معجزة القرآن

[محاور]

نقطة مهمة يا أستاذ : محمد ..... كل الناس وليس الباحثين فقط الكل يعلم بإعجاز القرآن .....

مفيش حد ممكن يحدد وجها واحد للإعجاز

حرام أن نقول سبب الإعجاز هو كذا أو أنا أقولكم سبب الإعجاز

نعم هناك أبحاث

1- الإعجاز البياني

2- الإعجاز العلمي

3- الإعجاز التشريعي

4- الإعجاز الغيبي

ولكن ليست هذه الأبحاث كل الإعجاز

فإجملا لا يستطيع أحد أن يأتي بمثله

الجدال في ذلك إلحاد إلحاد

عايز تتخصص في نوع من الإعجاز .... ابحث

حتى الغير باحث يدري أنه معجز

الذي يسمعه ولا يفهمه يعلم أنه معجز

وصدق الرافعي

معجز لأن فيه إعجاز وفيه إعجاز لأنه معجز

أخى الكريم طارق... معلش انا قرأت مداخلتك اكتر من مرة و استوعبتها فى سياقها الصحيح الآن فقط.

متفق معاك ان القرآن فيه سر... و هذا السر هو اللذى جعله صامدا امام كل محاولات التشكيك... كلام فيه سر ليس ككلام البشر و لم يستطيعوا ان يأتوا بخطأ واحد فيه, فقاموا بالتشكيك فى الظروف المحيطة بيه... رغم ان الظروف المحيطة هى جزء من تكوين هذه المعجزة.

و متفق معاك فى نقطة صعوبة تحديد اعجاز القرآن بالتحديد... فهو إعجازه انه معجز فعلا و كأن اعجازه سر لا نستطيع الكشف عنه.

و لذلك ساستخدم كلمة اوجه الاعجاز بدلا من كلمة الاعجاز بشكل مباشر.

تم تعديل 5 مارس 2015 بواسطة محاور

[أبو محمد]

الانسان يتكون من ايه؟ جسد + نفس + روح... حد جاب سيرة العقل؟ لا... لإنه عضو من أعضاء الجسم.

اختيارات النفس يا استاذى الكريم هى اللتى تجعلها زكية او مدنسة...

الغريبة ان حضرتك بتذكر الانسان و بتذكر النفس ثم تريدنى ان أقر بأن العقل هو الجزء الاساسى... هنرجع و نقول طيب ليه فيه ملحدين؟ لأ و كمان المحلدين اصلا ألحدوا لان مبدأهم قائم على العقلانية و المنطقية... صلاة النبى أحسن. :)

حضرتك ليه مش مقتنع ان الاختلاف بين البشر سره النفس و ليس العقل؟ رغم ان العقل واحد فى التكوين عند الناس كلها مع اختلاف درجة أدائه فى العمل, و لكن يظل المخ او العقل يعمل بشكل واحد عند جميع البشر.

ولا حضرتك مش مقتنع ان النفس عندها القدرة على الاختيار اصلا؟ و ان العقل هو اللى بيختار؟ لا طبعا مش العقل هو اللى بيختار.

العقل ذكى... بيحلل و بيحط قدام الواحد الاختيار الصح او الغلط وفقا للقيم اللتى ارستها النفس... يعنى فيه تواصل بيحصل بين العقل و النفس... و يظل القرار النهائى للنفس و ليس العقل.

ولا حضرتك اصلا مش مقتنع بعلم النفس؟

يعنى النفس هى اللى بتختار تكون مطمئنة أو لوامة أو أمارة أو فاجرة أو تقية

لوحدها كده ؟ ومالناش دعوة بـ "قد أفلح من زكاها وقد خاب من دساها ؟"

أومال العقل بقى دوره إيه فى الاختيار ده ؟ .. متفرج ؟

كويس انك ما قولتش إن الإنسان غير مخير

[أبو محمد]

حد جاب سيرة العقل؟ لا... لإنه عضو من أعضاء الجسم.

