طلعة برية يوم الخميس

[raouf]

كان بقالى فترة طويله ممكن عدة سنوات لم اقم برحلات سفارى بنفسى

وبصراحة كان نفسى اخرج من مود السياسة والشد اللى احنا فيه من اكثر من سنة

فقط كنت اشارك ال4 سنوات الماضية كمرافق او كسائح فقط فى الدول اللى كنت بازورها

الاسبوع الماضى وبعض دعوة من بعض اصدقائى مغامروا الصحراء وهو الاسم الشائع لتجمع ملاك سيارات الهامر فى الخليج العربى

قررت ارجع لحركات الجنون بتاعتى واشارك فى طلعة بريه مع الجروب بسيارتى الخاصة

وعلى فكرة انا ولله الحمد رقمى 394 فى ملاك هامر على مستوى المملكة حيث كنت امتلكها سابقا فى 2007 وكنت وقتها المصرى الوحيد اللى عنده همر فى المملكة ( حته تكبر وفشخرة بقى من نفسى شوية ) هههه

وبعتها لظروف البناء وبعد عودتى

ثانية لمعشوقتى الهامر قررت ان اشرككم معى وفعلا استعدت جزء كبير كنت مفتقده فى الخمس سنوات السابقة من حياتى وهو المغامرة والجرأة

اترككم مع الصور هاحط فيديو كمان بس استحلف كل من يقرا الموضوع ان يقول ماشاء الله

لان العين حق

وهازعل من اللى يتفرج ومايقلش ايه رايه

وعلى فكرة اول مرة اشارك بصور خاصة وسيتم اضافة نفس الموضوع فى منمتدى هامر العربية

طبعا كان فى الطلعة 14 سيارة هامر

وتم التحرك فى الساعة 2ونصف من مكان التجمع والتوجه الى منطقة معروف وعورتها وصعوبة اجتيازها بالسيارات وهى داخل الصحراء وتبعد عن حرم اقرب طريق فى حدود 15 كم

تم طبعا توزيع اللاسلكى على السيارات حتى يمكن التواصل فى حالة الطوارىء لان طبعا لا يوجد شبكة فى المنطقة

لانى كنت فى السيارة بمفردى فتصوير الفيديو سىء شوية لانى باسوق فى طعوس وباصور ودى صعبة جدا جدا

اترككم مع الصور

حقا للفنون جنون

http://www.youtube.com/watch?v=-VAsjiHKxws

تم تعديل 10 فبراير 2012 بواسطة raouf

[م تيمور المراغي]

بسم الله ماشاء الله يا رؤوف منظرها جميل اوي

ربنا يعطيك خيرها ويكفيك شرها ,,

[raouf]

http://www.youtube.com/watch?v=laDXfwIUwEw

http://www.youtube.com/watch?v=gnDYjJX1CHc

تم تعديل 10 فبراير 2012 بواسطة raouf

[raouf]

بسم الله ماشاء الله يا رؤوف منظرها جميل اوي

ربنا يعطيك خيرها ويكفيك شرها ,,

شكرا يا تيمور على ردك ودعئك ووعد منى لانك اول من رد اول ما تيجى الدمام ليك عندى رحلة سفارى خرافى

اكيد هانتقابل عندك فى جده بكره ان شاء الله

[وطني حر]

اولا دعواتي لك بالسلامه في تلك الهوايه الخطره . .

اتذكر من سنتين في اجازه الحج سافرنا الهاف مون وفي جبل رمل كان مشهور جدا . كان التطعيس على وذنه . منظر جميل جدا وهوايه خطره ..

هو انت منهم استاذ رؤووف ......؟؟؟!!!

عين الله تحرســك .. التزم باصول السلامه خزام وخوذه ..

[ozoozo]

ما شاء الله ربنا يباركلك فيها

بس معلش انتو بتعملوا ايه بعد مابتروحو الصحراء؟؟؟

يعني بتشوو وكده ولا خلاص بتمشوا في الصحرا شويه وتروحوا

[raouf]

اولا دعواتي لك بالسلامه في تلك الهوايه الخطره . .

