أيمن نور أمام أمن الدولة

[kotoz9]

عملية رخيصة طبعا .ولكن الادهى ان امن الدولة كان مستنيه على باب مجلس الشعب يعنى العملية مدبرة يعنى هم مش مستنين قرار المجلس هم عارفين ان اعضاء الوطنى وفتحى سرور حيقوم باللازم .....بس احقاقا للحق مدبرة بغشومية.طب سيبوه ساعتين تلاتة وبعدين اقبضوا عليه...

حقا....نحن نعيش ازهى عصور "الديموقراطية"

[محمد شلبى]

مش عارف اقول ايه

لا حول ولا قوة الا بالله

فعلا مافيش فايدة

[seastar44]

حقيقى الواحــــد حزين للغاية لما يحدث ... لأى انسان يحاول الاشاره أو الحديث عن الاصلاحات ...

ما يحدث للأخ أيمن نور ... هو ما يمكن أن نسميه .. إجراء حش وسط ...فقد أصبح يمثل صداعا لحزب الحكومه ... وبدأ يطرح أفكارا كان مجرد التفكير فيها يعتبر كفرا وخيانه عظمى ...

لذا حشد حزب الحكومه كل امكانات الحكومه متمثله فى وزارة العدل والنائب العام ووزارة الداخلية بجميع فروعها من أمن دوله ومباحث أموال عامه وقوات شرطه من جميع الانواع ....ثم الاعلام الموجه وتلقينه بما يملى عليه ..

وتم تجهيز خطة العمليات وتوزيع الادوار فى لجنة السياسات بحزب الحكومة بواسطة المنسق العام ورئيس الهيئة البغلمانية أكبر وأتخن بغل فى الحزب ... طبعا كلكم عارفينه ولا داعى لذكر اسمه الكريه ...

التوقيت ... وقت يكون كبار البلد فيه فى الخارج ... فى مؤتمرات ..

تم تجهيز مسرح العمليات واختير له ساحة سيد قراره .... وحشد البغلمانى التخين أتباعه واستدعى قوات الحزب من أعضاء لا نراهم الا إذا كانت النصبه منصوبه ... ولا عجب أن يفوق الحضورفى هذه الجلسة .. عدد الحاضرين لمناقشة بيان الحكومه الجديده بأضعاف ... ثم بدأت المهزلة كما وصفها لنا الاستاذ سى السيد ... وكما قرأتم عنها بالصحف بعد ذلك ....

لقد اتهموا الاستاذ أيمن نور بأنه قام بتزوير توكيلات عن مؤسسين لحزب الغد ... وأن عدد التوكيلات التى تقدم بها منها 1187 توكيلا مزورا ... وهل هو الذى يقوم بنفسه باستخراج هذه التوكيلات علشان توجه له تهمة تزويرها ..

أنا أعرف إن الموكل هو اللى بيروح يعمل التوكيل ويسلمه للوكيل .. يبقى ايه دخل أيمن نور فى موضوع وجود توكيلات مزوره .. إلا إذا كانت مدسوسه لاستخدامها عند اللزوم ...

لست أدرى مالذى سوف يضطره الى ذلك مع أن طلب تأسيس أى حزب يلزمه عدد50 (خمسون) مؤسس وفقا للقانون !!...

طبعا فى ظل الهجوم الكاسح الذى تم على مكتبه ومنزله من المؤكد أن تتار الداخلية حملوا معهم حتى ما فى صناديق الزباله لجمع الادلة ... لدعم الادعاءات ...وربما يدسون مستندات مجهزة مسبقا .. والشهود هنا موظفين غلابه عايزين ياكلوا عيش ..

والباقى متروك لحكم وزارة العدل ... اللى وزيرها مقدم فى أيمن نور طلب رفع الحصانه علشان يكمل دوره فى مرحلة تاليه ...

طيب لجنة تأسيس الاحزاب لما تقدم لها بطلبات التأسيس .. ماهى دوخته السبع دوخات لحد ما أخد موافقة تأسيس الحزب بالمحكمه .... ليه فى هذا الوقت لم يدققوا فى التوكيلات المقدمه والاوراق المقدمه ... أم أن لجنة الاحزاب شوية خرنجات لا يجيدوا القراءة والكتابه ومستنيين ياخدوا أمر الموافقه من كبار الحزب اللى عينهم فى مجلس الشورى ...

من المؤكد أنه قد تم فحص كل الاوراق ..والمؤسسين اتفتحت لهم ملفات فى جهنم وجمعت عنهم مايكفى من التحريات .. والا ما نبقاش فى مصر الامن .... والامان..

وإذا فتحنا ملفات التزوير .... ألم تحكم محكمة النقض ببطلان عضوية الكثير من أعضاء المجلس الموقر لوجود شبهة تزوير وتلاعب فى نتائج الانتخابات .... وعندها صدر الاعلان المحجوبى بأن المجلس سيد قراره ... لحماية المزورين ومنحهم الحصانه ... !!! ..

رئيس المجلس الموقر يقوم بالتزوير عيانا جهارا على مرأى ومسمع من العالم كله على الفضائيات .. عندما يطرح اقتراعا .. ويعلن ....موافقه .. دون أن يكلف نفسه عناء النظر الى من رفع يده من عدمه !!!... وفى أى برلمان محترم حسن السمعة .. وفى سنه أولى ديمقراطيه نعرف أن أى تصويت يحتوى على ثلاثة عناصر رئيسية اولا الموافقون.... ثانيا الغيرموافقون.... ثالثا الممتنعون عن التصويت ....

ولابد أن تنطبق نتيجة التصويت الاجمالية لعدد الاعضاء على عدد الحاضرين بالجلسه ... ولكن يبدوا أن رئيس مجلسنا الموقر معلموهوش فى المدرسه غير كلمة موافقه ... أليس ما يقوم به هو تزوير بكل معنى الكلمه ...

كمان هناك شيىء أدهى من ذلك كله .. وهو أن معظم جلسات المجلس لا يكتمل فيها النصاب القانونى من الحاضرين .. وتسير الامور وتجرى المناقشات فى ظل هذه الجلسات والقاعة خاويه ....وتسجل فى مضابط المجلس أن الجلسة مكتملة وبها النصاب القانونى من الحاضرين ... أليس هذا تزويرا ....

العملية شكلها وحش أوى وتكاد تكون وصمة عار فى جبين الحكومه الجديده برئاسة نظيف ..والمثل بيقول اللى بيته من قزاز مايحدفش الناس بالطوب ..

وقد عودتنا كل حكوماتنا السابقة على أن التزوير .. هو الأصل ....

أستأذنكم أجيب شوال لمون علشان قرفان .... :lol: h):

[yasser6666]

الحكومة سكلها ناوية تورينا العين الحمرا الكام شهر الجايين دول لغاية ما الأستفتاء يتم علي خير والأمور تستتب مرة تانية..

الناس في حالة هياج وعايشين علي أمل انهم ممكن يغيروا حاجة والحركة السياسية في مصر في حالة نشاط مستعر مابين لقاءات الأحزاب الي عقد مؤتمرات الي طبع كتب بتتكلم عن التوريث وتوزيعها في معرض القاهرة للكتاب

وده اللي خلي الحكومة تاخد مواقف حاسمة بالقبض علي ايمن نور والتلاتة بتوع معرض الكتاب...يعني اللي حيفكر يفتح بقه حياكل بال....(ولامؤاخذة)

اعتقد اننا فعلا لو عايزيين تغيير لازم يكون فيه ضحايا كتير زي ايام ثورة عرابي وسعد زغلول وكان المصريين بيطلعوا في مظاهرات وهما عارفين انهم حيضربوا بالنار في صدورهم من الأنجليز ولكن ده عمره مامنعهم انهم يضحوا كتيرويكملوا

ونحن الأن تحت الأحتلال بدون شك ولازم يكون فيه خسائرفي الأرواح وناس كتير تروح في الرجلين بذنب أو بدون ذنب

بس انشاءالله تكون بفايدة كما قال الأخ ابو السيد الشعب في حالة ولادة بس متعسرة شوية وعلي رأي المثل

No pain No game

ياريت نشوف ايه اللي ممكن يتعمل بطريقة عملية شوية للأخ نور حتي لو المطلوب جمع توقيعات من جديد ممكن برضوا نعملها ونرسلها ال مقر الحزب ...

[سقراط المصري]

كل ماتفعله الحكومه الان يندرج تحت فئات عريضه هي:

1- اساليب تخويف نابعه من خوف داخلي من حدوث مفاجأت في اللحظات الحرجه.

2- بصراحه مبارك شكل تصريحاته مهزوزه وممله، ولعبه الاجراءت الاخيره والحكومه مش هنا يعكس خوف كبير عند الريس.

3- الحكومه مش عارفه الضربه القاضيه هتكون منين ، من الخارج ام من ثورة الشعب.

4- مع الايام الشعب اصبح عنده وعي ومش اهبل او عبيط او انفعالي زي ايااااااااااااام زمان ، والحكومه مش واخده بالها او بتتغابى ، اي ان الحكومه والريس والحزب الحاكم اصبح عندهم مايطلق عليه عدم وجود انعكاس للذات اي تقييم الاداء بموضوعيه عشان اعرف انا جاي منين ورايح فين. واي نظام حاكم لم بيوصل للنقطه دي بيكون سطر اولى سطور نهايته.

سقراط

[se_ Elsyed]

No pain No game

هي مش كان إسمها

No Gain without Pain

يعني ما فيش حلاوه من غير نار ..

أو ما فيش ولادة من غير ألم ( إلا بقى لو الست اللي بتولد إتخدرت الأول rs: )

يالله حصل خير

( مش عارف اليومين دول كل ما ادخل موضوع احس إني داخل مستشفى الجلاء للولادة ليه ؟ )

[morad]

هل سنفعل شيئا واحد فى حياتنا اقوى من الكلام؟؟

شىء بسيط جدا جدا

ليس فيه ضرر

ولكن قد يكون تأثيره عظيما ويشفى غيظ قلوبنا

تعالوا الى صلاة الجمعة القادمة فى المسجد الرئيسى بمعرض القاهرة الدولى للكتاب

امام سراى المانيا

الا قد بلغت..... اللهم فاشهد

[Tafshan]

واضح ان الحكومه ابتدت تبين انيابها .. انا مش في مصر و مش شايف حاجه لكن خايف جداً .. حاسس ان في حاجه ح تحصل .. ايه مش عارف .. ربنا يستر

[bodi]

عندي نفس احساسك يا طفشان

[ابو يوسف]

قريت الموضوع مرة و اتنين و تلاتة ...

و كل ما اجى اكتب تعليق ..

الاقينى مش قادر اكتب الا جملة واحدة ....

مافيش فايدة

الله يرحمك يا سعد باشا !!

[achnaton]

<IFRAME WIDTH=550 HEIGHT=400 SRC=http://www.ahram.org.eg/Index.asp?CurFN=fron21.htm&DID=8383></IFRAME>

مش عارف اقول ايه

لا حول ولا قوة الا بالله

فعلا مافيش فايدة

الفاضل ابو شلبى ابن المنصورة دائما ان شاء الله

من محافظتكم سعدت المحروسة بالكثيرين من السياسيين المناضلين .. ومنها جاء سراج الدين وغيره كثيرين .. ومنها جاءنا ايضا ايمن نور وكان الأمل فيه كبير .. شد حيلك وشد معاك ازر أيمن نور .. لعل نرى للحرية والعدل بصيص من النور

ولابد أن تعرف ان نقل الشريف من وزارة الاعلام الى مجلس الشورى لم يكن طردا او استغناء عن الخدمات كما كان يقال .. ولكن لقيادة حملة التجديد والتوريث والانتخابات والأستفاء .. واذا كان قد صرح أن حزب الغد مازال موجودا فيجب المطالبه بأشراك بناء مصر المغتربين فى الأنتخابات والأستفتاء بالمظروف المغلق والذى يجب فتحه تحت اشراف ناس شرفاء وما اكثرهم فى المحروسة المهم مش من آى وزارة أو موظفى الحكومة .. فسوف يكون هناك أكثر من 2 مليون صوت لحزب الغد ..

فينك " ياصفية هانم " عشان تغطينى وتصوتى زى ما عملتى مع سعد باشا زغلول ..

taz:: taz:: taz:: taz:: taz:: taz:: rs:

[yasser6666]

استاذي سي السيد

هل حاولت الاتصال بمقر حزب الغد أو بالأخ أيمن بطريقة أو باخري...ياريت تبلغنا بأخر التطورات الحقيقية (مش مصدق الجرايد بصراحة)

ومرة أخري لو ناويين نعمل حاجة مفيدة تجاه الموضوع ده ممكن نعمل أيه بجانب تحليلاته وتفسراته في المنتدايات

مثلأ ممكن نعمل (partition) لجمع توقيعات علي النت لمساندة الأخ ايمن نور ومطالبة الأفراج عنه بكفالة لحين البت في أمره...

(سبحان الله.يوسف والي اللي كان خارب الدنيا.المجلس اجتمع تلاتين مرة علشان يوافقوا بس انه يروح يشهد في المحكمة في قضية المبيدات المسرطنة.والنائب العام كان حيبوس رجله علشان يحضر.مش تترفع الحصانة عن رئيس حزب في نص ساعة !!!)

أبو السيد...اللي اعرفه وبسمعه كتير هي:

No pain No game

ومعناها مافيش متعة من غير ألم

أنما :

No Gain without Pain

دي أخر مرة سمعتها كنت في الثانوية العامة ولكنها غير دارجة...

................................

لو قررتوا تعملوا أيه بلغوني والله الموفق وربنا ينتعنا بالسلامة rs:

[se_ Elsyed]

استاذي سي السيد

هل حاولت الاتصال بمقر حزب الغد أو بالأخ أيمن بطريقة أو باخري...ياريت تبلغنا بأخر التطورات الحقيقية (مش مصدق الجرايد بصراحة)

بعد ما الاخوة الاعزاء أرسلوا أرقام الإتصال حاولت أتصل على الموبيل .. لكن النتيجة معروفة طبعاً فالدكتور أيمن مش محبوس في كنتاكي عشان يخلوا الموبيل معاه .. يعني مافيش حد رد ...

فبعثت لهم رسالة بريدية لإعلان مساندتهم ضد الغول الفاشي ...

وأنا كلي ثقة إن الموضوع هايطلع على فاشوش وإنها كانت عملية قرص ودن مش أكثر ... وهما طبعاً متوقعين إن الراجل هايخرج من المحنة دي ويغير إسم الحزب من حزب الغد إلى حزب " الماضي " او حزب " الاطلال " ويمشي جنب الحيط ويبطل حتى يسمع نشرة الأخبار..

جريدة المساء السمورية

اليوم..تجديد حبس أيمن نور وأيمن بركات

مني مكرم عبيد تشارك في الحوار الوطني عن "الغد"

كتب طارق عجلان:

ينظر قاضي المعارضات بمحكمة عابدين اليوم قرار تجديد حبس د. أيمن نور رئيس حزب الغد المحبوس احتياطياً علي ذمة التحقيقات بتهمة استخدام توكيلات مزورة بأسماء أعضاء الحزب.

أمرت نيابة أمن الدولة العليا بحبس أيمن بركات سكرتير عام الجمعية العمومية للحزب والمتهم الثاني في القضية أربعة أيام علي ذمة التحقيقات بعد أن وجه له هاني حمودة رئيس النيابة نفس الاتهامات الموجهة إلي أيمن نور وهي استخدام محررات وأختام حكومية مقلدة وتوكيلات مزورة بأسماء أعضاء الحزب.

ومن المرجح عرض بركات علي قاضي المعارضات اليوم أيضاً للنظر في "مسألة" تجديد حبسه علي ذمة التحقيقات.

استكملت نيابة أمن الدولة التحقيقات مع المتهمين الليلة الماضية علي التوالي في وقت متزامن.

باشر سامح يوسف رئيس النيابة التحقيق مع أيمن نور. حيث واجهه بنماذج عديدة من التوكيلات المزورة الموجودة تحت يد النيابة كأحراز في القضية.

من ناحية أخري تشارك الدكتورة مني مكرم عبيد سكرتير عام الحزب في مؤتمر الحوار الوطني اليوم ممثلاً لحزب الغد بوصفها تحتل المرتبة الثالثة في الحزب بعد حبس الرئيس أيمن نور وغياب النائب الأول موسي مصطفي موسي الموجود في دبي.

بالله عليكم متوقعين إيه من الدكتورة منى بعد ما قصقصوا ريش الناس الكبيرة في الحزب الوليد وقتلوه في مهده ....

نقطة أخرى ولا ادعي بأني بأفهم في القانون ولكن الشيء بالشيء يُذكر : هل يُعقل يا ناس ياللي ربنا خالق لنا عقل عشان نفكر به ونتحاسب على كل فعل وقول أن يقوم إنسان مطلوب منه خمسين توقيع بتزوير 1200 توقيع عشان يكمل 5200 توقيع ؟ وياريت زور توقيعات بتاعت ناس وهميين او ميتيين - طبعاً اللي بيعمل العملية دي بأحتراف هما الحزب الوطني وأنا شاهد على ذلك .. من لم بطاقات شخصية من الناس وبيروحوا الإنتخابات نيابةً عنهم عشان ما يتعبهمش - ولكن من كثر إحتراف أيمن نور للتزوير راح زور توقيعات واختام مكتب التوثيق بتاع الشهر العقاري اللي في المعادي ، لأ وإيه هو عشان عتيد الإجرام فراح مزور الختم والتوقيع لـ 1200 ختم ومن نفس المكتب .... إيه الحلاوة دي ده ولا شغل المافيا .

[أسد]

قالت مصادر قضائية إن قاض خاص بقضايا أمن الدولة في مصر أمر بتجديد سجن أيمن نور رئيس حزب الغد المصري المعارض لمدة 45 يوما بعد مثوله للمرة الثانية أمامه بتهمة تزوير وثائق رسمية.

وكان قد صدر الأحد حكم بسجن نور أربعة أيام على ذمة التحقيق بعد اتهامه بتزوير توكيلات طالبي تأسيس الحزب.

وظهر نور برداء المحاماة، كونه محاميا، ليطالب بالافراج الفوري عنه قائلا إنه واجه "محاكمة ملفقة" بسبب "خوف الحكومة من حزب الغد، رغم أنه لا يزال في نشأته".

الموضوع أكيد له أبعاد خفية ...

حبس 45 يوم أمر غير عادي ..

وأيمن نور .. في الحقيقة .. ليس ملاكاً ..

لننتظر ونرى ..

مع التأكيد على أننا ضد حكومة الحزب الوطني الديمقراطي

برئاسة محمد حسني مبارك

[se_ Elsyed]

الموضوع أكيد له أبعاد خفية ...

حبس 45 يوم أمر غير عادي ..

وأيمن نور .. في الحقيقة .. ليس ملاكاً ..

لننتظر ونرى ..

ده أكيد يا أسد ..

