مدفع الافطار بتاعنا .....!!!!!!!

[هشام الجنيدى]

مدفع الافطاااااااااار اضرب ....هييييييييييييييييه

هوه ده كل اللى احنا عليه بنقدر

كل يوم نضرب مدافع...

بس لجل نقوم ونفطر

مدفع الافطار بتاعنا بس صوت !!

صوته عالى ......

صوت يوصل للعلالى

بس ميسببش موت ...!!

اصل انا نحب السلام ..!!

والسلام عليك يا شعب

قضى عمره فالكلام ..!!

والكلام ده خلى طوب الارض كله منّه يسخر...!!..!!!..!!!

مدفع الكفااااااار اضرب ....اىىىى

مدفع الكفار ده مبيرحمش حى!!!

مدفع اسود ....

زى قلب اللى منشن عالقلوب الخضرا فى بلدنا وجى ...

جى دايس عالزناد .....

جى يقطف كل زهره .....

ريحتها فاحت فالبلاد!!

اصل انا مش وش خير ...!!

وطيرنا مكسور الجناح ....

يعنى مش عارف يطير ..!!!

وكل ثانية عليه تمر بتبقى اخطر..!!!!!!!

والاسد اللى حاميه جوه فى عرينه العتيق!!

كتفوه وادولو بنج ....

وخلعو نابه وهوه مش حاسس بشئ!!

ولما فاق والجرح وجعه

والالم من نومه منعه

قام يدوّر عالمسكن ملقهوش!!!!

والديابه اللى كانو يخافو منه .......

صارو منه مبيخفوش .!!!!

اصل شكله بعد ما خلعولو نابه ....صار يضحّك لمّا يزأر!!!!!!!!!

يا اسد راحت عليه ..

ولسه مش عاوز يصدق!!؟

لسه قاعد تعمل ايه ؟؟

يوم نهايتك فجره شقشق

فجر ملياه الغيوم ....

هز نفسك بس قوم ...

بص بصه فالمرايا ....

تلقى جسمك صار هزيل ....

والعنين ضلّمها ليل ....

تلقى نفسك زى شجرة..!!

فقلب صحرةاتحولت فيها الحياه ...رمل اصفر.!!!!!!!!!!!! :angry2:

[Doofy]

==============================================

بجد صدق اللي قال هم يضحك وهم يبكي...

قد ايه بقينا ولا حاجه بعد ما كنّا مناره للعالم كله في كل حاجه...

عجبني قوي الأسلوب والتشبيه الساخر الواعي ...

والداعي في نفس الوقت لنظرة تأمل في حالة الهزل العامه اللي بنمر بيها ...

قد ما ابتسمت من سخرية الكلمات قد ما حزنت لما افتكرت ان الكلام داه علينا احنا ...

معرفش اوصفها بأيه بس ممكن نقول عليها ابتسامة حزن :wub:

تحياتي ليك استاذ / هشام الجنيدي

وننتظر الجديد دائما

[shahd]

مدفع الافطاااااااااار اضرب ....هييييييييييييييييه

ده كويس انه مدفع وبس ...... وما خفي كان اعظم؟؟؟؟؟؟؟؟

هوه ده كل اللى احنا عليه بنقدر

كل يوم نضرب مدافع...

بس لجل نقوم ونفطر

ما هو احنا ما نقدرش على الجوع تجيلنا قرحة واحنا اصلا كروشنا فارغه :wub: ..........

مدفع الافطار بتاعنا بس صوت !!

صوته عالى ......

صوت يوصل للعلالى

هو احنا نعرف حاجة في الدنيا غير الصوت العالي وياسلام علينا لما نولول تقلش كروان

بس ميسببش موت ...!!

اصل انا نحب السلام ..!!

والسلام عليك يا شعب

قضى عمره فالكلام ..!!

ماهو لابد من السلام لولاه ماكناش حنقدر ننام واحنا خم نوم

والكلام اهو فض مجالس تضيع وقت اي حاجة والسلااااااام

شر البلية مااااااااايضحــــــــــــــــــك

هشام حقا دائما كلماتك لها طابع متميز وحرفية عاليه

تجعلنا دائما نرفع هاماتنا كي نصل ولو بخطط حثيثة الى مستوىابداعك

سلمت اناملك وبارك الله فيك :D

تم تعديل 18 أكتوبر 2005 بواسطة شهد

[soooo]

تصدق بالله يا استاذي

: لا اله الله الله

: سيدنا محمد رسول الله

انا قعدت فترة بعيد عن المحاورات .. وطول الفتره دي بأمنّي نفسي برائعة من روائعك ..

وفعلا .. تحققت الأمنية

بجد بجد .. انت استاذ

عارف انا بقالي تقريبا يومين ما نمتش .. ولما دخلت المحاورات لقيت موضوع ليك .. قلت أستنى .. أخللي موضوعك في الآخر عشان أحللي بيه

بجد كلماتك على قد ماهي بسيطه وساخره .. لكن جات عالجرح .. اي والله يا استاذي

بس أمانة عليك يا استاذي ..

افضل قول قول قول ..

ده كلامك ليه المفعول

وسلام يا استاذي عشان انا بانام على روحي والكيبورد زرايره داخله في بعض والسرير منظره مغري موووت ده غير ان الدنيا ابتدت تضلم عندي ..

مين طفىّ النور :blush:

[Mina]

كلام جميل جدا .. معبر .. و قوى

أفكار كثيره فى سياق مشهد حياتى بسيط ..

تحياتى أستاذى على الابداع ..

