متابعة انتخابات مجلس النواب 2015

[tarek hassan]

ننشر النسب النهائية للمشاركين في الانتخابات البرلمانية بمحافظة مطروح
=========================================

مرسي مطروح 26 %
النجيلــــــــــــة 26 %
برانـــــــــــي 35.6 %
السلــــــــوم 52.6 %
الحمـــــــام 36.14 %
العلميــــــــن 38.6 %
الضبعـــــــــة 33.5 %
سيــــــــــــــوة 35 %
============
أجمالي نسبة التصويت بمحافظة مطروح 31 %

 

[أبو محمد]

إستطلاع بصيرة: 30% نسبة التصويت فى المرحلة الأولى للانتخابات البرلمانية

لا هى زى نسبة انتخابات مبارك

ولا هى زى النسبة اللى طلع بيها الـ "مقاطعون" الساعة واحدة ظهر اليوم الأول 2.7%

وأخذوها على مواقع الفيسبوك وأهدوها على طبق من فضة للأخوان

بالأمس شاهدت خروف اسمه "القدوسى" بيردد هذه النسبة طوال التوك شو فى قناة المفروض انها محترمة "فرانس 24"

 

ما تشغلوش بالكم .. لن تتحقق أمانى من لا يريدون أى خطوة للأمام لهذا البلد

[حسين امبابي]

عبد الرحيم " باشا " علي فاز بمقعد النواب عن دائرة الدقي والعجوزة .... تباً للبرلمان

[أبو محمد]

برغم هجومى عليه بسبب ميوعته السياسية

إلا أننى احترمت حمدين صباحى لعدم انسحابه من سباق الرئاسة

برغم أنه شخصيا - وأى عاقل على أرض مصر - لم يكن يرى أملا حقيقيا فى كسب ذلك السباق

 

[أبو محمد]

الهزيمة المدوية - التى لم أكن أتوقعها - لحزب النور فى معقله

الفوز من الجولة الأولى - الذى كنت أتوقعه - لعبد الرحيم على

مؤشران مهمان للتأمل .. لمن يريد أن يفهم الشعب المصرى

 

لم تعد هناك أهمية لدعاوى قضائية فى المحاكم لحل الأحزاب الدينية

ولم يعد هناك داع لتوكيلات البرادعى لبعض النخب للحديث بلسانه

:old:

الشعب المصرى خلاص .. "قَرَش الفولة"

[herohero]

 

الهزيمة المدوية - التى لم أكن أتوقعها - لحزب النور فى معقله

الفوز من الجولة الأولى - الذى كنت أتوقعه - لعبد الرحيم على

مؤشران مهمان للتأمل .. لمن يريد أن يفهم الشعب المصرى

 

لم تعد هناك أهمية لدعاوى قضائية فى المحاكم لحل الأحزاب الدينية

ولم يعد هناك داع لتوكيلات البرادعى لبعض النخب للحديث بلسانه

:old:

الشعب المصرى خلاص .. "قَرَش الفولة"

 

حزب النور طبيعي جدا نتيجته لان قواعده وشبابه شايفين ان قادته مايعين ومواقفهم كلها مخزية والحزب ايدلوجيا واضح جدا اما قادته كانوا بيحاولوا يلعبوا بالكلمات والنتيجه فقدوا شعبيتهم

 

اما عبد الرحيم علي فطبيعي يكسب لان الراجل بروز نفسه بشئ لو ف اي دولة طبيعية يعاقب عليه القانون وظهر امام المواطن البسيط انه كشف المؤامرات ع الدولة ( اللي مش عارف بيتآمروا عليها ليه )

 

انا مقتنع جدا ان الحكومة راضيه جدااااااااااا عن الانتخابات ونسب التصويت والبرلمان هو ده المطلوب لتحقيق الصورة المطلوب الحفاظ عليها ( الرئيس ) هو بس اللي صح وبيفهم ويجي برلمان امعة 

مازلت بحترم هذه المداخلة وشايف انها اختصرت كلام كثير 

https://www.youtube.com/watch?v=Gaq63tVrg74

 

