تعالوا نحكي تجارب صعبة و نشوف الجوانب الايجابية فيها

[عبير يونس]

قرأت اننا كي ننضج أكثر علينا بالخروج من منطقة الأمان

يعني مثلا نمر بحاجة صعبة مش مريحة و مش متعودين عليها

مثال بسيط

في ناس متقدرش تنام الا على سريرها و فرشها و مخدتها

عشان يوصلوا لمرحلة أعلى من النضج

و القدرة على التكيف

لازم تتعود تغير ده

و تقدر تنام في أي حتة

و كل اما تحس انك متعود خلاص على حاجات و تكيفت معاها

اخرج برة منطقة الأمان بحاجة أصعب

الحياة بتعمل معانا كده

دايما نمر بصعوبات

نتخيل اننا مستحيل نقدر نتغلب عليها

لكن كل شيء بيبقى في أوله صعب

لحد اما نتكيف على الوضع الجديد

تعلمت اننا لما نهدى كده ونبطل توتر

الأمور بتعدي بسلام

متهيألي فاكرين موضوعي اني نقلت لشقة جديدة

و كانت تجربة عصيبة لأننا كنا ساكنين في خروج حج

و لازم نخلي الشقة

و الحمد لله مرت و لقينا شقة ونقلنا

الكلام ده من 7 او 8 شهور

من حوالي اسبوع كده عشرة ايام

لقينا أصحاب العقار بيبلغونا نخلي الشقة احنا و كام شقة معانا كمان

بشكل ودي طبعا

لأن في عقد

طبعا انا في اواخر الحمل و معايا 6 أطفال

يعني مش محتاجة كلام يعني

انا لما سمعت قعدت أضحك الحقيقة

و قابلت الموضوع بهدوووووووووء شديد

و عادي الحياة كانت عادية و الولاد بيروحوا المدرسة

و بندور على شقة

و باروح آخد الحقن

و مع حضراتكم هنا في الحاورات

المهم

لقينا شقة من يومين

و ضبطنا حاجاتنا

و امبارح العصر كده نقلت و لله الحمد

و طبعا على صلاة العشاء

انا و الولاد رحنا في سابع نومة على المراتب

صحيوا وراحوا المدرسة

و انا قاعدة بأحاول أقاوم الارهاق

بس الحمد لله مرتاحة

بفضل الله تعالى

تجربة الحقيقة تكررت كتير جدا معايا

بس الأخيرة دي

كان فيها ايجابيات حلوة

اولا

مكنتش قلقانة و خايفة

ثانيا

الولاد شاركوا بطريقة تفرح بجد ما شاء الله

و كانوا كلهم حاسين بالمسؤولية

حتى سلافة هههههههههههههه

ثالثا

حسيت بأحاسيس جميلة اوي ان كل حاجة بتعدي

و تذكرت ايام الامتحانات و قد ايه بيبقى نفسي أخلص

و تذكرت عبارة لوالدي الله يرحمه كان دايما يرددها على مسامعي

" كل آتٍ قريب "

♥♥♥

هنا مساحة لنتشارك معا تجارب

كنا نحسبها صعبة و لا طاقة لنا بها

و مرت و انتهت

و بتقييم التجربة نجد ايجابيات قد حصلنا عليها

و أننا صرنا أكثر تحمل

و أكثر مرونة

و بقدرة أعلى على التكيف

أنتظركم

♥♥♥

[ام سلمي]

استاذة عبير

ربنا ييسر لك ما تبقي من فترة الحمل و يقومك بالسلامة ،

و يا رب تكون الشقة الجديدة خير وبركة عليكم و يكتب لكم فيها الاستقرار

و احييكي علي الموضوع و علي تقبلك الامر برضي وراحة بال ،

ربنا يرزقنا كلنا الرضي والقناعة

تحياتي

[samehmagdy]

فكرتينى بايام الجامعه

لما سقطت فى سنه تانيه ورفعت قضيه على الجامعه علشان اخد حقى وفضلت وراهم لحد ما اخدت حكم لصالحى

الكلام دى كان بعد ما سنه ثالثه خلصت والناس امتحنت خلاص

وكان رد الجامعه انك مش رفعت قضيه وكسبتها خلاص قصادك شهر واحد تزاكر فيه مواد الترم الاول والتانى وتمتحن فيهم ومن غير محاضرات طبعا

والحمد لله بفضل ربنا نجحت بس وانا شايل ماده علشان خاطر الحسد

بس كان احلى حاجه فى الموضوع انى لازم اخد حقى مهما كان الخصم

واهم حاجه ان مفيش حاجه اسمها مستحيل لو عندك هدف ومصمم على تحقيقه

[مروان]

