الى مقيمين الرياض .....محتاج رأيكم ؟

[موديز]

السلام عليكم ورحمة الله وبركاته

الى مقيمى الرياض...اتمنى تكونوا فى احسن حال وصحة

محتاج ردوكم على ما يلى :

1- هل حد يسمع عن شركة اسمها الحسام للمقاولات العامة (عنوانها ش الحسن بن على حى الروضة) ؟

2- ما هى اقرب الاحياء الى حى الروضة؟ وتكون اسعاره معتدلة؟

3- ما هو متوسط الاسعار المعيشية فى الرياض هل فعلا المعيشة فى الرياض غالية (مقارنة مثلا بجدة) ؟

4- هل المعيشة فى الرياض مملة وصعبة كما اسمع ؟

فى انتظار ردكم وشكرا جزيلاااااااااا

[AbuZeyad]

من تجربتي في النقل من جدة للرياض

تكاليف المعيشة العادية زي البقالة واحدة تقريبا وان كانت الرياض ممكن تكون اغلي في بعض السلع

السكن فعلا أغلى لو بتدور على سكن في وسط البلد او ما حولها يعنى من 30 الف وانت طالع وممكن تلاقي ارخص شوية بس في الغالب هايكون تشطيبها تعبان أو في ادوار أرضية

السكن الرخيص على الاطراف وخصوصا في الشمال تلاقي المعروض كتير بأسعار كويسة بس المشكلة انك هناك بعيد عن البلد والخدمات والرياض زحمة مش زي جدة يعني لو ساكن بعيد عن الشغل ممكن تتعب جدا من الطرق والزحمة

وكمان لو عندك اولاد في المدارس الموضوع بيكون اصعب طبعا

الحياة في جدة مبهجة اكتر على الاقل بالنسبة لنا كمصريين لانها شبة مصر الى حد كبير

الرياض مثلا مفيهاش العدد الكبير جدا من المولات الموجود في جدة مع أنها مدينة اكبر نفس الشئ بالنسبة للحدائق والمناطق المفتوحة وطبعا مفيش كورنيش

الشئ اللى ممكن يخلي المعيشة اصعب في الرياض لو كان دخلك مش كويس لانك طبعا هاتصرف اكتر على المواصلات لو معندكش سيارة والغالب السكن اغلي عدا ذلك هي زي اي مدينة سعودية تانية

الرياض مدينة عمل اكتر منها مدينة ترفيه بس مع مرور الوقت اكيد هاتتعود وتعرف تعيش فيها ازاى

بالنسبة لشركة الحسام معنديش فكرة عنها

[شرف الدين]

بصراحة لا يوجد أدنى وجه للمقارنة بين الرياض وجدة ..

جدة مثل القاهرة أما الرياض مثل نيويورك .. وهنا يمكنك المقارنة ..

بخصوص حي الروضة .. الإيجارات في حي الروضة تدور حول 20 ألف .. ممكن أعلى شوية أو أقل شوية .. لكنها في المستوى ده .. وبتكون شقة 3 غرف .. وصالة وحمامين ومطبخ ..

حي الروضة لا يعتبر زحمة لأنه بعيد عن مركز الرياض المزدحم ..

من ناحية المولات .. مولات الرياض أعلى مستوى بكتير جدا من مولات جدة .. والرياض أكثر رقي بكتير من جدة .. من ناحية الزحام .. أكيد طبعا أزحم من جدة ..

[موديز]

من تجربتي في النقل من جدة للرياض

تكاليف المعيشة العادية زي البقالة واحدة تقريبا وان كانت الرياض ممكن تكون اغلي في بعض السلع

السكن فعلا أغلى لو بتدور على سكن في وسط البلد او ما حولها يعنى من 30 الف وانت طالع وممكن تلاقي ارخص شوية بس في الغالب هايكون تشطيبها تعبان أو في ادوار أرضية

