الطاحونة الفكرية بتاريخ: 28 ديسمبر 2004 تقديم بلاغ مشاركة بتاريخ: 28 ديسمبر 2004 السادة العضاء الأفاضل وحشتوني . ندخل في الموضوع بصراحة زي محضراتكم عارفين و فاهمين كويس أن الوضع الأقتصادي و مستوى المعيشة في مصر أصبح وضع غير صحي أطلاقا و >لك بالنسبة لأكبر فئة من فئات الشعب المسكين و هيه الفئة المطحونة . و طبعا زي محضراتكم فاهمين أن السفر و الهجرة لدول أجنبية أو عربية أصبح ضرورة لمصلحة أقتصادنا عامتا بعد أن كانت وسائل الاعلام في الماضي تحث المصري أنه يفضل في بلدة بس دة كان زمان قبل ما نخلص من موضوع البنية الأساسية و ادينا خلصناه و كله تمام و أقتصاديا تعتبر تحويلات المصريين العاملين في الخارج احد مصادر الدخل القومي بالأضافة انه سيحدث حالة من تخفيف الضغط . يعني كله في المصلحة . القصة بقى أنا شاب مؤهل عالي على دراية كاملة بأستخدام الحاسب الآلي و خبرة كافية في مجال التسويق و عندي 27 سنة . لسه مكتشف للأسف أن أنا في مصر أستحالة هقدر اعمل حاجه خالص من دخلي المحدود نوعا ما و دي مش مشكلتي انا بس طبعا . خصوصا ان انا من النوع اللي بيبدأ من الصفر :blink: فكرت كتير لقيت ان السفر هو الحل بالنسبة لي و اللي زيي و دة عشان المصلحة العامة لأن الواحد لو اتخنق ممكن يعمل حاجات كتير مش تمام :) ففعلا بدأت و انا في عملي الحالي في البحث عن طريقة للسفر و خصوصا دولة عربية عشان برضه العادات متشابهه و متقاربة الى حد ما و انا ليا خبرة في دولة عربية قبل كدة المهم :- لقيت قدامي مكاتب عمل بتعرض خدمات التسفير للخارج بمقابل مادي بيسموه عمولة تتراوح مابين 5000 و 7000 جنيه و بيتعهد انه يجيبلك عقد و تشتغل و كله يبقى ميه ميه بس انا مش عارف و عايز استفسر من زوي الخبرة في المنتدى و اعلم انهم كثيرون عن ه>ه المكاتب و هل فعلا الموضوع مضمون . و هل فيه مكاتب زات مستوى و معروفة و مضمونة و مكاتب اخرى نصابين لأن التعويره هنا وحشة و مؤلمة و الواحد مش ناقص و عايز اعرف برضه من أهل الخبرة هل هناك طرق أخرى للسفر خارج البلاد غير كدة و غير الوسايط لان انا معنديش واسطة برضه . أرجو الأفادة و جزاكم الله كل خير على فكرة انا عارف ان ممنوع الاعلان هنا عن اي حاجه او أسم اي مكتب عشان كدة اللي عايز يفيدني بجد ممكن يراسلني على ايميلي الخاص و مرحبا بأي اخ أو اخت tarek_no1_2005@hotmail.com هنعمل ايه معلش خلاص مش قادرين نستحمل الحالة كل يوم بتزداد سوء . mfb: mf-: رابط هذا التعليق شارك المزيد من خيارات المشاركة
ابو خليل بتاريخ: 7 أبريل 2005 تقديم بلاغ مشاركة بتاريخ: 7 أبريل 2005 نصيحة من مغترب مخضرم .. عدت الي مصر فوجدت بعض زملائي ممن لم يسافر ولا يتبهدوا مثلي .. قد حققوا - و الله يزيدهم - اضعاف ما حققته .. حاول في بلدك ولا تيأس .. وأتمني لك التوفيق رابط هذا التعليق شارك المزيد من خيارات المشاركة
