ماذا كانت السيناريوهات الاكثر انسانية لفض اعتصام رابعه؟

[MZohairy]

باختصار شديد

 

الحقوقيون بيقولوا ان الفض كان وحشي

 

و رغم اعترافهم بوجود سلاح (ايا كان عدده) الا انهم لسه بيقولوا ان الطريقه كانت غير انسانيه

 

ممكن نعرف ايه هي السيناريوهات الاقل وحشيه و الاكثر انسانيه لفض هذا الاعتصام؟

 

بالتفصيل ياريت......مش عايزين عناوين و شعارات

 

سيناريوهات عمليه قابله للتطبيق

[أبو محمد]

كلى آذان صاغية

[ابوهنا]

اولا ماحدث فى رابعه وتفصيله سيظل سر يعلمه الله وحتى بعد الف عام لن نعرف تفاصيله لانه حدث بين طرفين هم اكثر كذبا وهم الشرطه المصريه والاخوان المسلمين

لكن  نستطيع ان نلمس النتائج وهو استشهاد اكثر من 600 شخص على حسب روايه الطب الشرعى....طبعا مجزره ولابد من محاكمه من وضح خطه الفض ومن نفذ خطه الفض لانه عمل تم بطريقه فاشله.

اما فكرة الفض السلمى فهو كالاتى

المعتصمين كانوا بيخلصوا شغلهم ويروحوا يعتصموا ومنهم من كان يذهب للافطار وصلاة التراويح فقط فى رابعه...فاين كانت الدوله الفاشله لماذا لم يتم توقيف هؤلاء من الدوله قبل الفض....الدوله كانت تعلم الافراد المتجهين الى الاعتصام فلما لم تقبض عليهم.

المحصله عندما قررت الدوله فض الاعتصام كان عليها ان تتعقب من يخرج من الاعتصام وتوقفه لحين الفض.

توقيف كل من شكت الدوله انه متجه الى الاعتصام

انهاك من فى الاعتصام بمعنى كل شويه تهجم وترجع تانى

اخلاء السكان من العمارات المجاوره للاعتصام

تدريب الفريق المشارك فى الفض حتى لو سفرتهم فى دوله محترمه يدربوا ويرجعوا

عدم الشحن الدينى الذى حدث قبل الفض الشيح على جمعه يقول لهم طهروا قريتكم وعمرو خالد وغيره

الدوله تعاملت معهم انهم قتله ومجرمين يجب فضهم حتى لو تم تصفيتهم

حتى لو كانوا مجرمين فهم مواطنون يتم القبض عليهم ولايتم قتلهم

هتقول الاخوان هم من قتلوا رفقاءهم وهذا امر مستبعد بالنسه لى ولكن حتى لو كان حقيقه فمن حق الدوله حمايه المقتول من القاتل لانه لو اقدم اب على قتل ابنه فعلى الدوله حماية الابن

ثم يامسلم فيه دوله مش عارفه توقف بث قناه تبث من قلب القاهره....ايه الخيبه دى.

لابد ان نعترف ان الفض كان فاشلا ولابد مره تانيه ان يحاكم من خطط ونفذ.

لو جاتلى فكره تانيه هاقولها

تحياتى للجميع

تم تعديل 21 أغسطس 2015 بواسطة ابوهنا

[الدكتور ياسر]

مش معضلة أبدا

منع دخول اى طعام او شراب للمعتصمين .

اغﻻق الطرق المؤدية للميدان بحيث يكون السير في اتجاه واحد

فقط وهو الخروج من الميدان وليس الدخول اليه وبالتالى تمنع

دخول اي امداد للمعتصمين فيضطر من في اﻻعتصام للخروج منه نجاة بحياتهم واﻻ

البقاء والموت جوعا وعطشا.

قطع الكهرباء عن رابعة والمنطقة المحيطة بها والقبض على اى اعﻻمى يصور او ينقل حال

المعتصمين او اخبار اﻻعتصام مع منع البث ومﻻحقة اى وحدة اعﻻمية تنقل ما يدور هناك.