اتذكر من سنتين في اجازه الحج سافرنا الهاف مون وفي جبل رمل كان مشهور جدا . كان التطعيس على وذنه . منظر جميل جدا وهوايه خطره ..

هو انت منهم استاذ رؤووف ......؟؟؟!!!

عين الله تحرســك .. التزم باصول السلامه خزام وخوذه ..

اجراءات السلامة عندنا كاملة ان شاء الله

وباشراف ناس طالعة من الوكيل مخصوص وبيتم التشييك على السيارات قبلها والتاكد من اجراءات السلامة

انا فى الاساس غاوى سرعة وسباقات السرعة وبعد ما كبرت شوية فى السن قلبت على السفارى والتطعيس شوية

والف شكر على الدعوة الصادقة

[raouf]

ما شاء الله ربنا يباركلك فيها

بس معلش انتو بتعملوا ايه بعد مابتروحو الصحراء؟؟؟

يعني بتشوو وكده ولا خلاص بتمشوا في الصحرا شويه وتروحوا

شوف يا حج

انت بتروح تمارس هواية ليها عشاقها وبيصروا ملايين علي تعديل سيارتهم وزيادة قوتها لاجتياز مثل هذه الاماكن

هو اليوم بيبقى متكامل بمعنى فيه بعض التحديات لاثبات قوة السيارات وتعديلها وبعدها لاثبات المهارة والقدرة على التحكم بالسيارة

ثم التوجه للعشاء وده بيبقى حفلة باربيكيو محترمة

بعدها جلسة سمر فى جو خرافى وهواء نقى صعب تلاقيه فى وسط المدينة

ده كان البرنامج امس

فيه ايام ثانية بس عادة بتبقى اكثر من يوم يكون فى فاعليتها الصيد البرى بالبنادق الهواء والخرطوش

الجروب طلعوا بعض الرحلات للاصدياد البرى بالرصاص فى دول خارج الخليج وللاسف لم اشارك لظروف العائلة والعمل واكيد التكلفة العالية

فريبا ان شاء الله فى الصيف سيكون زيارة الفريق لمصر عن طريق البر والتوجه بعدها الى ليبيا وتونس

ان شاء الله هاكون مشارك فى هذه الرحلة لانها هتضم كل فريق مغامرو الصحراء من الخليج العربى كله

[Folana]

اترككم مع الصور هاحط فيديو كمان بس استحلف كل من يقرا الموضوع ان يقول ماشاء الله

لان العين حق

وهازعل من اللى يتفرج ومايقلش ايه رايه

السلام عليكم ورحمة الله...

حااضر يا أستاذ رؤف..:)

بسم الله ماشاء الله ولا قوة إلا بالله

ربنا يبارك لك ويعطيك خيرها ويكفيك شرها وشر الطريق ..

حاجة جميلة جدا الحقيقة..بس مرعبة..يعنى شكل الصحراء كده يجيب قلق ...

ياريت نتعرف أكتر على الهواية دى وأنسب مواعيد لممارستها ..وياترى بتكون نهارا فقط ولا ممكن بالليل ..

وايه المواقف الخطرة اللى قابلتك ، وبتتصرفوا ازاى فى المواقف الغير متوقعة ..

عايزة أسأل اسئلة كتير الحقيقة..:)

تحياتى

[raouf]

السلام عليكم ورحمة الله...

حااضر يا أستاذ رؤف..:)

بسم الله ماشاء الله ولا قوة إلا بالله

ربنا يبارك لك ويعطيك خيرها ويكفيك شرها وشر الطريق ..

حاجة جميلة جدا الحقيقة..بس مرعبة..يعنى شكل الصحراء كده يجيب قلق ...

ياريت نتعرف أكتر على الهواية دى وأنسب مواعيد لممارستها ..وياترى بتكون نهارا فقط ولا ممكن بالليل ..

