وصلت للدرجة دي !!!!!!!

[هادي]

الاخوة الكرام

لم أتخيل أن اشاهد هذا الكم من (السماجة)

وهذا الكم من (القرع)

في ..

ورقة امتحان !!!

أي والله ورقة امتحان

امتحان (رسم) تربية فنية

ولننظر بأنفسنا .. ونقرأ بهدوء

لنعرف الى أين وصلنا في المحروسة

حتى الاطفال سنرضعهم نفاق و دجل !!

الى أين نذهب .. أفيدونا يا أهل الـ (تربية) و الـ (تعليم)

[bentmasria]

لا حول ولا قوة الا بالله يعنى لازم يرسموه اجبارى

ربنا يكون ف عون اولادنا

موش كفاية التاريخ والجعرافيا والسياسة التى تطارد براعمنا حتى فى قوتهم

هل ستظل تطاردهم حتى فى رسومهم التى يفترض ان تعبر عن التفاؤل وتزرع فيهم قيم الجمال واللون والحركة والبراءة والتفتح والوعى

اللهم اعننا واياهم

[Alshiekh]

ياجماعة انتوا كده حاتزعلونى :blink:

الموضوع والصورة موجودين عندنا هنا فى المندرة بتاعتنا من اكثر من شهر ونص :blink: :D

الموصوع منشور هنا "كله لخدمه الرئيس "

[هادي]

الفاضل Mohammad

أنا بالفعل لم أدخل المندرة حتى اللحظة

لكن قرأت من الوصلة أن الموضوع بالفعل تم اثارته بالمندرة

فمعذرة على التكرار الغير مقصود

ولكني لما قرأت الامتحان العجيب

بصراحه حسيت إني في قمة الغضب

من أشخاص مفروض انهم مؤتمنين على عقول أولادنا

فبدلا من غرس قيم الخير والعدل

نغرس قيم الطبل والزمر والنفاق !!!

شيء عجيب فعلا

[kotoz9]

هذا الموضوع ذكرنى بأمتحان التربية الفنية بتاع الاعدادية اللى امتحنته.فالموضوع كان مشابه وكان ذلك فى العام الدراسى 99-2000 اى بعد الاستفتاء الميمون الذى اكتسحه الرئيس مبارك بالتسعات الخمس المعهودة.

كان السؤال على ما اتذكر:"ارسم مسيرات المبايعة والتأييد التى جابت شوارع مصر للمبايعة فى يوم الوفاء للرئيس والزعيم"

قال يوم الوفاء قال....انا اكتر حاجة معلقة فى دماغى من الالمتحان لغاية دلوقتى هى حكاية وفاء دى!!!!!

طبعا ان وقعت فى حيرة فى البداية فانا ما عرفش وفاء دى ولا عمرى شفتها ازاى حارسمها ولكن اولاد الحلال فهمونى ان المقصود هى الحركات القرعة اللى بيعملها مؤيدوا الحزب الوطنى على شاشات التلفزيون وقتها.

بس لغاية دلوقتى مش عارف ايه علاقة وفاء بالموضوع؟؟؟

اظن(وبعض الظن اثم كما تعلمون)ان واضع الامتحان كان سيدة وكان اسمها وفاء كانت تريد ان تظهر فى الصورة لكى تنال الحوافز والذى منه.او يمكن كان رجل ولديه ابنة اسمها وفاء ويريد ان يوصى عليها لتلحق بوظيفة معينة..على العموم مضى على هذا الامتحان وقت طويل ولم يعد يهمنى من هى وفاء.

المهم انى اشعر بالاشفاق على طلاب الثانوية فى شمال سيناء لأن الموضوع فى الانتحان بتاعى كان اسهل كتير اما الان فماذا يرسموا ....هل يرسموا تحرش بلطجية الحزب الوطنى بالسيدات فى يوم الاربعاء الاسود ولا يرسموا مظاهرات الحزب الوطنى التى يقوم فيها المتظاهرين بالاشارة باصبعهم الاوسط لاعضاء كفاية.....حاجة تكسف والله العظيم.

ولكن انا ارى ان موضوع الشعار اسهل كتير فما عليك سوى ان ترسم عشرين جنيه مكتوب عليها نعم لمبارك وطبعا هذا الشعار موحى جدا.

اتوقع ان يكون الموضوع فى 2011 هو ارسم شعار تأييد لجمال مبارك