بعيد عنك حاتبقى هباب... وعيشة سواد بعيد عنك

[MZohairy]

انتظروني في رائعة امك كلثوم:

بعيد عنك الجاى هباب

رئيس الشوم واخوانه...رئيس مخصوص لخلانه

بعيد عنك حاتبقى هباب... وعيشة سواد بعيد عنك

مالوش غير اليهود احباب... ده وش غراب بعيد عنك

لا دين ولا زوق ده غلبنى...و قدمه النحس توبني

و مهما الفقر دمرني...و مهما القطر شنيرني

لا طول حكمك يغيرني...ولا الاخوان هترهبني

بعيد عنك

تم تعديل 17 يناير 2013 بواسطة mzohairy

[متعب]

نشت يافالح

هى فعلا هتبقى عيشه قطران وسواد مغلى

عاوزين اغنيه يازوهيرى للسولار ال هيبقى سوق سوده رسمى ب 4 جنيه ده

انا سامع كواليس كده بتقول ان الدعم فقط هيكون فى حدود 30 لتر فقط لكل سيارة اجرة ومش عارف اد اي كده للنقل والملاكى

يعنى التلاتين لتر دول يودوه بس لغايه القاهرة ويشترى هو بقى سوق سوده ب 4 جنيه لو عاوز يرجع وبالطبع الراكب هيشيل الليله مش السواق

فهى فعلا هتكون عيشه هباب

ناهيك عن كل الشركات الخاصه ال بالطبع هيكون شغلها كله سوق سودا برده المواطن هيشيل الليله فيها

يعنى كله هيبقى على حساب صاخب المخل . ولسه انجازات طائر النهضه على ما يحط فى مكان

[أبو محمد]

انا سامع كواليس كده بتقول ان الدعم فقط هيكون فى حدود 30 لتر فقط لكل سيارة اجرة ومش عارف اد اي كده للنقل والملاكى

5 لتر للسيارة 1600 سى سى للأسرة

يعنى لو حضرتك معاك عربية والمدام عربية مفيش غيرهم لكم انت الاتنين

5 لتر

واتصرف بقى لو احتجت أكتر

السيارة 1600 سى سى بتعمل فى المتوسط 10 كيلومتر فى اللتر

يعنى اللى ساكن فى الرمل يروح برج العرب وما يرجعش

قول يا مايسترو .. كلمنا عن الهباب

وياريت لو سمعتنا

أبوس الجدم .. وأبدى الندم .. على غلطتى .. فى حج الغنم