تاني عرض للعمل في السعودية يجيلي ومعرفش اساافر ارجوكوووووو الحل

[mohaworld]

السلام عليكم ورحمة الله

بأختصار انا خريج كلية تجارة شعبة جمارك (اسكندرية) 2010
وبشتغل بقالي 3 سنوات في الشبكات وعندي فيها خبرة وشهادات من مايكروسوفت

جالي قبل كده من 4 شهور عرض للعمل في جدة ومشيت في اوراقي وكانت المهنة فني حاسب الي عملت كل الاوراق وجبت خطاب من الكفيل انه علي علم بأني بكالريوس والكلام ده وبردو المكتب معرفش يخلص اوراقي واترفضت بحجة ان المؤهل غير الوظيفة :(

من اسبوعين جالي عرض اقوي بفضل الله بس المشكلة ان الوظيفة اللي جيالي بردو فني حاسب الي (مع العلم ان الشركة في السعودية قالتلي شوف المهنة اللي تقدر تطلع عليها واحنا نبعتلك فيزا بيها)
المكتب اللي روحتله قالي فني حاسب الي مش هتنفع وعقدلي الدنيا وقالي مش هتقدر تسافر !!!

عاوز حد خبرة يقولي اعمل ايه مش معقول عشان خاطر انا خريج تجارة وبشتغل في مجال الشبكات مش هعرف اسافر السعودية ابدااااا

بالله عليكو ايه الحل وعلي فكرة عندي استعداد ادفع لو في ضمان ان ورقي هيخلص بالفعل .. مستني الرد ضرووووري

[herohero]

كل اللي فيها ان السعودية بدات ف تنظيم سوق العمل حاليا وبدات ف مهن كثيرة انها تقارن المؤهل الي حاصل عليه بالمهنة

فالامور بدات تتعقد

[حسام الغرباوي]

انا مش شايف تعقيد للدرجادي

خليه يطلعلك تأشيرة مخلص جمركي او حاجة تبع مهنتك من السيتم عنده في الشركة

[mysteps]

انا عندى نفس المشكلة برضو بالنسبة للسعودية
.. لكن فيه شركة قالتلى هنعملك عقد بمؤهلك خدمة اجتماعية! - وانا اصلا بشتغل مبرمج كمبيوتر ! .............ورفضت وخوفت اروح بصراحة

[Monzer Ismael]

ههههههههههههههههه يا سبحان الله

انا دبلوم فنى حاسب الى وجتلى تاشيرة بمهنة تانية وهشتغل فنى حاسب بردو ومش عارف اطلع عليها ,, تيجى نبدل ؟؟ :D

[mohaworld]

انا تعبان نفسياااااا جدااا بجد فرصة فعلا محترمه ومحدش بيلاقيها الايام دي سبحان الله والحمدلله

علي فكرة انا سئلت في الشركة عن تأشيرة مخلص جمركي معندهمش للأسف :(

هل في اي اقتراحات :( ؟

[Monzer Ismael]

عموما هى متوقفة على المكتب ,,, حاول تدور وتسال كذا مكتب لو انت من القاهرة روح المكاتب الى جمب السفارة لف عليهم كلهم ,,, ممكن يوصل المبلغ المطلوب ل 3500 تقريبا اخر رقم سمعته فتاشيرة زى دى...

ربنا يوفقك ويرزقك رزق حلال طيب ان شاء الله..

[Monzer Ismael]

لو الشركة مستعده تبعتلك تاشيرة باى مهنه اختار مهنه خاصة بمؤهلك وراجع كده انواع التاشيرات بحيث تختار مهنه لها استقدام للزوجة ....

[mohaworld]

جزاك الله كل خير بجد معلومات قيمة بس كان عندي استفساااااااار بسيط دلوقت الشركة عندها فيزا محاسب وانا خريج تجارة بس قسم غير المحاسبة وهو (دراسات مالية وجمركية) هل في القنصلية الموضووع ده هيترفض بردو ؟؟

[حسام الغرباوي]

جزاك الله كل خير بجد معلومات قيمة بس كان عندي استفساااااااار بسيط دلوقت الشركة عندها فيزا محاسب وانا خريج تجارة بس قسم غير المحاسبة وهو (دراسات مالية وجمركية) هل في القنصلية الموضووع ده هيترفض بردو ؟؟

بنسبة كبيرة تمشي .....وعشان تأكدها اعمل بطاقتك محاسب وجواز سفرك محاسب واعتقد هيكون نسبة قبولها عالية جدا

[Monzer Ismael]

لو مهنة التاشيرة محاسب يبقى توكل على الله واعملها ..

[mohaworld]

اخي معاذ بجد ربنا يجازيك خير انا سئلت في المكاتب عندنا في اسكندرية وقالولي الفيزا للي تمشي معايا هي اخصائي تسويق بما اني قسم جمارك ف هتمشي عادي
الفكر ةبقي اني ازاي هاحول ورقي بالباسبور والبطاقة من فني حاسب الي ل اخصائي تسويق ! ربنا يستر

[OsamaElzero]

سلام عليكم و الله بحثت كتير علشان اجيب اسمي في المنتدى علشان اقولك خبرتي في الموضوع دة

انا جتلي تاشيرة فني حاسب آلي من ٤ سنين و مؤهلي خدمة اجتماعية و للعلم المؤهل مش معايا اصلا

قدمت بشهادة الثانوية العامة و قدمت معاهم كام شهادة خبرة لمكتب في السيدة زينب في القاهرة

مكتب مش مشهور بس شاطر خد مني ٥٠٠ جنيه و قبلها كنت مغير مهنتي في البطاقة من مكتب في العجوزة ب ٧٥٠ جنبه

خدهم و عمل كل حاجة و اداني ورق بطاقة مملي و مختوم و معاه خطاب اني بشتغل في شركة من سنة كاملة و كل شي وديته السجل المدني و اتصورت و خلاص بعدها خدت البطاقة

الورق قعد في المكتب حوالي ٨ أيام بعدها جابلي الجواز مختوم و مستعد للسفر و الحمد لله

حاليا انا اسمع ان الاجراءات معقدة جدا و عندي مشاكل كتيرة في استقدام زوجتي و بظطر اني اعمل زيارة

حاليا السعودية بتعقد كل الامور عن زمان و كل شي هيكون رسمي و نظامي ظبط ورقك و حالك و مؤهلك و كل شي علشان متجيش تتسوح هنا

اتاكد ان المهنة ليها استقدام و تبع مؤهلك و قدم شهادات خبرة حتى لو ورقك سليم لانهم بيعشقوا التلكيك و سمعت ان مهن الفني هيلغوا الاستقدام ليها اصلا

ياريت لو تقدر تجيب اختصاصي اهي اقل شوية من المهندس و مش بعيد عن مهنتك لو تعرف و في النهاية لو احتجت مساعدة كلمني هنا و انا هتابعك ان شاء الله

[mohaworld]

علي فكرة يا جماعة الموضوع كان واقف وعاد مرة اخري بس الشركة عارضة عليا فيزا فني كهربائي او ميكانيكي
المفروض بقي اعمل ايه بالظبط ؟؟

يعني مهنتي في الباسبور والبطاقة .. وبردو نفس المشكلة هتقابلني اللي هي مؤهلي بما اني بكالريوس تجارة ازاي احولها حاجه خاصة بالمهنتين دول !؟؟!؟!؟

[Monzer Ismael]

انا خلصت اوراقى الحمدلله ومسافر قريبا ان شاء الله وتاشيرتى فنى كهرباء ومؤهلى دبلوم فنى حاسب

ممكن تكلمنى عالخاص اوصلك للمكتب يخلصلك الموضوع ده بسهوله ان شاء الله

وربنا يكرمك ويفتح عليك باذن الله

[mohaworld]

الف مبرووووك والله انت تستاهل كل خير .. انا ارسلت لك عالخاص في انتظارك :)

[ابو زياد]

السلام عليكم ورحمة الله

بأختصار انا خريج كلية تجارة شعبة جمارك (اسكندرية) 2010

وبشتغل بقالي 3 سنوات في الشبكات وعندي فيها خبرة وشهادات من مايكروسوفت

جالي قبل كده من 4 شهور عرض للعمل في جدة ومشيت في اوراقي وكانت المهنة فني حاسب الي عملت كل الاوراق وجبت خطاب من الكفيل انه علي علم بأني بكالريوس والكلام ده وبردو المكتب معرفش يخلص اوراقي واترفضت بحجة ان المؤهل غير الوظيفة :(

من اسبوعين جالي عرض اقوي بفضل الله بس المشكلة ان الوظيفة اللي جيالي بردو فني حاسب الي (مع العلم ان الشركة في السعودية قالتلي شوف المهنة اللي تقدر تطلع عليها واحنا نبعتلك فيزا بيها)

المكتب اللي روحتله قالي فني حاسب الي مش هتنفع وعقدلي الدنيا وقالي مش هتقدر تسافر !!!

عاوز حد خبرة يقولي اعمل ايه مش معقول عشان خاطر انا خريج تجارة وبشتغل في مجال الشبكات مش هعرف اسافر السعودية ابدااااا

بالله عليكو ايه الحل وعلي فكرة عندي استعداد ادفع لو في ضمان ان ورقي هيخلص بالفعل .. مستني الرد ضرووووري

روح مكتب الحي اللاتيني اللي عند الاستاد و همة حيخلصوا ليك الورق