صدور دجاح مع الهليون وعصير التفاح والفلفل الملون

[بندق أفندى]

صدور دجاج مخلية بالجلد نرقها 3 طبقات من الاحتفاظ بها قطعة واحدة

نتبلها بخل عنب لمدة ربع ساعة على الأقل ثم نلفها كل قطعة على عودين هليون أو سبراجوس

فى قلاية نضع زيت زيتو قليل جدا ونقلبها من وقت لأخر

لأنها ملفوفة لن تنضج بسرعة او بسهولة هنضيف معلقة ماء ونغطيها وكل ما تجف نضيف معلقة اخرى لمدة 10 دقائق

ثم نضيق فص توم مفري مع ملعقة زبدة وقليل ممن عصير التفاح

ثم نقلبها حتى تتشرب عصير التفاح وعند تكثفه نضيف الفلفل الملون حتى يتكرمل مع مع الاحتفاظ بقرمشته

لا نريده ناضج

وبعدين نضعها فى الطبق ونصب عليها الصوص المتخلف من عملية الطهى

[عبير يونس]

تحفة بجد

ومنظرها رائع

بس اللي حابة اسأل عنه ازاي مخلية بالجلد؟؟

لأني عادة لما باخلى الفراخ أول حاجة بأشيلها الجلد

وبأحس ان ده اللي بيخليني أعرف أتحكم في الخلي

ما جربتش الاحتفاظ بالجلد مع الخلي وحاسة انه صعب شوية ؟؟

و الا بيتهيألي ؟؟؟ :unsure:

[se_ Elsyed]

لولا فين ؟

مش تقول لي غالية ومش عارف مين

باهزر معاكي يا لولا .. فلكل مدرسة مذاق وطعم

[لولا]

لولا فين ؟

مش تقول لي غالية ومش عارف مين

الحق بس يا احمد ده بيقول سبراجوس :blink: غالبيه الناس فى مصر متعرفش الهليون من اساسه عربي لما تعرفه باالآفرنجى جوس :P

نفسي اشوف وش غاليه وبندق بيشرحلنا وبيجيب سيره السراسخوف دوت smk:

شوف يا بندق انت تسهل الأكله شوية علينا وتلفحها بالبيئه المصرية وما هو متوفر وكدهوت ..

نرق الفراخ ونلفها على شرايح فجل مثلا ونكرملها بعودين قصب :P " على جنب بقي نعمل شوربه اساسي على العظم ترم العظم فى الشتا دوت محدش يرمى حاجه :happy:

ههههه تسلم ايدك والله فعلا زي ماقالت عبير تحفه تحفه من غير مجاملة ومش قادره اتخيل تتبيله خل العنب مع عصير التفاح لاحقا وكمان حلاوة الفلفل الرومى الملون هتطلع نكهه ايه بس واثقه من تفرد وتميز ولذاذه كل اللى بتعمله مفيش كلام .

طبخاتك كلها والله مرهفه الحس بكل تكوانيها هههه ايه رايك تجرب تعمل سخينه الموز كطبق حلو وتقولنا رأيك ;)

[بندق أفندى]

تحفة بجد

ومنظرها رائع

بس اللي حابة اسأل عنه ازاي مخلية بالجلد؟؟

لأني عادة لما باخلى الفراخ أول حاجة بأشيلها الجلد

وبأحس ان ده اللي بيخليني أعرف أتحكم في الخلي

ما جربتش الاحتفاظ بالجلد مع الخلي وحاسة انه صعب شوية ؟؟

و الا بيتهيألي ؟؟؟ :unsure:

الموضوع بسيط خالص .. احنا هنقطع الصدر لوحده وهنشقه كأنه هنعمل عملية قلب مفتوح (ههههههه)

وهنمشى بالسكين عليه من ناحية الصدر (مش الظهر)

وننزل على كل ناحية بجوار العظم وكده ولا قربا من الجلد ولا سلخناه

ده أول شئ تانى شئ انا مش عارف حضرتك فين بس فى السعودية بيبيعو الصدور أنصاف بالعظم والجلد

كل اللى عليها نشيل حتة العظم اللى معاها الغضروف وده اسهل وأرخص

[بندق أفندى]

لولا فين ؟

مش تقول لي غالية ومش عارف مين

باهزر معاكي يا لولا .. فلكل مدرسة مذاق وطعم

انت ناوى تقطع عيشى وترفدنى صح؟

أو تطفش الزباين

[بندق أفندى]

لولا فين ؟

مش تقول لي غالية ومش عارف مين

الحق بس يا احمد ده بيقول سبراجوس :blink: غالبيه الناس فى مصر متعرفش الهليون من اساسه عربي لما تعرفه باالآفرنجى جوس :P

نفسي اشوف وش غاليه وبندق بيشرحلنا وبيجيب سيره السراسخوف دوت smk:

شوف يا بندق انت تسهل الأكله شوية علينا وتلفحها بالبيئه المصرية وما هو متوفر وكدهوت ..

