عيد الأم..والأم المثالية

[Salwa]

صباح الرضا.

كل عام وكل الأمهات المثاليات بخير .

بصراحة يعنى انا ...(( متلخبطتش ف وضع الموضوع ))...تعمدت وضعه فى باب الابتسام.

ياجماعة الخير اعذرونى ....أنا متلخبطة بس ف دى ..

مين هى الأم المثالية ؟؟...ماهو مفهوم الأم المثالية عند عامة الشعب ؟؟؟وهل تغيرت المفاهيم ايضا...!!! حتى فى اختيار المثل الأعلى أو المثالى ؟؟؟

لست ادرى ..

حقيقة لست ادرى .....

اصبحت اشياء كثيرة مشوشة ...ومشوهة ...

لاأقصد بهذا الموضوع المناداة ب اختيار أم معينة ولكن لنعتبره ....مجرد صرخة آن لها أن تخرج من الأعماق لأنى سئمت التظاهر بأن....لاشئ يهم.

كل شئ تغير....حتى الأخلاق ...

نفاق وانتهازية ووحشية و...اشياء اخرى ..

كبرت وأنا متخيلة أن أمى ....أم مثالية ومفيش زيها .

كبرت وأنا واثقة وولادى (( حطوا ف دماغى )) انى أم مثالية .

عشت كتير ...لفيت بلاد كتير واتعلمت كتير ..

عشت كتير ...فرحت وزعلت وضحيت وكافحت ..

عشت كتير ..سمعت وقرأت وقرأت...وقرأت واتعلمت ...

عشت كتير...واتعلمت تانى اللى بيتعلمه ولادى علشان ابقى فاهمة معاهم هم بيفهموا ايه ...

الله؟؟

أنا كنت فاكرة أن جدتى أم مثالية ...وأمى أم مثالية ......وأنا؟؟

برضه أم مثالية ...

كنت فاكرة .....حريم عائلتى كلهن نساء طيبات مسالمات مثاليات ..

الله؟

عشت كتير ...وقربت أوصل للبر التانى ..( كل شئ بأمر الله )

ويارب استرها معانا دنيا وآخرة .

اللهم استرنا فوق الأرض وتحت الأرض ويوم العرض عليك ياأرحم الر احمين .

أنا النهاردة الصبح وأنا اتصفح الجرائد عن طريق النت .....مزعلتش من الأخبار .

مزعلتش ..

لكنى حزنت..

شعرت بغصة ...شعرت بكل الألم ..

خبر عن ( مكافح من داعش ) متصور وهو يضع أمامه ...روؤس كثيرة مقطوعة .

يتباهى بأنه ..اقتطفها ..

شعرت بغثيان ..( اعتذر لكنها الحقيقة ...شعرت فعلا ب شبه اغماء)

خبر آخر عن اعتذار اكثر المشرحين .( آسفة أقصد المرشحين ) ..والرأى بأنه مفروض تتلغى الانتخابات ونطالب باستفتاء .

خبر ..عن الراقصة والرئيس....وكيف ان صور الراقصة الأرمنية تصدرت الصحف .وتناسى الجميع أن البلد فى حالة حزن وشهداء مصر لم تنشف دمائهم بعد.

خبر عن المذيع العميل ...وهو يسأل الر اقصة ( الموضة ) ...ولم يذكر أى شئ عن اخبار الرئيس .

أخبار كثيرة ....

منها تحقيق امنية الر اقصة الجديدة ...ولقائها مع الر اقصة المخضرمة وتسميته .

لقاء السحاب ...((( فكرنى بلقاء عبدالوهاب وأم كلثوم وكان برضه لقاء السحاب )))

آه...

آه ثم آه...

ياويل نفسى التى تطالبنى بالتمرد على كل شئ والصراخ ....

الصراخ بكل قوة ..

ياأيها المنافقون سحقا لكم ..

سحقا لكم ياأبناء الملاعين ..

و..

ياله من صباح...

1_

أخبار حروب لا نعرف لماذا قامت....يحاربونا ويقتلون اولادنا وللآن لاندرى أى دافع للتدمير والقتل والحرق ...وتحت أى مسمى ..

