أنا فنانة

[صفاء]

أنا فنانة خالص جدا

افن فناً من غير حدا

ارقص اغنى و انط كمان

واتشقلب ان كان و لا بدا

دادى و مامى اتشرفوا بيا

عشان بساعد فى النقدية

وشجعونى وشجعوا فنى

وصدوا عنى اللى يغيروا منى

أحب أسهر طول الليل

أعرق .. أهز وأقول مواويل

وان مرة قلت يا عينى يا ليل

ألقى النقطة نازلة عليا

انا فنانة هاذا العصر

من غير كذب ومعر وفشر

كله طبيعى بدون سليكون

أما عيونى فلونهم خضر

معايا شهادة "ليسانس" علوم

عمرى ما شلت فـ مرة هموم

مامى كانت بيزنس" مان"

دادى الباشا معاه دبلوم

لا يوم شربت سيجارة و كاس

أو حتى جبت فى سيرة الناس

بيقولوا مسك السيرة حرام

وانا مؤمنة مـ الساس للراس

أنا فى" الواكع" كلى حماسة

افتى فـ كله .. دين و سياسة

تسألنى ليه و تقوللى لماذا

اقولك لا.. استوب يا هاذا

أنا فنانة وكلى فنون

أرغى و ارُط بمليون لون

ومحدش يقدر يحاسبنى

ده انا فنانة أهد الكون

ومتربية .. أمال ايه

مـ الشقة عندى للكباريه

لو واحد حاول يعاكسنى

أقوله كخ يا باشا يا بيه

شفتوا ازاى ان انا فنانة

ودماغى راسية و مليانة

انا فنانة انا فنانة

تم تعديل 1 يناير 2006 بواسطة صفاء

[أسد]

لأ .. فنانة ...

صحيح فنانة ....

هايل ياصفاء ..

الحقيقة ستجعليني من قراء باب الشعر والأدب وأترك السياسة ...

[Folana]

أنا فنانة خالص جدا

بيقولوا مسك السيرة حرام

وانا مؤمنة مـ الساس للراس

انا فنانة انا فنانة

<{POST_SNAPBACK}>

السلام عليكم ورحمة الله ...

ده الفن بيدلدق منها فعلا ..بس واضح ان فيه بعض المعانى هى فاهماها غلط :wub:

تحياتى لك ياصفاء وشكرا على الابتسامة اللى بتهديهلنا مع كل كتاباتك ....

[se_ Elsyed]

الحقيقة ستجعليني من قراء باب الشعر والأدب وأترك السياسة ...

<{POST_SNAPBACK}>

لأ

لأ

لأ

صفاء كده هاتسحب مننا زباين قهوة السياسة ..

و لما كلكوا تبقوا فنانين .. أومال مين هايتقبض عليه ؟

[مهيب]

بجد راااااااااااااااائع يا صفاء ... الله يخرب عقلك (بعد الشر طبعا) .. ايه ده يا بنتى .. ايه ده بجد ... دول كانوا هنا فى الشغل خلاص ... قالوا الواد اتهدى و مبقاش يضحك زى الأبله و الناس من حواليه تستغرب ... خصوصا لما اتعودت انى مقراش حاجة لـ س س فى الشغل ... تقومى تيجى انتى و ترجعينى تانى للجنان ..

بس بجد من أروع ما قريت ... دمها خفيف بشكل مرعب .. و شربات .. و النبى شربات يا ناس ... اسقاطات فى منتهى الخطورة و معالجة متكاملة و تمكن رهيب ... سيبك انتى .. بجد فنانة .. كنتى فين من زمان يا كابتن؟؟

مهيب

[yasovinas]

لو كنت مش لاقي وظيفه اعمل فنان

ان قلت شاعر اهو ممكن من غير اوزان

وتقول مجدد ومزاجي هدم البنيان

البحتري دا شاعر راجعي وكمان حسان

والمتنبي اللي مافيش منه ولا عند الجان

اشعاره دي تافهه ومعظمها من الواد حمدان

وانا الجديد اللي كلامي شعر ووجدان

ان قلت عازف اهو ممكن تسرق الحان

وتقول دي قطعة مألفها في وش ادان

او اصلها نغمه قديمه من عند شوبان

قلبتها بفني جديده من غير ما تبان

[صفاء]

لأ .. فنانة ...