السكن الرخيص على الاطراف وخصوصا في الشمال تلاقي المعروض كتير بأسعار كويسة بس المشكلة انك هناك بعيد عن البلد والخدمات والرياض زحمة مش زي جدة يعني لو ساكن بعيد عن الشغل ممكن تتعب جدا من الطرق والزحمة

وكمان لو عندك اولاد في المدارس الموضوع بيكون اصعب طبعا

الحياة في جدة مبهجة اكتر على الاقل بالنسبة لنا كمصريين لانها شبة مصر الى حد كبير

الرياض مثلا مفيهاش العدد الكبير جدا من المولات الموجود في جدة مع أنها مدينة اكبر نفس الشئ بالنسبة للحدائق والمناطق المفتوحة وطبعا مفيش كورنيش

الشئ اللى ممكن يخلي المعيشة اصعب في الرياض لو كان دخلك مش كويس لانك طبعا هاتصرف اكتر على المواصلات لو معندكش سيارة والغالب السكن اغلي عدا ذلك هي زي اي مدينة سعودية تانية

الرياض مدينة عمل اكتر منها مدينة ترفيه بس مع مرور الوقت اكيد هاتتعود وتعرف تعيش فيها ازاى

بالنسبة لشركة الحسام معنديش فكرة عنها

السلام عليكم ورحمة الله وبركاته ....

اشكرك جدا لردك وانا معاك ان طبعا جدة حلوة جدا للمعيشة بس هنعمل ايه ؟ الحمد الله على كل شى

هل عندك فكرة عن الاحياء القريبة من حى الروضة ؟ حتى لو ابعد شوية بس تكون اسعارها معتدلة ؟

هل عند حضرتك فكرة هل ممكن تغيير رخصتى الصادرة من جدة واغيرها للرياض على الكفيل الجديد ان شاء الله ؟

اشكرا ردك جدا وجزاك الله خيرا

[موديز]

بصراحة لا يوجد أدنى وجه للمقارنة بين الرياض وجدة ..

جدة مثل القاهرة أما الرياض مثل نيويورك .. وهنا يمكنك المقارنة ..

بخصوص حي الروضة .. الإيجارات في حي الروضة تدور حول 20 ألف .. ممكن أعلى شوية أو أقل شوية .. لكنها في المستوى ده .. وبتكون شقة 3 غرف .. وصالة وحمامين ومطبخ ..

حي الروضة لا يعتبر زحمة لأنه بعيد عن مركز الرياض المزدحم ..

من ناحية المولات .. مولات الرياض أعلى مستوى بكتير جدا من مولات جدة .. والرياض أكثر رقي بكتير من جدة .. من ناحية الزحام .. أكيد طبعا أزحم من جدة ..

السلام عليكم ورحمة الله وبركاته

شكرا لردك جدا ....ربنا يقدم اللى فيه الخير

هو انا مش لازم اكون فى نفس الحى بس على الاقل فى احياء قريبة او حتى ابعد قليلا واسعارها تكون معتدلة ؟ هل عند حضرتك فكرة ؟

جزاك الله خيرا

[AbuZeyad]

السلام عليكم ورحمة الله وبركاته ....

اشكرك جدا لردك وانا معاك ان طبعا جدة حلوة جدا للمعيشة بس هنعمل ايه ؟ الحمد الله على كل شى

هل عندك فكرة عن الاحياء القريبة من حى الروضة ؟ حتى لو ابعد شوية بس تكون اسعارها معتدلة ؟

هل عند حضرتك فكرة هل ممكن تغيير رخصتى الصادرة من جدة واغيرها للرياض على الكفيل الجديد ان شاء الله ؟

اشكرا ردك جدا وجزاك الله خيرا

انا لسة جديد في الرياض فمعنديش فكرة كبيرة عن الاماكن

ممكن تدخل على جوجل ايرث ودور على حي الروضة في الرياض وشوف الاحياء اللى حواليه

وممكن كمان تدخل على موقع bezaat وشوف اسعار الشقق المعروضة للايجار

وبالنسبة لرخصة القيادة مش محتاج تغيرها طالما انها سارية لان الرخصة مرتبطة برقم الاقامة مش باسم صاحب العمل