2-

أخبار هايفة وتافهة وكأنهم يريدون أن ينشغل الناس بأى شئ بعيد عن الحقائق المروعة التى تحيط بالوطن..

ثم...

3-

ثالثة الأثافى .....أختيار الأم المثالية ..

هههههههههه...( ولا تقولوا ....لا يجب كتابة ..ههههه....هذا خطأ و...حرام )

هههههههههههههههه

ههههههههههههه

متزعلوش .........هاهاهاهاها...

متزعلوش وحقكم عليا...

(((( قهقهة تصل لعنان السماء ))))

الأم المثالية هى .........................فيفى عبده.

و..

دقى يامزيكا...

http://videoyoum7.com/2014/03/16/بالفيديو-تكريم-فيفى-عبده-الأم-المثالي/

[التونسى]

انا هنا بقى ممكن أضحك اليوم بطوله ومحدش يلومنى هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

لو حنتكلم بالمنطق .. ممكن نقول ان العمليه نسبيه .. وحيثيات المثاليه اكيد بتختلف من مجتمع لاخر ومن فئه لاخرى ومن شخص لاخر حسب تفكيره ومعتقداته ((ككل مش بس معتقدات دينيه واخلاقيه)) .. وممكن تكون فيفى عبده فعلا ام مثاليه لابنائها من حيث الاهتمام بيهم ورعايتهم والسهر على راحتهم واعدادهم للحياه بشكل يفيدهم ويفيد المجتمع و ... و .. مش قادر بصراحه العب دور المبرراتى السفسطائي ههههههههههههههههههههههههههه

إنعكست الأيه .. إنقلبت الموازين

الهلس بقى غايه .. والعقل فى الزنازين

و طق يا ضنايا .. و احزن كمان يا حزين

[أبو محمد]

عيد الأم هذا العام مختلف يا مدام سلوى

هناك نداء بتحويل يوم الأم إلى يوم غضب

تصورى ؟؟!!

مش حاقدر أقول هههههه أو ها ها ها

أى ابتسامة ستخرج يوم الجمعة القادم بطعم البكاء

من أجل كل أم شهيد ستفتقده يوم الجمعة القادم

[herohero]

ياسلام أهو كده الواحد يحس ان عيد الام بقى بنكهة أخرى

اللي بيتكلموا ع الاحزان وبتلوموا اي حد بينتقد النظام الحالي

--الاحتفال بعيد الفن

--استضافة الفنانة الكبيرة قوووووووووووي صافيناز واعتبار قضيتها قضية راي عام

--تكريم فيفي عبدة كأم مثالية

http://www.almasryalyoum.com/news/details/412469

مش فاهم ياترى النظام الحالي فعلا حاسس باللي بيحصل

[tarek hassan]

الدولة الوقتي بقت مسئولة عما يعرض في قناة إم بي سي بتاعت باسم يسف التي استضافت الراقصة القناة غير مصرية وبالأمس كنتم تحملون نفس الدولة مسئولية التشويش علي نفس القناة وتبكون على الحرية ....

استمروا ربنا يهديكم

تم تعديل 17 مارس 2014 بواسطة tarek hassan

[tarek hassan]

مش الدولة اللي اختارت فيفي عبده أم مثالية لا السيسي اللي عامل هسهس للجماعة إياهم .......

نادي الطيران الرياضي هو اللي اختارها قبل عيد الأم .... وطبعا اختيار غير موفق ومستفز جدا ....

واحدة هربت من بيت أمها وأبوها وهي صغيرة ... ووقالت فضلت الرقص على أهلي ... تبقى أم مثالية إزاي .....

يمكن علشان ندمت وربت أولادها كويس

بس نعمل إيه حرية شخصية والشعب حر في اختياراته

طيب ما هو الشعب اختار مرسي رئيس وهو هربان من السجن

فلا تتعجب إن اختار نفس الشعب فيفي عبده أم مثالية وهي هربانه من أهلها

مارس.. اختيار الأم المثالية في احتفال بالأوبرا

أعلنت غادة والي وزيرة التضامن الاجتماعي عن تكريم أمهات الشهداء في الطائرة التي أسقطت في يناير الماضي، مع أمهات شهداء ثورة 25 يناير وكذلك أمهات شهداء الضباط الستة الذين اغتالتهم يد الارهاب في مسطرد يوم السبت الماضي.