باختصار شديد منع سبل الحياة عن اﻻعتصام فيضطر من فيه للخروج او البقاء انتظارا للموت.

وكل هذا دون اراقة قطرة واحدة من الدماء.

وإذا كانت كل مؤسسات الدولة تحت يديك وتمتلك كل مفاتيح القوة فانى ارى ان هذا كان ممكنا

وافضل كثيرا من تلك المذبحة القذرة التى لن ينساها التاريخ.

[Scorpion]

هي رابعة في الصحرا و الا في وسط منطقة سكنية ؟

[MZohairy]

علشان كده طلبت حلول عمليه قابله للتطبيق واضعه في الحسبان مل الظروف بما فيها سكان المنطقه و اي اعتبارات اخرى

[الدكتور ياسر]

بخصوص سكان المنطقة .

كان من الممكن جدا استصدار امر من النائب العام باﻻخﻻء

((المؤقت)) للعمائر المحيطة بالميدان ، مع عمل ما يشبه الكردون

من قوات الشرطة و الجيش حول محيط الميدان.

يعنى حصار كامل مضمون النتائج .

[MZohairy]

يخلوا 10 الاف ساكن يودوهم فين؟

خاصة انهم ناس من طبقه كويسه ماينفعش توديهم يسكنوا في مساكن ايواء مثلا

و بعدين لو فيه ناس رفضت تسيب بيوتها و حياتها...او حتى خوفا يسيبوا بيوتهم و حد من المعتصمين يقتحمها و يسرقها

[الدكتور ياسر]

على حد علمي ان عددا كبيرا من سكان رابعة كان يشكو ويتضرر من استمرار

الاعتصام خاصة مع اﻻزحام الشديد حول العمائر والهتافات المستمرة تقريبا طوال الوقت.

بمعنى انه من المتوقع تعاونهم وليس العكس.

وعلى حد علمي أيضا انه تم تهجير اهل سيناء ( قسرا ) لحرب ( اﻻرهاب)

ولم يسال احد عن كيفية ايوائهم اﻻ إذا كنا سنتعامل بشكل طبقي في القضايا القومية،

وﻻحظ حضرتك اننا نتكلم عن (اخﻻء مؤقت ) وليس ( تهجير).

[eslam elmasre]

الاخلاء ولا تقتلك عشرات ومئات والاف بين قنيل وجريح

الحصار ولا تدمر الاف الاسر بقتل عوائلهم

الحكومة لما بتحب تعمل حاجة بتعملها واديك شوفت بنفسك انهم هجرو عشرة الاف اسرة في اقل من اسبوع وممكن يهجرو نصف مليون في يومين لو عايزين

طب بلاش دي

هل حكومتك جربت الحل ده وفشل يعني اعطو انذارات باخلاء المكان وحاصرو المعتصمين واللي يطلع ما يدخلش وشوية خراطيم مياة مثلا وبعد كدة فشلو انهم يفضو اعتصامهم

عشان كدة لجأو للعنف

وبعدين جهابزة الحلول والمفكرين اللي بيحكمو البلد دورو ومالقيوش غير انهم يقتلوهم

[eslam elmasre]

وبعدين اللي كان بيتكلم عن خروج امن بيتكلم عن امر غير واقعي بالمرة لان ماكانش فيه حاجة اسمها خروج امن كان فيه حاجة اسمها اللي يتمسك حي يتلم في البوكسات وكل المناظر اللي كان بيروجوها دي كانت مناظر فشنك

انت خلاص نويت على ابادتهم ازاي هاتديهم فرصة الخروج الامن

اللي خرج ادام قوات الامن اتقبض عليه واللي مات مات والجرحي راحو عالجو نفسهم بعيد عن المستشفيات الحكومية واللي شافوه قبضو عليه واللي فلت منهم تتبعوهم في اماكن اقامتهم وقليل القليل اللي فلت منهم