se_ Elsyed بتاريخ: 7 أبريل 2005 تقديم بلاغ مشاركة بتاريخ: 7 أبريل 2005 لقيت قدامي مكاتب عمل بتعرض خدمات التسفير للخارج بمقابل مادي بيسموه عمولة تتراوح مابين 5000 و 7000 جنيه و بيتعهد انه يجيبلك عقد و تشتغل و كله يبقى ميه ميه بص يا عم طارق المبلغ ده مش كثير لو دفعته في عقد عمل موثق ومضمون ... لإن الـ 7000 سحتوت لما تييجي تترجمهم للعملات الصعبة الاخرى وعلى سبيل المثال الريال السعودي يطلعوا حاجة بتاعة 4500 ريال ... نيجي لأهم نقاط : 1- مافيش حاجة إسمها مكتب ياخد منك فلوس وبعدين يبقى يدور لك على شغل . 2- كان يا ما كان أيام زمان أصحاب الشركات الخليجيين هم من يركضون وراء العمالية المصرية المدربة والمؤهلة .. وهو من يدفع جميع التكاليف حتى يصل العامل المصري إلى مقر عمله ... فتدخل ولاد ..... ( ولا بلاش ) من المصريين وقالوا لهم ... يا عم إستنى ... إنت بس هات لنا التأشيرة وإحنا نغطي لك تكاليفها من دم اللي عايز يسافر ... فتخيل المنظر كده لو إنت رايح تقدم في شغل في شركة بمصر ولقيت صاحب الشركة بيقولك إحنا هانعينك يا طارق يابني بس لازم تدفع 5000 ج ... ليه يابا هو مين اللي المفروض يدفع لمين ؟ 3- ما علينا اللي حصل حصل وبقينا قدام امر واقع مرير ... إذاًإذا لقيت فرصة عمل في مكتب وطلب منك مبلغ معين يبقى اهم حاجة تسأل عنها هو العقد الموثق من وزارة الخارجية وتوثقه من وزارة العمل كمان وتدرس كل كبيرة وصغيرة فيه من حيث المزايا المادية والشروط ومدة العقد والجزاءات وطبيعة العمل وما إلى ذلك .. وما تحسسش المكتب اللي بيلعب اكثرهم دور الكفيل وتلاقيه عايز يعصر الشخص اللي قدامه مع إنه مصري زيه إنما دول باعوا ضمائرهم من اجل الدرهم .. فدايماً تحسسوا إنك مش واقع ولا ضاربك السلك ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
se_ Elsyed بتاريخ: 7 أبريل 2005 تقديم بلاغ مشاركة بتاريخ: 7 أبريل 2005 لي تجربة مع شركات تسفير العمالة بالخارج وده كان سنة 96 فانا جيت هنا سنة 95 تبع شركتي اللي معاها حالياً ونفذنا لهم مشروع في احد البنوك وخلصنا في 6 شهور ونزلونا وقالوا اللي هانحتاج له هانبعت نجيبه .. فقولت ادور على شغل .. فأنت عارف إن معظم شركات تسفير العمالة متركزة في منطقة القصر العيني المحيطة بالسفارة السعودية ... فلقيت شركة منهم عامله إعلان طالبه محاسبين لشركة سعودية فتقدمت وبعتوا لي : طبعاً أي صاحب مكتب بيخاف منك لما بيلاقيك فاهم وبتناقش الصغيرة والكبيرة .. ولما ملأت نموذج الطلب سيبت موضوع المرتب ده بس عرفته إني سافرت قبل كده ولسه جاي من أقل من شهر.. - لقيت المعلم صاحب المكتي بيكلمني عن مرتب منخفض جداً وتكاليف السفر والتذاكر وإصدار الإقامة بالسعودية ومصاريف صيانة السكن والكهرباء والغاز كلها عليه ... فسألته سؤال صريح : وقلت له بالنص : طب حضرتك بالنسبة لشغل البيت عند الكفيل هايبقى إيه نظامة ؟ يعني لو الشغالة الفلبينية لا قدر الله كانت عيانه أو المدام بعافية شويه انا هايبقى إيه دوري عنده ؟ فقال لي ليه كده وإيه الأسلوب ده ؟ فقلت له اعملك إيه إذا كان الناس هما اللي محتاجين موظفين يبقى بدل ما أجي أقبض ألاقي نفسي بأدفع .. وبعدين أنا كنت باخد مرتب قد اللي إنت بتتكلم عليه 4 مرات ... سلام يا صاحبي .. فعرض عليه مرتب مره ونص وقالي بس ما تقولش لحد من اللي مسافرين معاك .. فتركته ومشيت من غير ما أمد إيدي عليه .. وقررت البداية من الصفر وروحت والله العظيم يا عم أشتغلت في مكت محاسب قانوني ( مرمطون تحت التدريب ) بمرتب 100 ج شهرياً ما يكفوش لشراء ساندوتش فول من غير سلطة يومياً والعمل اكثر من 9 ساعات... لإني انا اللي عايز اطور نفسي وأزود خبراتي .. ولم يمضي شهر ولقيت الشركة السعودية باعته لي تاني وسافرت والحمد لله .. فلازم تتعب وتدور وتسعى ولا تجلس وتنعي حظك وظروف البلد وما إلى ذلك ... وهابعت لك بعض أسامي شركات العمالة المحترمة في مصر في رسالة خاصة وربنا يوفقك . الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
mb14 بتاريخ: 8 أبريل 2005 تقديم بلاغ مشاركة بتاريخ: 8 أبريل 2005 ... وهابعت لك بعض أسامي شركات العمالة المحترمة في مصر في رسالة خاصة وربنا يوفقك الأخ الفاضل س س ممكن انا كمان الله يكرمك تبعت لى . احسن انا عندى اخويا بردوا مهندس ميكانيكا والواد مخه حايفوت من كتر التفكير فى موضوع الشغل دى وربنا يستر عليه . شكرا مقدما ومن لا يحب صعود الجبال يعش أبد الدهر بين الحفر رابط هذا التعليق شارك المزيد من خيارات المشاركة
emmyyy بتاريخ: 8 أبريل 2005 تقديم بلاغ مشاركة بتاريخ: 8 أبريل 2005 و انا كمانننن ممكن تبعتهملي plzzzzz cr((: ان لم أكن أخلصت في طاعتك****فانني أطمع في رحمتك وانما يشفع لي أنني*******قد عشت لا اشرك في وحدتك رابط هذا التعليق شارك المزيد من خيارات المشاركة
se_ Elsyed بتاريخ: 9 أبريل 2005 تقديم بلاغ مشاركة بتاريخ: 9 أبريل 2005 و انا كمانننن ممكن تبعتهملي plzzzzz cr((: وبعدين ؟ .. انا كده عايز عمولة .... شهر مرتب من كل واحد يسافر زرزارة .... ولبيك اللهم لبيك .. من عنينا يا ست إيمي بس وصي علينا بتوع مستشفى دله :o الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
se_ Elsyed بتاريخ: 9 أبريل 2005 تقديم بلاغ مشاركة بتاريخ: 9 أبريل 2005 ... وهابعت لك بعض أسامي شركات العمالة المحترمة في مصر في رسالة خاصة وربنا يوفقك الأخ الفاضل س س ممكن انا كمان الله يكرمك تبعت لى . احسن انا عندى اخويا بردوا مهندس ميكانيكا والواد مخه حايفوت من كتر التفكير فى موضوع الشغل دى وربنا يستر عليه . شكرا مقدما حاضر يا أم 14 يا حبيب قلبي الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
se_ Elsyed بتاريخ: 9 أبريل 2005 تقديم بلاغ مشاركة بتاريخ: 9 أبريل 2005 بس عايز أقول نقطة مهمة يا جماعة مش مهم إسم المكتب اللي هابعته على قدر أهمية ظروف العمل وشروط التعاقد .. يعني على سبيل المثال ... في جريدة الاهرام كل يوم جمعة أقرأ إعلانات عن وظايف خالية في الخليج وفي السعودية بالذات ويتم التعاقد عن طريق مكاتب تسفير وهي مكاتب محترمة وذات سمعة جيدة وبيبقى من مصلحتهم إنهم يعملوا شغل كويس علشان الكوميشن بتاعهم ... يبقى إيه المانع إن تاخد رقم الفاكس أو الإيميل بتاعهم وتبعت لهم CV مكتوبة كويسة وفيه تفاصيل عن مؤهلات وخبرات طالب العمل .. وهما لما بيحتاجوا بيتصلوا بك .. هنا بقى ييجي دورنا كمقيمين في الغربة وبنحتك بسوق العمل كويس .... فممكن نساعد أي زميل جاي له فرصة عمل ونقوله يعمل إيه وما هي أصول التعاقد مع جهة عمل في دول الخيج وما هي حقوقه وواجباته وما إلى ذلك . فأرجو من راغبي السفر إنهم يبقوا دايماً مجهزين السير الذاتية بتاعتهم ويبعتوها لكل مكاتب السفر اللي بيعلنوا في الجرايد المصرية( مش هايخسروا حاجة إطلاقاً ) والحمد لله بقى فيه حاجة إسمها فاكسات وإيميل وما إلى ذلك وبالتالي هايتفادوا اللف على الرجلين والسؤال عن عناوين المكاتب ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