[باهى الطائر الحزين]

مابدري يارجاله

هههه

شعبان عبد العليم 

مجلس رئاسة النور

الأنسحاب من المرحله الثانيه للإنتخابات

احد الخيارات المطروحه علي طاولة

 الحزب

 

 

[tarek hassan]

 

مابدري يارجاله

هههه

فاكر عبد المنعم مدبولي 

مقدرش أمشي ومقدرش استنى 

أكيد هيرجعوا للانتخابات حرام 

[أبو محمد]

الكلام ده محتاج شوية فلسفة من بتوع ابراهيم عيسى

شوية تجعير من بتوع عمرو أديب

شوية حزق من بتوع احمد موسى

شوية هبالة من بتوع القرموطى

شوية سم من بتوع فوطة وداود وفضل والأسوانى

[أبو محمد]

 

رئيس حزب "مستقبل وطن"

أصغر رئيس حزب فى العالم (عمره 24 عاما)

 

- حزب شبابى ؟

- نعم

- حاجة تفرح ؟

- نعم .. تفرح جدا

- أومال مالك يابو محمد .. حاسس انك قلقان

- أيوه .. لأن وراه رأس المال .. باخاف من تزاوج رأس المال والسلطة

- يا ترى مين وراهم ؟

- أبو هشيمة .. رأس المال الشاب وعليه علامات استفهام وتعجب

 

راقبوا أداء هذا الحزب .. ضعوه تحت المجهر فى البرلمان

ربما يكون هو الأمل .. وربما نحتاج لوقفة معه أو وقفة ضده

غامض .. غامض

 

هذا حوار معه على اليوم السابع

:)

يوووووه .. تانى ابو هشيمة ؟

وهذان هما آخر سؤالين فى الحوار وإجابته عليهما
 

- وما هى التشريعات التى ستكون محل اهتمام الحزب فى البرلمان؟

- أهم التشريعات لدينا هى الخاصة بالتعليم ثم التعليم ثم التعليم وكل ما يتعلق بتطويره فى الجامعات والمدارس وتفعيل أهمية العلم والبحث العلمى كأساس للانتماء للوطن.

- وجه رسالة إلى المصريين من خلال هذا الحوار؟

اود أن أقول لكل الشباب فى مصر لديكم الآن نموذج يحتذى به هو حزب مستقبل وطن، حزب يحارب من أجلكم ومن أجل أن تصل إليكم كل حقوقكم ولا ينساق وراء خلافات او مشاكل داخلية ويأمل أن يصل للأكثرية البرلمانية ويكون مفاجأة البرلمان ليلبى مصالح وحقوق المصريين ويطبق الدستور والقانون.

 

[herohero]

 

 

رئيس حزب "مستقبل وطن"

أصغر رئيس حزب فى العالم (عمره 24 عاما)

 

- حزب شبابى ؟

- نعم

- حاجة تفرح ؟

- نعم .. تفرح جدا

- أومال مالك يابو محمد .. حاسس انك قلقان

- أيوه .. لأن وراه رأس المال .. باخاف من تزاوج رأس المال والسلطة

- يا ترى مين وراهم ؟

- أبو هشيمة .. رأس المال الشاب وعليه علامات استفهام وتعجب

 

راقبوا أداء هذا الحزب .. ضعوه تحت المجهر فى البرلمان

ربما يكون هو الأمل .. وربما نحتاج لوقفة معه أو وقفة ضده

غامض .. غامض

 

هذا حوار معه على اليوم السابع

:)

يوووووه .. تانى ابو هشيمة ؟

وهذان هما آخر سؤالين فى الحوار وإجابته عليهما

 

 

 

 

بصراحه فرحت جداااااااااااااااااا 

 

الإعادة بين 4 مرشحين بينهم نجل أبو العز الحريرى فى محرم بيك بالإسكندرية

 

 

 

   في أمل 

[أبو محمد]

 

