عاوز اخد رايكوا فى حاجه

[الاستاذ محمود]

السلام عليكم

ازيكوا يا شباب ؟؟ انا حاليا بشتغل فى السعوديه .. بس بصراحه مش مرتاح فى شغلى و عاوز اعرف لو سيبت الشغل هل هينفع اجى السعوديه تانى .. انا قدمت فى اكتر من شركه و اتقبلت و بمرتب اعلى من هنا بكتير بس اللى قالقنى موضوع الكفاله .. لان انا على كفالة مدير الشركه اللى انا فيها و وظيفتى نفس الوظيفه فى الاقامه ... هل هينفع اجى تانى ؟؟؟ و الاهم من كده انه ممكن ما يدنيش نهائى السنه دى انا طلبت منه اخد نهائى .. فهل لو انا على كفالته ممكن يتبعتلى تاشيره تانيه و اجى عليها ولا هتحصلى مشكله سواء هنا او فى مصر ؟؟ انا عاوز اعرف الموضوع ده ضرورى ...

[Monzer Ismael]

الموضوع محصلش معاية بس ناس حكتلى من الى حصل معاها

بيخرج من البلد اجازة ومبيرجعش تانى فالكفيل بيبلغ عنه هروب ,,, تمشى فاجراءات تاشيرة تانية وتروح البلد مش هيدخلوك وهترجع من المطار ده اذا متسجنتش او دفعت غرامة لان بقا فى عقوبات جديدة دلوقتى معرفش بدءت تطبق ولا لا..

[الاستاذ محمود]

ربنا يطمنك ..هههههههههههههههههههه

[AbuZeyad]

اذا كنت خارج من البلد بشكل سليم يعني خروج نهائي

ومفيش في عقدك الحالي بند عدم المنافسة أو عدم العمل في المملكة لمدة معينة بعد إنتهاء العقد

ومفيش عليك احكام جنائية أو مطلوب أمنياً

ترجع تاني ان شاء الله بدون مشاكل بس احتياطي غير جواز السفر وطبعا لازم قبل ما تمشي تتأكد ان فيه تأشيرة تانية فعلا

يعني الشركة اللي انت رايحها تبعت التأشيرة على السفارة في مصر وتاخد انت صورتها علشان تتطمن ان فيه تأشيرة فعلا مش مجرد كلام

[الاستاذ محمود]

انا معايا عقد فى الشركه اللى انا فيها بس العقد مش موثق هو عليه ختم الشركه بس .. حتى انا ما مضتش عليه .. يعنى عقد صورى .. بس بالنسبه لموضوع خروج نهائى مش عارف لان الشركه متمسكه بيا ... و فى نفس الوقت مش عاوزين يزودوا المرتب .. هههههههههههه .. يا سيدى الفاضل احنا فى الغربه امنيا ايه بس .. ربنا يسترها علينا ...

تم تعديل 24 مارس 2014 بواسطة الاستاذ محمود

[الاستاذ محمود]

اذا كنت خارج من البلد بشكل سليم يعني خروج نهائي

ومفيش في عقدك الحالي بند عدم المنافسة أو عدم العمل في المملكة لمدة معينة بعد إنتهاء العقد

ومفيش عليك احكام جنائية أو مطلوب أمنياً

ترجع تاني ان شاء الله بدون مشاكل بس احتياطي غير جواز السفر وطبعا لازم قبل ما تمشي تتأكد ان فيه تأشيرة تانية فعلا

يعني الشركة اللي انت رايحها تبعت التأشيرة على السفارة في مصر وتاخد انت صورتها علشان تتطمن ان فيه تأشيرة فعلا مش مجرد كلام

انا معايا عقد فى الشركه اللى انا فيها بس العقد مش موثق هو عليه ختم الشركه بس .. حتى انا ما مضتش عليه .. يعنى عقد صورى .. بس بالنسبه لموضوع خروج نهائى مش عارف لان الشركه متمسكه بيا ... و فى نفس الوقت مش عاوزين يزودوا المرتب .. هههههههههههه .. يا سيدى الفاضل احنا فى الغربه امنيا ايه بس .. ربنا يسترها علينا ...

[حسام الغرباوي]

لو أخدت خروج نهائي ..ترجع تاني يوم حتى لو علي نفس المهنة ولو اشتغلت عن منافس مفيش اي مشكلة وبنفس الجواز ولا يوجد اي شيء

لان الخروج النهائي = إخلاء طرف شامل من الكفيل الحالي

حلول اخرى ....

شوف تاريخ العقد نهايته امتي وقبله ب40 او 30 يوم اقل شيء ...ابعت خطاب رسمي منك للشركة بعدم رغبتك في التجديد وانك عايز تنزل نهائي واشكرهم وشوية كلام وكدا ..هيكون مضطر انه ينزلك لانه لو منزلكش هتروح لمكتب العمل وهيوقف نشاط المؤسسة حتى تعطيك خروج نهائي

الحل التالت ..خد خروج وعودة ومترجعش ...,دي فيها مخاطرة في حالة واحدة فقط ...انك لو جيت هنا والكفيل عرف وبلغ عنك هتتعرض لمسائلة قانونية وممكن تترحل نهائي وهي دي المخاطرة الوحيدة ان الكفيل يعرف انك داخل السعودية فقط لا غير

الحل الاخير لو مؤسستك في النطاق الاحمر روح لاي شركة انقل كفاله عليها بدون موافقة الكفيل اصلا

[suma]

سبحان الله هم يأتون إلينا ويستثمرون ويشترون شقق وأراضي ونقول لهم مرحيا في كل مكان ونحن هناك نعامل كالخدم لا يمكننا التحرك إلا بموافقة الكفيل وممنوع لاي أجنبي عن البلاد يشتري مترا من الأرض ولا يعمل مشروعا إلا بكفيل لم لا تكون المعاملة بالمثل؟؟؟؟

أنا كنت هناك في الثمانيات تقريبا ووجدت مآسي كثيرة للعمال ومن جاءوا عن طريق إعلان هنا ولا هناك حلمت باليوم الذي يتعزز المصري ولا يذهب الا بشروط تكفل له آدميته ويبدوا أن هذا حلم بعيد المنال.