قرر الاطباء عملية جراحية لزوجتي المصون

وكان توقيتها غاية في الرخامة وصد النفس

كان ايام الامتحانات

وطبعا عارفين يعني ايه امتحانات بالنسبة لمدرس مثلي يشار اليه بالبنان والصوابع والجزم وكل شيئ

وكنا في غربة بعيد بعيد عن الاهل والخلان

ولم يكن مفر من مرافقتها بالمستشفى

وانهالت علي التليفونات تسال وتستفر فين الاستاذ الامتحان بكره

اغلقت الموبايل تماما وقلت عوضي على الله

وجلست بجانب حبة القلب

وخرجت من غرفة العمليات الى الافاقة ثم الى غرفتها الخاصة

وفتحت عينها لتجدني امامها

كانت لحظة عندي بالدنيا كلها

اثمن من اي شيئ

اثمن من الدروس

واثمن من الفلوس

وجاء الليل وفتحت الموبايل فاذا بقنابل على هيئة رسائل تستنكر وتستفسر

ثم رنات واتصالات

وابى الطلبة الا ان اراجعهم ليلا

واستاذنت من حبة قلبي

وتركتها نائمة بالمستشفى وحيدة

ورحت اؤدي واجبي نحو طلبتي

الى ان اشرق الصبح

وعدت مسرعا الى المشفى

لاجدها نائمة

تسللت في خفة

لان قواي اصلا مش موجودة

وعلى السرير المجاور القيت جسدا مسهدا متعبا

وابى التمريض الا ان يؤرق مضجعي

كل خمس دقائق تدخل ممرضة تقيس الضغط ثم اخرى تقيس السكر

ثم ثالثة للاطمئنان

ورابعة نست القلم

وخامسة للفطور

وعدا اليوم على خير وعدت بنصفي الاخر للعش السعيد

في المرة التانية وعندما قرر الاطباء عملية اخرى بسيطة

كنا اكثر نضجا ووعيا

اخذت معي اللاب توب

وشريحة الكونكت

وبعض الفاكهة والعصائر

وعشنا حياتنا

الى ان عدنا للعش

كانت تجربة قاسية لكنها رائعة

وتعلمت منها الكثير

واللي عاوز يا جماعة - بعد الشر- يرافق حد من اهله بالمستشفى

يتصل علي وانا اقول له يعمل ايه

تم تعديل 23 أبريل 2012 بواسطة مروان

[samehmagdy]

الف سلامه على زوجه حضرتك يا استاذ مروان

بس وجودك جنب زوجتك فى وقت زى دى عندها اهم من الدنيا باللى فيها

بس اهم حاجه فى الموضوع انك منستش وجبك تجاه الطلاب اللى مستقبلهم كان متعلق بيك فى اليوم دى وفضلت معاهم لحد الصبح

[مروان]

الف سلامه على زوجه حضرتك يا استاذ مروان

بس وجودك جنب زوجتك فى وقت زى دى عندها اهم من الدنيا باللى فيها

بس اهم حاجه فى الموضوع انك منستش وجبك تجاه الطلاب اللى مستقبلهم كان متعلق بيك فى اليوم دى وفضلت معاهم لحد الصبح

عارف يا اخ سامح بعد ده كله المدام مكانش عاجبها ادائي

وقالت لي كنت متوقعة منك اكتر من كده

مش عارف هل هو طبع في النساء ولا انا فعلا كنت مقصر معاها

طب لو اي حد مكاني كان هيعمل ايه

[عبير يونس]

فكرتينى بايام الجامعه

لما سقطت فى سنه تانيه ورفعت قضيه على الجامعه علشان اخد حقى وفضلت وراهم لحد ما اخدت حكم لصالحى

الكلام دى كان بعد ما سنه ثالثه خلصت والناس امتحنت خلاص

وكان رد الجامعه انك مش رفعت قضيه وكسبتها خلاص قصادك شهر واحد تزاكر فيه مواد الترم الاول والتانى وتمتحن فيهم ومن غير محاضرات طبعا

والحمد لله بفضل ربنا نجحت بس وانا شايل ماده علشان خاطر الحسد

بس كان احلى حاجه فى الموضوع انى لازم اخد حقى مهما كان الخصم

واهم حاجه ان مفيش حاجه اسمها مستحيل لو عندك هدف ومصمم على تحقيقه

برافو أستاذ سامح

ما يضيعش حق وراه مطالب

[pocy]

>>>>>>>>>>>>>>>>>>>>>>>ماشاء الله ولا حول ولا قوه الا بالله العلى العظيم .................شهر واحد .....................تبارك الرحمن ...................

انا حاولت بس مش عارفه بقي هههههههههههههههههههه

أستاذ مروان ..............