صحيح فنانة ....

هايل ياصفاء ..

الحقيقة ستجعليني من قراء باب الشعر والأدب وأترك السياسة ...

<{POST_SNAPBACK}>

عزيزى أسد

طبعا تنورنا ونتمنى متابعتك

بس وصى علينا س س :wub:

[se_ Elsyed]

... خصوصا لما اتعودت انى مقراش حاجة لـ س س فى الشغل ...

<{POST_SNAPBACK}>

بقى بعد العمر ده كله .. تيجي صفاء تخطف مني الزبونين اللي ربيتهم فأحسنت تربيتهم .. وأدبتهم فأتقنت تأديبهم ؟!!!

إذاً سلطنة بورنجا تُعلن الحرب على محلات الكُشري .

وزي ما تاوينا اللي قبلها .. مش هانغلب معاها 

وقيدت القضية

ضد مجهول ... ضد مجهول .. ضد مجهول

[صفاء]

أنا فنانة خالص جدا

بيقولوا مسك السيرة حرام

وانا مؤمنة مـ الساس للراس

انا فنانة انا فنانة

<{POST_SNAPBACK}>

السلام عليكم ورحمة الله ...

ده الفن بيدلدق منها فعلا ..بس واضح ان فيه بعض المعانى هى فاهماها غلط :wub:

تحياتى لك ياصفاء وشكرا على الابتسامة اللى بتهديهلنا مع كل كتاباتك ....

<{POST_SNAPBACK}>

عزيزتى فلانه

اللى زى دى أمثالها كتيــــــــــر

أحب قوى اتفرج على برامج رمضان اللى بتجيب نادية الجندى ونبيله عبيد وهما بيحكوا عن علاقتهم السرية بربنا

والحج والعمرة والذى منه

على رأى الشيخ محمد العوضى أما قال فى حديث له مع أحمد منصور فى قناة الجزيرة :

الرقاصة قبل ما تطلع على المسرح تدعى وتقول ... ياااااااااااااااااارب وفقنى أهز كويس

يا رب اجعلنى أهز باتقااااااااااان يااااارب

:wub:

مفهومهم انه بيعملوا رسالة

اى رساله الله اعلم ... وان العمل عبادة :blush: وهما الصراحة بيعرقوا من كتر الـ..... هز

وهذه نقرة وتلك أخرى :wub:

تم تعديل 1 يناير 2006 بواسطة صفاء

[صفاء]

... خصوصا لما اتعودت انى مقراش حاجة لـ س س فى الشغل ...

<{POST_SNAPBACK}>

بقى بعد العمر ده كله .. تيجي صفاء تخطف مني الزبونين اللي ربيتهم فأحسنت تربيتهم .. وأدبتهم فأتقنت تأديبهم ؟!!!

إذاً سلطنة بورنجا تُعلن الحرب على محلات الكُشري .

وزي ما تاوينا اللي قبلها .. مش هانغلب معاها 

وقيدت القضية

ضد مجهول ... ضد مجهول .. ضد مجهول

<{POST_SNAPBACK}>

س س

عرفتك

انت مؤسسة الإصلاح والتهذيب :wub:

س: سجن ...... س : س س

عموما هو العين تعلى عن الحاجب ؟

منقدرش على زعل س س :wub:

[صفاء]

الحقيقة ستجعليني من قراء باب الشعر والأدب وأترك السياسة ...

<{POST_SNAPBACK}>

لأ

لأ

لأ

صفاء كده هاتسحب مننا زباين قهوة السياسة ..

