سؤال لحبايبنا المصريين فى الامارات لانى فى مشكله كبيره

[kokokoko55544]

معلش ياجماعه الموضوع عاجل لانى فى مشكله بعد ما تقفلت فى وشى الابواب

انا حللت فى المختبر والبرج ومعمل الفا حللت تحاليل السفر للخارج اللى هيه الاجسام المضاده لفيروس سى وبى ووظائف الكبد والتحاليل الحمد لله طلعت سلبيه  المهم روحت حللت فى المعامل المركزيه طلعت النتيجه وجود اجسام مضاده لفيرس س

  عيدت الاجسام المضاده فى معمل اخر   اسمه اوتولاب فى المنصوره بره  تانى وطلعت الاجسام المضاده  لفيرس سى سلبيه

  المهم عشان مطولش عليكو المعامل قالولى مش بنعتمد اى نتيجه معامل خاصه  انا كده خدت بلاك لست من السعوديه والكويت وقطر والامارات

والطريقه الوحيده قدامى دلوقتى  انى اطلع زياره الامارات 3 شهور واادور على شغل  ولو لقيت ان شاء الله الامارات بتعمل هناك تحليل البى سى ار  مش الاجسام المضاده   لان كل الفرص قفلت فى وشى

 

 

سؤالى للمصريين فى الامارات هل يجماعه 3 شهور كافيه انى الاقى شغل انا مهندس اى تى ومعايا شهادات دوليه من ميكروسوفت وسيسكو ccnp

ممكن بس تدلونى اعمل ايه فى التلات شهور دى لانى مليش حد فى الامارات ومش عارف الدنيا اخبارها ايه هناك

 

يعنى انزل مدينه ايه  ولو عاوز سكن رخيص تنصحونى بايه  والمواصلات اخبارها ايه واحسن محافظه لمجالى ايه مع انى معايا خبره كويسه

ومعلش ممكن انزل اعلانات فى اى جريده ولو اتقفلت الدنيا فى وشى وملقتش حاجه التلات شهور مفيش اى سكه فى الامارات تعرفو اى مكان واى مجال اشتغل فيه لحد ما اظبط الاقامه وابقى بعد كده ادور فى مجالى

 

 

انا اسف على التطويل بس دى الفرصه الوحيده اللى قدامى بعد ماكل السكك قفلت فى وشى بسبب تحليل ظالم