تحذير من حملة " إبطل صوتك "

[se_ Elsyed]

لا أشك إن تلك الحملات تخرج من الفلول أو اعداء الثورة وأعداء أنفسهم

انتشر منذ أمس على الإنترنت حملات بعنوان " إبطل صوتك " وبيدعي مروجوها إن لو الناس نزلت وشخبطت على ورقة الإنتخابات والنسبة كانت اكتر من 50 % أصوات باطلة فالإنتخابات كلها هاتتعاد من أول وجديد

زي بالظبط لما أبو الفتوح ياخد 3 ونص مليون صوت .. فبيقول لك ممكن يروح لجنة الإنتخابات ويتنازل عنهم لحمدين صباحي

حملات مشبوهة الغرض منها إيقاع الناس في فخ الحزب الوطني الجديد ...

لا اعتقد إن في ساذج يصدق أن كل الناس لازم تنزل تبطل صوتها ... وبالتالي نبقى واقفين بترمومتر ونقيس .. ها ... وصلنا 50 % ؟ برافوا يا رجالة يالا نروح

ده تهريج وقلة أدب وضحك على الدقون

عاملة بالظبط زي الفريق الفاشل اللي بيلعب بطريقة مصيدة التسلل .. فتلاقي لاعب عبيط عنده يغطي التسلل ولو بسنتيمتر واحد .. وييجي لاعب من الفريق الاخر ينفرد بالجون ويسجل ...

أفيقوا يرحمكم الله

.. كل ما في الموضوع إن إحنا بنستعجب على طبقة العبيد اللي وحشها الكرباج العسكري خلال سنة ونص وأفتقدت ضرباته على ضهرها .. وجسمها بقى ياكلها من العيشة النضيفة وحنت لضرب الجزم والنفخ وأمن الدولة والحياة في البرك والمستنقعات

بأستعجب على اللي فاكر إن الديكتاتور ممكن يتحول إلى شخص ملاك ورحيم

بأستعجب على 5 مليون كاره للنظافة والحرية والكرامة ويروح يدي صوته لواحد بعضمة لسانه قال " للأسف الثورة قامت " وأنا ما عنديش أي مانع أروح أزور إسرائيل على طول

أيها العبيد ... أمامكم فرصة .. فإما ان تفيقوا وتنتزعوا حريتكم بدون اي مجهود أو تضحيات .. أو فلتموتوا كما رضيتم أن تعيشوا عبيداً يُداسوا بالأحذية

بالمناسبة .. لا مجال للديمقراطية هنا ...

ديمقراطية إيه المنيلة دي اللي تخليني أروح أنتحر وأرمي نفسي بالنار ؟

ديمقراطية إيه وانا شايف ناس ما أعرفش ملتهم إيه بيخرقوا السفينة اللي راكبين فيها كلنا وهايغرقونا ؟

ده حتى مخالف لشرع الله ولنواميس الكون ولكل الأعراف والأديان والأخلاق

إزاي ربنا يخلقني حُر كريم ويقول عليه أنا في القران " ولقد كرمنا بني ادم " وسواء كنت مسلم أو مسيحي تروح برجلك تنتخب جلادك ... وتنتخب من سيسومك سوء العذاب لأنه عمل كده فعلاً وقتل أخوك وأبوك وجارك في الـ 18 يوم وموقعة الجمل وماسبيرو ومحمد محمود

إزاي تنتخب ديكتاتور ما عندوش برنامج إنتخابي وبيهددك إن احداث العباسية كانت بروفة مصغرة للي هايحصل لو حد فتح بؤه ؟

بإذن الله لن يحدث .. ومش عيب يبقى عندنا 75 مليون حُر ... بالإضافة إلى 5 مليون بيُصروا إنهم يبقوا عبيد يلحسوا الأحذية وبيتكيفوا من الذل والهوان .. مع إن قدامهم فرصة يتحرروا