كانوا يتشدقون بأن مصر بلد "شاب" لأن حوالى 60% من تعدادها شباب

ولكن المناسبات المتتالية وبالذات مناسبات الاستحقاقات

تثبت أن مصر بلد "مؤنث"

 

 

[أبو محمد]

بصراحه فرحت جداااااااااااااااااا 

 

الإعادة بين 4 مرشحين بينهم نجل أبو العز الحريرى فى محرم بيك بالإسكندرية

 

 

 

   في أمل 

 

تفتكر هيثم الحريرى بيعيد عشان هو هيثم ولا عشان هو ابن ابو العز الحريرى ابن محرم بك ؟

ملحوظة : أعرف الاثنين شخصيا هيثم ووالده الله يرحمه .. ومحرم بك هى دائرتى الأصلية

 

وتفتكر بعدما انحصر التنافس فى أشخاص محدودة هينجح ؟

هل تعرف ماتتداوله المواقع "الشبابية" بعدما راحت السكرة وجاءت الفكرة وبدأ الناخبون فى الفرز ؟

[tarek hassan]

   في أمل 

 

إحلف إنك هيرو 

بعد ما حبت لنا إحباط 

تقول فيه أمل 

ألف حمد وشكر يارب

اللهم اجعلك من المتفائلين يا هيرر

[أبو محمد]

حكايات وروايات الانتخابات

اتفرج يا سلام .. كشف المستور

أو اللى كان مستور
:)

تهديد منتقبة: الإخوان «ما تنزليش».. والسلفيين «ما تنتخبيش غيرنا»

اليوم AM 08:57

كتب : إسلام زكريا

 

شادية

 

كمن يستغيث، سارعت نحو لجنتها، تتلفت يمنة ويسرة، ما أثار ريبة رجال تأمين لجنة أحمد عرابى فى البدرشين، فاستعانوا بمن يكشف وجهها، لأنها منتقبة كان يعزز الشك فى تصرفاتها، لكنها بررت للضباط والقاضى «أنا جاية أنتخب رغم التهديدات، وخفت حد يكون ماشى ورايا».

 

حديثها أثار الريبة والاحتياط، وقبل أن يباغتها أحدهم بسؤال، استرسلت فى الحديث، تروى المنتقبة القادمة من قرية أبوالنمرس للإدلاء بصوتها فى لجنة المدرسة قصة رفضها التهديدات التى تلقتها من الإخوان فى قريتها، أو السلفيين: «الإخوان هددونى لو نزلت هيدبحوا عيالى، والسلفيين هددونى لو نزلت وصوّت لحد غيرهم، وأنا طنشت الاتنين ونزلت أرضى ضميرى، وأدى صوتى للى يستحقه، وربك هو الحامى».

 

انضمت لـ«الإخوان» وشاركتهم حلمهم قبل أن تكتشف أنه «الوهم والخديعة»

قرار «شادية»، السيدة الأربعينية، كان حاسماً، رغم خوفها وتلفتها حولها خلال فترة التصويت، لكنها قررت الاستغاثة بضباط اللجنة وقصت عليهم حكايتها «عشان لو حصل لى حاجة أنا ولا عيالى الناس كلها تبقى عارفة مين السبب»، لم تطمئن «شادية» إلا بعد انتهائها من التصويت، شعرت أنها أدت الأمانة «بحاول أكفر عن ذنبى لما كنت مع الإخوان وبدعمهم.. سبتهم لما انكشفوا على حقيقتهم، بس هما مش عايزين يسيبونى»، تؤكد «شادية» أنهم موهوبون فى خداع الجماهير، وخاصة فى القرى البسيطة، وما زالوا يتوغلون بسلاح الدين، ولو فى الخفاء، وأن السلفيين الذين ظهروا على السطح «نسخة أسوأ وأخطر كمان، بس لسّه مش مفضوحين زى الإخوان».

 

مخاطر كالخطف والقتل لاحقت أبناءها منذ انفصالها عن الإخوان، لذا تجنبت إحضار أبنائها معها، رغم رغبتهم الملحّة فى مشاركة والدتهم الانتخابات «سبت ابنى عند أمى وقفلت عليهم الباب»، تتمنى فقط لو أكملت تعليمها واستطاعت اللحاق بالتعليم المفتوح، وقتها فقط ستتسنى لها المشاركة فى الانتخابات بشكل فاعل «المرة الجاية مرشحة إن شاء الله، هفضح الإخوان والسلفيين وكل اللى مستخبى ورا الدين».

 

[herohero]

 

تفتكر هيثم الحريرى بيعيد عشان هو هيثم ولا عشان هو ابن ابو العز الحريرى ابن محرم بك ؟

ملحوظة : أعرف الاثنين شخصيا هيثم ووالده الله يرحمه .. ومحرم بك هى دائرتى الأصلية

 

وتفتكر بعدما انحصر التنافس فى أشخاص محدودة هينجح ؟

هل تعرف ماتتداوله المواقع "الشبابية" بعدما راحت السكرة وجاءت الفكرة وبدأ الناخبون فى الفرز ؟

 

انا لو عليا كفاية انه ابن ابو العز الحريري وكمان له نشاط في شعبة الكهرباء ف النقابة 

[herohero]

 

إحلف إنك هيرو 

بعد ما حبت لنا إحباط 

تقول فيه أمل 

ألف حمد وشكر يارب

اللهم اجعلك من المتفائلين يا هيرر

 

يا استاذ طارق  انا  طموحي بسيط نفسي ان احس ان فيه حد هدفه نبيل ولو له أطماع شخصية تبقى بسيطة ،وبالتالي بتعشم خير في اي حد شاب بقول يمكن 

 

فلما سمعت عمرو اديب امبارح  يعني حسيت ان ف اصوات شابه وصلت للاعاده فده بيدي امل يمكن !!! 

 

لو بطلنا نحلم نموت 

 

بس برده قبل ماتحلم فوق احلم وانت فايق

[أبو محمد]

انا لو عليا كفاية انه ابن ابو العز الحريري وكمان له نشاط في شعبة الكهرباء ف النقابة 

طيب كويس .. يعنى عشان هو ابن ابو العز الحريرى

ماشى

لعلمك بقى .. وما تزعلش عشان ده هيهد لك كل اللى المظلومية اللى بتبنيها

ويمسح حكاية تكميم الأفواه اللى انت خاوتنا بيها

وإن النظام بيمنع المعارضين .. وحكاية الصوت الواحد اللى بتغنى وتلحن فيها دايما

خد شوف هيثم إيه إفكاره وإيه موقفه من النظام العسكرى المستبد القمعى

 

 

طيب النحانيح المقاطيع .. قصدى الـ "مقاطعون" ..  مش كانوا ينزلوا عشان ينجحوه من الجولة الأولى

واهو يبقى شوكة فى ضهر حكم العسكر المستبد القمعى والانكلاب الفاشل المترنح ؟

[أبو محمد]

حتى انت عايز السيسى ياخدك على حجره ؟

عجبت لك يا برهامى

[herohero]

 

طيب كويس .. يعنى عشان هو ابن ابو العز الحريرى

ماشى

لعلمك بقى .. وما تزعلش عشان ده هيهد لك كل اللى المظلومية اللى بتبنيها

ويمسح حكاية تكميم الأفواه اللى انت خاوتنا بيها

وإن النظام بيمنع المعارضين .. وحكاية الصوت الواحد اللى بتغنى وتلحن فيها دايما

خد شوف هيثم إيه إفكاره وإيه موقفه من النظام العسكرى المستبد القمعى

 

 

طيب النحانيح المقاطيع .. قصدى الـ "مقاطعون" ..  مش كانوا ينزلوا عشان ينجحوه من الجولة الأولى

واهو يبقى شوكة فى ضهر حكم العسكر المستبد القمعى والانكلاب الفاشل المترنح ؟

 

وده اللي مخليني متعجب  ، لدرجه ان بقول ازاي فلت منهم     

تم تعديل 21 أكتوبر 2015 بواسطة herohero