تأشيرتى اترفضت من غير سبب... ا.احمد رسلان وا. خالد شحاتة

[aboroka]

انا جوازى ف القنصلية من اكتر من شهر والمكتب كلمنى التهاردة وقالى جوازى رجع من غير تأشيرة وراجع كل الورق وكله سليم وميعرفش سبب الرفض وهيروح بكرة يعمل استعلام عن سبب الرفض ... هل الجواز اللى بيرجع مبيعرفوش السبب ايه ... والاستعلام ده بياخد وقت اد ايه ؟؟؟

[aboroka]

انا صيدلى والمهنة موحدة ف الجواز والتاشيرة بس انا كنت هناك قبل كدة والمكتب قالى ان شهادة التخرج مش محتاجة توثيق ملحق ثقافى .... هل الكلام ده صحيح ولا لا وهل ممكن يكون ده سبب الرفض ولا ايه ... انا قلقان اوى بالله عليكم طمنونى

[bueemaje]

انا صيدلى والمهنة موحدة ف الجواز والتاشيرة بس انا كنت هناك قبل كدة والمكتب قالى ان شهادة التخرج مش محتاجة توثيق ملحق ثقافى .... هل الكلام ده صحيح ولا لا وهل ممكن يكون ده سبب الرفض ولا ايه ... انا قلقان اوى بالله عليكم طمنونى

عزيزى كلام المكتب خطاء تماماأ

لايتم التعامل مع اى مستند داخل الققنصلية مالم يكون موثق من الملحق الثقافى السعودى

تحياتى

[aboroka]

هية الشهادة موثقة من ٤ سنين لانى كنت هناك لسة وعملتلها توثيق جديد من الخارجية وروت الجامعة عملت تحديث بيانات ... هوة المكتب قالى التوثيق القديم يمشى ... المكتب بقة مش عارف سبب الرفض هل كل المكاتب مبتعرفش سبب الرفض ولا ايه

[aboroka]

وشكرا اوى لردك اخى العزيز

[ahmedraslan]

كلام المكتب صحيح بالنسبه لتوثيق الملحق الثقافي المعتمد من فهد من 4 سنوات يمشي للتاشيرة مفيش مشكله لكن لو هيتم تصديق المؤهل من القنصليه مش هينفع الختم من 4 سنوات لازم ختم جديد

[ahmedraslan]

بالنسبه لاجواز اللي بقاله شهر في القنصليه

مفيش حاجه اسمها جواز بقاله شهر في القنصليه ... في اسباب انه يفضل شهر وﻻزم خﻻل الشهر ده بيكون بيتقدم ويترفض وﻻزم الموظف بيكتب سبب الرفض ونادر جدا جدا لو خرج جواز مرفوض بدون كتابة سبب الرفض وده ما بيحصلش لجواز متاخر لمدة شهر زي ما حضرتك بتقول

اكيد في مﻻبسات تانيه يعني مسمي المهنه في التاشيرة ومسمي المهنه في الجواز اوعدم تطابق المؤهل للتاشيرة او مشكله في الكشف الطبي وهكذا .... يا ريت توضحلي ظروف التاشيرة بالظبط

[aboroka]

المهنة زى ماوضحت لحضرتك صيدلى ف الجواز والتاشيرة بردو صيدلى لصيدلية كذا ... مكتوب كدة فى ورقة النت يعنى متطابقة ولا ايه انا مشوفتش التاشيرة نفسها... والكشف الطبى لائق من موقع انجاز ومن وزارة الصحة

[خالد شحاته]

انت غيرت جواز سفرك القديم الا نزلت نهائي عليه ولا نفس الجواز

[aboroka]

نزلت نهائى عليه مغيرتوش.... هوة كدة فيه مشكلة ولا ايه؟

[خالد شحاته]

طبعا هو كدا المشكله معك اخلاء طرف من الكفيل القديم لابد تقدمه معه الاوراق للقنصليه  الاحسن كنت غيرت الجواز من الاول

[adelsaker]

ارجو المساعدة 

ذهبت الي السجل المدني تغيير المهنة

 

طلبت تغيير المهنة حسب العقد مهندس كيمائي عام 

 

الموظف قال لازم نكتب في البطاقة مهندس كيمائي عام بالخارج

 

هل هناك مشكلة تواجهني في السفارة مسقبلا

 

ارجو المساعدة

 

عادل

[خالد شحاته]

مفيش اي مشكله عادي جدااااااا

 ربنا يوفقك