متابعة محاوراتية لبطولة الأمم الأفريقية

[se_ Elsyed]

لهواة كرة القدم .. هانخلي الموضوع ده مُثبت من دلوقت إلى حين إنتهاء بطولة الأمم الأفريقية التي ستنطلق في تاريخ 20/1 إلى 9/2 وحالياً يخوض منتخبنا القومي لكرة القدم عدة مباريات ودية إستعداداً للبطولة ..

1

2

3

إنطلق

[se_ Elsyed]

حتى الآن وبعد أن خرجنا من تصفيات كأس العالم بصفر أخر خوضنا مبارتين الشهر الماضي أما

أوغندا والسنغال :

1- أوغندا

فريق أقل من مستوى أي فريق في الدوري عندنا وبعد ما كينيا - تصوروا ؟ !!!- ضربتنا بومبه وما رضيتش تلاعبنا - مع إننا بندفع - لقينا مدرب أوغندا المصري / علاء مرسي لحقنا وسافر بسرعة من بورسعيد لكمبالا ولم الفريق من على القهاوي وجم لعبونا وكسبناهم بعد مباراة كانت قمة في العجن .

2- السنغال

مباراة عجيبة فزنا فيها 4-2 بالرغم من إن فريق السنغال جاي يلاعبنا وهو ناقص 13 لاعب محترف .. لكن بالرغم من ذلك ففرقينا كان بيضرب أخماس في أسداس وليس له ملامح والهجمة علينا كانت بجون في ظل إهتزاز وعدم تجانس خط الدفاع ..

وشيء عجيب فعلاً أن نظل شهور وشهور مع مدير فني واحد يعني هناك إستقرار - اللي صدعوا دماغنا به - ومع ذلك لا يوجد تشكيل ثابت لمنتخبنا وكل مباراة بل كل شوط بتشكيل مختلف .. وحتى الآن لم أرى جملة تكتيكية واحده يُمكن أن تقول بإن اللعيبة متدربين عليها ... وقبل كل مباراة لابد ان نلعب لعبة حادي بادي .. ويا ترى حارس المرمى المرة دي هايبقى عصام الحضري ولا عبد المنصف ولا عبد الواحد ..

السؤال هنا : لحد إمتى هانقعد نجرب ونبدل ونغير وفاضل أساساً حوالي إسبوعين على البطولة ؟

وليه كل واحد بييجي بيبدأ من الصفر - كعادة الفراعنة - ويشتكي إن مافيش فريق ؟

[khedr]

الكره....

لياقه

موقع البطوله

http://misr2006.com/

تم تعديل 2 يناير 2006 بواسطة medeokhedr

[مفروس]

يا جماعة اعذروني في اللي حاقوله....

بس أنا حقيقي خايف ان فريقنا يعملها و يكسب....زي ما حصل في آخر مرة أخدنا فيها البطولة بدعا الوالدين و احنا كلنا كنا عارفين اننا ما نستاهلش...

اصبروا بس قبل ما تهاجموني و تتهموني بالخيانة و غيره...

بذمتكوا انتوا شايفين اننا عندنا كورة ولا لعيبة ولا منتخب ولا فرق؟؟؟؟

انتوا شايفين ان عندنا أي لاعب يستاهل اللي بيتدفع فيه ولا كم الشهرة و الفلوس و العربيات و الشقق و خلافه اللي عمالة تترمى عليهم؟؟؟

انا مش فاهمك احنا حانفوق امتى من العك ده؟؟؟

الناس حتقول بس يا ريت نكسب علشان الجمهور ده من حقه ينبسط و الناس غلابه نفسها في حاجة تفرحها...بالذمة ده اسمه كلام؟؟؟

بقى آخرتها هو ده اللي حيفرحنا و يعدل المايلة؟؟؟

و ساعتها الناس حتتوكس و تفرح من غير حق لأننا كلنا عارفين اننا منتخبنا مش قدها و لو كسب اي مباراة حتبقى بدعا الوالدين مش لأنه يستاهل...و العيال العدمانه كناسة شبيهي لعيبة الكورة حيعيشوا في دور لعيبة بجد و يصدقوا نفسهم و يتمرعوا علينا زيادة و هاتك يا مكافآت و هاتك يا زيادات في قيمة عقودهم و كله على حسابنا في الآخر....

معلش يا جماعه سامحوني...يا رب المنتخب يخسر و يتفضح...

لا هم يستاهلوا يكسبوا و لا أنا استاهل اتنقط من اللي حيحصل لو كسبوا...

[kotoz9]

لأ ما تخفش يا باشا مصر أساسا مش حتتأهل لدور الثامنية.......

