأجر أكبر .... وعلشان وقع عليهم الغدر .... وعلشان هم عزل ..... وعلشان الأطفال والنساء والشيوخ ...... 

مش ممكن الغادر يكون عند ربنا له منزلة 

ومش ممكن يكون الأعزل في النار والمسلح المعتدي في الجنة 

واثق في عدل الله ومؤمن إنه ليس بظلام للعبيد 

 

[عطر الجنة]

الدين فكرة و يصدقها العمل ..

و الافكار لا تنتشر بالعنف او تقمع به ..

كلنا يعلم ما الغرض من تلك العمليات ..

هم يجهلوا ان المصريين نسيج واحد ..

الدعوة الدينية تكون بحسن الخلق و الفضائل ..

و كل الاديان تحث عليها ..

كما ان العقيدة حرية بين العبد و ما يعبد .. و ما بيننا احترام كل منا للاخر ..

لقد تعودنا فى مصر مشاركة الاعياد و المناسبات و طقوسها ..

كل رمضان و نحن جميعا طيبين ..

يا رب اسعد قلوب من فقدوا فلذات اكبادهم .. و من فقدوا الاباء و الامهات و الازواج و الزوجات .. و انعم علينا جميعا بالرحمة و الهداية ..

[عادل أبوزيد]

في 5/27/2017 at 10:13, Scorpion said:

باسم مسيحيي محاورات المصريين اعضاء و زوار .. نهنيء جميع إخوتنا المسلمين برمضان مبارك ... كل سنة و احنا جميعآ بخير و جنب بعض .  كل سنة و احنا ايد و مصير واحد و ان كره الكارهون ...

بوركت يا سيدي و سلمت يداك  ... حتى الآن لم أكن قد بعثت بتهنئة رمضان لأي من أحبابي ... و بعثت من لحظات ما يلي 

اقتباس

حبائي لم أتأخر من قبل عن مشاركتكم البهجة و التهاني في كل المناسبات و كنت أنقب عن صورة تبعث البهجة في نفوسكم ، هذه المرة تخنقني العبرات و في حلقي غصة القتل الذي طال مسيحيين في طريقهم إلى الدير .. و بإسم الإسلام ! ليت كل أحبابي الذين تأخرت في تهنئتهم بقدوم الشهر الفضيل يلتمسون لي العذر ، أهنئكم من الأعماق بقدوم شهر رمضان المبارك أعاده الله عليكم و الأهل و الأحباب باليمن و البركات . عادل أبوزيد و نشوة هاشم

 

[عادل أبوزيد]

هذه تهنئة وصلتني من الفاضلة suzan

اقتباس

    اخواتى واصحابى اللى ميفرقوش عنى حاجة فى مشاعرهم الطيبة كان نفسى افرح معاكم امبارح بس مشاعرى حزينة على اخواتنا فى المنيا ربنا يحافظ على مصرنا الحبيبة