وأشارت إلي تكريم الابنة والابن البارين لأول مرة لترسيخ المبادئ الاجتماعية داخل الأسرة المصرية، كما سيتم تكريم الأمهات المثاليات للقوات المسلحة ولهيئة الشرطة والآباء المثاليين والأسر البديلة والأمهات والآباء الاعتباريين وأمهات ذوي الاحتياجات الخاصة وأمهات الإعلاميين والصحفيين.
يقام حفل تكريم الأمهات المثاليات والاحتفال بعيد الأسرة يوم 22 مارس الحالي، بدار الأوبرا كما أعلنت أن الحفل سيكرم الجمعيات الأهلية التي تقوم بدور متميز في العمل الاجتماعي وهي جمعية الأورمان، مؤسسة فودافون لتنمية المجتمع ومؤسسة مصر الخير.
وأوضحت وزيرة التضامن أن الوزارة لم تختر بعد الأم المثالية والأب المثالي علي مستوي الجمهورية هذا العام وسيعلن عنها خلال الحفل الذي سيقام الاسبوع القادم ويتم اختيارها من ضمن الأمهات المثاليات عن كل محافظة.
وأكدت أن الحفل لم يكلف الوزارة لتولي مجموعة من الرعاة التكفل بمصاريف الحفل، وشددت علي ضرورة عمل الوزارة علي ترسيخ المبادئ الاجتماعية التي بدأت تندثر خاصة مع تزايد جرائم حقوق الأبناء وتعدي بعض الامهات والآباء علي اطفالهم بما ينذر بانهيار القيم الاجتماعية الاصيلة في مصر.

تم تعديل 17 مارس 2014 بواسطة tarek hassan

[Alshiekh]

ياسلام أهو كده الواحد يحس ان عيد الام بقى بنكهة أخرى

اللي بيتكلموا ع الاحزان وبتلوموا اي حد بينتقد النظام الحالي

--الاحتفال بعيد الفن

--استضافة الفنانة الكبيرة قوووووووووووي صافيناز واعتبار قضيتها قضية راي عام

--تكريم فيفي عبدة كأم مثالية

http://www.almasryalyoum.com/news/details/412469

مش فاهم ياترى النظام الحالي فعلا حاسس باللي بيحصل

مال أم الدولة ومال فيفي عبد وصافيناز وبسمة "دلع باسم"

هي بقت لبانة ، الدولة ... الدولة

غير بقى واختار كلمات تانية، ماينفعش الكلام المحفوظ يتردد على أي موقف.

الواحد مرارته اتفقعت.

[tarek hassan]

الواحد مرارته اتفقعت.

لا يا محمد بيه .... ما هو عايز كده .....بس على مين ؟ ......

تأكد إن اللي بيحاول يغيظ الناس بيبقى متغاظ جدا قبلهم ... وكفاية اللي هما فيه

فاعتبرها عمليات تنفيس وتكراراها باستمرار دليل على إن القلب فيه كتير من الجمرات المتقدة

تم تعديل 17 مارس 2014 بواسطة tarek hassan

[herohero]

الدولة الوقتي بقت مسئولة عما يعرض في قناة إم بي سي بتاعت باسم يسف التي استضافت الراقصة القناة غير مصرية وبالأمس كنتم تحملون نفس الدولة مسئولية التشويش علي نفس القناة وتبكون على الحرية ....

استمروا ربنا يهديكم

هههههههههههه

ماهي ده المهزلة قناة مش مصرية واسمها ام بي سي مصر وكل برامجها قايمة ع الشأن المصري ، تفرق ايه يا استاذ طارق عن الجزيرة مباشر مصر ؟؟؟؟؟؟؟؟؟ظ

روتانا مصرية -ام بي سي مصرية -الجزيرة مباشر مصر

انا شايف ان كلهم غير مقبولين

[herohero]

مال أم الدولة ومال فيفي عبد وصافيناز وبسمة "دلع باسم"

هي بقت لبانة ، الدولة ... الدولة

غير بقى واختار كلمات تانية، ماينفعش الكلام المحفوظ يتردد على أي موقف.

الواحد مرارته اتفقعت.

