شفيق راح .. شفيق جه .... الله عليه العوض

[ام سلمي]

الصراحة شفيق ده بيبقي ساعات كوميدي جدا زي توفيق عكاشة كدة

تصرفاته غير مبررة الصراحة

Http://www.youtube.com/watch?v=fehdKAZ73gQ

تم تعديل 15 مايو 2012 بواسطة ام سلمي

[متعب]

«شفيق»: الجيش سيتصدى للمعترضين على فوزي بـ«الرئاسة».. و«العباسية» كانت «بروفة

هو ده التحدى

واحنا على رآى موسى قد التحدى

وهتشوفوا ايام اسود من الخروب وابقى خلى الجيش ينفعك

[متعب]

دول موظفيين السفارة المصريه فى فرنسا حبوا يستفذوا المصريين امام السفارة بتأيدهم لاحمد فشيق

طلعت عليهم الجاليه المصريه وعدد هايل من شباب 6 ابريل فى فرنسا ورنوهم علقه محترمه

الفيديو بالتفاصيل هنا

http://www.almogaz.com/politics/news/2012/05/14/271823

والمؤتمر بتاعه فى كفر الشيخ فلسع

إلغاء مؤتمر شفيق في كفر الشيخ للمرة الثالثة بعد تظاهر المئات ضده.. وعضو بـ6 إبريل: لن يعقده إلا على جثتنا

التفاصيل هنا

http://www.almogaz.com/politics/news/2012/05/14/272528

[hanzalah]

بلال فضل :

سواءا شفيق كسب أو خسر أتمنى يتعمل له قناة مخصوص إسمها شفيق تي في كلها مؤتمرات صحفية على الهواء مباشرة.بعد رحيل القذافي محتاجين الضحكة الحلوة

[ام سلمي]

عمرو اديب بيسأل احمد شفيق هل استشرت حد قبل ما تاخد قرار الترشح

شفيق متلخبط و حالته حالة ، شكله خايف يقول الحقيقة

Http://www.youtube.com/watch?v=fH3wqDS1Ixw

[ام سلمي]

الظاهر اننا كنا ظالمين احمد شفيق

برنامج انتخابي يشرف صحيح

http://www.ahmedshafikeg.com/Program.aspx

[se_ Elsyed]

ههههههههههههههه ما هو ده التجديد والحداثة يا أم سلمى

يعني سيب وانا سيب

تنتخبوني .. أشيلكم فوق راسي واخرج البرنامج من الدرج ..

أتشقلط وأخد 5 أصوات .. يبقى اتعب نفسي ليه وأصرف عالبرنامج وكدهوت

[متعب]

انا عاوز اقول حاجه

نجاح شفيق امر مفروغ منه لانه صمام الامان الوحيد للمجلس العسكرى سيان هو او موسى والانتخابات هتتزور هتتزور

لان جرايم النظام نفسه لمن تظهر بعد وهتطلع كل البلاوى وهتبقى على المكشوف وعلى عينك ياتاجر

ونشوف بقى قناه السويس ال قالوا عليها مرهونه دى كانت مرهونه لمين ده اذا مكتشى اتباعت من الاصل و الجيش المصرى مش هيختلف عن المجلس العسكرى لان الاتنين واحد مش هيختلفوا عن بعض

هما روح فى جسد واحد والمركب لو غرقت هتغرق بالكل

وال يقول ان المجلس شىء والجيش شىء . ده راجل معتوه .

والدليل كل الرضا من قيادات الجيش على ال حصل فى مصر برضاء تام وبترحيب على كل القتل والتخريب ال حصل فى مصر

معروف ان الجيوش العربيه دى اكذوبه كبيره وانها مش للدفاع عن الاوطان والكلام الخايب ده

دى موجوده للدفاع عن الانظمه من الشعوب

الخلاصه .

الجيش المصرى ال بيزل المصريين كل شويه انهم يحمدوا ربنا ويصلوا ست صلاوات مش خمسه فى اليوم

انه لم يتعامل معاهم زى الجيش السورى او الليبى

رغم ان دى كمان اكذوبه اكبر منها

لان جرايم الجيش المصرى من قتل واعتقالات وسحل وهتك للاعراض وحرق لمنشأت الدوله والوقيعه بين كل طبقات الشعب المصرى وحتى بين الاجهزة الامنيه وبعضها وحتى بين الجيش وبعضه وتغيير عقيدته تماما

لو نظرنا للامور بعين الحق هنلاقى ان ضحاياه تفوق الجيش السورى واليمنى والليبى بمئات المرات

ضحايا الجيش السورى بنسمعها فى وسائل الاعلام بأفراد قتلوا . لكن هنا جماعات مش افراد وهنا ناس بتقتل لمجرد القتل وتصفيه الحسابات مش عشان معارضين ولا طلعوا فى المظاهرات ولا حاجه

هما الاطفال ال اتقتلوا فى استاد بور سعيد كانت مظاهرات !!!

دول بينتقموا حتى من المؤيد ليهم او حتى المعارض .مش بتفرق معاهم

احنا قدام اكذوبه كبيره والعالم بدأت تفوق منها

والكل هيحاسب من اول جريمه لاخر جريمه

امال هما مصريين ليه على نجاح الفشيق مش عشان مصر والكلام العبيط ده

ده عشان يحميهم من الشعب

وسيبها لله وال فيها لله مش هتغرق

[متعب]

الجيش المصرى استخدم ابتكارات جديده فى قتل المصريين واصر على ان قتلهم يكون بفلوسهم بالتنسيق مع حسان وشيخ الازهر

انهم يلموا تبرعات من الشعب المصرى للغلابه العسكرين واتضح انهم بالفعل لموا الفلوس من الشعب من اول بتاعه الفجل لغايه بتاع السوبر ماركت عشان يشتروا بيها اسلحه لضرب الشعب نفسه بيها وحتى ما يصرفشى مليم على قتلهم من دقنه وافتله يعنى

واتضح كمان ان قطع المعونه الامريكيه دى كمان اكذوبه والى الان لم تقطع

يقول لينا بقى حسان وشيخ الازهر لموا فلوس من الناس الغلابه ليه ونصبوا عليهم لحساب مين

ويقول لينا برده الشعب المصرى على جنسيه حسان وهؤلاء ايه وديانتهم ايه وكل رؤس التيارات الدينيه دى اصلها ايه وفصلها ايه

وكل ال اتعامل مع نفس النظام ده ايه اصله ومنين جلنا ولمعوهم لغرض ايه

وليه التزموا الصمت على كل الجرايم دى كلها وفضلوا الدفاع عن القتله والمجرمين وادانوا الضحايا وده كان شغلهم الشاغل

يبقى المطلوب معرفه اصل وفصل الناس دى وديانتهم قبل اصلهم ومين ال شغلهم فى المجال ده

صعبه دى

[متعب]

ضع عنوان مناسب لهذه الصورة

احد التعليقات عليها من العيال بتوع الفيس

وربنا العيال دول ماليهم حل ياعم

احد التعليقات

اختفاء الشعب المصرى عقب فوز شفيق

تم تعديل 15 مايو 2012 بواسطة متعب

[متعب]

فيديو.. عكاشة لسلطان: الإخوان هيلفقوا لك قضية حشيش!

http://www.alwafd.org/%D8%A7%D9%84%D8%B5%D9%81%D8%AD%D8%A9-%D8%A7%D9%84%D8%A7%D8%AE%D9%8A%D8%B1%D8%A9/211573-%D9%81%D9%8A%D8%AF%D9%8A%D9%88-%D8%B9%D9%83%D8%A7%D8%B4%D8%A9-%D9%84%D8%B3%D9%84%D8%B7%D8%A7%D9%86-%D8%A7%D9%84%D8%A5%D8%AE%D9%88%D8%A7%D9%86-%D9%87%D9%8A%D9%84%D9%81%D9%82%D9%88%D8%A7-%D9%84%D9%83-%D9%82%D8%B6%D9%8A%D8%A9-%D8%AD%D8%B4%D9%8A%D8%B4#ixzz1v3Fg1idC

قابل ياعم

مبدئيا يعنى بالصلاتو على النبى كده

المعكش بيهدد سلطان تهديد مبطن ومتسلفن على نظام الحدق يفهم وبيجيبها فى الاخوان

شغل هبل فى الجبل يعنى

ثم مش المعكش بيقول مصر مصر تحى مصر وهو فداء لمصر .

هو الفشيق هو مصر ياعم المنحكش انته .

الفشيق بقى . مش غريبه يعنى ال بيقوله ده لانه واقف على ارض صلبه

ده عليه قواضى بعدد شعر راسه

اقل واحده فيهم تشيل عنه الجنسيه المصريه والتانيه تعدمه والباقى اعدام بعد الاعدام . اعدام عوازة يعنى

وكلهم قدام النائب العام ولم يفتح اى تحقيق معاه ايا ان كان ولا حتى استدعوه كالعاده

هيجوا بقه على توقيع بكام متر وكام فدان ملهمشى لزمه ومش هيخلقوله الالاف المبررات وابقى قبلنى لو حد فتح الموضوع من اصله

الموضوع عند النيابه وعند النائب العام وسك الادراج كالعاده . ايه الجديد يعنى

اما بالنسبه لعصام سلطان . انا عن نفسى فرحان فى ال بيعملوه فيه . لان هو اول واحد فى مصر سوق ليهم نعم على تعديل الدستور ولف مصر بمؤتمرات والذى منه لاقناع الناس بالباطل ارضاءا للاخوان وليس لمصر

[Om Zayd]

تم العثور على شخص مصري في السعودية.. راح وإنتخب شفيق بكامل إرادتة .. وجاري البحث عنه والتعامل معه

الموجز

الصديق وجدي سليم محمد: أؤيد الفريق محمد أحمد شفيق المحترم

المملكة العربية السعودية

أنا بقى قابلت اكثر من شخص ليس فقط سينتخب شفيق

بل يدافع عنه بمنتهى الشراسة

أشخاص عاديون , ليسوا مأجورين

أعرفهم من زمن

الحجج كثيرة.. صناع الثورة الحقيقيون ماتوا خلاص

اصله بتاع شغل و مبيقعدش في المكتب

المصريين محتاجين واحد شديد والجيش سانده

هيا مدة واحدة.. وحتى حسني اول فترة له كانت كويسة

:unsure:

ارجع واقول.. دي غلطتنا

سكتنا على اعلام عكاشة و امثاله واكتفينا بالسخرية

بعضنا تعالى على "حزب الكنبة

لم نهتم بالتوعية اهتمامنا بالخناق

يا ريت كل واحد يركز مع معارفه شوية

مش بس اصحابه.. واقاربه

من يصادفهم في العمل

من يعرفهم معرفة سطحية

يستطلع رايهم.. بهدوء و دون تعصب يحاول يقنعهم

ربنا يستر

[ام سلمي]

علي غرار منتظر الزيدي ، مواطن مصري يلقي الحذاء علي احمد شفيق في مؤتمر اسوان

Http://www.youtube.com/watch?v=3UFxZcy5puY

[Om Zayd]

علي غرار منتظر الزيدي ، مواطن مصري يلقي الحذاء علي احمد شفيق في مؤتمر اسوان

Http://www.youtube.com/watch?v=3UFxZcy5puY

عارفة.. بسبب التصرف ده هيطلع اللي يقول الثوار معندهمش أدب ولا احترام

زي ما مقابلة علاء الاسواني معاه اكسبته تعاطف عدد ليس بالقليل

[ام سلمي]

عارفة.. بسبب التصرف ده هيطلع اللي يقول الثوار معندهمش أدب ولا احترام

زي ما مقابلة علاء الاسواني معاه اكسبته تعاطف عدد ليس بالقليل

الحقيقة يا ام زيد الراجل مش شكله من الثوار ، ده واحد اسواني لابس عمة بس الظاهر دمه حامي

و ما بيحبش البجاحة :) وربنا يستر عليه تلاقيهم حيودوه ورا الشمس

يعني الواحد يقول ايه بس ، مؤتمرات احمد شفيق عليها حراسة مشددة من الجيش والشرطة و

ييجي طنطاوي يقول نقف علي نفس المسافة من كل المرشحين

ده غيرالبلاغات اللي علي شفيق و من زمان وكلها بتتحط في الدرج و يتقفل عليها

و التليفزيون ووسائل الاعلام تحت ايد العسكر و عمالين يلمعوا فيه ،

وتلاقي معمول للناس البسطاء غسيل مخ ومصدقين انه احسن مرشح

ده غير ان قرايب جوزي في بلد في الشرقية و سمعنا ان في فلوس بتتدفع هناك

للناس علشان ينتخبوا شفيق ، فلو صح الكلام ده تبقي مشكلة و قيسي علي كدة باقي القري في

مصر اكيد حيبقي نفس النظام و الفلول ما شاء الله عندهم فلوس متلتلة من اللي كانوا بينهبوه

فبصراحة الامور زادت عن حدها و اللي يقدر يقف قدامهم بأي طريقة يبقي ليه العذر

[متعب]

علي غرار منتظر الزيدي ، مواطن مصري يلقي الحذاء علي احمد شفيق في مؤتمر اسوان

Http://www.youtube.com/watch?v=3UFxZcy5puY

عاش الرجال عاش

فيديو يسوى يجى خمسين جنى

[Om Zayd]

شهادة على ذمة صاحبها

"حالة طوارئ وإشارات لاسلكي ودوريات سرية ومخبون وأمن وطني ومخابرات"، هكذا قال الشيخ خالد حربي عضو المكتب التنفيذى للتيار الإسلامى العام في شهادته، علي موكب المرشح الرئاسي أحمد شفيق أثناء انعقاد إحدي مؤتمراته الجماهيرية.

وأقسم حربي عبر شهادته - التي نقلها عصام سلطان عضو مجلس الشعب في إطار حملته ضد الفريق حملة شفيق - بربه أنها ليست ادعاء أو محاولة لإثارة الرأي العام ضد الفريق شفيق، موضحا أنه كان في طريق عودته إلى منزله بالإسكندرية، ولاحظ زحاما شديدا على غير العادة.

وقال :"أول أمس وأنا راجع إلى بيتي بالإسكندرية اتصلت بي زوجتي تذكرني ببعض احتياجات المنزل فاتجهت إلى محلات فتح الله، ولاحظت زحاما شديدا في الطريق على غير العادة ثم سمعت إشارات لاسلكية صادرة من سيارة ملاكي بجواري، حاولت أن أسلك طريقا أقل زحاماً فوجدت 3 سيارات شرطة تغلقه تماماً حاولت ان استفسر من الضابط سبب إغلاق الطريق فرفض واكتفي بالقول إنها إجراءات أمنية مؤقتة، طلبت منه أن أركن السيارة فأنا تقريباً أمام فتح الله فرفض وقال: "في اقل من دقيقة سيسحبها الونش وستضطر للمرور على الأمن الوطني قبل استعادتها، استغربت من الكلمة وحاولت أن أستفسر منه فلم يرد علي".

واستكمل حربي بقوله:" قررت العودة للمنزل وحين اتجهت لطريقي قابلت للمرة الثالثة سيارة ملاكي فارهة يصدر منها إشارات جهاز لاسلكي، ورغم الزجاج المغلق كنت أستطيع أن أميز بعض الكلمات التي توحي بزائر قادم من طريق المطار وحالة طوارئ ودوريات سرية بجوار الداون تاون وأمام كارفور نشاط أمني مكثف مخبرون وضباط بزي مدني سيارات تشويش وسيارات ملاكي تطوف المكان ورجال يقفون فوق أسطح المحلات التي لا تزيد على دورين فقط على غير العادة.. كان التواجد الرسمي قليلا بينما كانت المنطقة عشا للأمن الوطني والمخابرات وبعد مسافة قليلة وأمام الباب الرئيسي لأحد الفنادق وجدت بعض الشباب الصغير يحمل صور الفريق احمد شفيق، كان الموقف غريبا ولا توجد أي لافتة أو دعوة أو إعلان عن مؤتمر لشفيق، التواجد الأمني مكثف جدا بحيث ظننت أنها فرق التأمين هذه لن تكون لشخصية أقل من المشير نفسه".