[Salwa]

دائما اجد كلماتك منورة المكان وكأنها تذكرنى بمجموعة شباب فى قمة الحماس وبمنتهى البساطة بيقولوا كل اللى جواهم ..

بيتكلموا وهم لسة مودعين الطفولة ورايحين فى طريق الرجولة الكاملة ..

بيتكلموا بكل البراءة اللى لسة لم تلوثها اى تغييرات ...

بيتكلموا وجواهم قلوبهم الشفافة واجسادهم الفتية ....بيتكلموا بكل حماس .

بيتكلموا ....

وعلشان بيتكلموا بصراحة ....بيطلع الكلام هو كمان رنان ...بس مش اجوف .

ياريت تفضلوا كدة على طول ..

هشام جنيدى ........تحياتى .

[هشام الجنيدى]

السلام عليكم جميعا

ااخوانى الاعزاء شكرا على كل شىء

الجديد دوفى شكرا على مرورك الكريم ورايك الذى اؤيدك فيه هيه فعلا ابتسامه حزن ابتسامه طعمها مر ولكن ........

الاخت شهد شكرا على مرورك الذى دائما يعطر صفحتى وتعليقاتك الجميله دى كلها

سوووووووووو حبيب قلبى انتا فين يا عم بقالى كتير مقريتش حاجه ليك ايه انتا بطلت ولا ايه لا لالالالازم تكتب انتا كمان

اتمنى ان اقرا لك قريبا جدا .......

مينا الشاعر الواعد فى منتدانا الجميل لك اسلوب جميل وانتظر منك المزيد ........

مدام سلوى سعدت جدا جدا جدا عندما وجدت مداخلتك التى انتظرها فى كل عمل اكتبه لان راى حضرتك يهمنى جدا جدا جدا

وان شاء الله نكون عند حسن ظنك ونكتب بحماس وحماس بس على الله منحبطش لدرجه تخلينا نموت من غير منكتب اى شىء

شكرا لكم جميعا واعتذر على تاخرى وده لانى مزرتش المنتدى من زمان بس انا الخسران........... :D

[شاعرالرومانسية]

أخى العزيز ،،، هشام

لم اشاهد رائعتك تلك الا اليوم ...

وكم ندمت جدا على عدم قرائتى لها خلال الفترة السابقة

كلماتك البسيطة .. المعبرة ، النافذة الى القلب .. والعقل

تعبر عن كل ما تجيش به صدورنا .. وتتلاقى مع مشاعرنا

اهلا بك وبكلماتك الرائعة ..

[soooo]

سوووووووووو حبيب قلبى  انتا فين يا عم بقالى كتير مقريتش حاجه ليك ايه انتا بطلت ولا ايه لا لالالالازم تكتب انتا كمان

يا استاذي الفاضل .. الحكاية مش اني مختفي ولا بتاع

بس انت عارف .. رمضان الواحد بيقضيه في الصوم بالنهار .. وبالليل قرآن وتراويح

ولو بعد كده عرف الواحد يهرش في دماغه .. يبقى ايييييييييه

بس سيبك انت .. (لازم تكتب) فكرتني بالفيلم بتاع هنيدي .. (لازم تشرب) :)

وسلام يا استاذي

[anaconda]

يا عم ده مدفع الإفطار بتاعنا حيفضل كده مدام احنا عايزينو ومش رافضينو ( بالإرادة )

اسلوب رائع متميز شكراً ليك استاذ هشام

[رعد الاسكندرانى]

الول كل سنة وانت طيب وان كانت متاخرة بس اعذرنى يا هشام لانى مشغول جدا فى رمضان...................طبعا بهرتنى النهارده برائعتك الجميلة حقيقى تسلم ايدك....مقارنة

جميلة ناس مستنية المدفع يفطرها وناس مستنياه يموتها........شعور جميا منك انك تفكرنا باخوانا فى فلسطين والعراق ربنا يفك اسرهم.مستنى ابداعات جديدة....عيد سعيد

[هشام الجنيدى]

شكرا لكم جميعا على مروركم الكريم

عزيزى شاعر الرومانسيه الحال من بعضه انا برضه فاتنى كتير قوى فى المنتدى لانى مبقتش بلاقى وقت ادخل زى الاول بس انا اشكرك جدا على اهتمامك ده

سووووووو على رايك فعلا ده اللى بيحصلى بس انا سعات بلاقى ساعه ولا اتنين كده فوسط اليوم قبل الفطار لما برجع بدرى وبرضه مستنى اعمال جديده ليك

صح يا اناكوندا كلامك صح بس ادينا كلنا بنتكلم والكلام لابيودى ولا بيجيب

رعد الاسكندرانى كل سنه وانتا بالف سلامه و شكرا على مرورك الكريم الذى اسعدنى حقا واتمنى ان اقرا لك الجديد من الاعمال لان اسلوبك بيعجبنى جدا فى الكتابه

متتاخرش كتير ومتروحش وتقولب عدولى زى كل مره :D

وشكراااااااااااااااااا :wub: :ph34r: :huh: :huh:

[صفاء]

مدفع الفطار بتاعنا مبقاش حتى قادر على إصدار الفرقعة

بيضرب فى العسكرى الغلبان اللى واقف عليه .. والدولة بتقدره وبتصرفله 200 جنيه تعويض

هشام ..

سلمت أناملك

[مى محمد]

رائع كعهدنا بك يا استاذ هشام.....كلماتك كالسوط....وتعبيراتك هى السهل الممتنع

بارك الله فى موهبتك..وبارك لنا فيك