معاك حق فعلا هي فين أم لدولة ده ومن اللي بيحكمها اذاكان رئيسها المؤقت للاسف الشديد مالوش كلمة وكلنا عارفين الكلمة لمين

[herohero]

لا يا محمد بيه .... ما هو عايز كده .....بس على مين ؟ ......

تأكد إن اللي بيحاول يغيظ الناس بيبقى متغاظ جدا قبلهم ... وكفاية اللي هما فيه

فاعتبرها عمليات تنفيس وتكراراها باستمرار دليل على إن القلب فيه كتير من الجمرات المتقدة

الف سلامه ع مرارتك يا شمهندس محمد

وماتزعلش ام الدولة اللي حضرتك بتقول مالهاش دعوة مش هي اللي احتفلت بعيد الفن من كم يوم !!!!!

وماتزعلش يا استاذ طارق لا حاجه صحتك صحة الباشمهندس غاليه علينا والحكاية ولا غيظ لا حاجه هو بس بتناقش ومش عارف من اللي قالك ان انا وغيري متغاظين هنتغاظ من ايه ؟؟؟؟ ان صافيناز ومشكلتها بقت قضية رأي عام ولا من تكريم فيفي عبدة من قبل نادي الطيارين كأم مثالية ، مش عارف بجد

وما تشغلش بالك بالجمرات المتقدة ماهي هتحرقنا ف الاخر فسيبنا نتحرق بغيظنا بقى

[tarek hassan]

وماتزعلش ام الدولة اللي حضرتك بتقول مالهاش دعوة مش هي اللي احتفلت بعيد الفن من كم يوم !!!!!

شوف يا أستاذ : هيرو .... أنت مواطن منتم لطائفة أو فئة أو جماعة أو حزب في المجتمع ....

مثلا عندما تصبح رئيسا تكون رئيسا لكل المصريين وليس لطائفتك أو فئتك أو جماعتك أو حزبك فقط

والفنانون جزء من المجتمع أنت ترأسه لابد وأن تشاركه عيده اتفقت معه أو اختلفت وإن لم تكن كذلك وكان انتماؤك لأهلك وعشيرتك فقط فاجلس بينهم وحدهم ولا تحكم شعبا فيه أطياف أخرى غيرهم ......

فأنى لك أن تحكم شعبا فيه فنانون والفن من وجهة نظرك رجس وفسق وفجور وعهر إنأ بنفسك عنهم ... فر منه فرارك من الجذام .. وليسعك بيتك ... أرح واسترح

فالمجتمع الكافر الفاجر منقسم بين مشتغل بالفن ومشاهد للفن ومحتفل بعيد الفن

احكم أنت شعبا ليس فيه فن ولا فنانون ولا قضاء فاسد ولا شرطة بلطجية ولا جيش قاتل ولا مخابرات بتسرح بلطجية ولا ولا

إيه اللي يجبرك على كده ... حسبك أنك محافظ ولست مسئولا عن غيرك سيبهم وفنهم

مالكش دعوة بيهم

صحيح مرسي سقط ولكن أفكاره الفاشلة هذه مازالت ومازال البعض يعتقد بها

ويعتفد أنه يمكن أن يحكم شعبا يكره كل أطيافه إلا أهله وعشيرته

تم تعديل 17 مارس 2014 بواسطة tarek hassan

[herohero]

شوف يا أستاذ : هيرو .... أنت مواطن منتم لطائفة أو فئة أو جماعة أو حزب في المجتمع ....

مثلا عندما تصبح رئيسا تكون رئيسا لكل المصريين وليس لطائفتك أو فئتك أو جماعتك أو حزبك فقط

والفنانون جزء من المجتمع أنت ترأسه لابد وأن تشاركه عيده اتفقت معه أو اختلفت وإن لم تكن كذلك وكان انتماؤك لأهلك وعشيرتك فقط فاجلس بينهم وحدهم ولا تحكم شعبا فيه أطياف أخرى غيرهم ......