وايه المواقف الخطرة اللى قابلتك ، وبتتصرفوا ازاى فى المواقف الغير متوقعة ..

عايزة أسأل اسئلة كتير الحقيقة..:)

تحياتى

يا فندم من جهة مرعبة فهى ليها رهبة خاصة هصوصا ان الصحراء مالهاش كبير لكن اللى بيسهل الامور وسائل الاتصال الحديثة واجهزة تحديد المواقع

ووقت ممارستها طول العام ماعد ايام الصيف الشديد لان الرمل بيبقى سخن والسيارات تتعب وممكن تتعطل وتتاثر بالاضافة ان ماينفعش نشغل التكييف مثلا فى المرتغعات دى لان بياثر على عزم وحرارة العربية

طلوع المرتفعات الافضل يبقى بالنهار رغم انى سابقا عملتها بالليل لان السيارات ما شاء الله ملها فيها انوار مبهرة زى انوار الاستاد وبتحول الليل نهار بسهولة

اكثر المواقف اللى زواجهتها سابقا انى تهت فى الصحراء وكانت عربيتى القديمة مش فيها جى بى اس ولا فيه شبكة موبايل

وربنا كرم انى مشيت بالليل عن طريق النجوم وملاحظة الافق لان انوار الطرق بتعكس على السماء

وتحت امرك فى اى اسالة

وعلى فكرة الرياضة شيقة جدا جدا جدا ومحتاجأة جرءة وشجاعة

بس عيبها مكلفة جدا للاسف

يا ريت بعد اذنك تعديل العنوان وجملة للفنون جنون لانى كتبتها غلط

[Folana]

السلام عليكم ورحمة الله...

تم التعديل ..

الحقيقة يا أستاذ رؤوف هى هواية جميلة فعلا ومبهرة...ونتمنى فعلا نعرف عنها أكتر لو ماكانش يزعجك...

ربنا يوفقك ان شاء الله...

[raouf]

السلام عليكم ورحمة الله...

تم التعديل ..

الحقيقة يا أستاذ رؤوف هى هواية جميلة فعلا ومبهرة...ونتمنى فعلا نعرف عنها أكتر لو ماكانش يزعجك...

ربنا يوفقك ان شاء الله...

اكيد ان شاء الله وخصوصا ان افضل وقت للرياضة دى من اكتوبر لابريل

فيه طلعة ثانية ان شاء الله

واكيد طلعة مصر هاتبقى شيقة جدا

وشكرا على تعديل العنوان

[تخصص نادر]

اولا: ما شاء الله تبارك الله والله خير حافظا.

ثانيا: انا من عشاق السيارات في كل حاجة موديلات ورياضة وميكانيكا وتكنولوجيارغم ان مهنتي بعيدة عن العربيات (اخوك طبيب).

ثالثا: انا كنت باتابع اتوكروس مصر من زمان ايام ابوهيف واللانشيا الدلتا الزيتي حضرتك كنت في الايام دي والا بعدها؟؟؟

رابعا: مرة تاني ماشاء الله وربنا يحافظ عليك.

[raouf]

اولا: ما شاء الله تبارك الله والله خير حافظا.

ثانيا: انا من عشاق السيارات في كل حاجة موديلات ورياضة وميكانيكا وتكنولوجيارغم ان مهنتي بعيدة عن العربيات (اخوك طبيب).

ثالثا: انا كنت باتابع اتوكروس مصر من زمان ايام ابوهيف واللانشيا الدلتا الزيتي حضرتك كنت في الايام دي والا بعدها؟؟؟

رابعا: مرة تاني ماشاء الله وربنا يحافظ عليك.

نعم يا افندم وكنت ساعتها بانافس ببونتو حمرا

تم تعديل 10 فبراير 2012 بواسطة raouf

[تخصص نادر]

نعم يا افندم وكنت ساعتها بانافس ببونتو حمرا

يا باشا اتشرفنا بمعرفتك وياريت تبقى تحكي لنا عن كواليس الاوتوكروس والفروقات في التعديلات في الوقت ده بموديلاته وتعديلات اليومين دول (الجامدة قوي) بموديلاته

[ozoozo]

علي سيره التوهان والجي بي اس

كنت مسافر الباحه من ابها وكنت بسافر عن طريق الساحل علي طول وده كان بتاع 500 كيلو وسمعت عن طريق مختصر تاني من وسط الجبل من غير ماانزل الساحل يعمله 320 كم بس

شغلت الجي بي اس ومشيت وجه في جزء من الطريق كان متفرع طريقين ادامي وفي اللحظه دي اشاره الجي بي اس وقفت وفضل مشاور اني امشي علي طول وانا مش واخد بالي انه وقف

ودخلت طريق غلط ومش واخد بالي برضه وفاكر ان الجي بي اس بيقولي امشي علي طول وكل الشويه الطريق يتفرع لفرعين واحد يمين وواحد شمال وده اتكرر بتاع 3 مرات لغايه ما دخلت في قريه صغيره جدا وسط الغابه والمصيبه ان القريه صامته تماما زي افلام الرعب كده والشوارع ضيقه جدا ومرتفعات عاليه والعربيه طلعتها بالعافيه

ومش فاكر متاهه جحا اللي دخلتها دي اخرج منها ازاي والموبايل فاصل والجي بي اس من غبر اشاره وخايف اخبط علي بيت من البيوت واسأل وانت عارف السعوديين ودماغهم هايقولك بس ده جاي يعاكس الحرمه ده غير ان لو حد قتلك ودفنك مكانك ولا حد هايحس بيك

لغايه مالقيت راعي غنم من الفلبين او مينامار اتفاهمت معاه بصعوبه وفضلت ماشي وراه هو والغنم بتوعه لغايه ما طلعني علي الطريق

ومن ساعتها وانا باخد بالي جدا من الاعتماد الكلي علي الجي بي اس وخصوصا لو طريق جديد اول مره امشي فيه

[hOuSsAm]

بسم الله ماشاء الله يا بشمهندس

الصور جميلة جدا والرحلة شيقة واكتر من رائعة

انا بحب السفارى جدا بس بالبتشبجي

--------------

عايزينك تقولنا تجربتك فى الدول التانية مختلفة عن مصر ولا هى نفس الصحرا

كمان انت كل السفارى بتطلعه بالهامر ولا بتنوع؟

[raouf]

علي سيره التوهان والجي بي اس

كنت مسافر الباحه من ابها وكنت بسافر عن طريق الساحل علي طول وده كان بتاع 500 كيلو وسمعت عن طريق مختصر تاني من وسط الجبل من غير ماانزل الساحل يعمله 320 كم بس

شغلت الجي بي اس ومشيت وجه في جزء من الطريق كان متفرع طريقين ادامي وفي اللحظه دي اشاره الجي بي اس وقفت وفضل مشاور اني امشي علي طول وانا مش واخد بالي انه وقف

ودخلت طريق غلط ومش واخد بالي برضه وفاكر ان الجي بي اس بيقولي امشي علي طول وكل الشويه الطريق يتفرع لفرعين واحد يمين وواحد شمال وده اتكرر بتاع 3 مرات لغايه ما دخلت في قريه صغيره جدا وسط الغابه والمصيبه ان القريه صامته تماما زي افلام الرعب كده والشوارع ضيقه جدا ومرتفعات عاليه والعربيه طلعتها بالعافيه

ومش فاكر متاهه جحا اللي دخلتها دي اخرج منها ازاي والموبايل فاصل والجي بي اس من غبر اشاره وخايف اخبط علي بيت من البيوت واسأل وانت عارف السعوديين ودماغهم هايقولك بس ده جاي يعاكس الحرمه ده غير ان لو حد قتلك ودفنك مكانك ولا حد هايحس بيك