شفت العك اللى حصل امام منتخب جنوب أفريقيا ده ومن قبله زيمبابوى والسنغال.....

لأ إن شاء الله خير.....

بصراحة منتخبنا مش مستوى ...

وربنا يستر.....

[هادي]

و العيال العدمانه كناسة شبيهي لعيبة الكورة حيعيشوا في دور لعيبة بجد و يصدقوا نفسهم و يتمرعوا علينا زيادة و هاتك يا مكافآت و هاتك يا زيادات في قيمة عقودهم و كله على حسابنا في الآخر....

معلش يا جماعه سامحوني...يا رب المنتخب يخسر و يتفضح...

لا هم يستاهلوا يكسبوا و لا أنا استاهل اتنقط من اللي حيحصل لو كسبوا...

<{POST_SNAPBACK}>

يارب ياخويا يارب

معك كل الحق

نفسي اعرف حنفية الفلوس دي محبسها فين !!!

مش الفلوس دي بتتصرف عشان هدف ونتيجة وثمرة وغاية نوصل ليها

طب احنا عمرنا ما وصلنا لها ..

يبقى يرجعوا فلوسنا بقى !!

هو ملف صفر المونديال انتهى لفين !!

:lol:

وش واحد مواطن

مش فاهم

وفيش أمل حد يرد عليه

[tarek_almeghallawy]

الخطة كده

قبل البطولة مستوى زبالة

وبعدين هبة ..تك..تاك...توك

ناخد البطولة

أمال ضم حسام ليه بتاع بوركينا فاسو

يارب يخيب أملنا ونكسب

أصل أنا بازعل أوي لما نتوكس

[KANE]

بالمناسبه البطوله منقوله على اي محطات؟ "خصوصاً للمضربين عن ART " مثلي

اعتقد ربما على يورو سبورت

[المنطقي]

السلام عليكم

بمناسبة بطولة أمم افريقية المقامه في مصر ، نتمنى للمنتخب المصري الفوز بالبطوله إنشاء الله .

العائق الوحيد الذي يواجه منتخب مصر شي واحد أو مشكله واحده فقط لا غير .

لو تلاحظ في تشكيلة منتخب مصر أسماء قوية جداً في عالم الكره العربيه ، التشكيلة الفنيه من مدرب وإداريين وطنيين .

يعني كل حاجه كويسه وتدعوا للتفاؤل لكن المشكله الوحيده فقط هيا

أنا لعيبة المنتخب المصري فقدوا الروح أو بمعنى اصح فقدوا الإنتماء للبلد واحترام الشعار الذي يلبسونه .

دي المشكله من وجهة نظري

[dr/alfa]

-الفريق مستواه سيء للغاية وأنا مش متفاءل .

-مفيش تفاهم بين اللاعبين مفيش هارموني , ودي أكبر مشكلة فى نظري .

-دفاع زي النيلة .

[الطيار المصرى]

اكبر مشاكل المنتخب......

عدم التجانس في التشكيل......مفيش انسجام بين اللعيبة........

و اكبر المشاكل و اضخمها.............

عدم استطاعة اللعيبة المصرية اللعب تحت الضغط النفسي الشديد للمباريات الهامة..

و طبعا كلنا شوفنا الاهلي لعب في البطولة الاخيرة ازاي....

مصر هتضيع هيبتها وسط المنتخبات دي..........

المنتخبات الافريقية ماعادتش زي الزمان....... في تطور كبييييييييير جدا في الاداء و اللياقة اللي هما دايما يفرقوا عنا فيها......

خلاصة القول...احنا عايزين جيل جديد من اللعيبة.......ونلم اللعيبة المستنطعة دي ونخليهم يلموا الدودة مع الانفار.......

وربنا يوكس المنتخب عشان كل لعيب يعرف انه ميساويش بصلة ان ماتعبش و اجتهد ........

الطيار المصري .........ثانوية عامة( هتبقي هي و المنتخب علينا ..حرااااااااااام !!!!)

[الطيار المصرى]

و توقعي للدور الاول للبطولة......

مصر \ ليبيا 1\1

مصر \ المغرب 0\2

مصر\ساحل العاج 0\4

ده علي احسن تقدير.......

واتوقع ان انجولا هتنافس علي الكاس......( ربنا يوفق جيلبرتو )

[se_ Elsyed]

أنا مش عايز أتكلم لإن ميعاد الكلام فات .. ومهما كان فريقنا منيل بنيلة إلا إن الواجب الوطني يُحتم علينا تشجيعه .. فخلاص زي ما بيقولوا " سبق السيف العذل " وفاضل يوم واحد فقط .