mb14 بتاريخ: 9 أبريل 2005 تقديم بلاغ مشاركة بتاريخ: 9 أبريل 2005 .حاضر يا أم 14 يا حبيب قلبي متشكرين جدا يا س س على الواجب اللى عملته معايا ان شاء الله اول ما الواد اخويا يمسك اى حاجة ليها علاقة بالسفر حخليه يبعت لك جوزين حمام طايرين هوا على المكتب بتاعك فى الرياض . ومن لا يحب صعود الجبال يعش أبد الدهر بين الحفر رابط هذا التعليق شارك المزيد من خيارات المشاركة
Masrawy Abroad بتاريخ: 9 أبريل 2005 تقديم بلاغ مشاركة بتاريخ: 9 أبريل 2005 عزيزي إس إس ما فيهاش حاجة لو أعلنت أسماء الشركات في المحاورات ليستفيد الجميع. احنا عارفين انك مش عضو مجلس إدارة ولا شريك في أي شركة منهم cr((: :o حتة اننا بنعمل دعاية واعلان للغير دي أنا مش مقتنع بيها...بتفكرني بالتلفزيون المصري لما يطلع البطل في فيلم ولا مسلسل بيشرب بيبسي وحاطط منديل ابيض على الإزازة عشان ما يطلعش اسمها... :P :P رابط هذا التعليق شارك المزيد من خيارات المشاركة
se_ Elsyed بتاريخ: 9 أبريل 2005 تقديم بلاغ مشاركة بتاريخ: 9 أبريل 2005 ما فيهاش حاجة لو أعلنت أسماء الشركات في المحاورات ليستفيد الجميع. احنا عارفين انك مش عضو مجلس إدارة ولا شريك في أي شركة منهم cr((: :o يا عم مصراوي عايش في الخارج انا إذا كنت اعرف شركتين تلاتة ... فمن خلال الجرايد ممكن الواحد يحصل على أسماء العديد والعديد من الشركات .. ده بالنسبة للي عايزين يشتغلوا في الخليج .. ولا أريد ان أُعلن هنا عن الكام شركة دول عشان دائرة البحث ما تضيقش ويبقى الواحد مركون على شركتين تلاتة فقط ... في حين هناك العديد من الشركات المحترمة في مصر .. ومعيار الإحترام هنا هو مصداقية التعاقد وظروفه . الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
emmyyy بتاريخ: 9 أبريل 2005 تقديم بلاغ مشاركة بتاريخ: 9 أبريل 2005 مستشفي دله كلها تحت امرك cr((: بس ربنا مايحوجكش ليهم ابدا يا رب :o ان لم أكن أخلصت في طاعتك****فانني أطمع في رحمتك وانما يشفع لي أنني*******قد عشت لا اشرك في وحدتك رابط هذا التعليق شارك المزيد من خيارات المشاركة
نورماج بتاريخ: 28 أغسطس 2008 تقديم بلاغ مشاركة بتاريخ: 28 أغسطس 2008 بسم الله الرحمن الرحيم اخي العزيز سي السيد قرأت موضوعك واعلم ان الكثيرين طالبوك بعناوين وارقام المكاتب اللي ذكرتها في حديثك وانا بعد اطلبهم منك لاني الحمد لله معي شهادات خبره كثيره ولي عمل في اكثر من مجال ولكني اخاف اتعرض للنصب ولا استطيع تحمل هذا الشي فرجاء ترسلي اسماء المكاتب وارقامهم علي الخاص ولانك سبق لك التعامل معهم وصدقو في التزامهم معك واتعهد فيك الصدق في كلامك فانا ايضا احب اني اتعامل معهم واشكرك كثيرا[وسط][/وسط] رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان