اللى جوايا .......

[هشام الجنيدى]

فى يوم فى الصيف...فى عز الحر..وناس ملاين مايتعدوا

وشمسيات..وحضن البحر...بالف دراع بيتمدوا

وناس ماشين .. وناس نايمين..وناس قاعدين بيتغدوا

وطفل برىء..عنيه احلام ..بتبنى امال مايتهدوا

وشمس الصيف ..قالتلو كلام .. وسابت بوسه على خده

وطيارته ...دى شغل ايديه ..لا شغل اخوه ولا والده

تقع مره ..وكمان مره ..يطيرها كمان برضه

ولا بيمل ..ولا بيكل ..ولو كان الهوا ضده

يقوم تانى..ويتحداه ..يعاند فى الهوا عنده

ولما تطير ..البه يطير .. من الفرحه ومين قده

دى طيارته ..دى حلم كبير ..بتقوى عليه وبتشده

ومهما تروح .. لفين هتروح ..يشد الخيط تعود عنده

يا طفل برىء..عايش فيّه ..مهما سنينى بيعدوا

وفى ليّه ..سنين جيّه...سؤال معرفش ايه رده

يا الب نضيف..وحلم وطيف..ويوم ميهمنيش بعده

يا الب ربيع ..معدش رضيع ..وفتّح فى الحياه ورده

هتبقى صغير ..وانا بكبر ...بتمسح فى الشتا برده

انا عمرى ..حاجه وعشرين ..وعمرك تسعه ماتعدوا............... :)

سيظل يسكننى هذا الطفل البرىء الى ان اموت ...............!!

تم تعديل 25 يونيو 2005 بواسطة هشام الجنيدى

[غصن الزيتون]

احب اشكر الاستاذ هشام الجنيدى ليس على قصيدته الرائعه فقط ولكن لما تركت داخلى من عده احاسيس جميله

تطورت مع تطور الابيات:

احساس بنسمه صيف طلت من كلماتها الاولى

احساس بطعم العمل الخارج من ايدين ناس تعبوا

احساس بانى طاير فى سماء النجاح

اخيرا اود ان اقول ان القصيده نقلت لى صوره لكل مجتهد بما فى هذه الصوره من تطورات طارت بمشاعرى

وحلقت بها فى سماء شعر جميل .

واود ان اشكر الاستاذ هشام الجنيدى مجددا واتمنى مزيدا من الابداع والنجاح والتقدم.

غصن الزيتون

[bentmasria]

حقا انت شاب حكيم

::::يا الب نضيف..وحلم وطيف..ويوم ميهمنيش بعده

يا الب ربيع ..معدش رضيع ..وفتّح فى الحياه ورده

هتبقى صغير ..وانا بكبر ...بتمسح فى الشتا برده

انا عمرى ..حاجه وعشرين ..وعمرك تسعه ماتعدوا...............

سيظل يسكننى هذا الطفل البرىء الى ان اموت ...............!!:::::

حروفك ترد على اصعب سؤال

من انت

ذاك الطفل الساكن فيك

بدهشته

ومرحه

وعناده

وفرحته

وحماسه

وانطلاقته مع نسائم الصيف والحلم

لن يكبر فيك ابدا

وتتمنى دائما ان يعود

هشام

اثرت شجونى

وطفولتى البعيدة

وحنينى

للحظة انطلقت داخلنا قبل ان تمس عقولنا

اشكرك على صفاء الروح

ورقة ودقة الوصف

وروعة الاحساس وتميزه

اشكرك الف الف مرة

البنت المصريه

[شاعرالرومانسية]

جميل ان يتذكر الانسان ما مضى من طفولته .. وان يحن اليها بكل مشاعرها البريئة

استشعرت بين الكلمات حنينا شديدا لهذة الطفولة الماضية ..مما اشعل بداخلى حنينى انا الاخر لها

كلماتك الرائعة -اخى الكريم - استطاعت ان تنفذ الى القلوب،،،، فتحرك المشاعر،،،، وتعيد الذكريات

سلمت لنا وسلم لنا قلمك الراقى ... فلك منى كل تحية ولقلمك كل تقدير

[wagdi]

أن تجعل للكلمات معنى...فأنت أديب...