فأنى لك أن تحكم شعبا فيه فنانون والفن من وجهة نظرك رجس وفسق وفجور وعهر إنأ بنفسك عنك ... فر منه فرارك من الجذام .. وليسعك بيتك ... أرح استرح

فالمجتمع الكافر الفاجر منقسم بين مشتغل بالفن مشاهد للفن ومحتفل بعيد الفن

احكم أنت شعبا ليس فيه فن ولا فنانون ولا قضاء فاسد ولا شرطة بلطجية ولا جيش قاتل ولا مخابرات بتسرح بلطجية ولا ولا

صحيح مرسي سقط ولكن أفكاره الفاشلة هذه مازالت مازال البعض يعتقد بها ويعتفد أنه يمكن أن يحكم شعبا يكره كل أطيافه إلا أهله وعشيرته

استاذ طارق فكر ايه وعشيرة ايه هو انا حفيد حسن البنا ولا سيد قطب كلامي واضح انا بقول هل الاحتفال بعيدالفن توقيته مناسب دلوقت بقالنا سنوات لا نحتفل به

انا عاوز نحتفل بكل مناسبة ياسيدي بس انت بتلومني وتقولي بتتناقش ف ايه وعندنا فاجعة وناس بتموت وانا معاك ف الكلام ده بس يا عزيزي اليس من واجب الدولة ايضا ان تراعي ذلك

يا اخي قارن موقف ماليزيا ف فقدان طائراتها وموقفنا احنا من اي كارثة بيتعرض لها مواطنين مصريين

كلامي واضح ومش محتاج تقولني ولا تمعنن كلامي بمعنى اخر

[أبو محمد]

مال أم الدولة ومال فيفي عبد وصافيناز وبسمة "دلع باسم"

هي بقت لبانة ، الدولة ... الدولة

غير بقى واختار كلمات تانية، ماينفعش الكلام المحفوظ يتردد على أي موقف.

الواحد مرارته اتفقعت.

طيب ما هو الشعب اختار مرسي رئيس وهو هربان من السجن

فلا تتعجب إن اختار نفس الشعب فيفي عبده أم مثالية وهي هربانه من أهلها

الشعب سيد قراره

بس برضه يسقط يسقط حكم العسكر

[Alshiekh]

معاك حق فعلا هي فين أم لدولة ده ومن اللي بيحكمها اذاكان رئيسها المؤقت للاسف الشديد مالوش كلمة وكلنا عارفين الكلمة لمين

له كلمة ومالوش كلمة دي تتقال في جلسة بيتي في عصر الحريم،

لكن ماتتقالش على دولة فيها اكثر من 90 مليون مواطن.

لسه بدري على ماتعرفوا الدول بتتحكم ازاي !

[Egizio]

أستاذة سلوى : كل سنة وحضرتك طيبة، وكل أمهاتنا .

اصبحت اشياء كثيرة مشوشة ...ومشوهة ...

لا داعى للإستغراب فنحن فى مصر بلد العجائب !

وهل تغيرت المفاهيم ايضا...

طبعآ تغيرت المفاهيم..

فمرسى أصبح رئيسآ !

والسيسى أصبح مشيرآ !

وفيفى عبده أمآ مثالية !!!!!!

[أبو محمد]

الواحد مرارته اتفقعت.

هدى أعصابك يا أستاذ محمد .. وشوف أنيس منصور بيقولك إيه

[متعب]

ماما فيفى

[فوس فوس]

ظنوا ان الشعب "مطبلاتي"...فأختاروا "رقاصة" أم مثاليه له..

[herohero]

ظنوا ان الشعب "مطبلاتي"...فأختاروا "رقاصة" أم مثاليه له..

ياجماعة الخير هو بجد انتوا مستغربين من اختيار فيفي عبدة كأم مثالية ؟؟؟ ماتشفوا من نجوم المجتمع طب اتحداكم لو حد اعلامي يقدر يهاجم فيفي عبده زي ماهاجموا الدكتور عصام حجي "المستشار العلمي " وقبله الهجوم ع الدكتور زويل

ياسادة لما نظام او شعب تقوم وزارة داخليته بتكريم محمد رمضان !!! طبعا محمد رمضان ده حبيب اطفال الشوارع وسائقين التوك توك صاحب الاغنية الاسطورة "اديك ف الجركن تركن " ياترى في ظل الظروف ده تبقى فيفي عبده ام مثالية ولا لا ؟؟؟؟ يامتعلمين يابتوعم المدارس