جايلى عقد عمل فى الكويت ومحتاج مشورتكم لو سمحتم ممكن ؟؟

[abomohamed]

السلام عليكم ورحمه الله

شركه برمجه طلبت منى صوره جواز السفر وشهاده التخرج عشان تستخرج لى فيزا عمل

انا مهندس برمجيات ويب مبرج وخبره 7 سنوات والحمد لله

اتفق معى على 250 دينار مع توفير سكن بجوار الشركه / مع محفزات ؟؟

هل دا مناسب

ياريت تفيدونى لو مناسب فى اول عمل لى فى الكويت

ارجو النصيحه

تم تعديل 3 مايو 2012 بواسطة abomohamed

[الغريب]

لأ غير مناسب

وبخاصة أنك متزوج وتعول يا أبومحمد

ويمكنك مراجعة موضوع المصريين المغتربين بالكويت لمزيد من التفصيل والاستفسارات في هذا الأمر

تحياتي وربنا يوفقك

[mtawfeek]

حراااااااااااااااااااااام عليك ال 7 سنين خبرة

انا من 6 سنين لما كنت لسه متخرج بقالى 6 شهور سافرت الكويت على 300 دينار و كنت اعزب و مكنش عاجبنى لانه كان يادوب كل اللى كنت بحوشه من 50 لى 100 دينار فى الشهر

و انت تقولى انك 7 سنين و متزوج و سنه 2012 يعنى اكيد كل حاجه هناك غليت و مسافر على 250 دينار

بجد حرام عليك نفسك

[حسام الغرباوي]

يابومحمد الراتب دا ياخدة واحد لسة متخرج ولفترة مؤقتة فقط

علي كلامك وخبرتك وانك متزوج كمان ..الراتب لا يقل عن 450 دينار وتوفير سكن او بدل

[abomohamed]

اشكركم اولا على الاهتمام والرد ..

بس ملحوظه ممكن اكون متسرع فيها وتجربه الواحد بيخوضها مبدئيا

انما المبلغ 250 دينار + حوافز شهريه

والسكن على الشركه

والاهم انى هروح اول سنه لحالى بدون الزوجه والاولاد ؟

منتظر ردكم وشكرا لكم

[mtawfeek]

اشكركم اولا على الاهتمام والرد ..

بس ملحوظه ممكن اكون متسرع فيها وتجربه الواحد بيخوضها مبدئيا

انما المبلغ 250 دينار + حوافز شهريه

والسكن على الشركه

والاهم انى هروح اول سنه لحالى بدون الزوجه والاولاد ؟

منتظر ردكم وشكرا لكم

لا تعليق

شكلك مقرر يا ابو محمد و الكلام مش هيجيب معاك نتيجه

بس هترجع تقول ياريت اللى جرى ما كان

انا بقولك انا من 6 سنين كنت لسه متخرج و مسافر لوحدى و كان الراتب 300 دينار و بعد 6 شهور يبقى 350 و انت تقولى انك 4 سنين و

و 250 و عليهم حوافز كام يعتى 50 دينار

يعنى كله 300 دينار

و انت بتقول انك مهندس برمجيات

لا تعليق