أرغب فى العمل فى الغرب هل من مشورة

[sos]

حاول يا وائل ان تنجح بتفوق فيما تملك الان ....لتنجح غدا فيما تطمح وتصبو اليه

اجعل هدفك القادم ...ان تكون من المتفوقين فى دراستك الخاصة...لتعفى من المصاريف ...ليس عن فقر ...ولكن لتذوق طعم النجاح...ولتظهر وتثبت لنفسك ولمن حولك انك اهل للنجاح....

النجاح ادمان يا وائل حاول ان تدمنه

وتوقف عن الانتقاد ...فيما يخص الوضع العام....فانت لم ترى بعد الصورة كاملة

[New]

الاخ العزيز وائل

اولا...اشكرك على روحك الطيبة

كونك ان ماعرفتش تحقق حلم او اتنين فى حياتك ده مش معناه انك خسرت كل شئ.... مفيش حد فى العالم يقدر يحقق كل احلامه... وانا واحد من الناس دى بس بصراحة عمرى ما تعبت من تكرار المحاولة و عمرى ما يأست من تحقيق حلم... و فى النهاية لو الحلم ده ما اتحققش اعرف انه ما كانش فيه خير لى..

على فكرة دايمآ ربنا بيختار الافضل لنا بس احنا نرضى ونقتنع بكده.. زى ما قلتلك صلاة الاستخارة باذن الله حتدلك على الطريق الصحيح... حاول انك توصل لهدفك مرة واتنين وتلاتة واعمل كل اللى تقدر عليه... وكون دايمآ مقتنع ان الهدف ده لو فيه خير لك ربنا حيديهولك.

دلوقت انت عايز تسافر... انا بشجعك على كده بس عايزك تمشى فى افضل الطرق للوصول لهدفك..

وباذن الله بالتوفيق انت وكل اللى زيك..

[wael_hashish]

الف شكر على روحكم الجميله وباذن الله هطمنكم عليه قريب لانى ناويت اسافر دبى فى شهر 2 بعد ما اخلص الترم الاول وباذن الله حاسس بنجاح فى السفاريه دى وعاوزكم تكونى معايا كلكم لان للاسف مفيش حد من اصحابى واقف جمبى فى اكتر وقت نفسى ان اى حد يقف جمبى فيه وادعولى وياريت الاخت نشوى متكنش لسه زعلانه منى وسلامى للجميع

[nashwa]

الف شكر على روحكم الجميله وباذن الله هطمنكم عليه قريب لانى ناويت اسافر دبى فى شهر 2 بعد ما اخلص الترم الاول وباذن الله حاسس بنجاح فى السفاريه دى وعاوزكم تكونى معايا كلكم لان للاسف مفيش حد من اصحابى واقف جمبى فى اكتر وقت نفسى ان اى حد يقف جمبى فيه وادعولى وياريت الاخت نشوى متكنش لسه زعلانه منى وسلامى للجميع

<{POST_SNAPBACK}>

معلش أسمحلى بتعليق ... (أصل أكبر أخواتى وأتعودت على التوجية :rolleyes: )

معادلة بسيطة :

99% جهد + 1% حط = النجاح "" الجميل""" بأذن الله

تمنياتى بكل التوفيق والخير من الله ...

................................................................................

......................................

بالمناسبة ""مصر""" أجمل بلد - ناس - أرض - سما - تراب - هوا فى الدنيا ... أنا بتكلم عن ""مصر :P """ مش عن الناس اللى حاكمة مصر ... بعد عشرين سنة """حتحس""" أنا بتكلم عن ايه ويمكن تفتكر الجملة دى.

[سقراط المصري]

الأخ العزيز وائل

تمنياتي لك بمستقبل ناجح، وربنا ييسرك امورك في السفريه دي، ولو ماتمتش ماتزعلش لان الجايات اكتر من الريحات.

ولو عوزة حاجه ، اخواتك هنا موجوديين.

تحياتي

اخوك سقراط

[الطيار]

السلام عليكم ورحمه الله وبركاته

جميل جدا انك فكرت في موضوع الهجره ده من سنك الصغير ده يا وائل

نصيحتي ان تحاول بكل جد الحصول علي الهجره بأي طريقه قبل سن25

انا شخصيا أندم علي كل لحظه لم افكر فيها بالهجره قبل ان يقرب عمري من30 ولا أجد عمل يمكن ان يقال عنه تجاوزا مناسب

ولكن ان قررت البقاء في هذه البلد (مصر) فلابد ان يتوفر لك احد الشروط التاليه ::

1-ان يكون لك واسطه قويه من الاقرباء حتي يوفروا لك العمل المناسب حتي بالثانويه العامه الي ان تكمل دراستك

ثم ينقلوك الي مكان افضل بمؤهلك داخل نفس المنشأه .

2-أن تكون من أبناء العاملين داخل احد شركات البترول او المصالح الحكوميه المختلفه .

3-أن يكون لديك من المال ما يغنيك عن العمل وعندها يمكنك ان تعمل أي شئ ولا تنتظر أي عائد منه(مجرد ذهاب واياب للعمل).

4-أن يكون لديك ضمير الخائن ولسان النصاب حتي تستطيع العيش في مصر .

واذا لم يكن لديك اي من هذه الشروط............فاهرب فورا

اهرب

اهرب

اهرب