لغايه مالقيت راعي غنم من الفلبين او مينامار اتفاهمت معاه بصعوبه وفضلت ماشي وراه هو والغنم بتوعه لغايه ما طلعني علي الطريق

ومن ساعتها وانا باخد بالي جدا من الاعتماد الكلي علي الجي بي اس وخصوصا لو طريق جديد اول مره امشي فيه

لا يا حبيبى كان لازم تسال

هى اشارة الجى بى اس ما انقطعتش او حاجة الاشارة موجودة ولا تفقد الا فى باطن الارض او تدخل فى بيت مغلق مثلا لان اشارة الجى بى اس عن طريق القمر الصناعى

طيب ليه ما اشتغلش عندك لان جهازك مافيهوش خرائط البر وبالتالى الجهاز طلع ليك صفحة فاضية وشايف عربيتك بتتحرك فقط بدون اتجاهات

طبعا خرائط الصحراء او البر موجودة وبتنباع بس انواع معينة وافضلها طبعا الخرائط التى تباع بدار موجة وبتركب على بعض انواع الاجهزة وتباع عندهم ودى بتبين ليك الاودية والهجر والشعب بتفاصيلها كمان

طيب لو حصلك الموقف ده تانى تعمل ايه هاقولك افضل الحلول :

- تتصل برقم الطواىء حتى لو لم يكن هناك شبكة ( بجد مش باهزر ) وحتى اذا لم يكن فيه شريحة بجوالك وسيتم تحويل مكالمتك للدفاع المدنى 992

- ترجع تانى على اثر عربيتك للمكان اللى جيت منه

- اعمل زووم عكسى على الشاشة وصغر الخريطة هاتعرف مكانك واتجاهاتك التقريبى

طيب الاحتياطات اللى لازم تعملها لما تيجى تعمل الحركة دى تانى تعمل ايه ؟

اولا قبل ما تسيب الطريق الرئيسى تضع علامة تحديد على جهازك وده علشان لو تهت وحبيت ترجع لنفس النقطة الجهاز يرجعك من نفس هط السير بدون مفاجئات

لازم تتاكد ان عربيتك فل بنزين وتمشيك ضعف المسافة النتوقعة فى حالة ان حصل حاجة وحبيت ترجع من نص الطريق

كمية من الماء تكفيك يوم يعنى زجاجتين ثلاثة ميه

اضها

ملحوظة بقى المنطقة اللى بتقول عليها كذا بيت دى بتسمى هجر او شعب على حسب ارتفاعها او انخف

يالله يا حج عايزك المرة الجاية تجرب الطريق المختصر بتاع الربع الخالى وادينى اديتك اسرار المهنة

[raouf]

بسم الله ماشاء الله يا بشمهندس

الصور جميلة جدا والرحلة شيقة واكتر من رائعة

انا بحب السفارى جدا بس بالبتشبجي

--------------

عايزينك تقولنا تجربتك فى الدول التانية مختلفة عن مصر ولا هى نفس الصحرا

كمان انت كل السفارى بتطلعه بالهامر ولا بتنوع؟

الف شكر يا حسام

للاسف انا باكره البيتش بجى جدا لخطورته الشديدة وانعدام الامان باه وانصحك ايضا تبعد عنه

لا طبعا كل دولة ليها طبيعتها فى السفارى بل اوقات داخل الدولة نفسها بتختلف الامور

لا طبعا باطلع السفارى بالعربية المتاحة وقتها سواء اهامر او اكسبدشن او تاهو وانا باستريج وبافضل الامريكى عموما اليابانى للاسف مش دماغى خالص ومش بيعجبنى ولا باستريح ليه

[عادل أبو عمر]

بسم الله ... ماشاء الله .. لا قوة إلا بالله ... ايه الترينج الجميل ده

ربنا يبارك لك فيها يا رؤوف .. و يارب يرزقك خيرها و يكفيك شرها و شر العين ...