أما من يخوفونا من الإسلام السياسي وانه سيقمعنا .... فأنا ربنا اداني عقل .. وشايف قدامي طريقين .. واحد 100 % هاتهان فيه بدون شك وهارجع ذليل زي أيام الحقير المخلوع لأن الطريق مليان تعابين من تعابينه وكلهم مستخبين ومنتظرين اللحظة الحاسمة يخرجوا من بالوعات المجاري .. أقسم بالله العظيم شاهدت بالامس إحتفالات امام مقر حملة شفيق وحريم عمالة ترقص وتهز واغاني واهازيج .. هما نفس الأشكال اللي حافظينها ويمكن عارفين أساميهم اللي كانوا بيقفوا قدام المحكمة ويقولوا أسفين يا ريس وهما أنفسهم اللي كانوا بينزلوا العباسية يرقصوا ويطبلوا لعمر سليمان ... إزاي إنسان محترم يختار يبقى في حزب به هؤلاء الأفاقين اللي عشان 50 ج يبيعوا شرفهم وعرضهم وإن شالله تولع البلد ؟

وطريق أخر فيه إحتمال إني اتكبت او تحبس حريتي وناس عندها برنامج محترم ممكن يُطبق ولو 70 % حتى ؟

يبقى اروح للطريق المؤكد ... ولا المُحتمل ؟

ولا أبقى سلبي وأقعد في البيت أستنى مصيري واشوف هايحصل لي إيه وأهو يا بخت من بات مظلوم ولا باتش ظالم ودع الاخرون يقررون ماذا سيكون حالي غداً ... حراً ام عبداً ذليلاً ؟

في حين إني لو كننت سلبي وأمتنعت فبالتأكيد الضباع وأكلي الجيف هايبعتوا لي رسالة شكر لأني وفرت عليهم زحام الطوابير .. وهايروحوا بأقل مجهود يستولوا على البلد بمن فيها ويرجعوها أقذر من الاول ويرجعوا ينتقموا ممن أذلهم وجاب مناخيرهم الأرض ولغى البشوية العسكرية ولغى الأهانة في الأقسام والشوارع

العبد الفقير الواقف امامكم ده لم يتعرض في حياته لا من بعيد ولا قريب لأي أهانة لان ما حدش يقدر يحاول حتى يعمل معايا كده لأني عارف حقوقي كويس وعندي لسان أحد من السيف في الحق والحمد لله لم احتاج للدولة لا في علاج ولا تعليم ولا عاوز من بلدي حاجه بل بالعكس احاول على قدر الامكان إني أرد لها جزء من جميلها علي لأن تكويني كله جاي من طينها وماءها وأرضها ومهما البلد قست على الواحد فهي كالأم التي لا نملك إلا أن نحبها دون إنتظار لما سنأخذه منها .. بأستعجب على الواحد اللي بيبقى عامل زي الحيطة وطول بعرض وبرضوا يوصل لسن 40 سنة ومحتاج أهله يصرفوا عليه ويعطوه مصروفة اليومي .. أهو بالظبط زي المصري اللي على طول بيفكر في سبوبة هاياخد إيه من بلده او إمتى تنضف بقى وأشتغل وأعيش حياة كريمة .. من غير ما يحاول يفقد بعض الدهون والشحوم اللي كونها ويبادر ويعمل هو شيء إيجابي لبلده ..!!!!!!!!

لكن هل الاستقرار اللي من وجهة نظر البعض هو الجمود والركون والتيبس اللي كان بيدعوا له المخلوع .... هل هذه حياة ؟

طب ما لا مؤخذه البقرة بتعيش كده

البقرة بتعيش في الحظيرة امنه مطمئنة وأكلها وشربها بيجيلها لحد عندها ...وحاجه زي الفل .. قاعدة بتتعلف وبس

لكن لحد إمتى ؟

لحد ما ييجي ميعاد دبحها المؤكد

ما فيش حد بيربي بقرة كده عشان صعبانه عليه أو عشان يعمل مجتمع بقر مثالي يُباهي به العالم

هذا هو الفرق بين إنسان يصنع حاضرة ومستقبلة ويكون هو الفاعل لا المفعول به ...

وبين دابة من الدواب ولا في دماغها وأهم حاجه عندها العلف والمم وحد ينضف تحتها مخلفاتها .

[نوران]

[se_ Elsyed]

الحرب بدأت على اشدها .. اتحدووووووا يرحمكم الله

**************************************

آخر الاعيب المخابرات والامن الوطني العبيطة

1 لازم تبطل صوتك عشان الانتخابات تتعاد تاني

... ...