سومه

[عبير يونس]

سبحان الله هم يأتون إلينا ويستثمرون ويشترون شقق وأراضي ونقول لهم مرحيا في كل مكان ونحن هناك نعامل كالخدم لا يمكننا التحرك إلا بموافقة الكفيل وممنوع لاي أجنبي عن البلاد يشتري مترا من الأرض ولا يعمل مشروعا إلا بكفيل لم لا تكون المعاملة بالمثل؟؟؟؟

أنا كنت هناك في الثمانيات تقريبا ووجدت مآسي كثيرة للعمال ومن جاءوا عن طريق إعلان هنا ولا هناك حلمت باليوم الذي يتعزز المصري ولا يذهب الا بشروط تكفل له آدميته ويبدوا أن هذا حلم بعيد المنال.

سومه

تعرفي حضرتك

سبب مشاكلنا في الغربة

هو هذا الاحساس

الاحساس بالقهر و الهوان و الدونية

من يستضيف هذه الأحاسيس بداخله تتم معاملته بها

الأصل هو الاحساس

و الاحساس يجلب الفكرة

و الفكرة تتحول لمشاعر فسلوك

تلاقي حضرتك بعض المصريين او لنقل معظمنا تظهر على وجوههم الكآبة الشديدة وهم متجهون لأعمالهم

و كلما حدث موقف ممكن جدا يحدث في مصر

فورا يستدعون المشاعر السلبية

الخلاصة

أصحاب العمل هم أصحاب العمل في كل مكان

كل ما يهمهم الربح الوفير بأقل التكاليف

و هذا في العالم كله

و هم - السعوديون - لا يعملون لدينا حتى نقارن أوضاعنا لديهم بأوضاعهم لدينا

و الحق لا أعرف - قانونيا - كيف يعامل الموظف الأجنبي في مصر

خصوصا اذا كان لديه من مؤهلات هي نفس مؤهلات المصري

بمعنى

كان لدي زميلة معها الجنسية البريطانية و امها بريطانية و كانت تدرّس لغة انجليزية فكان من الطبيعي جدا أن يكون راتبها أعلى منا

لكن تصوري معي حضرتك لو أنها حاصلة على ليسانس في اللغة العربية هل من الممكن أن يكون وضعها نفسه حين تفكر في العمل لدينا؟؟ هذا لو تم قبولها أصلا!!

حتى نستريح جميعا

يجب أن نأخذ مثل تلك المواضيع كحالات فردية و جدا

فالتعميم حقا آفة كبرى

و يزيد من المشاعر السلبية مما يزيد من احباطنا بشكل دائم

لازلنا كشعوب عربية لا نعرف معنى صناعة أهداف على كل المستويات

و أغلبنا يسير على نهج الجميع " سلو بلدنا "

كما فلان و علان فعلوا علينا أن نفعل

" المقارنة " احدى السلبيات الخمسة القاتلة

و الأربعة الباقون :

العيش في الماضي

الأنانية ( بمعنى التفكير المستمر في الذات)

اللوم ( تحميل الغير دوما كل الخطأ)

النقد .. وحدث ولا حرج في هذه النقطة

نحن كشعب نحتاج جداااااااااااااااا لتعلم الابتعاد عن تلك السلبيات و التي لا تخصنا وحدنا ..فهي بشرية و تصيب الجميع ( حتى لا يعتقد أحد أنني أقوم بجلد الذات)

نحتاج كشعب لتعلم " البرمجة اللغوية العصبية "

الاتجاه الصحيح للتغيير

رحم الله أستاذي د. ابراهيم الفقي رحمة واسعة

هذا بالنسبة للعمل

أما مسألة يستثمرون و يشترون عندنا ففيها كلام آخر

ربما يحتاج لموضوع منفصل لمناقشة أبعاده

[عبير يونس]

أخي الفاضل صاحب الموضوع

ما أعرفه أخي الفاضل

أن هناك قانون في السعودية أنك لو تركت العمل لا يحق لك أن تعمل في المملكة مرة أخرى قبل مرور سنتين

لكن عليك مراجعة قانون العمل بالمملكة العربية السعودية

هذا رابط لنظام العمل بوزارة العمل السعودية

http://portal.mol.gov.sa/ar/pages/organizework.aspx?m=3

و ستجد في الباب الثالث توظيف غير السعوديين على ملف pdf بامكان حضرتك تحميله على جهازك و الرجوع إليه كما تريد

و هو بالمناسبة لكل الجنسيات و اذا فاكرين المصريين بس تبقوا غلطانين .. لأي غير سعودي

http://portal.mol.gov.sa/ar/RulesAndRegulations/Documents/LaborLawPart3.pdf

و هذا رابط للأسئلة المكررة بموقع الوزارة

http://portal.mol.gov.sa/ar/FAQ/Pages/default.aspx

بالتوفيق