على فكرة شايلوك ( صالح كامل ) ذايع البطولة حصرياً فقط على ART 3 & 4

[tarek_almeghallawy]

يا اخوانا لسه فاضل يوم واحد

وأنا شامم ريحة فضيحة

حد يعمل حاجة

ممكن ممكن نطلع من الدور الأول

دا أنا أروح فيها

نداء إلى الناس الطيبة والقلوب العامرة

والآباء والأمهات

لا تقطعوا الدعاء

مهما كان دي سمعة بلدنا

[kotoz9]

و توقعي للدور الاول للبطولة......

مصر \ ليبيا  1\1

مصر \ المغرب 0\2

مصر\ساحل العاج  0\4

ده علي احسن تقدير.......

واتوقع ان انجولا هتنافس علي الكاس......( ربنا يوفق جيلبرتو )

<{POST_SNAPBACK}>

مش كدة يا طيار ...

4-0 مرة واحدة حرام

[KWA]

بسم الله الرحمن الرحيم

السلام عليكم ورحمة الله وبركاته

الأخوه الأفاضل في امريكا و كندا....سوف تذاع جميع مباريات البطوله علي...ART-AMERICA

و هاهو جدول مواعيد المباريات EST

http://82.201.143.69/art%2Dtv/Artsite/cham...=17&ShowID=9833

و يستطيع اي شخص مشاهده المباريات من خلال الأنترنيت بالدخول الي الموقع التالي ...

http://www.lc2international.tv/#

[khedr]

KWA

لك كل الشكر والتقدير علي ما بذلته من جهد علي المواقع

اخي طيار...

المذاكره ..المذاكره..و بلاش توقعاتك

اديك شايف اخونا طارق ممكن يروح فيها

ادعو معايا

النصر

النصر

النصر

ونعدي الدور الاول..

وبعد كده لينا دعوات تاني علي حسب الادوار...

وادي اللي حيلتنا...

[الآسر]

أصدقائي الأعزاء

السخط علي الأوضاع الخاظئة أمر محتوم ولكن هذه بلدنا وهذا فريقنا

والبطولة علي أرضنا

الواجب الوطني يحتم علينا جميعا الوقوف بجوار هذا الفريق والتشجيع المستمر له

والدعاء لهم بالتوفيق

اذا فازو (ان شاء الله )

فليرفرف علم مصر حرا طليقا فرحا

وليفرح معه هذا الشعب الغلبان المريض بكل أنواع الأمراض .. الفقر والبطالة

والذل والضعف والسرطان والوباء الكبدي والعنوسة و ...

غيرها كثير

هذا الفوز اذا جاء .. سيكون في وقته حتي يرفع الروح المعنوية لهذا الشعب الذي

سقم الحياة

أما بالنسبة لمنتخبنا .. فتذكروه قبل مباراة الكوت ديفوار في أبيدجان .. كان يلعب كرة جميلة

ولكن منذ هذه المباراة وروح الفريق والتوفيق غائبين

وأنا عن نفسي أريد أن أهمس في أذن المدرب القدير حسن شحاتة بقولي

دع بركات وأحمد حسن في اليمين ودع لاعب يجيد العب بالقدم اليسري في اليسار

فاذا كانت 4/4/2 فلنجرب طارق السيد كجناح أيسر ووراءه محمد عبد الوهاب

كمدافع أيسر .. طارق يتميز بالنواحي الهجومية وخطير جدا اذا ما تقدم وخلفه عبد الوهاب جيد هجوميا وممتاز دفاعيا

والبديل لطارق السيد هو أحمد عيد عبد الملك

هل يستطيع أحدكم ايصال هذا الكلام له :blush: ؟

وان شاء الله الفوز علي ليبيا قادم وسيفتح الطريق الي الكأس ان شاء الله

هل هناك من يرغب في الذهاب معي الي الاستاد B)

تم تعديل 19 يناير 2006 بواسطة الآسر

[KWA]

KWA

لك كل الشكر والتقدير علي ما بذلته من جهد علي المواقع

<{POST_SNAPBACK}>

بسم الله الرحمن الرحيم

السلام عليكم ورحمة الله وبركاته

الأخ medeokhedr

الشكر لله ...و تمنياتي و دعواتي لمصر بالنصر و زي ما بنقول في مصر ..انت تريد و انا اريدـو الله يفعل ما يريد....

[الطيار المصرى]

الحمد لله رب العالمين علي الفوز النهارده......اللعيبة يعني لعبوا شوية....

علي الرغم من تواضع الاداء في بعض فترات المباراة......و الاستهتار امام مرمي ليبيا......الا ان المستوي مش بطال ......وربنا يوفقنا الماتش الجاي مع المغرب ان شاء الله..........