لو الف سيسي ونحن هكذا لن .....نكون

[suma]

                      بسم الله الرحمن الرحيم

 تابعت منذ برهة حوارات السادة التي تتساءل عن ماذا نفعل مع اقتراب نهاية مدة السيسي.!! والله تعجبت كثيرا ولا انكر أنني قرأت بعض المداخلات أكثر من مرة لأفهم لكن للأسف لم يحدث!!

 هل عندنا البديل؟؟ لنعطية ثقتنا ام نختار أيا من كان ونغوض تجارب وأهوال ثم ننادي بالتغيير من تاني..لما يكون هناك بديلا نعرفه وله آياد ظهرت وفكرا ممكن نفكر في هذا.

 ..ثم من قال  أن الريس فشل  في الإقتصاد؟؟ فهل كانت مصر واحة غناء تسمع هدير المصانع بها في كل مكان؟!! لا يا ساده إنها كانت خربة يا إما عن عمد أو اهمال ....لذا الرجل على قدر طاقة الحكومة وطاقة خزانتها يحاول اصلاح وليس ذنبة أنه ابتلى بكم الفساد هذا لكنه بدأ واحسب ان تلك التساؤلات التي ملأت السوشيال الميديا هنا وهناك ما هي إلا سوسا ينخر في البنيان المراد إقامته ليهدم وتعود لهم الساحة كما كانت مرتعا لهم وليموت المواطن.

  انا ما كنت كتبت هذا لولا ما رأيت في الآيام الماضية من أوجاع وآفات في البناء في شخصية المواطن الجديده..

    ابسط شيء كم اللامبلاة التي اصيب بها العامة وكم التسيب في انفاذ القانون ؛ في عهد المحجوب تم توسعة الشوارع وتنظيفها مثلا عندنا شارع ممتد من المندره الى ميامي اصبح اربع حارات والرصيف ممكن خمس أمتار أو اكتر.أصبح فيه بين كل مقهى  ومقهى واحدة ثالثة..اخذوا الرصيف وأمام الرصيف  نفس مسافته اربع او خمس امتار،وفي الجهة المقابلة ايضا صفان من الطاولات والكراسي..تخيلوا الصورة !!اصبح الطريق نهرا واحد لسير السيارات ذهاب وعودة وتخيلوا ان بها مشفى كبيرا تستقبل مئات من المرضى..أين القانون ؟؟!!الناس أصبحت تنحة وبارده وايضا القائمين على تنفيذ القانون آثروا السلامة وظز فيك يا مواطن..ونظرة الى رواد تلك المقاهي المقاهي  شباب في عنفوانهم بل صبية أيضا الكل بيده شيشة او سيجارة..وبعدها معارضة او جهاد من خلف الشاشة!!

ده مثال بسيط في شارع واحد واصبحت كل طرقنا وشوارعنا مقاهي فأي رئيس ممكن أن ينجز وده حال شبابها وصبيتها؟؟؟ 

 خلاصة القول أنا مع انتخاب السيسي في ولاية أخرى  ويقيني أنه سيقدر ..ولا التفت لكل ما يقال ويظهر على استحياء من حين لآخر لأن مصدره وهدفه واضح للعيان التي لا مرض فيها.وتحياتي لكم مرة أخرى

 

                             سومه

[tarek hassan]

الحكاية إنهم بيقولوا : عايز السيسي ولا مش عايزه

يعني عبارة عن استفتاءات فقط مش انتخابات

لأنهم يفتقرون إلى البديل الكفء الذي يضاهيه 

فلم يقدموا مرشحا آخر غيره 

السيسي ولا فلان 

وبعضهم يقفز من ذلك على المطالبة بانتخابات مبكرة بدون مرشح

[herohero]

هو حد طلب من حد عدم ترشيحه للرئيس السيسي !!! هو هل حد قال زي ما اتقال زمان صلح وعمل في خلال 100 يوم زي ماقولت وادينا بنعد لك الايام 

كل الكلام اللي حضراتكم بتقولوه محدش قال عكسه لما تيجي الانتخابات ساعتها كل واحد يعبر عن رأيه 

اما موضوع اصل الرئيس سواء السيسي او غيره حلو وزي الفل بس اصل الشعب والحكومة مش مساعداه

الاسطوانة اتكسرت واتهرت

الحاكم ايا كان رئيس جمهورية او امير او ملك في عالمنا العربي المتخلف هو المسئول عن كل شئ (انا ربكم الاعلى 

وكلنا عارفين ده لان بكل بساطة مفيش حياة سياسية سليمة ومنطقية تخلي ان ينجح حزب ويشكل الحكومة هو مادام صاحب الاغلبية 

اما عندنا الرئيس هو كل حاجه من اللي بيعين رئيس الوزارء؟؟ من اللي بيعين المحافظين ؟؟ معرفش اوقات بحس ان الرئيس في مصر كان ف اعارة في الخارج واول مرة يشوف البلد ؟؟؟ في ايه ياساده التطبيل مطلوب وكل شئ انما احنا بنتكلم كلام يتقبله العقل 

الاخت الفاضلة بتقول وهو في بديل احب اقول لحضرتك عمر ما هيبقى فيه بديل  لان احنا كشعب (متخلف ولا مبالي 

زي حضرتك ماوصفتيه عاوزين كدة وانا شايف زي ماقولتها قبل كده نلغي فقرة مدة الرئاسة ونخليها مدى الحياة اريح للكل

وزي ماحضرتك ما قبلتي ترشح الرئيس السيسي بدون برنامج عشان حتى نعرف نحاسب الراجل يبقى ممكن نعمل حملة نتحايل فيها عليه انه يقبل يحكمنا ان شاء الله في سنة 2018 من دلوقت لان محدش ضامن عمره فنعمل بيعة زي ما بيحصل في الملكيات 

 

 

[أبو محمد]

10 ساعات مضت, suma said:

انا ما كنت كتبت هذا لولا ما رأيت في الآيام الماضية من أوجاع وآفات في البناء في شخصية المواطن الجديده..

 

يا شبابك يا مصر .. ربنا معاكى يا صابرة

الله يكون فى عون اللى هيحكمك .. حتى لو عصام حجى