ولكن

بما إن إلقاء القبض على المذكور تم ببروباجندا عاليه قوي أي أن الموضوع لم يصبح خفياً وبالتالي أليس من حق الشعب المسكين وأعضاء حزب الغد - سواء المزور او الحقيقي - وبلاش كده خلينا مع أفراد أسرته اللي إتاخد من وسطهم وجرايدهم صورته على إنه خُط الصعيد ... أليس هؤلاء جميعاً وهو كمان من حقهم أن يعرفوا لماذا أُلقي القبض عليه ولماذا يتم تجديد حبسه 45 يوم ؟ هل كل ده بتهمة التزوير ؟!!!!!!!!!!!!!!!!!!

مش بأقولك ... ده ولا اللي كان بيخطط لقلب نظام الحكم ؟

بس هازعل قوي لو طلعوا في الاخر وقالوا إنهم ظبطوا في بيته ومكتبه مخزن أسلحة وخرائط لمنشأت حساسة في الدولة وإن المذكور كان يُخطط مع فئة ضالة سيتم القبض عليها لتنفيذ تفجيرات لزعزعة أمن الوطن ...

فاكرين الشيخ / فوزي السعيد بتاع مسجد غمره لما زاع صيته وأصبح أشهر من النار على العلم وراحوا مفبركين له تهمة يواجه عشانها حكم الإعدام وقالوا إنهم ظبطوا مخزن أسلحة في المسجد وخرايط لمنشأت حيوية ؟

يا عم دول عالم جبابرة ... والبلد بلدهم .. وقانون ساكسونيا جاهز وفي ثانية بالصلاة عالنبي يفصلوا تهم ويلبسوها للي عايزينه .. طالما ما فيش حد بيحاسبهم ..

وعاشت دولة القانون والمؤسسات ..

[مصرى]

وأيمن نور .. في الحقيقة .. ليس ملاكاً ..

نعم .. ليس ملاكا .. لكنه خرج عن الخط وهاجم "التوريث"

القضية تجرى ضمن السياق الذى اعتاده النظام منذ سنوات .. استخدام مؤسسات الدولة وحتى محراب العدالة والنيابة العامة فى التنكيل بالخصوم

قمة الفساد .. وصمة عار .. ونقطة سواء فى تاريخ مصر

[sha3ooor]

[سقراط المصري]

كلاكيت تاني مره

بداية النهايه

لو الكلام دا صح يبقى مبارك من المغضوب عليهم عند الامريكان.

....... لا ياسقراط الحكومه الامريكيه شعرت بالملل من مبارك وعاوزه وجه جديد.

طيب وعلى المثل اللي مايجيش بالطيبه يجي بالغصيبه.

[yasser6666]

وعندما اتصل به مكتب الأمين العام للحزب الوطني صفوت الشريف ليلومه علي مشاركته، قال انه لم يشارك باسم الحزب، إنما تعبيرا عن موقفه الشخصي.

لم يجد هذا التبرير قبولا من المسؤول الذي اتصل به من مكتب الأمين العام للحزب الحاكم، وعندما توتر الجو قال أيمن نور أنه رئيس حزب ومن يتحدث معه يجب أن يكون رئيس حزب مثله، ومن المعروف أن رئيس الحزب الحاكم هو الرئيس مبارك، مما اعتبر مطلب نور تجاوزا يستوجب العقاب!!.

فعلا السلطة لها كلاب سعرانة...ربنا ينتقم من كل الظالمين

ما أتعجب له هل الناس دي تنام قريرة العين في الليل بعد أن ترمي برئ في غياهب السجون وتعلم تماما انه مظلوم

وعلشان أيه؟؟؟الكرسي والمنصب ورضا الفرعون عنه؟؟؟

الحمدلله رب العالمين الذي فضلنا علي كثير من عباده

[Sherief AbdelWahab]

ألا تلاحظون الفرق بين الدلع الذي حظي به المرتشي بحكم المحكمة وملك الصحافة الصفراء محمد عبد العال ، وبين سياسة المطرقة الحديدية التي عومل بها أيمن نور؟

خلص الكلام