وأضاف:"سألت أحد الشباب :هو شفيق جاي فعلا ..قال أيوه، ركنت السيارة ونزلت وحين اقتربت من مدخل الفندق الذي تحوطه قوات الشرطة اعترضني ضابط بزي مدني:حضرتك رايح فين ..قلت أنا عايز احضر مؤتمر احمد شفيق امتعض الرجل ثم قال حضرتك معاك دعوة رسمية، قلت لأ بس مش ده مؤتمر انتخابي عام أنا هدخل ولو الدعوة بفلوس هدفع تمنها..قال لا يا استاذ حضور المؤتمر بيكون بدعوة رسمية فقط قلت بس انا شايف ناس بتدخل من غير ما تطلع الدعوة، قالي والله يا شيخ كلهم مدعوون بالاسم ومعروفين واحد واحد، قلت له يعني سيما مش مؤتمر بجد..قال تقدر حضرتك تعتبره كده.

وانا خارج اقتربت من الشباب الي بيحمل صورة شفيق وقلتلهم بصوت عالى مش راضيين يدخلوني ..المؤتمر طلع سيما ..ضحك أحدهم فاقتربت منه وقلتله بالله عليك ..اقسمت عليك بالله واخد كام عشان تقف هنا بالصورة دي ..ضحك ولم يرد فاعدت القسم عليه فرد زميله قال خمسين جنيه يا شيخ قلته بص انا مش هقولك غير كلمة واحدة خليك راجل ولما تروح تنتخب افتكر دم الشهداء

واختتم حربي قائلاً:"غادرت المكان على طنين أجهزة اللاسكي ونظرات المخبرين والقناصة وسيارات الأمن الوطني وأنا أتذكر تصريحات المجلس العسكري - نقف على مسافة واحدة من كل المرشحين - وشعرت أن دور شفيق القادم سيكون أكبر مما نتوقع!".

https://www.facebook.com/photo.php?fbid=435831306426899

[se_ Elsyed]

1+1=2

شبكة رصد

‎#رصد| #مصر| وزير داخلية موقعة الجمل يدير حملة #شفيق.

مفاجأة جديدة كشفت عنها مصادر مطلعة بحملة أحمد شفيق الرئاسية، فقد كشفت أن وزير الداخلية الأسبق اللواء محمود وجدي يدير الحملة الانتخابية مستعينا بعدد من رجال وزارة الداخلية السابقين والحاليين, وعدد من قيادات جهاز أمن الدولة المنحل وبعض رجال الحزب الوطني المنحل.

وطبعاً دول صحاب من أيام الجيزة .. قصدي من أيام موقعة الجمل

كل إتصالاتي مع أصدقائي ومعارفي في الريف ... بيؤكدوا إن فلول الحزب الوطني بيقاتلوا في معركتهم الأخيرة للبقاء للوقوف بجانب احمد شفيق وعمرو موسى

[hanzalah]

الفشيق يدعي أن البلاغات كيدية بسبب ترشحه للرئاسة ولانهم خايفين من فوزه

لو كانت لك فرصة ولو ضئيلة للفوز .. لماذا كنت تستجدي توكيلات الترشح من البداية وتعرض فيها فلوس

ثم

اليك صورة بلاغات على صفحات الجرايد منذ 14 مايو في العام 2004 يعني لم يكن هناك ثورة ولا ترشيح ولا رئاسة

بس العيب مش عليك

العيب على المجلس السمكري اللي شجعك

[hanzalah]

هو مش فيه صمت انتخابي بدأ من منتصف ليلة أمس

:closedeyes:

أمال جرنال الجمهورية بيعجن إيه مع الحزين ده

:blush2: