لماذا أقول يجب إسقاط الفلول ؟

[se_ Elsyed]

لإن معركة إنتخابات الرئاسة أخر فرصة لهم في الحياة

ولأنهم أخدوا نوك آوت في الإنتخابات البرلمانية .. وبالتالي لو لا قدر الله نجح رئيس منهم واعني هنا شفيق او عمرو موسى .. يبقى ده هايكون بمثابة عودة الروح لهم .. أو على الأقل هدنه لحد ما الناس تنسى بلاويهم

ولانني أؤمن بالديمقراطية وحرية الإختيار وإن الصندوق هو الفيصل .. لكن قبل كل ذلك لازم كل ده يكون على نضافة

ما ينفعش أقوم بثورة نظافة .. وأبقى شايف قدامي بواقي قاذورات وأسكت واقول للناس حرية الإختيار

ولأنه لا خلاف على إن عمرو موسى وأحمد شفيق هم بواقي نظام .. وفلول اصليون

عشان كده لازم نوضح للناس ونوعيهم .. مش شرط أقول له إنتخب فلان أو علان .. لكن على الأقل أضع علامة تحذير أمام هاذين الفلين الخطيرين

أول أمس كان أحمد شفيق عامل مؤتمر في الصعيد ... وفجأة خرجت الفئران من جحورها بعد ما كانوا مختبئين منذ قيام الثورة ... وجاء إلى المؤتمر جميع كوادر الحزب الفاشي المحظور ... وحاولوا يعملوا له شو هناك .. لكن هيهات ..

واليوم كان عمرو موسى في زيارة لجامعة أسيوط .. وقبل ما يبدأ المؤتمر .. عينك ما تشوف الا النور ..نفذ بجلده من الشباب الجامعي الواعي اللي كانوا كاتبينه من سنوات .. وأختبأ البيه تحت الترابيزات وخرج من القاعة زاحفاً على ركبتيه واتكتب له عُمر جديد

بجد هما دول رجالة مصر .. اللي مش بس تختار الأصلح .. لأ .. دي تفضح الكاذب الفلول اللي لو شم ريحة الكرسي هايعلقنا كلنا من رجلنا

http://www.youtube.com/watch?v=iirAzfGSvik&feature=player_embedded

[tarek hassan]

انما الامـم الاخـلاق ما بقيت. .......فان هـم ذهـبت اخـلاقهم ذهبوا

تم تعديل 30 أبريل 2012 بواسطة tarek hassan

[se_ Elsyed]

انما الامـم الاخـلاق ما بقيت. .......فان هـم ذهـبت اخـلاقهم ذهبوا

فعلاً يا طارق ... الكائنات اللي زي دي لا عندها اخلاق ولا خلت في البلد أخلاق لما كانوا بيساعدوا المخلوع ... عشان كده لازم يتكنسوا

[se_ Elsyed]

حلو قوى إنك تقعد تتريق على شفيق على تويتر والفيس بس ده مش هيسقطه .. انزل الشارع وإشتغل ضده .. شاركنا فى الحمله الشعبيه لعزل الفلول #٦إبريل..

دي مسألة حياة أو موت

ولازم نسحقهم زي ما سحقناهم في الإنتخابات البرلمانية . المصريين بإذن الله هايعملوها في إنتخابات الرئاسة