2 انتحال شخصيات مؤيدي حمدين صباحي وادعاء دعم الشفيق

3 انتحال شخصيات السلفيين وادعاء دعم الشفيق

4 انتحال شخصيات القوي الثورية وسب الاخوان

5 انتحال شخصيات شباب الثورة وادعاء دعم الشفيق

6 انتحال شخصيات نصرانية وسب الاخوان

7 انتحال شخصيات اخوانية وسب النصاري

الحرب بدأت على اشدها .. اتحدووووووا يرحمكم الله

[ام سلمي]

حسبة توضح ازاي ان المقاطعة ممكن توصل شفيق بسهولة

[WASEET]

المجلس العسكري مابيلعبش ... سنه ونصف بيشن حرب نفسيه على الشعب المصري لتشويه الثوره وإقناعه بعودة النظام القديم ..... الفتره اللي جايه فترة الحسم بالنسبه لهم ... قدروا في خلال ساعات ينشروا خديعة ابطال الاصوات لإعادة الانتخابات .... واكيد هنشوف الاسبوعين اللي جايين الاعيب لا حصر لها

[عبدالحميد ابراهيم]

يجب التوحد خلف مرشح ثورى حتى وان اختلفنا معه اقف بجانب من وقفى بجانبى فى الميدان واقف فى وجه من واراد ابادة من فى الميدان

[ssmaly]

يجب التوحد خلف مرشح ثورى حتى وان اختلفنا معه اقف بجانب من وقفى بجانبى فى الميدان واقف فى وجه من واراد ابادة من فى الميدان

من تقصد سيدى بالثورى؟؟

من ترك الميدان واتفق مع عمر سليمان

من ترك الثوار بيذبحوا فى محمد محمود وجرى على كراسى البرلمان

من لغى شرعية الميدان بعد ان تمكن من البرلمان وقال الشرعية من البرلمان؟

هل هذا هو الثائر الحق الذى يهرب من الميدان ليعقد صفقات؟

[se_ Elsyed]

المجلس العسكري مابيلعبش ... سنه ونصف بيشن حرب نفسيه على الشعب المصري لتشويه الثوره وإقناعه بعودة النظام القديم ..... الفتره اللي جايه فترة الحسم بالنسبه لهم ... قدروا في خلال ساعات ينشروا خديعة ابطال الاصوات لإعادة الانتخابات .... واكيد هنشوف الاسبوعين اللي جايين الاعيب لا حصر لها

الله ينور عليك

شغل مخابرات على اعلى مستوى وإلا كان عمر سليمان ورجالته ... والمخابرات الحربية ورجالتهم .. وامن الدولة اللي جبناه الأرض .. ومن وراءهم كلاب الداخلية الغير شرفاء منهم ... يبقى يلبسوا طرج ويقعدوا في البيت لو ما كانوش يدافعوا عن كيانهم القذر ومملكة الفساد التي أسسوها على مدار عقود

من أول إطلاق سراح المساجين والبلطجية لترويع الناس وأنتشار جرائم جديدة لم نكن نسمع عنها الا في أفلام الويسترن زي الخطف والقتل في عز الضهر بمنتهى الدم البارد

إلى جرجرة القوى السياسية للتناحر على التعديلات الدستورية والجنة والنار والمادة الثانية وتلوين نعم باللون الأخضر .. ولا باللون الأسود في بطاقة الإستفتاء

إلى القتل المباشر في كل الأحداث من محمد محمود لمجلس الشعب للعباسية

إلى غلاء الأسعار الفاحش وكأن الدولة ما فيهاش مؤسسات ولا وزارات

إلى شح البنزين والسولار ومنعهم عن السوق

إلى وهم الناس إننا لما بنقول لأ للظلم ومليون لأ لإراقة أي دم مصري مهما كان حتى لو كان مجرم إلا بالحق والعدل يبقى أحنا كده بنهاجم جيشنا العظيم بتاع 73 وعاوزين نوقع الجيش ونولع في وزارة الدفاع وندمر قواة المشاة والحرب الكيماوية

إلى حرائق في البلد بمواعيد محددة وكلها ضد مجهول .. حتى مش يخلوا عندهم دم ويقولوا ماس كهربائي زي أيام المخلوع

إلى شحنات هائلة من الأسلحة الثقيلة اللي عاوزه عناصر وميايشيا عسكرية لها باع طويل في الحروب .. من مضادات للطائرات وبطاريات للصواريخ ... ومضادات للدروع .. ويطلقوا علينا كلاب الإعلام التابع لهم ويقولوا " إلح .. ده قبل الإنتخابات بأيام الأسلحة دي جاية للأخوان عشان لو سقطوا في الإنتخابات يبقى يشعلوها حربياً أهلية "