العقل عضو ؟ .. شكله إيه ؟ إوصفهولى لو سمحت

[أبو محمد]

و لكن يظل المخ او العقل يعمل بشكل واحد عند جميع البشر.

يكونش قصدك إن العقل هو المخ ؟

[محاور]

انهى عقل؟ العقل الواعى ولا الباطن؟ ولا حضرتك تقصد الاتنين؟

طيب ايه دور النفس برضه فى الاختيارات؟ العقل الباطن هو التفسير الاقرب للنفس بما يحتويه....

[أبو محمد]

انهى عقل؟ العقل الواعى ولا الباطن؟ ولا حضرتك تقصد الاتنين؟

طيب ايه دور النفس برضه فى الاختيارات؟ العقل الباطن هو التفسير الاقرب للنفس بما يحتويه....

أسئلة ولا اجوبة كالعادة

:)

نأسف لانقطاع الإرسال حتى نتلقى وصف ذلك العضو الذى إسمه "العقل"

[EsoWay]

أنا بعتذر إني تأخرت في الرد على المشاركات إمبارح و لسه شايف الموضوع حالًا ومقرأتش كل الردود لسه . .. أنا متابعك وبشكرك جدًا وياريت تعذرني إني مش بقدر أدخل كتير لإني عشان أرد لازم أبقى لوحدي ودا مش بيتوفرلي كتير

متابعك يا أستاذ محاور

[EsoWay]

عايز أوضح بس إن كلامك عن الإعجاز في سورة المسد دا شيء بيقلل من شأن إله الإسلام إبتدائًا

يعني بحسب فكر هؤلاء الإعجازيون والمثيرون للدهشة كلما سألناهم عن إعجاز القرآن يذكرون سورة المسد

فكأنهم يقولون لنا ببساطة وإختصار

شائت الإرادة الإلهية أن تبقى أبو لهب على كفره حتى يستقيم القرآن ويثبت إعجازه !

ويتنازل إله جبار عظيم خالق هذا الكون المبهر بكل ضخامته وعظمته ودقته بأن يسب أحد خلقه يسبه هو وزوجته في آخر رسالاته للبشرية

بل ويجعل هذا المخلوق هو وزوجته سبابة العالم -سبابة أبدية- حتى يثبت للملأ صحة قرآنه

وعقلًا أساسًا ... القرآن وطوال حياة الرسول كان ينسخ ويبقي آيات أو يحذف منه آيات فهو ببساطة إن أشهر إسلامه ( نفاقًا مثلًا )

كان بإستطاعته نسخ الأيات ببساطة

ما ننسخ من آية أو ننسها نأت بخير منها أو مثلها ألم تعلم أن الله على كل شئ قدير

وإذا بدلنا آية مكان آية والله أعلم بما ينزل قالوا إنما أنت مفتر بل أكثرهم لا يعلمون

وكما نسخت هذه الآيات التي إعترف فيها باللات والعزى

تلك الغرانيق العلى وإن شفاعتهن لترتجى

[EsoWay]

السيد محاور قصة المسد أنا تناقشت فيها كتير وأصلًا الكلام دا كلام السابقون في الحديث عن الإعجاز يعني كنت منتظر من حضرتك كلام جديد معجزة جديدة مش إعادة لكلام السابقين اللي معدش مؤثر وردينا عليه ملايين المرات

[EsoWay]

جمال القرآن البلاغي دا شيء نسبي ... يعني أنا كعربي معجب ببلاغة القرآن وبشغله كتير رغم إني ملحد ولكن معاني الآيات و أساسًا لو ركزت شوية فيه وقدرت تخرج بفائدة متكاملة من سورة معينة دا يبقى شيء عظيم

لإنك بتسمع آيات مكررة طوال الوقت بالإضافة لإنه مفهوش فكرة جديدة بالإضافة لإنك مابتقدرتش تركز فيه لآخره فلو مكنش مرتل بأصوات جميلة صدقني محدش كان شغله واستمعله