هي دي الحكاية بصراحة شديدة

[MZohairy]

لا

اعرف شخصيا كتير خرجوا خروج آمن و زي الفل حتى الآن و اقسم بالله على ذلك

[eslam elmasre]

لا

اعرف شخصيا كتير خرجوا خروج آمن و زي الفل حتى الآن و اقسم بالله على ذلك

مصدقك من غير حلفان 

بس بردو انا اعرف ناس خرجت خروج امن واتمسكت بمجرد خروجها ومن غير حلفان

وبعدين المقصود بالخروج الامن ان الناس اللي كانت في رابعة كانت معروفة وسط عائلاتهم وجيرانهم وانت عارف ان معلومة زي دي ممكن تتنقل بكل سهولة للمباحث وعشان كده انا باقولك الخروج الامن هو اللي لما خرجت ما حدش تتبعك ودي انا شوفتها بعيني كتير واعرف ناس اتقبض عليها بعد رجوعها لبيوتها وفيه ناس من اهالي الموتى حمدو ربنا ان ناسهم ماتو لان لو ما كانوش ماتو كان زمانهم دلوقتي لسه محبوسين 

[أبو محمد]

يا حضرات .. كفاية إهانة لعقولنا

إخلاء إيه وكردون إيه ؟

مين اللى كان هيدخل جوه الاعتصام ويعمل كردون

وبعدين ده كان هيبقى عز الطلب

شقق فاضية بغرف نوم وحمامات .. وتبقى زيطة

[MZohairy]

طالما ناس خرجت خروج آمن و زي الفل حتى الآن

يبقى اللي خرج و اتشد...كان شخص مشبوه او عليه العين

بعني اللي ماخرجش ماخرجش لأنه عارف انه مشتبه فيه او مطلوب....و هو اللي اختار البقاء هروبا من حاجه هو عارفها

و بالتالي بقاؤه او خروجه و القبض عليه مايفرقش معانا في حاجه

احنا بنتكلم على الابرياء اللي راحوا هباء بدون وجه حق

تم تعديل 21 أغسطس 2015 بواسطة MZohairy

[أبو محمد]

يتقبض على مين بس يا جماعة ؟

إنتم نسيتم أغلبية المعتصمين كانوا إيه وبكام ؟

دا أيام الاعتصام اختفى حتى الأولاد اللى كانوا بيقفوا فى الإشارات

[أبو محمد]

على العموم ومع كل احترامى لكل الآراء

لم يكن هذا الاعتصام أو بالأصح التمترس "المسلح" لينفض بأى طريقة سلمية ودية لطيفة ظريفة

لأن القائمين عليه أرادوا له أن ينفض بالقوة

 فإن هذه هى تجارتهم

الدماء .. الدموع .. الآلام

[MZohairy]

انا هتكلم بالعكس

كل طرق التفاهم كانت لايمكن تؤدي الى اي شيئ

كانت فعلا فرصتهم الأخيره

بل آخر سنتيمتر في آخر حته في الفرصه الأخيره

و لايمكن يفرطوا فيها ابدا

ده غير الشحن المهول اللي كانوا بيتعرضوا له من المنصه

شحن بالدين و شحن بالحكم و شحن بالخرافات و شحن بالتعشيم و شحن بجبريل و شحن بمرسي راجع و شحن بالترهيب لو خرجتوا هتتقتلوا......ووووووووووووو

فكانت المغادره بالذوق و التفاهم مستحيله

 

فكرة الحصار رد  عليها محللين كتير قوي بأنها فكره فاشله لجغرافية المكان و عوامل تانيه كتير

 

يبقى فاضل فكرة الاغراء بالخروج الآمن

 

و فعلا فيه ناس كتير خرجت و نحسبها بالعقل مع بعض

 