[MZohairy]

انا عشت في الاتنين

الرياض ارقى من جده 100 مره

لكن جده مسليه اكتر من الرياض

الاسعار مفيش فرق كبير يعني

[موديز]

انا عشت في الاتنين

الرياض ارقى من جده 100 مره

لكن جده مسليه اكتر من الرياض

الاسعار مفيش فرق كبير يعني

شكرا جدا لردك وجزاك الله خيرا

[مستر طارق]

السلام عليكم

انا ساكن فى حى غرناطه قريب نسبيا من حى الروضة

السكن فعلا زى مالناس بيقولوا 20 الف لل 3 غرف وصال وحمامين

ولكن بيتوفر ايضا ساكن ب 12 الف غرفة وصاله وحمام ومطبخ ده طبعا لو معاك عائلتك

لو هتكون عزابى فده هيكون ارخص بكتير جدا ممكن تشوفلك غرفة مع اى شباب سكنين ومش هتكلفك كتير يعنى ممكن من 300 - 500 فى الشهر

الرياض زحمه ومملة ومفيش فيها اى فسح غير المولات

[MZohairy]

الفرق الوحيد هو ان جده فيها كورنيش و فيها مكه جنبها

انما غير كده الفسح ماتختلفش بين جده و الرياض

ده بخلاف الرطوبه القاتله صيفا اللي مش موجوده في الرياض

و الجو الحار شتاء و اللي يقابله بروده في الرياض

[حسام الغرباوي]

ابوزيد

كلامك مش مظبوط اوي يمكن عشان لسة جاي

الرياض افضل بكتير اوي من جده في كل حاجة تقريبا ....ميزة جدة فقط المصرين والشاطئ شوية ...انما الرياض احسن بكتير اوي خصوصا في الصيف والرطوبة الرهيبة في جداة

بالنسبة للاسعار ...نفس الاسعار كل المدن الكبيرة في السعودية نفس الاسعار ...بتختلف بس لو قريبة ومدينة القري بتكون ارخص شوية وشارع الحسن بن علي دا انا روحته شارع هادي وكويس ....انا مثلا كنت واخد غرفة فندقية صغيرة جنب الشارع دا مؤسسة ب800 ريال شهريا ...( بس صغيرة طبعا )

بالنسبة للروضة والسكن ....اصلا حي الروضة من الاحياء اللي السكن فيها رخيص ...بس لازم تشوف

بخصوص المعيشة الرياض كويسة للعوائل اكتر من العزاب

[موديز]

السلام عليكم ورحمة الله وبركاته

السيد حسام.... شكرا على ردك والله يكرم الواحد وييسر الامور واقدر اجى الرياض ان شاء الله

سؤالى لحضرتك بما ان حضرتك روحت شارع الحسن بن على هل حضرتك شوفت شركة هناك اسمها الحسام للمقاولات العامة؟

وشكرا لردود الجميع وجزاكم الله خيرا

[حسام الغرباوي]

لأ مشفتش خصوصا ان هنا الشركات كتير جدا يعني ممكن شارع زي كدا تلاقي فية اكتر من 80 ولا 90 شركة مقاولات ومعظم الشركات ملهاش لوح اعلانية كبيرة بتكون شقة في عمارة وعلي الباب لوحة صغيرة

يعني شركات المقاولات المعروفة هنا بتكون كبيرة جدا وتتعد علي الصوابع زي بن لادن وسعودي اوجية والمباني ونسما ....الخ انما 99% من الشركات مش معروفة

انتا لو معاك عيلة هيكون الموضوع كويس والشقة ممكن تلاقي شقة غرفتين وصالة ب20 الف في الحدود دي والروضة حي جميل وهادي وفي حديقة كبيرة جدا وكل المطاعم والتوكيلات الكبيرة والهيبرات الكبيرة موجودة فية

[AbuZeyad]

عاصفة ترابية اليوم في الرياض

من الفروق الأساسية بينها وبين جدة

جدة رطوبة والرياض فيها موسم عواص ترابية