ذكرتنى بموقف حدث لى من اكتر من تلات سنوات كنت قد أجريت عمليه (ولاده قيصري واستمريت خمس ايام فى المستشفي ) وكان زوجى الحبيب الى جوارى طوال الوقت وانا فى غربه وجدت فيه كل شئ الاخ والصديق والحبيب والزوج ولا انكر ايضا انى وجدت فيه حنيه الام على ابنتها ...........والتى لا يوجد مثلها فى العالم .............تعب معى كثيرا فكان وقت حر فى الكويت ودرجه الحراره تعدت الخميس وكانت مواقيت عمله من الساعه 3 فجرا وحتى الواحده ظهرا فكان يعمل الى الساعه العاشره حتى يفتح باب الزياره واراه امامى ....أتى ليجلس معى ويتابع حالتى ويري طفلنا الجميل (والذي اصبح مزعجا بعد ذلك هههههههههههههههههه) كنت بمفردى دون اهلى واخواتى حتى جيرانى فالكل كان مسافرا ولم يتبق الا انا وحيده شريده ولكنى لم احس بتلك الوحده بل كنت مع من تحمل مسئوليتى كامله على عاتقه كان يأكلنى ويهتم بي الى أن اصبحت قادره على فعل كل شئ بنفسي ................اللهم اجعله فى ميزان حسناته وزد عليها اكرامه لى وتربيته لابنه ...............يارب اللهم امين ...............

[عبير يونس]

الف سلامه على زوجه حضرتك يا استاذ مروان

بس وجودك جنب زوجتك فى وقت زى دى عندها اهم من الدنيا باللى فيها

بس اهم حاجه فى الموضوع انك منستش وجبك تجاه الطلاب اللى مستقبلهم كان متعلق بيك فى اليوم دى وفضلت معاهم لحد الصبح

عارف يا اخ سامح بعد ده كله المدام مكانش عاجبها ادائي

وقالت لي كنت متوقعة منك اكتر من كده

مش عارف هل هو طبع في النساء ولا انا فعلا كنت مقصر معاها

طب لو اي حد مكاني كان هيعمل ايه

طب ليه بس كده يا أستاذ مروان

التعميم مش حلو

هو صحيح ان الرسول صلى الله عليه وسلم

ذكر ان كفران العشير من أسباب دخول النساء النار

لكنه صلوات الله و سلامه عليه لم يعمم ذلك على كل النساء

في رجال برضه يكفرون الزوجة مهما عملت

عموما

لا أعتقد ان تعليق زوجتك يندرج تحت كفران العشير و العياذ بالله

هو بس حب زيادة وعشم بيخليها تتوقع اهتمام أكثر

ربنا يبارك لكم في بعض يارب

و يديها الصحة والعافية و يكفيكم شر المرض و العمليات

آمين آمين آمين

[عبير يونس]

>>>>>>>>>>>>>>>>>>>>>>>ماشاء الله ولا حول ولا قوه الا بالله العلى العظيم .................شهر واحد .....................تبارك الرحمن ...................

انا حاولت بس مش عارفه بقي هههههههههههههههههههه

أستاذ مروان ..............

ذكرتنى بموقف حدث لى من اكتر من تلات سنوات كنت قد أجريت عمليه (ولاده قيصري واستمريت خمس ايام فى المستشفي ) وكان زوجى الحبيب الى جوارى طوال الوقت وانا فى غربه وجدت فيه كل شئ الاخ والصديق والحبيب والزوج ولا انكر ايضا انى وجدت فيه حنيه الام على ابنتها ...........والتى لا يوجد مثلها فى العالم .............تعب معى كثيرا فكان وقت حر فى الكويت ودرجه الحراره تعدت الخميس وكانت مواقيت عمله من الساعه 3 فجرا وحتى الواحده ظهرا فكان يعمل الى الساعه العاشره حتى يفتح باب الزياره واراه امامى ....أتى ليجلس معى ويتابع حالتى ويري طفلنا الجميل (والذي اصبح مزعجا بعد ذلك هههههههههههههههههه) كنت بمفردى دون اهلى واخواتى حتى جيرانى فالكل كان مسافرا ولم يتبق الا انا وحيده شريده ولكنى لم احس بتلك الوحده بل كنت مع من تحمل مسئوليتى كامله على عاتقه كان يأكلنى ويهتم بي الى أن اصبحت قادره على فعل كل شئ بنفسي ................اللهم اجعله فى ميزان حسناته وزد عليها اكرامه لى وتربيته لابنه ...............يارب اللهم امين ...............

ربنا يبارك لك فيه يا بوسي

ويديم عليكم السعادة والهنا يارب

و يمتعكم بطفلكم الجميل

آمين آمين آمين