وكأننا دقين عصافير .. وكأننا صدقنا المخلوع قبل كده لما كان بيوقع المسلمين والمسيحيين في بعض ويطلق اعوانه يقولوا ده المسيحيين عندهم دبابات وطائرات وأسلحة ثقيلة داخل كل دير عشان يطلعوها في الوقت المناسب ويقتلونا ... أو كنا نصدق إن مسلم يعرف ربنا او بني أدم سوي كائناً ما كان يروح يفجر كنيسة القديسين وفي دقايق بطلع الكلب العادلي ومبارك في نفس واحد يقولوا " من فعلها هو جيس الأسلام الفلسطيني .. وخلاص قبضنا على سيد بلال وعلى كل منفذي العملية "

كل ده بيأثر على الإنسان البسيط اللي بيرجعوه للمقولة الشهيرة التي نطق بها الشيطان بلسانه وسمعناها جميعاً " إما انا .. أو الفوضى "

إما أن تضع في فمك جزمة قديمة وتقبل يحكمك ديكتاتور عسكري إلى أبد الأبدين من اول 52 لحد شفيق وتبقى مفعول به مرفوع دائماً

أو إشرب يا حلو وهانخلي عيشتك طين وكل يوم من ده

لكن أبداً والله ..هذا الجيل اللي تنسم عبير الحرية وعرف معناها وشاف الموت وشاف أخواته واصدقاء الميدان بيتخطفوا من حواليه ... وشاف فئران النظام السابق والمؤيدون لهم من المرجفون بيخرجوا الأن من البالوعات وصوتهم بيطلع وعاوزين يرجعوا اللي كان ... هذا الجيل لن يقبل بإعادة إنتاج النظام القديم .. بل لن يقبل ظلم أو حياد حتى ممن يؤديهم من الثوار او من سيحققون اهداف الثورة

فمبدأ الظلم واحد سواء من عدو أو من صديق

فلن افرح عندما أقبل ظلم صديقي وأستسيغه عن ظلم عدوي ...

الظلم ظلم مهما كان

لكن كوني انا اللي أجيب بإيدي من يظلمني .. فهذه السفاهة وقلة العقل بعينها

[se_ Elsyed]

يجب التوحد خلف مرشح ثورى حتى وان اختلفنا معه اقف بجانب من وقفى بجانبى فى الميدان واقف فى وجه من واراد ابادة من فى الميدان

من تقصد سيدى بالثورى؟؟

من ترك الميدان واتفق مع عمر سليمان

من ترك الثوار بيذبحوا فى محمد محمود وجرى على كراسى البرلمان

من لغى شرعية الميدان بعد ان تمكن من البرلمان وقال الشرعية من البرلمان؟

هل هذا هو الثائر الحق الذى يهرب من الميدان ليعقد صفقات؟

لأ خلاص يا دكتور

نروح نقعد مع عمر سليمان وشفيق انفسهم ونختصر الطريق !!!!!!

هل هناك من يظن أننا بشر منزهون عن الخطأ ؟

لكن هل خطأ الاخوان او أي حد من الثوار يتم مساواته بخطأ من يقتلني كل يوم ؟ من يُطلق علي كلابه ينهشوا لحمي كل يوم ؟ من يحرمني من البنزين والخبز والكهربا كل يوم ؟

أحسبها يا دكتور ... هل الاخوان هايكمموا أفواهنا ويمنعونا من معارضتهم وإحنا بنبهدلهم وبنعارضهم كل يوم لو في خطأ في أداءهم في البرلمان ؟

طب شفيق هايعمل إيه فينا يا دكتور لو نزلنا حتى التحرير نحتفل بعيد الام ؟

أقسم بالله وأنا مسئول عن ذلك .. المرة الجاية هايبقى الضرب بالطائرات والدبابات ... خلاص لا أمن مركزي بعد اليوم وأيام الدلع بتاعت الغاز المسيل للدموع اللي هايبقى زي معطر الجو كده . او الرصاص المطاطي .. كل ده أنتهى

[الدكتور ياسر]

لا أشك إن تلك الحملات تخرج من الفلول أو اعداء الثورة وأعداء أنفسهم

انتشر منذ أمس على الإنترنت حملات بعنوان " إبطل صوتك " وبيدعي مروجوها إن لو الناس نزلت وشخبطت على ورقة الإنتخابات والنسبة كانت اكتر من 50 % أصوات باطلة فالإنتخابات كلها هاتتعاد من أول وجديد

زي بالظبط لما أبو الفتوح ياخد 3 ونص مليون صوت .. فبيقول لك ممكن يروح لجنة الإنتخابات ويتنازل عنهم لحمدين صباحي

حملات مشبوهة الغرض منها إيقاع الناس في فخ الحزب الوطني الجديد ...