نرق الفراخ ونلفها على شرايح فجل مثلا ونكرملها بعودين قصب :P " على جنب بقي نعمل شوربه اساسي على العظم ترم العظم فى الشتا دوت محدش يرمى حاجه :happy:

ههههه تسلم ايدك والله فعلا زي ماقالت عبير تحفه تحفه من غير مجاملة ومش قادره اتخيل تتبيله خل العنب مع عصير التفاح لاحقا وكمان حلاوة الفلفل الرومى الملون هتطلع نكهه ايه بس واثقه من تفرد وتميز ولذاذه كل اللى بتعمله مفيش كلام .

طبخاتك كلها والله مرهفه الحس بكل تكوانيها هههه ايه رايك تجرب تعمل سخينه الموز كطبق حلو وتقولنا رأيك ;)

نيجى للتعليق الدسم (حيث اننا فى المطبخ)

والله يا ست لولا انتى اللى مرهفة الحس وانسان جميل

طبعا اقتراحك تحفة بالفجل .. أوعدك مرة أجرب وصفة تناسب ده .. بس شو رأيك نخلى الحشو جوعضيض (تعرف ايه الجوعضيض؟؟)

سيدتى انا من بيئة مصرية خالصة لكنى أحاول الاستفادة مما حولى والهليون كان باقى من مكونات عزومة الخميس اللى كان فيها شوربة بحرية تحفة وللأسف لم استطيع تصوير الحفلة لأنه كان تليفون عطلان وعلى ما الوكيل غيره كنا رحنا للسبت) بس لو كان حصل كنتى هتشوفى أكبر كمية سلمون ممكن تشوفيها سمكاية 7 كيلو سلمون معمولة تحفة للأسف ما أقدر انزل وصفة بدون صور (هههههه) للدلالة على الجريمة المطبخية .. وليس القصد تقديم وصفة استفزازية .. الهليون لا يضيف شئ للطعم لكنه مكون طعمه حلو وقائم بذاته

طبعا انا بأشتريه فى السنة مرة ولا حاجة لأن الكيلو ب 54 ريال وهى نص كيلو مش أكتر بالظبط زى البسلة القشر اللى كانت تتباع ب 60 ريال وقلت مرة أجربها بس لقيتها مسكرة أوى وخفت أدمنها فقعدت اقنع نفسى انها قشر بدون بسلة ههههه

نرجع مرجوعنا .. خل العنب هينتنهى أثرة وتظل نكهته من التحمير الأولي

ثم يأتى دور عصير التفاح والثوم .. هو اللى المفروض مش داخل فى التركيبة الثوم لكنه كان طعمه رائع

مع الزبدة طبعا اللى بتغير المسار تماما

اما عن الموز ليا وصفة تعلمتها من مطعم صينى .. الموز يكون أخضر شوية ويقلى فى الزبدة على نار قوية بسرعة

ثم يقدم مع أيس كريم .. ده تحفة

طبعا اتقدمت مع مكرونة مسلوقة فقط عليها زيت زيتون وصوص التفاح ناتج الطبخ ..

الكمية دى تكفى 3 أشخاص مع السلطات والمكرونة تكلفة الشخص الواحد لا تتجاوز 7 ريال

أعتقد لو فى مطعم لن يقل الطبق عن 30 الى 40 ريال لو قطعة واحدة ولو اتنين من 40 الى 50 ريال

دا احنا بنستغل استغلال (بضم النون)

تحياتى

[se_ Elsyed]

مش عارف .. قلبي بيقولي إن لولا راحت سكنت في بولاق او منشية ناصر .... البنت كرفت على شعبولاوي خالص

يا شيف بندق .. ما تغيبش كده وتسيبنا جعانين ... بجد بتوحشنا ريشتك المميزة اللي بترسم بها أجمل ألوان الطعام ....