وأن تجعل للكلمات موسيقى...فأنت شاعر...

ولكن أن تجعل للكلمات لون الصيف ورائحة البحر وصوت قلب طفل صغير..

دي يا عزيزي موهبة أهنيك عليها...

تحياتي وعميق تقديري...

[مى محمد]

هنال سؤال واحد يدور فى ذهنى الآن

لماذا لا يوجد حتى الآن ديوان يحمل اسم هشام جنيدى؟؟؟؟؟؟؟؟؟؟؟؟؟

[ebnelganoup]

والله يا مي سبقـتينى انا مش عارف اقول ايه والا ايه والا ايه الراجل ده جامد اوى يا جماعه يتقن القبض على اللحظه

الشعريه اطول فتره ممكنه قوى فى اصطياد المعنى غذير الايقاع واللى نفسى اعرفه معقوله لا يوجد حتى الان ديوان

يحمل اسم هشام الجندى مستحيل يا مي ربنا يذيدك كمان وكمان يا هشام واياك تفكر ان فى حد بيجاملك انت اكثر من

رائع وانا يا سيدى ليا كلام كتير اوى معاك بخصوص رباعياتك وح تكون مفاجئه ليك لاننى فى الفتره الاخيره اكتشفت

بعد الاطلاع على الكثير من الرباعيات التى كتبت من بعد الاب الروحى لنا صلاح جاهين انك انا مش ح قول دلوقتى

اى حاجه عشان انا مشتاق اوى لرباعياتك الجديده يا افضل من كتب الربا عيه من بعده ادينى قولت يا سيدى وانا

متحمل مسئولية كل حرف قولته ربنا يخليك لينا يا هشام ورد علينا بقى يا عم متى سيصدر ديوانك يارب يكون قريب

اوى عشان نقول رايينا ومش هنرحمك خلى بالك اصل احنا غيرتنا عليك شديده ربنا يوفقك يا طبيب القلوب الجريحه

دمت لنا رائع ومبدع دائما

دمت بكل خير وسعاده

ابن الجـنــوب

[shahd]

اليك ايها المبدع اهدي احترامي وتقديري فكم اشعرتني كلماتك بالحنين الى ذلك اليوم الصعب المنال

اخي الفاضل ابياتك دوما تمتعني ........... حقا توقفت عندي الأحرف وانحنت خجلا كل العبارات فلست ادري ما اقول امام مبدع راااااائع مثلك

بارك الله فيك وزادك من بحور عطائه

[الطيار المصرى]

لقد اثرت شجوني ايها المبدع.........

فانا علي الرغم من حداثة سني........الا ان حنيني للطفولة كل لحظة............

فكلما نكبر .. تكبر المسؤلية...يضيق القيد ....و تضيق نظر المجتمع....

من المككن تلخيص هشام الجنيدي في بضع كلمات:

حكيم..رقيق..مرهف الحس..وذو نظرة ثاقبة..

قد قالتها الاخت مي و ازيد عليها......لسوف نري نجم هشام الجنيدي يلمع قريبا في سماء الشعر.... ولسوف يذكر اسمه بجانب العظماء امثال بيرم التونسى وفؤاد حداد واحمد فؤاد نجم

وان غدا لناظره قريب........

الطيار المصري....15سنة

[هشام الجنيدى]

انا مش عارف اقول ايه والله انتو بتحرجونى بكلامكم الرائع

واسف على تاخرى فى الرد لانى كنت مشغول شويه فى امتحانات الجامعه لان دى اخر امتحانات وبعدها اتخرج باذن الله بفضل دعواتكم ليه

اما بخصوص ديوان يحمل اسمى فانى طالما حلمت به ولكن...............