لو مثلا مثلا.....رابعه كان فيها مثلا 300 الف واحد

و مات او اتقتل منهم الف واحد

و اتصاب 9 الاف واحد

و اتقبض على 10 الاف واحد

يبقى كام واحد خرج سليم حر طليق؟؟؟؟

280 الف واحد

و كلهم اصحاء طلقاء و اعرف عشرات منهم بدون اي مبالغه......خرجوا قبل الاشتباك و بعد الاشتباك

ده طبعا بدون ذكر السلاح اللي جوه الاعتصام

 

اعتقد ان النتيجه المنطقيه اللي وصلتلها هو ان استعمال القوه كان حتمي ولا مفر منه

بس كان مفروض يكون اكثر حكمه و انتقائيه

[أبو محمد]

انا هتكلم بالعكس

كل طرق التفاهم كانت لايمكن تؤدي الى اي شيئ

كانت فعلا فرصتهم الأخيره

بل آخر سنتيمتر في آخر حته في الفرصه الأخيره

و لايمكن يفرطوا فيها ابدا

ده غير الشحن المهول اللي كانوا بيتعرضوا له من المنصه

شحن بالدين و شحن بالحكم و شحن بالخرافات و شحن بالتعشيم و شحن بجبريل و شحن بمرسي راجع و شحن بالترهيب لو خرجتوا هتتقتلوا......ووووووووووووو

فكانت المغادره بالذوق و التفاهم مستحيله

 

فكرة الحصار رد  عليها محللين كتير قوي بأنها فكره فاشله لجغرافية المكان و عوامل تانيه كتير

 

يبقى فاضل فكرة الاغراء بالخروج الآمن

 

و فعلا فيه ناس كتير خرجت و نحسبها بالعقل مع بعض

 

لو مثلا مثلا.....رابعه كان فيها مثلا 300 الف واحد

و مات او اتقتل منهم الف واحد

و اتصاب 9 الاف واحد

و اتقبض على 10 الاف واحد

يبقى كام واحد خرج سليم حر طليق؟؟؟؟

280 الف واحد

و كلهم اصحاء طلقاء و اعرف عشرات منهم بدون اي مبالغه......خرجوا قبل الاشتباك و بعد الاشتباك

ده طبعا بدون ذكر السلاح اللي جوه الاعتصام

 

اعتقد ان النتيجه المنطقيه اللي وصلتلها هو ان استعمال القوه كان حتمي ولا مفر منه

بس كان مفروض يكون اكثر حكمه و انتقائيه

 

ما تنساش يا مايسترو أن أول من سقط بالرصاص كان من بين صفوف الشرطة

تفتكر ده لو كان فى أى بلد تانى (بلاش الميدان السماوى الصينى)

لو كان الكلام ده فى بلاد الخليفة السلجوقى العثمانلى .. تفتكر كان هيحصل إيه ؟

[MZohairy]

 

ما تنساش يا مايسترو أن أول من سقط بالرصاص كان من بين صفوف الشرطة

تفتكر ده لو كان فى أى بلد تانى (بلاش الميدان السماوى الصينى)

لو كان الكلام ده فى بلاد الخليفة السلجوقى العثمانلى .. تفتكر كان هيحصل إيه ؟

 

 

معاك....بس خلينا نفترض العكس حتى

هنفترض ان الشرطه شافت حد معاه سلاح و حذرته و لم يستجب و أطلقت عليه النار

ده مش هيغير في الموضوع ابدا

خروج 280 الف من 300 الف. (و ده افتراض مبالغ فيه جدا في عدد المصابين و عدد المقبوض عليهم).... احرار طلقاء اصحاء يعني بما لا يدع مجال للشك ان الشرطه كانت بتسمح بالخروج الآمن

و يعني بالحتميه ان من بقى كان سيبقى و كان باختياره التام 

بالتأكيد طبعا فيه غلابه راحوا في الرجلين.....لكن مش هم القاعده

تم تعديل 22 أغسطس 2015 بواسطة MZohairy