و لما كلكوا تبقوا فنانين .. أومال مين هايتقبض عليه ؟

<{POST_SNAPBACK}>

ماهو مش اللى بيكتبوا فى السياسة بس هما اللى بيتقبض عليهم :wub:

فى ناس هنا اللهم احفظنا كل ما يدق جرس الباب بتفتكر البعدا جايين يقبضوا عليها :wub:

[صفاء]

بجد راااااااااااااااائع يا صفاء ... الله يخرب عقلك (بعد الشر طبعا) .. ايه ده يا بنتى .. ايه ده بجد ... دول كانوا هنا فى الشغل خلاص ... قالوا الواد اتهدى و مبقاش يضحك زى الأبله و الناس من حواليه تستغرب ... خصوصا لما اتعودت انى مقراش حاجة لـ س س فى الشغل ... تقومى تيجى انتى و ترجعينى تانى للجنان ..

بس بجد من أروع ما قريت ... دمها خفيف بشكل مرعب .. و شربات .. و النبى شربات يا ناس ... اسقاطات فى منتهى الخطورة و معالجة متكاملة و تمكن رهيب ... سيبك انتى .. بجد فنانة .. كنتى فين من زمان يا كابتن؟؟

مهيب

<{POST_SNAPBACK}>

ربنا يشربتك قادر يا كريم :wub:

والله يا مهيب انت مشفتنيش من سنتين كده كنت على رأى عبسلام النابلسى ..

انا نار انا ولعة انا دينامو

دلوقت خلاص بقى اتهديت :wub:

عموما انا مبسوطة انى فرجت عليك الناس :blush: أما استغربوا من ضحكك

يا رب دايما " تنبسط طبعا مش الناس تتفرج عليك"

[daktara]

لو نعيمه عاكف لسه عايشه كانت غنتها

هايله يا صفاء

[الآسر]

برافووووووووووووووو عليكي يا صفاء

بجد جميلة وفعلا فيها ايحاءات عبقرية .. وسخرية من أحوالنا المهببة بجاز

الآية اتقلبت وأصبح الي عايشين حياتهم هما الراقصات والمطربين ولاعبي الكرة

وارمي في الزبالة - معذرة - الدكاترة والمهندسين و ...

عاوزين من ده علي طول يا صفاء الكلمة وصفاء الروح

ومش عارف ليه وأنا بقراها حسيت انها غنوة لثلاثي أضواء المسرح

تم تعديل 2 يناير 2006 بواسطة الآسر

[khedr]

عايز..أعلق ...مش قادر

الله..الله

كمان ياست الكل

[Tafshan]

حلوة قوى يا صفاء :D

تنفع مونولوج يجنن .. ما شاء الله عليكِ

[Diab]

انا فنانة هاذا العصر

من غير كذب ومعر وفشر

فنانة هذا العصر أزاي أمال سنية سوست بتعمل أيه

[هشام الجنيدى]

بجد رااااااااااااااااااااااااااااااااائع جدا يا دكتوره قلتى حجات كتيييييييييييير كنت عاوز اقولها بس معرفتش

بجد منتهى الروعه الفكره جامده جدا جدا جدا

وفكرتنى بفيفى عبده ودينا

فيفى عبده اتعودت تصلى ركعتين قبل كل رقصه بنيه ان ربنا يوفقها فى النمره الجايه (قالتها فى برنامج اعتقد حوار صريح جدا جدا )

ودينا بعد الفضيحه اللى بشرايط راحت حجت ورجعت تكمل شغلها على نضافه

والله حاجه تجنن وتعل وتجيب امراض الشيخوخه :D

استمرى وفقك الله

[شاعرالرومانسية]

د. صفاااااااااء

تسلم ايدك وقلمك الساخر

بصراحة ... قمة المأساة هى حالة الازدواجية اللى بيبقى فيها اخوانا الفنانين من هذة النوعية

وقد اجادتى فى عرضها باسلوب غاية فى الرشاقة والسخرية ... تسلم ايدك

انا فضلت اقرأ وانا منتظر اوصل لاسم او اشارة للشخصية المراد الحديث عنها .. وفوجئت بالنهاية تأتى بدون اشارة لشخصية بعينها

وهذا قمة التألق ...

ان تتركى الكلمات لتعبر عن كل من به من تللك التوصيفات

تقبلى منى خالص المنى ،، ولقلمك .. كل التقدير

[Diab]

يا صفاءءءءء هو أنتي صحيح دكتورة