اما بخصوص العظماء فانى لا اعد نفسى واحدا منهم لا تواضع ولكن رحم الله امرىء عرف قدر نفسه ........

فى الامس قابلت من هو اعظم منى ومن كثير من من قابلت فى حياتى انه شاعر بجد اسمه صلاح خليفه بجد شاااااااااعر هو شاب بسيط لا يتعدى عمره الثمانيه والعشرين قول تلاتين مثلا لانى لم اساله عن سنه حاصل على شهاده الثانويه العامه فقط هذا الشاعر المتمكن لم املك الا ان حضنته وقبلته فى وسط الشارع عند بوابه المتولى العتيقه امام عربيه الفول التى يملكها ويعمل عليها بعد ان اجهدنى المشى فى جوله فى القاهره الشعبيه وبعد ان اضنانى الجوع ووجدته امامى فاكلت عنده انا وصديقى وامتعنا حقا بفوله وبما اسمعنا من شعر اقل ما يمكن ان يقال عنه انه من عمق مصر واصالته فكان بجد احلى تحليه بعد عشوه فول جامده

لذلك لا اعد نفسى من العظماء لان هناك من يستحق هذا اللقب وعن جداره واستحقاق............

واما بخصوص ابن الجنوب فانى فى اشتياق لمعرفه رايك فى رباعياتى المتواضعه ...

واشكر كل من مر وعطر صفحتى بكرم مروره .............

وشكرااااااااااا............. :rolleyes:

[shahd]

الأخ الفاضل هشام الجنيدي

بأذن الله ستنال ما تتوق اليه نفسك بل سترقى الى ماهو افضل بفضل الله وكرمه , بارك الله فيك وسدد خطاك :rolleyes:

تم تعديل 28 يونيو 2005 بواسطة شهد

[مهيب]

هشام ... اقولك على كلمة بس ماتزعلش هه .... يخرب بيتك يابنى ايه ده ؟؟؟؟؟؟؟؟؟؟

انت بجد مشكلة .. مشكلة .. موهبة واضحة ... شديدة ... ليها شكلها و روحها ووجودها اللى مفروض بشكل كبير ... متعة قراءة كلماتك العامية .. متعة الاحساس العالى ... مش هنقد المرة دى و اقعد اقول الشطر ده كان طويل شوية أو الشطر ده كان تخين حبيتين ... المرة دى بجد تحية تقدير و احترام لموهبتك ...

وأنا لسه عند رأيى ... أجمل شيء فى كلامك الأفكار ... الفكرة المحورية و طريقة تقديمك ليها ... المفاجأة اللى دايما بتحملها كلماتك لما واحدة واحدة نبدأ نفهم انت عاوز تقول ايه ...

اقرا كتير ... اقرا كتير قوى ... علشان افكارك تزيد و تزيد و تزيد ... علشان تمتعنا اكتر و اكتر ...

تحية معطرة ... تحية مندية .. تحية كبيرة قوى قوى

ومجرد همسة للبنوتة المصرية ... ليه ماتتجمعش كتابات هشام كده فى ركن على جنب ... مش برضه الواد يستاهل ؟؟؟

مهيب

[هشام الجنيدى]

السلااااااااااااااااااااااام عليكم يا من احبهم

بجد انا مش عارف اقول ايه اشكركم ولا اعمل ايه مش عارف بجد

واعذرونى لانى كنت غايب واتاخرت فى الرد لانى كنت مستنى نتيجه الباكلريوس وكنت قلقان جدا بس الحمد لله جت سليمه بفضل دعوات الوالدين وكل من تمنى لى الخير

وفرحتى دلوقتى فرحتين فرحه النجاح والتخرج وفرحه لما لقيت الاخت بنت مصريه جزاها الله خيرا ثبتت لى موضوعا يحمل اسم ديوان الذى طالما حلمت به .........

شكراااااااااااااااااااااااااااااا ليكم جميعععععععععععععععععععععااااااااااااااااااااااااااا :excl: