من المانيا إلى كندا

[شعبان متولي]

ازيكم يا جماعه ..

أولا أشكركم على الحوار المفيد جدا .. من خلال مناقشتكم قدرت أفهم حاجات كتير عن وضع المهاجر في كندا ..

أنا مصري عندي 32 سنة و بشتغل مهندس مدني .. مقيم حاليا في ألمانيا من 3 سنين .. عملت ماجستير في ألمانيا و حصلت على وظيفة بعدها كباحث في الجامعه بمرتب 3630 يورو .. صافي بعد خصم الضرائب و التأمين 2250 يورو .. انا كنت قدمت قبل ما اروح ألمانيا على هجرة كيبيك و جاتلي و عملت لاندينج في أبريل 2011 .. كنت وقتها في ألمانيا عملت اللاندينج و رجعت ألمانيا تاني ..

سؤالي هو .. ايه رأيكم؟ الموضوع يستحق انني اسيب اللي انا فيه في ألمانيا و اروح كندا؟!! انا عاجبني في كندا انها فيها تعددية عرقية و بلد مهاجرين بمعنى الكلمة .. مش ححس فيها انني اجنبي و شكلي مختلف زي ما بحس في ألمانيا .. ده غير انني اعتقد انني بعد ما احصل على رخصة المهنة كمهندس في كندا حقدر احصل على مرتب اكبر بكتير في كندا .. و لا ايه رأيكم؟ ايه رينج المرتبات في كندا للمهندسين؟؟

أنا أميل للإستقرار في فانكوفر

تحياتي

تم تعديل 16 ديسمبر 2013 بواسطة شعبان متولي

[شعبان متولي]

ايه يا جماعه؟ ما حدش بيرد ليه؟ ايه الصحرا دي :)

[MZohairy]

صلي ع النبي

لازم تعرفني الاول ال 2250 يورو دول معيشينك ازاي في المانيا

ده اولا

ثانيا

لازم تعرف شهادتك محتاجه معادله في كندا ولا لأ و لو محتاجه بتاخد وقت قد ايه

لأنها لو محتاجه معادله يبقى لازم تعرف انك هتييجي تشتغل شغل تعبان جدا لغاية ما تعادل شهادتك

بس بكل تأكيد بعد المعادله اكيد هتبقى فوق ال 70 الف دولار في السنه

[شعبان متولي]

شكرا على الرد يا زهيري باشا ..

أولا ال 2250 يورو دول (3300 دولار كندي) تمام بالنسبالي لأان مصاريفي حوالي 1000 الى 1500 يورو بحد اقصى (ده لأنني اعزب حاليا بس بخطط لمشروع زواج قريبا :) ) ..

بالنسبة لوظيفة المهندس عندي سؤال: دخل فوق ال70 ألف في السنة صافي بعد خصم الضرائب و التأمينات؟ .. لو صافي يبقى ممتاز لأني بعمل هنا ما يعادل 63 ألف دولار كندي في السنة (صافي بعد خصم الضرائب و التأمينات 40 ألف دولار كندي)

تم تعديل 17 ديسمبر 2013 بواسطة شعبان متولي

[MZohairy]

ماقصدش انك تحول لي المبلغ من يورو لكندي

اقصد معيشينك هناك ازاي؟

القوه الشرائيه للمبلغ ده مخلياك عايش في مستوى شكله ايه؟

لو مبسوط يبقى ماتجيش

لأن لو شهادتك محتاجه معادله 3 سنين مثلا ...يبقى هتعيش 3 سنين في قحط (الا لو معاك مدخرات تصرف منها) لغاية ما تبقى مهندس معترف بيك

[شعبان متولي]

شوف يا باشا ... هو معيشني في مستوى كويس .... بالنسبة للقوة الشرائية، الموضوع كما يلي:

ساكن في سكن كويس (لو لوحدك ممكن استوديو نضيف كده حوالي 400 أو 500 يورو و لو متزوج ممكن شقة معقولة غرفتين مثلا من 800 الى 1000 يورو) .. الأكل لو لوحدك 200 يورو و اعتقد لو معايا زوجة ممكن يكون من 300 الى 400 يورو (لانه لوحدي باكل بره كتير) .. مصاريف التليفون مع الانترنت 50 يورو .. المواصلات لو لوحدك 100 او 150 يورو .. لو زوجة يبقى الضعف .. .. بعد سنة من الوضع ده قدرت اعيش كده و احوش كمان حوالي 8 الاف يورو ..

