استفسارعن فيزا البنك الاهلى السعودى الخاصة بالكفيل السابق

[عمر المختار]

السلام عليكم. ..سؤال ..كنت العام قبل الماضى اعمل مدرسا بالرياض وخرجت ذهاب وعودة ولم ارجع واتلغت التاشيرة وانتهت الاقامة والسؤال دلوقتى لو رجعت على مدرسة جديدة بجواز جديد وتاشيرة جديدة وطلبوا منى هناك فتح حساب فى البنك واستخراج فيزا هل ممكن اقدم البطاقة القديمة اللى معايا مع صورة الجواز الجديد والاقامة الجديدة مع طلب استبدال مثلا بدل استخراج جديدة ولو كنت مخير ايهما افضل وشكرا

[zemanova]

الحساب القديم والبطاقة الخاصة بيه كانت مربوطة برقم اﻹقامة القديمة .. إنت دلوقتي بالنسبة لهم شخص جديد طالما إقامتك رقمها اتغير.

علي حد علمي استخراج فيزا جديدة بيكون بدون رسوم طالما لك حساب في نفس البنك وراتبك بيحول عليه تلقائيا. رأيي متدخلش نفسك ف متاهات ﻷن غالبا ممكن يحملك مصاريف تجديد البطاقة القديمة اللي المفروض بتتجدد تلقائيا بعد أول سنة

[عمر المختار]

أشكرك

zemanova

حضرتك بتقول استخراج فيزا جديدة بيكون بدون رسوم طالما لى حساب فى نفس البنك وراتبك بيحول عليه تلقائيا وهنا لى أسئلة لو سمحت

- هل رقم الحساب الموجود فى نفس البنك بيفضل صالح للاستخدام حتى لو رجعت بجواز جديد وتأشيرة جديدة وطبعا اقامة جديدة على أساس أقدم طلب تغيير بيانات باسمى الرباعى لأن الحاجة الوحيدة اللى مش هتتغير فى بياناتى هى الاسم فقط اما رقم الجواز ورقم الجوال والإقامة كله هيتغير

- ثانيا مدة بقاء الحساب مفتوح فى البنك الأهلى السعودى التجارى كم سنة ؟ ولو كنت خرجت من المملكة عام كامل ورجعت على كفيل جديد ايه هيبقى وضعى فى البنك

تم تعديل 23 يونيو 2015 بواسطة علاء جادو

[zemanova]

أستاذعلاء
الأرجح إن حسابك بيتقفل بعد م إقامتك بتنتهي مباشرة لكن إعذرني معنديش دراية كافية عشان أجاوبك إجابة مباشرة.
لا زلت مقتنع إن الأفضل تفتح حساب جديد ببياناتك الجديدة وتنسي حسابك القديم