[بندق أفندى]

مش عارف .. قلبي بيقولي إن لولا راحت سكنت في بولاق او منشية ناصر .... البنت كرفت على شعبولاوي خالص

يا شيف بندق .. ما تغيبش كده وتسيبنا جعانين ... بجد بتوحشنا ريشتك المميزة اللي بترسم بها أجمل ألوان الطعام ....

والله يا سى السيد ما يمنعنى عنكم الا الشديد القوى

كانت فترة انشغالة رهيبة

ثم عطل تليفونى المميز سونى أريكسون وأصريت عليهم يعوضونى وركبت راسى وركبوا راسهم ورحت شارى جهاز تانى خالص

ولا عبرونى على اعتبار انى فان كبير لهم .. ومكسوف أرجع لهم مع الموبايل الجديد

وكل ما أجيى أشترى كاميرا أقول خلينى أشتري واحدة بروفشينال شوية وينزل موديل احدث وأنتظر لما يرخص شوية وهكذا يا تدفع فلوسك على التكنولوجيا يا تفضل بعيد

وبعدين ساعات أقول لنفسى هتعمل ايه بعد؟ دا انا عملت ما يزيد على ال 400 طبق مختلف

ألاقي كل مرة الافتكاسة تطلع لأنه مش عارف اعمل نفس الأكلة اللى قبلها هههههههههه

[ذهبية]

حمد على السلامة يا استاذ بندق نورت المنتدى تانى بعد غياب

بجد عايزة احط لحضرتك الف لايك بس للاسف بيقولى انة فشل مش عارفة الاسباب

تسلم ايدك

رائعة و منظرها يهبل

[بندق أفندى]

حمد على السلامة يا استاذ بندق نورت المنتدى تانى بعد غياب

بجد عايزة احط لحضرتك الف لايك بس للاسف بيقولى انة فشل مش عارفة الاسباب

تسلم ايدك

رائعة و منظرها يهبل

يا لهوى الست ذهبية ومن المنصورة كمان .. أهلا بالبلديات

على فكرة انا حافظ المنصورة بيت بيت وزنقة زنقة ومشيت بين الاستاد والجامعة ييجى عشرتلاف مرة ههههههههه

الله يسلمك ويحفظ يا بنت الأرض الحبيبة الغالية على نفسى

تحياتى

[لولا]

مش عارف .. قلبي بيقولي إن لولا راحت سكنت في بولاق او منشية ناصر .... البنت كرفت على شعبولاوي خالص

ههههههههههههههههه

اييييييه ياريت كنت طلعت طباخة شعبيه معتبره و مكنتش طلعت خايبه ومش عارفه المحشي بيترص بالطول ولا بالعرض :closedeyes:

بقالي شهر نفسي فى محشي فلفل رومى بس حالياعماله افكر طب لو عملته هرصه ازاى ؟؟ مش جابت غاليه سيرة الموضوع دوت :blink:

[عبير يونس]

مش عارف .. قلبي بيقولي إن لولا راحت سكنت في بولاق او منشية ناصر .... البنت كرفت على شعبولاوي خالص

ههههههههههههههههه

اييييييه ياريت كنت طلعت طباخة شعبيه معتبره و مكنتش طلعت خايبه ومش عارفه المحشي بيترص بالطول ولا بالعرض :closedeyes:

بقالي شهر نفسي فى محشي فلفل رومى بس حالياعماله افكر طب لو عملته هرصه ازاى ؟؟ مش جابت غاليه سيرة الموضوع دوت :blink:

يووووووووووه

و بعدين معاكي يا لولتي

يا بنتي الفلفل بيترص بالورب

بزاوية 37 درجة

smk:

[بندق أفندى]

مش عارف .. قلبي بيقولي إن لولا راحت سكنت في بولاق او منشية ناصر .... البنت كرفت على شعبولاوي خالص

ههههههههههههههههه

اييييييه ياريت كنت طلعت طباخة شعبيه معتبره و مكنتش طلعت خايبه ومش عارفه المحشي بيترص بالطول ولا بالعرض :closedeyes:

بقالي شهر نفسي فى محشي فلفل رومى بس حالياعماله افكر طب لو عملته هرصه ازاى ؟؟ مش جابت غاليه سيرة الموضوع دوت :blink:

يووووووووووه

و بعدين معاكي يا لولتي

يا بنتي الفلفل بيترص بالورب

بزاوية 37 درجة

smk:

45 درجة مع ميل ناحية الشرق ب 3 درجات انحراف معيارى مع معامل تصحيح 3/4

ههههههههههههههههههه