اللي خلانا نحب القرآن وأنا على ما أنا عليه وبحب أشغله وأنا رايح الصبح لشغلي رغم كل نظرتي للآيات ولمعانيها وعدم تصديقي لأي شيء فيه دا يدل دلالة واضحة على إن القرآن بشري ممكن تعمل كدا مع أغنيه جميلة منتاش فاهم منها حاجة بس صوت جميل وفيها هدوء وسكون رغم إن ممكن معانيها تكون كلها شر

ليه مفيش كتاب زي كدا ؟ أولًا لإن التراث منقول من المسلمين ومعظم الأشعار الجاهلية كانت فيها نصوص بلاغية يمكن أشد بلاغة من القرآن وأحكم وأقرب للفهم ونصوص واضحة وصريحة ولكن مكنش فيه كل الإهتمام بيها من ترتيلها وتجويدها ونشرها بعدد من الأصوات وطباعتها بكل الكم دا من الطباعات ,, غير كدا أنا عايز حضرتك تتخيل معايا لو حد خرج وقالك أنا هعمل مصحف باسمي وهتحدى أيات القرآن ... هيكون إيه مصيره ؟ تخيل بس !

فإزاي هتتحدى حد وإنتا حاطط السيف على رقبته ؟ وإنتا بترهبه لو حارب دينك هتقتله ؟

تم تعديل 5 مارس 2015 بواسطة EsoWay

[EsoWay]

يمكن أنا أخطأت لما بقول بلاغة ... معرفش بصراحة ممكن اسميها إيه يمكن الكلمة الأقرب إنه ؛( نص أدبي )

لكن كلمة بلاغة لوصف القرآن كله كلمة مش دقيقة لإن لو عرفنا معنى كلمة بلاغة

فالبلاغة تدل في اللغة على إيصال معنى الخطاب كاملا إلى المتلقي، سواء أكان سامعا أم قارئا. فالإنسان حينما يمتلك البلاغة يستطيع إيصال المعنى إلى المستمع بإيجاز ..من ويكيبيديا

فلو القرآن بليغ أو لو الوصف دا دقيق ... مكناش لقينا كل الكم دا من التفاسير والخلافات على فهم الآيات

وأنا هنا بسأل هوا ليه القرآن محتاج لتفسير ؟

فيه ناس هترد وتقولك عشان مينفعش يبقى نص جامد وإلا مش هيبقى مناسب لكل زمان ومكان ... كلام منطقي برضو

ولكن الإختلاف في التفسير بيعمل كل الكم دا من الخلافات في الظرف الزماني والمكاني نفسه . بيخلق آلاف من الفرق والنزاعات وكل واحد بيدعي الحق المطلق وممكن يكفر التاني ويقتله

مينفعش يبقى فيه نص ينفع لكل زمان ومكان أساسًا ,, الفكرة دي كلها غلط

الأديان كلها بتديك نصوص مبهمة نزلت في قصص القصص دي ضاعت مننا أو بقيت وناس شككت فيها أو رفضتها فبتالي ناس شايفة إنه نص يتفسر بحسب الغرض اللي نزل عشانه

وناس شايفة إنه رسالة ربنا للخلق يتفسر تفسير عام ويناسب كل شيء وكل الوقائع

ولكن دا بيعمل نزاعات وفرق زي ماقلنا .. والمفروض الغرض من الأديان توحد الناس وتعملهم قوانين وأسلوب حياة يتعايشوا مع بعض بسلام مش في نزاع وقتال أبدي

لذلك النصوص الدينية نصوص مهما حاولت تفسيرها وتأويلها هتفضل نصوص جامدة

النصوص البشرية قابلة للتعديل وقابلة للتغيير كلها لذلك هي الأنسب في تسسير حياة البشر ومع التطور الإجتماعي النصوص دي تتغير ببساطة ويتجاب قانون مناسب

[EsoWay]

الحديث عن العقل والنفس والروح ... دا حديث مؤمنين بحت
يعني هما مع بعض يقولوا نفس يقولوا روح يقولوا عفاريت وملايكة وشياطين وآلهة براحتهم بمعتقداتهم
ولكن أنا كرجل خرجت من الأديان معرفش النفس ولا الروح اعرف العقل بس
دماغ الإنسان فيه كل قرارات الإنسان ومشاعره وتصرفاته كلها من دماغه

فلو هتقولي العقل غير النفس هقولك النفس دي تبقى فين ؟ وبتفهم منين ؟ بتستجيب ازاي ؟

[EsoWay]

يكونش قصدك إن العقل هو المخ ؟

ليه ميبقاش العقل في القلب مثلًا ؟ مش المؤمنين بيعقلوا بقلوبهم ؟ قلوبهم التي هي في الصدور

تم تعديل 5 مارس 2015 بواسطة EsoWay

[محاور]

جمال القرآن البلاغي دا شيء نسبي ... يعني أنا كعربي معجب ببلاغة القرآن وبشغله كتير رغم إني ملحد ولكن معاني الآيات و أساسًا لو ركزت شوية فيه وقدرت تخرج بفائدة متكاملة من سورة معينة دا يبقى شيء عظيم

لإنك بتسمع آيات مكررة طوال الوقت بالإضافة لإنه مفهوش فكرة جديدة بالإضافة لإنك مابتقدرتش تركز فيه لآخره فلو مكنش مرتل بأصوات جميلة صدقني محدش كان شغله واستمعله

اللي خلانا نحب القرآن وأنا على ما أنا عليه وبحب أشغله وأنا رايح الصبح لشغلي رغم كل نظرتي للآيات ولمعانيها وعدم تصديقي لأي شيء فيه دا يدل دلالة واضحة على إن القرآن بشري ممكن تعمل كدا مع أغنيه جميلة منتاش فاهم منها حاجة بس صوت جميل وفيها هدوء وسكون رغم إن ممكن معانيها تكون كلها شر

يمكن أنا أخطأت لما بقول بلاغة ... معرفش بصراحة ممكن اسميها إيه يمكن الكلمة الأقرب إنه ؛( نص أدبي )

لكن كلمة بلاغة لوصف القرآن كله كلمة مش دقيقة لإن لو عرفنا معنى كلمة بلاغة

فالبلاغة تدل في اللغة على إيصال معنى الخطاب كاملا إلى المتلقي، سواء أكان سامعا أم قارئا. فالإنسان حينما يمتلك البلاغة يستطيع إيصال المعنى إلى المستمع بإيجاز ..من ويكيبيديا

أشهد ان لا اله الا الله.... و أشهد ان محمدا رسول الله.

الله اكبر الله اكبر الله اكبر

و هذا هو اعجاز القرآن الكريم و القرآن يدافع عن نفسه بنفسه... كلام ليس ككلام البشر... كلام مرتل فيه سر و جاذبية و حلاوة غريبة لا يمكن ان توصفها الكلمات...

انت اصلا قفلت اى كلام بعد كلامك و اقرارك بنفسك....

انا كنت فاكرك ملحد بجد و هتعب معاك... لكن انا شايفك متذبذب.... يمكن تكون بتدور على الحقيقة الله اعلم, لكن كلامك ده مش كلام حد واثق من منهجه.

و دى حاجة شفتها فى كل الملحدين بلا استثناء و كتبت هنا عن الملاحظة دى اكتر من مرة... التذبذب... و محاولة الاغراق فى الشهوات زى شرب الخمر و الجنس بشكل جنونى علشان ينسوا.... و دى بقى يا عم حاجة شفتها بعينى فى كل الملحدين اللى اعرفهم... ستات و رجالة... مصريين و اجانب.... يعنى بكلمك عن حاجة شفتها مش سمعتها..

و مع ذلك هرد على تساؤلاتك كلها... بس من ناحية اثبات اعجاز القرآن فأنت اثبته بنفسك...

انت ممكن تسمع كلام شتيمة عن نفسك و تفضل تحب تسمعه طول الوقت؟ تحب تسمع كلام يقول لك هتدخل النار و تتعذب؟ و مفيش اى مقارنة باى اغنية

هو ده اعجاز القرآن... ان فيه سر... انه معجز...

و هرد على بقية كلامك كمان شوية... بس انت من ناحية اثبات اعجاز القرآن, فالقرآن هو اللى رد عليك... لا انا ولا اى حد...

[مسافر زاده الخيال]

أعانك (الله)على نفسك...و اعاننا (الله)على نفوسنا..........

حاول -بصدق (الإقتراب) من الله....و دعك من -تخرصات الملحدين (التي تبدوا في شكل علمي و منطقي)...تسأل عن تعدد تفسيرات القرآن !!! و كأن ذلك دليل على نفي اعجازه!!! و ماذا عن تفسيرات نشوء الكون؟؟ و معنى الزمان؟؟؟و تفسير ما هية المادة وهل الضوء مادة ام موجه و الإنفجار العظيم و الكون الموازي الخ ؟؟؟هل تجعلنا تلك التفسيرات لا نؤمن -بوجود الكون الذي نعيش فيه؟؟؟؟لقد ذكرت في تعقيبات سابقة في غير موضوع ان وجود (الخوف و القلق و الموت)دليل قاطع على وجود الخالق لأنه لو لم يكن خالق للكون وان مصيرنا بعد الموت العدم لما كان ثمة داع للخوف و القلق و الخوف من المستقبل المجهول فلماذا القلق و المصير سيكون العدم فمن احسن او اساء او من مات كهلا او صغيرا فان النهاية واحدة...(عدم الشعور بشيء الى الأبد المطلق)...وذكرت ان الزواج ايضا دليل وجود الخالق(فانت رغم الحادك-او لا ادريتك)لن تقبل ان تتزوج ابنتك او اختك -الا على سنة الله و رسوله-ولن تقبل اي علاقة (بحجة عدم وجود رب خالق)...يقول الله في القرآن ((أم خلقوا من غير شيء ام هم الخالقون))هذه آية قمة الإعجاز (فهل تستطيع الإتيان باحتمال ثالث تنقض به هذا الكلام -غير-ان الإجابة الحتمية ان هناك خالق؟؟؟؟؟

هدانا الله و اياك الى سبيل الرشاد....آمين

[tarek hassan]

العنوان معجزة القرآن والمحتوى الإلحاد .....

كما كنت متوقعا ....

أنا مازلت منتظرا نتيجة النقاس في هذا المنبر الإلحادي

[محاور]

العنوان معجزة القرآن والمحتوى الإلحاد .....

كما كنت متوقعا ....

أنا مازلت منتظرا نتيجة النقاش في هذا المنبر الإلحادي

الرفيق عيسوى بيقول كلام غير عقلانى و غير منطقى. بيقول الكلام و عكسه.... بيحب يسمع القرآن لسبب ما لا يعلمه, رغم ان المفروض انه راجل مبيعملش اى حاجة غير بسبب العقل و المنطق.

أنا ارجح ان الرفيق عيسوى ليس ملحد و لكنه ربما يكون "لا أدريا"... فهو لا يزال بداخله شىء يدفعه الى عدم انكار الله و عدم انكار القرآن, رغم كل الادعائات اللتى ذكرها.... و هذا يؤكد على ان الايمان ليس بالعقل و المنطق, و لكن بشىء أكبر من العقل و حدود المنطق يجبرنا على ان نخضع عقولنا له و نؤمن به.

أما بالنسبة لردك الكريم.... و بما انى خالطت الكثير من الشباب و الرجال و النساء فى مصر اللذين يقولون على انفسهم انهم ملحدين... فبحكم اختلاطى معهم و معايشتى لظروف حياتهم بل و حياتى مع احدهم فى بيت واحد لفترة تزيد عن عام او اكثر, وجدتهم لم يجدوا من يرد على تساؤلاتهم....

الازهر تركهم لكتب الخزعبلات الشيعية و العلمانية و فرج فودة اللى لعب فى دماغ جيل كامل او جيلين او حتى ثلاثة أجيال, و غيرها من الكتب اللتى لا عقل فيها و لا منطق ولا معلومات صحيحة, بينما ظل الأزهر و شيوخه قابعين داخل انفسهم لا يجددون من اسلوب الحديث, و لا يقومون بالدور المنوط بهم ان يقوموا به.

الازهر جزء من الدولة و يمتلك امكانيات ضخمة كان يجب ان يتم تسخيرها فى الرد على هؤلاء الشباب و تساؤلاتهم و افكارهم و منحهم الفرصة فى التعبير عن انفسهم, و دعوتهم الى مؤتمرات شهرية يتناقشون فيها و يعرضون افكارهم... و يبقى فى النهاية القرار لهم.

لكن بكل اسف... الحكام الخونة الخائنين لم و لن يمكنوا الازهر من ان يقوم بدوره, بل وصلت الوقاحة الى الاعتداء على الازهر و سب شيخ الازهر علنا فى التليفزيون الرسمى و الاعلام المصرى - انا اتفرجت عليها بنفسى يعنى مش بقول كلام سمعته.

هل المطلوب ان نترك الشباب لافكار هدامة و مناهج هدامة و واحد مختل يألف كتب عن العلمانية, و يا ريتهم عرفوا يواجهوه بالفكر و تجديد اسلوب العرض... لا راحوا قتلوه و عملوه شهيد و هو اصلا ميسواش تلاتة تعريفة.

تم تعديل 5 مارس 2015 بواسطة محاور

[MZohairy]

و دى حاجة شفتها فى كل الملحدين بلا استثناء و كتبت هنا عن الملاحظة دى اكتر من مرة... التذبذب... و محاولة الاغراق فى الشهوات زى شرب الخمر و الجنس بشكل جنونى علشان ينسوا.... و دى بقى يا عم حاجة شفتها بعينى فى كل الملحدين اللى اعرفهم... ستات و رجالة... مصريين و اجانب.... يعنى بكلمك عن حاجة شفتها مش سمعتها..

الكلام ده مش حقيقي

او مش قاعده

فيه ملحدين كده فعلا

و فيه ملحدين كتير تلاقيه متجوز و مستحيل يخون مراته

و مابيسكرش

و بيساعد الغلابه ماديا و معنويا

و مهذبين

منهم واحد مثلا جاري هنا عنده فان....بيستخدمها 5 ايام في الاسبوع بعد شغله في نقل العفش المستعمل من الناس اللي هتتخلص من عفشها القديم و ياخده يوديه للناس المحتاجه (بدون مقابل)

التعميم آفه خطيره

[eslam elmasre]

لفت نظري قول للزميل محاور اقتبسته

يقول الزميل

و بما ان لكل رسول معجزة.

مش فاهم الصراحة

هل تعني انه من الضروري ان يكون لكل رسول معجزة

اتمنى ان تجيبني بصراحة ووضوح

[محاور]

لفت نظري قول للزميل محاور اقتبسته

يقول الزميل

مش فاهم الصراحة

هل تعني انه من الضروري ان يكون لكل رسول معجزة

اتمنى ان تجيبني بصراحة ووضوح

و ما وجه اعتراضك؟ فيه فرق بين الرسول و النبى... فالنبى لا يشترط ان يكون له معجزة, كانبياء بنى اسرائيل بعد موسى عليه السلام و قبل عيسى عليه السلام - يعنى فى الفترة اللى بينهم... اما الرسول, فكل رسول يجب ان يكون له معجزة تثبت انه رسول حقا... لإنك ستجد الرسل يبعثون الى قوم لم يأتيهم رسول من قبل, على عكس الانبياء اللى ممكن يبعثوا فى قوم اتاهم رسول من قبل, فهم اتاهم اليقين من قبل ان الله قد يبعث انبياء, على عكس الرسول اللذى يبعث فى قوم لم يأتيهم احد قبله يبلغهم بذلك.

و السبب فى ضرورة وجود معجزة... هى اثبات انه فعلا رسول من الله و لا يدعى هذا الأمر...

و المعجزة هى فعل خارق للسنن الكونية لا يستطيع البشر ان يقوموا بفعله مهما كانت قوتهم...