لا اعتقد إن في ساذج يصدق أن كل الناس لازم تنزل تبطل صوتها ... وبالتالي نبقى واقفين بترمومتر ونقيس .. ها ... وصلنا 50 % ؟ برافوا يا رجالة يالا نروح

ده تهريج وقلة أدب وضحك على الدقون

عاملة بالظبط زي الفريق الفاشل اللي بيلعب بطريقة مصيدة التسلل .. فتلاقي لاعب عبيط عنده يغطي التسلل ولو بسنتيمتر واحد .. وييجي لاعب من الفريق الاخر ينفرد بالجون ويسجل ...

أفيقوا يرحمكم الله

.. كل ما في الموضوع إن إحنا بنستعجب على طبقة العبيد اللي وحشها الكرباج العسكري خلال سنة ونص وأفتقدت ضرباته على ضهرها .. وجسمها بقى ياكلها من العيشة النضيفة وحنت لضرب الجزم والنفخ وأمن الدولة والحياة في البرك والمستنقعات

بأستعجب على اللي فاكر إن الديكتاتور ممكن يتحول إلى شخص ملاك ورحيم

بأستعجب على 5 مليون كاره للنظافة والحرية والكرامة ويروح يدي صوته لواحد بعضمة لسانه قال " للأسف الثورة قامت " وأنا ما عنديش أي مانع أروح أزور إسرائيل على طول

أيها العبيد ... أمامكم فرصة .. فإما ان تفيقوا وتنتزعوا حريتكم بدون اي مجهود أو تضحيات .. أو فلتموتوا كما رضيتم أن تعيشوا عبيداً يُداسوا بالأحذية

بالمناسبة .. لا مجال للديمقراطية هنا ...

ديمقراطية إيه المنيلة دي اللي تخليني أروح أنتحر وأرمي نفسي بالنار ؟

ديمقراطية إيه وانا شايف ناس ما أعرفش ملتهم إيه بيخرقوا السفينة اللي راكبين فيها كلنا وهايغرقونا ؟

ده حتى مخالف لشرع الله ولنواميس الكون ولكل الأعراف والأديان والأخلاق

إزاي ربنا يخلقني حُر كريم ويقول عليه أنا في القران " ولقد كرمنا بني ادم " وسواء كنت مسلم أو مسيحي تروح برجلك تنتخب جلادك ... وتنتخب من سيسومك سوء العذاب لأنه عمل كده فعلاً وقتل أخوك وأبوك وجارك في الـ 18 يوم وموقعة الجمل وماسبيرو ومحمد محمود

إزاي تنتخب ديكتاتور ما عندوش برنامج إنتخابي وبيهددك إن احداث العباسية كانت بروفة مصغرة للي هايحصل لو حد فتح بؤه ؟

بإذن الله لن يحدث .. ومش عيب يبقى عندنا 75 مليون حُر ... بالإضافة إلى 5 مليون بيُصروا إنهم يبقوا عبيد يلحسوا الأحذية وبيتكيفوا من الذل والهوان .. مع إن قدامهم فرصة يتحرروا

أما من يخوفونا من الإسلام السياسي وانه سيقمعنا .... فأنا ربنا اداني عقل .. وشايف قدامي طريقين .. واحد 100 % هاتهان فيه بدون شك وهارجع ذليل زي أيام الحقير المخلوع لأن الطريق مليان تعابين من تعابينه وكلهم مستخبين ومنتظرين اللحظة الحاسمة يخرجوا من بالوعات المجاري .. أقسم بالله العظيم شاهدت بالامس إحتفالات امام مقر حملة شفيق وحريم عمالة ترقص وتهز واغاني واهازيج .. هما نفس الأشكال اللي حافظينها ويمكن عارفين أساميهم اللي كانوا بيقفوا قدام المحكمة ويقولوا أسفين يا ريس وهما أنفسهم اللي كانوا بينزلوا العباسية يرقصوا ويطبلوا لعمر سليمان ... إزاي إنسان محترم يختار يبقى في حزب به هؤلاء الأفاقين اللي عشان 50 ج يبيعوا شرفهم وعرضهم وإن شالله تولع البلد ؟

وطريق أخر فيه إحتمال إني اتكبت او تحبس حريتي وناس عندها برنامج محترم ممكن يُطبق ولو 70 % حتى ؟

يبقى اروح للطريق المؤكد ... ولا المُحتمل ؟

ولا أبقى سلبي وأقعد في البيت أستنى مصيري واشوف هايحصل لي إيه وأهو يا بخت من بات مظلوم ولا باتش ظالم ودع الاخرون يقررون ماذا سيكون حالي غداً ... حراً ام عبداً ذليلاً ؟

في حين إني لو كننت سلبي وأمتنعت فبالتأكيد الضباع وأكلي الجيف هايبعتوا لي رسالة شكر لأني وفرت عليهم زحام الطوابير .. وهايروحوا بأقل مجهود يستولوا على البلد بمن فيها ويرجعوها أقذر من الاول ويرجعوا ينتقموا ممن أذلهم وجاب مناخيرهم الأرض ولغى البشوية العسكرية ولغى الأهانة في الأقسام والشوارع

العبد الفقير الواقف امامكم ده لم يتعرض في حياته لا من بعيد ولا قريب لأي أهانة لان ما حدش يقدر يحاول حتى يعمل معايا كده لأني عارف حقوقي كويس وعندي لسان أحد من السيف في الحق والحمد لله لم احتاج للدولة لا في علاج ولا تعليم ولا عاوز من بلدي حاجه بل بالعكس احاول على قدر الامكان إني أرد لها جزء من جميلها علي لأن تكويني كله جاي من طينها وماءها وأرضها ومهما البلد قست على الواحد فهي كالأم التي لا نملك إلا أن نحبها دون إنتظار لما سنأخذه منها .. بأستعجب على الواحد اللي بيبقى عامل زي الحيطة وطول بعرض وبرضوا يوصل لسن 40 سنة ومحتاج أهله يصرفوا عليه ويعطوه مصروفة اليومي .. أهو بالظبط زي المصري اللي على طول بيفكر في سبوبة هاياخد إيه من بلده او إمتى تنضف بقى وأشتغل وأعيش حياة كريمة .. من غير ما يحاول يفقد بعض الدهون والشحوم اللي كونها ويبادر ويعمل هو شيء إيجابي لبلده ..!!!!!!!!

لكن هل الاستقرار اللي من وجهة نظر البعض هو الجمود والركون والتيبس اللي كان بيدعوا له المخلوع .... هل هذه حياة ؟

طب ما لا مؤخذه البقرة بتعيش كده

البقرة بتعيش في الحظيرة امنه مطمئنة وأكلها وشربها بيجيلها لحد عندها ...وحاجه زي الفل .. قاعدة بتتعلف وبس

لكن لحد إمتى ؟

لحد ما ييجي ميعاد دبحها المؤكد

ما فيش حد بيربي بقرة كده عشان صعبانه عليه أو عشان يعمل مجتمع بقر مثالي يُباهي به العالم

هذا هو الفرق بين إنسان يصنع حاضرة ومستقبلة ويكون هو الفاعل لا المفعول به ...

وبين دابة من الدواب ولا في دماغها وأهم حاجه عندها العلف والمم وحد ينضف تحتها مخلفاتها .

من اجمل ما قرأت لك اخى الكريم ..

لك منى كل الاحترام والتقدير ..

وإن أذنت لى ان أنشرها في الفيس بوك سأفعل ..

تحياتى ..

[WASEET]

يجب التوحد خلف مرشح ثورى حتى وان اختلفنا معه اقف بجانب من وقفى بجانبى فى الميدان واقف فى وجه من واراد ابادة من فى الميدان

من تقصد سيدى بالثورى؟؟

من ترك الميدان واتفق مع عمر سليمان

من ترك الثوار بيذبحوا فى محمد محمود وجرى على كراسى البرلمان

من لغى شرعية الميدان بعد ان تمكن من البرلمان وقال الشرعية من البرلمان؟

هل هذا هو الثائر الحق الذى يهرب من الميدان ليعقد صفقات؟

لأ خلاص يا دكتور

نروح نقعد مع عمر سليمان وشفيق انفسهم ونختصر الطريق !!!!!!

هل هناك من يظن أننا بشر منزهون عن الخطأ ؟

لكن هل خطأ الاخوان او أي حد من الثوار يتم مساواته بخطأ من يقتلني كل يوم ؟ من يُطلق علي كلابه ينهشوا لحمي كل يوم ؟ من يحرمني من البنزين والخبز والكهربا كل يوم ؟

أحسبها يا دكتور ... هل الاخوان هايكمموا أفواهنا ويمنعونا من معارضتهم وإحنا بنبهدلهم وبنعارضهم كل يوم لو في خطأ في أداءهم في البرلمان ؟

طب شفيق هايعمل إيه فينا يا دكتور لو نزلنا حتى التحرير نحتفل بعيد الام ؟

أقسم بالله وأنا مسئول عن ذلك .. المرة الجاية هايبقى الضرب بالطائرات والدبابات ... خلاص لا أمن مركزي بعد اليوم وأيام الدلع بتاعت الغاز المسيل للدموع اللي هايبقى زي معطر الجو كده . او الرصاص المطاطي .. كل ده أنتهى

بالضبط كده

اخطبوط الفساد لنظام مبارك لسه موجود واذرعه متغلغله في كل مكان ومحتاج بس رأس بدل مبارك ووقتها 100سنه على الاقل علشان تتخلص من نظام زي ده خد خبره في مواجهة ثورة شعبية والالتفاف عليها

فمش معقول لمجرد تخوفات من الاخوان حتى لو حقيقية هيبقى سهل انقلب عليهم اختار الاخطبوط اللي هيفترس احلامنا للابد

[ssmaly]

يجب التوحد خلف مرشح ثورى حتى وان اختلفنا معه اقف بجانب من وقفى بجانبى فى الميدان واقف فى وجه من واراد ابادة من فى الميدان

من تقصد سيدى بالثورى؟؟

من ترك الميدان واتفق مع عمر سليمان

من ترك الثوار بيذبحوا فى محمد محمود وجرى على كراسى البرلمان

من لغى شرعية الميدان بعد ان تمكن من البرلمان وقال الشرعية من البرلمان؟

هل هذا هو الثائر الحق الذى يهرب من الميدان ليعقد صفقات؟

لأ خلاص يا دكتور

نروح نقعد مع عمر سليمان وشفيق انفسهم ونختصر الطريق !!!!!!

هل هناك من يظن أننا بشر منزهون عن الخطأ ؟

لكن هل خطأ الاخوان او أي حد من الثوار يتم مساواته بخطأ من يقتلني كل يوم ؟ من يُطلق علي كلابه ينهشوا لحمي كل يوم ؟ من يحرمني من البنزين والخبز والكهربا كل يوم ؟

أحسبها يا دكتور ... هل الاخوان هايكمموا أفواهنا ويمنعونا من معارضتهم وإحنا بنبهدلهم وبنعارضهم كل يوم لو في خطأ في أداءهم في البرلمان ؟

طب شفيق هايعمل إيه فينا يا دكتور لو نزلنا حتى التحرير نحتفل بعيد الام ؟

أقسم بالله وأنا مسئول عن ذلك .. المرة الجاية هايبقى الضرب بالطائرات والدبابات ... خلاص لا أمن مركزي بعد اليوم وأيام الدلع بتاعت الغاز المسيل للدموع اللي هايبقى زي معطر الجو كده . او الرصاص المطاطي .. كل ده أنتهى

استاذى العزيز

لما واحد يترك الثوار ويحارب من اجل كراسى يبقى نتركه يحارب معركته الخاصة فى كرسى الخلافة

هل نسيت لما حصلوا على 37 مليون صوت فى مجلس الشعب ذلونا بيهم وكانوا بيعملوا اى حاجة ويشغلوا اسطوانة 37 مليون واحد اعطونا تفويض ان نعمل الدستور على مزاجنا 37 مليون 37 مليون لغاية الناس اللى اعطوهم اصوات لعنوا اليوم اللى عملوا فيه الغلطة دى

انا عايز كل واحد يعرف حجمه وهم مش شويه

هم اكبر جماعة منظمة فى مصر

هم ناس عندهم تاريخ من النضال 80 سنه

هم اكبر حزب سياسيى منظم فى مصر

هم عندهم غضو فى كل زقاق وشارع فى كل قرية وكفر

هم مش محتاجين لحد

هم عندهم المساجد والزوايا والجنة والنار

ماتخفش عليهم يا سي السيد

خليهم يحاربو فى المقدمة وبلاش تحارب معركتهم الخاصة فى اطماعهم الخاصة

انا لن أؤيد شفيق نكاية فيهم ولكن لن اضيف رقم الى اصوات سوف يستغلوها فى السيطرة فيما بعد

خلى الفقير ياكل ياسى السيد

خليهم يصرفوا اكتر على الغلابة

خلى اللحمة تدخل بيوت مابتشوفهاش الا كل انتخابات

انت مش عايز الناس الغلابة دى تشبع مرة حتى لو كل اربع سنين

[tarek hassan]

رأيت بعض السلفيين لم يذهبوا للإدلاء بأصواتهم بحجة ... لإما أبو إسماعيل لإما بلاش .... وخايف البعض الآخر لا يذهب للإعادة بحجة ... لإما أبو الفتوح لإما بلاش ....... من عجائب الدنيا خبر العثور على 8 بطاقات لـ''أبو أسماعيل''بلجنة بشبرا وأبو إسماعيل مستبعد ... ومش بعيد تجد مثلها لأبو الفتوح في الإعادة بعد إخفاقه .... أعجبني - والحق يقال - الفريق شفيق حينما يكسب أصواتا بسكوته .. ويخسر البعض الآخر الأصوات بكلامه ..... الموضوع كله كان بيد التيار الإسلامي ولازال بيده لو أحسن التصرف واستفاد ولكن الخطاب هو هو .. الله المستعان

تم تعديل 26 مايو 2012 بواسطة tarek hassan

[أبو محمد]

خبر العثور على 8 بطاقات لـ''أبو أسماعيل''بلجنة بشبرا وأبو إسماعيل مستبعد ...

أبو اسماعيل هو مصدر هذه الفكرة الجهنمية يا أستاذ طارق

ده خبر منشور يوم 13 مايو

أبو إسماعيل يدعو للتصويت لصالحه فى ورقة مستقلة بالانتخابات الرئاسية

أكيد من فعل هذا لم يدخل بورقة مستقلة ولكنه استخدم بطاقة الاقتراع

أستاذ فى التوجيه المعنوى .. فشر الجيش :)

[نوران]

[أبو محمد]

وممكن كمان = مرسى

أين الإيمان بالقدر خيره وشره ؟

[se_ Elsyed]

خبر العثور على 8 بطاقات لـ''أبو أسماعيل''بلجنة بشبرا وأبو إسماعيل مستبعد ...

أبو اسماعيل هو مصدر هذه الفكرة الجهنمية يا أستاذ طارق

ده خبر منشور يوم 13 مايو

أبو إسماعيل يدعو للتصويت لصالحه فى ورقة مستقلة بالانتخابات الرئاسية

أكيد من فعل هذا لم يدخل بورقة مستقلة ولكنه استخدم بطاقة الاقتراع

أستاذ فى التوجيه المعنوى .. فشر الجيش :)

إحنا ليه مستغربين ؟

في الإنتخابات الفرنسية الأخيرة 20 % من عدد الناخبين راحوا شخبطوا على ورقة الأقتراع لأنه معترض على أولاند وساركوزي

[Om Zayd]

أبو اسماعيل هو مصدر هذه الفكرة الجهنمية يا أستاذ طارق

لانني كنت متابعة لهذا اللقاء

فهذه شهادتي

تداول البعض فكرة ان يذهب مؤيدو ابي اسماعيل الى الانتخابات ليكتبوا اسمه على بطاقة الاقتراع

علق ابو اسماعيل على هذا برفض الفكرة تماما .. حيث ان هذا سيبطل الاصوات .. وغالبا هنكون في عرض صوت (وقد صدق توقعه)

اقترح البعض في اللقاء انهم يكتبوا اسمه في ورقة منفصلة و "يدبسوها" في بطاقة الاقتراع .. فرفض مرة اخرى لان هذا يعرض الصوت للبطلان

ثم اضاف مازحا مخاطبا المصرين على هذا.. يا سيدي لو مصرين اوي اكتبوا اسمي في ورقة منفصلة تماما

ثم اكد ان ابطال الصوت قد يكون فيه إثم لانه يزيد فرصة امثال شفيق وموسى في الوصول للحكم

http://www.youtube.com/watch?v=2bcfqxpG-NY

اللقاء كاملا

http://www.youtube.com/watch?v=zcKT3AxX4Ss&feature=related