طبعا الصافي بعد الضرائب و التأمين الصحي حيزيد لما اتجوز ..

ممكن تشرحلي القوة الشرائية بنفس الطريقة بشكل عام في كندا؟

تم تعديل 17 ديسمبر 2013 بواسطة شعبان متولي

[شعبان متولي]

بس انت ما جاوبتش على سؤالي: أنا اللي عرفته انني لو اشتغلت مهندس في كندا (بعد الحصول على رخصة من النقابة) ممكن اعمل 70 أو 80 ألف كندي ... ده طبعا الدخل الكلي ... لكن بالنسبة للصافي؟

[fairouzm]

انا ممكن أساعدك بص مثلا مهندس مدني متخرج من كندا بياخد فوق الميه ألف بس بعد خبره وإنتا وحظك وشطارتك ثانيا لازم تخلي بالك

الهندسه أحسن في البرتا ممكن تشتغل مهندس من غير معادله والمعادلة سهله جداً وفيه برامج وكورسات يساعدوك على عمل الامتحانات وانصحك لما يدوك المعادله اعمل الامتحان الامريكي لانه امتحان واحد فقط ومقبول

خلي بالك انك لو قدمت على مهندس تحت التدريب المعادله بتاخد 4 شهور وده الاحسن لأنك لما تبقى متسجل مع ابيجا أحسن من لما تبقى مش متسجل وبعد خبره سنه كندية تقدر تقدم عادي على بروفشنال انجنير

عاوزه أقلك على حاجه كندا حاليا الاقتصاد فيها سوفت يعني اعرف ناس في وقت الريسيشن راحو مناطق ثانيه زي ساسكاتشوان وبعدين رجعو البرتا

البرتا أحسن لزوجتك من ناحيه المعادله وفرص الشغل والتعليم بصراحه الانجليزي هنا المعاهد كويسه والحكومة بتصرف على المهاجرين جداً من ناحيه العلم والدراسة وفيه برامج فاست تراك كتير يعني في 8 شهور مكثفه تصبح قادرة أنها تشتغل

تم تعديل 18 ديسمبر 2013 بواسطة fairouzm

[MZohairy]

شوف يا باشا ... هو معيشني في مستوى كويس .... بالنسبة للقوة الشرائية، الموضوع كما يلي:

ساكن في سكن كويس (لو لوحدك ممكن استوديو نضيف كده حوالي 400 أو 500 يورو و لو متزوج ممكن شقة معقولة غرفتين مثلا من 800 الى 1000 يورو) .. الأكل لو لوحدك 200 يورو و اعتقد لو معايا زوجة ممكن يكون من 300 الى 400 يورو (لانه لوحدي باكل بره كتير) .. مصاريف التليفون مع الانترنت 50 يورو .. المواصلات لو لوحدك 100 او 150 يورو .. لو زوجة يبقى الضعف .. .. بعد سنة من الوضع ده قدرت اعيش كده و احوش كمان حوالي 8 الاف يورو ..

طبعا الصافي بعد الضرائب و التأمين الصحي حيزيد لما اتجوز ..

ممكن تشرحلي القوة الشرائية بنفس الطريقة بشكل عام في كندا؟

للأسف ماقدرش علشان مستوى الانفاق يختلف من شخص لشخص و من اسره لأسره

عموما اسره من 4 افراد علشان يعيشوا عيشه معقوله محتاجين 3 الاف دولار شهريا على الاقل...مفيش منهم تحويش اطلاقا طبعا

[MZohairy]

بس انت ما جاوبتش على سؤالي: أنا اللي عرفته انني لو اشتغلت مهندس في كندا (بعد الحصول على رخصة من النقابة) ممكن اعمل 70 أو 80 ألف كندي ... ده طبعا الدخل الكلي ... لكن بالنسبة للصافي؟

الضرايب هنا بتختلف من حاله لحاله و من شخص لشخص حسب ظروفه

يعني لو عازب غير متزوج غير عائل لأطفال

و اللي بياخد الف غير اللي بياخد 10 الاف لان الضريبه تصاعديه

[شعبان متولي]

انا ممكن أساعدك بص مثلا مهندس مدني متخرج من كندا بياخد فوق الميه ألف بس بعد خبره وإنتا وحظك وشطارتك ثانيا لازم تخلي بالك

الهندسه أحسن في البرتا ممكن تشتغل مهندس من غير معادله والمعادلة سهله جداً وفيه برامج وكورسات يساعدوك على عمل الامتحانات وانصحك لما يدوك المعادله اعمل الامتحان الامريكي لانه امتحان واحد فقط ومقبول

خلي بالك انك لو قدمت على مهندس تحت التدريب المعادله بتاخد 4 شهور وده الاحسن لأنك لما تبقى متسجل مع ابيجا أحسن من لما تبقى مش متسجل وبعد خبره سنه كندية تقدر تقدم عادي على بروفشنال انجنير

عاوزه أقلك على حاجه كندا حاليا الاقتصاد فيها سوفت يعني اعرف ناس في وقت الريسيشن راحو مناطق ثانيه زي ساسكاتشوان وبعدين رجعو البرتا

البرتا أحسن لزوجتك من ناحيه المعادله وفرص الشغل والتعليم بصراحه الانجليزي هنا المعاهد كويسه والحكومة بتصرف على المهاجرين جداً من ناحيه العلم والدراسة وفيه برامج فاست تراك كتير يعني في 8 شهور مكثفه تصبح قادرة أنها تشتغل

هي دي بالضبط النقط اللى كنت عاوز اعرفها ... ألف شكر يا باشا .. اعتقد الشهادة بتاعتي مش محتاجه معادلة .. هو انا محتاج سنة بس عشان البروفشنال انجينير .. ازاي ممكن ادور على شغل كمهندس في السنة دي؟ بحيث احصل على خبرة سنة في كندا و اقدر ادخل امتحان المهندس المحترف؟ تنصحني بويب سايتس معينة للبحث عن عمل؟

و هل ممكن البحث عن عمل قبل وصولي كندا؟

[شعبان متولي]

الضرايب هنا بتختلف من حاله لحاله و من شخص لشخص حسب ظروفه

يعني لو عازب غير متزوج غير عائل لأطفال

و اللي بياخد الف غير اللي بياخد 10 الاف لان الضريبه تصاعديه

شكرا على المعلومات يا زهيري باشا :)

[MZohairy]

و هل ممكن البحث عن عمل قبل وصولي كندا؟

دور علشان تاخد فكره ماشي

انما تدور علشان تلاقي شغل....مستحيل

محدش هيرد عليك مطلقا طالما انت بره كندا

اذا كانوا مابيردوش على اللي هنا ...هيردوا على اللي بره ليه؟

الا اذا كانت مؤهلاتك نادره جدا بالطبع

[fairouzm]

بص أولا احب أقلك حاجه

مفيش مستحيل

فيه ناس بتيجي من مصر وبعقد عمل :) آه والله

وفيه ناس بتيجي من الهند من غير أي حاجه كل واحد ونصيبه ومجهوده

الرخصة قدم على انجنير أن تريننج الأول الرخصة هتفرق جامد في انك تلاقي فرصه

لو ليك خبره في الsteel structures كويس شوف شركات زي amec دول بيشغلووبيجيبو ناسمن برا

وأبقى خلي عينك على الوظايف اول متلاقي انتعاش قدم علطول ممكن تلاقي فرصه في ادمنتون أو saint Albert كده دور في أي حته يتوفر فيها شغل الأول

[MZohairy]

ماتعشمش الراجل بحالات شديدة الندره و ليها ظروفها الخاصه جدا

[fairouzm]

الأخ زهيري :) فانكوڤر غير كالجيري و ادمنتون

مدير محل تارجت عقد من الهند :) انا عايشه هنا وشايفه

[شعبان متولي]

شكرا يا فيروز على المشاركة .. انا مركز فعلا مع ألبرتا حاليا .. و دخلت على موقع ابيجا و لاقيت انني ممكن اقدم على رخصة مهندس محترف لان عندي خبرة كافية بس ناقصني سنة خبرة في كندا ..

حبص كده على مواقع الشركات اللي فلتيلي عليها .. و أكون شاكر لو عندك مواقع او اي اقتراحات بخصوص طريقة البحث عن عمل ..

[MZohairy]

انا عارف ان فيه حالات كده بالطبع

لكن نسبتها تكاد تكون معدومه مقارنة بالحالات العاديه

و بالتالي مش من المحبب ان اللي عايز يهاجر انه يعتمد على حاجه نادرة االحدوث و يعشم نفسه بيها و لما يفشل يتصدم

اشكرك

[شعبان متولي]

على فكرة يا جماعة .. فيه نقط مهمه نسيت أقولها :

- أنا حاليا بشتغل في الجامعه في ألمانيا بعد ما عملت ماستر و بكسب شهريا ما يكفي لعيشة جيدة مع هامش للتحويش .. و الأهم انني عندي الامكانية لعمل الدكتوراه في نفس الوقت (في جامعة شتوتجارت اللي انا بشتغل فيها و تعتبر من الجامعات المرموقة في العالم في مجال الهندسة المدنية و الانشائية).

- بقالي اكتر من 3 سنين مقيم في ألمانيا و عندي امكانية بعد 3 سنين كمان انني احصل على الجنسية الألمانية لو عايز .. يعني بعد 3 سنين من دلوقت ممكن يكون معايا دكتوراه من ألمانيا + الجنسية ..

- رغبتي في الهجرة لكندا (انا عملت لاندينج و معايا بي ار كارد خلاص) بسبب ان كندا مكان جيد للأجانب .. ما تحسش فيه انك اجنبي .. و دي نقطة مهمه بالنسبالي ,..

دلوقت انا يجب على انني اقوم باختيار مهم .. اما البقاء في ألمانيا و عمل الدكتوراه و الحصول على الجنسية بعد 3 سنين ... او الذهاب لكندا و العمل و الحصول على الجنسية بعد 3 سنين برضه!!

في الحالتين حكسب تقريبا نفس الفلوس في الأول ... لكن اتصور على المدى الطويل حقدر اكسب اكتر في كندا ..

عموما البلدين محترمين و متحضرين و العيشة فيهم كويسة جدا ... الفرق بس -بكرر تاني- انك في كندا مش بتحس انك غريب او اجنبي لأن كلها اجانب اصلا ..

تم تعديل 19 ديسمبر 2013 بواسطة شعبان متولي

[fairouzm]

آه بس حاليا أنتا ينفع تسجل مهندس تحت التدريب ومن غير أي امتحانات المعادله بتاعه مهندس تحت التدريب بتاخد اربع شهور فقط وبورد ميتنج وحده وممكن تتساوى مع مهندس محترف في المرتب ف مش فارقه أوي

المهندس المحترف ٤ بورد ميتنج وبيتاخد سنه ب الظبط ولو قدمت على مهندس محترف ممكن في الآخر برضه يحطوك مهندس تحت التدريب وخسرت وقتها سنه من عمرك