ما هي نظرتكِ/نظرتك للمكياج و الزينة؟؟

[عبير يونس]

المكياج

يعني إصلاح العيوب

يعني اضافة رونق للوجه

يعني ألوان للبهجة

يعني حفلة أو سهرة

من مكملات الأناقة

قتاع زائف لا تحبينه/ تحبه

ماذا يعني لكِ / لك المكياج؟

[Alshiekh]

لا أكذب ولكني أتجمل

أو

لا أتجمل ولكني أكذب

[raouf]

يعنى لى كل ماقلتيه حضرتك بالاضافة انه

شخصيا يعنى لى انه حاجة جيدة اذا استخدمته السيدة لزوجها او الفتاة فى بيت اهلها فقط

وسيئة اذا تم استخدامه خارج المنزل

واعتقد كرجل شرقى اقصى مكياج لينا هو حلاقة الذقن والشعر وشوية بارفان محترم

[Alshiekh]

شوفوا الماكياج بيعمل ايه

[White heart]

طبعاً معروف ان حاجتين مافيش نقاش فيهم - تذوق الألوان، وإستطعام الأكل! وعلاوة على مسألة ان "الجمال" هو جمال القلب والروح من قبل مايكون جمال شكل ... الا انني بيتهيألي انه بيقبى ضرورة (نفسية ) فى بعض الأحيان ... و"واوفر" قوي فى أحيان اخرى!

[White heart]

ههههه ... بصرة يا محمد! سبقتني

واعتقد كرجل شرقى اقصى مكياج لينا هو حلاقة الذقن والشعر وشوية بارفان محترم

:unsure: يا نهار أبيض .. وجالك الشجاعة انك تقولها كدة عيني عينك و على الملأ ...

[Alshiekh]

ههههه ... بصرة يا محمد! سبقتني

واعتقد كرجل شرقى اقصى مكياج لينا هو حلاقة الذقن والشعر وشوية بارفان محترم

:unsure: يا نهار أبيض .. وجالك الشجاعة انك تقولها كدة عيني عينك و على الملأ ...

إن الله حليم ستار ، أستر على أخوك

[elzahraa]

اولا المكياج البسيط هو الافضل لكن

المكياج سلاح ذو اوجه عدة

للاسف في بنات بتحط الوان فاقعة جدا بتخلي شكلها وحش

و للاسف كمان في بنات بتفرط فيه لدرجة ان وشها نفسه يبوظ

وفي بنات بتحط حلو بس علطول لدرجة ان شكلها من غيره ما يبقاش مقبول

المكياج شئ حلو للتغير لكني شايفة انه لا يستخدم الا في البيت افضل لابداء الرونق والتغيير من شكل الزوجة

من وقت لاخر

و شكرا لك

[بركة]

تحتاجه احيانا المرأة لعدة اسباب

اخفاء اختلاف درجات لون البشرة في الوجه

اكمال الاناقة

لتشعر بالرضا عن الذات

بتحبه وخلاص

فنانه وشايفه ان ده فن

أو لكي تحافظ على صورتها الجميلة لأطول فترة ممكنه من العمر

أما لمين بقا بتحطه او فين او متقلاه او مبسطاه

كل ده بقا بيعتمد على ثقافتها ووسطها الاجتماعي وحالتها النفسية وحدودها الشخصية والاسرية والدينية

أما عن نظرتي ليه

أرى ان بنات حواء كلهن جبلن على حب الزينة

قال تعالى " أومن ينشأ في الحلية وهو في الخصام غير مبين "

[raouf]

ههههه ... بصرة يا محمد! سبقتني

واعتقد كرجل شرقى اقصى مكياج لينا هو حلاقة الذقن والشعر وشوية بارفان محترم

:unsure: يا نهار أبيض .. وجالك الشجاعة انك تقولها كدة عيني عينك و على الملأ ...

إن الله حليم ستار ، أستر على أخوك

ههههههههههههههههه

قصدكوا على حلاقة الذقن

وايه المشكلة فى حلاقة الدقن

يا عم محمد ويا استاذ وايت هارت

انا ولا اخوانى ولا سلفى ولا حتى صوفى انا راجل مسلم على الفطرة ودينى ما جاء بالقران وبسنة رسولنا الحبيب

يعنى لما بدافع مثلا عن الاخوان لاقتناعى برايهم اللى بيوافق رايى

لما باهاجم حد بيهاجم الاسلام او بيفتى مثلا او يتكلم فى العقيدة يبقى خوفا عليه نفسه وخوفا على من يقرا كلامه

فالنقد مفتوح ومباح ولكن بعلم

وبعدين على الاقل يا استاذ وايت اسمع كلام الفاضل محمد واستر عليا يا اخى ماهو مش معقول هاكون اصلع واسيب دقنى كمان

استاذ محمد انت عندك شعر ولا اصلع زى حالاتى علشان دى تفرق معايا هههه

تم تعديل 8 فبراير 2012 بواسطة raouf

[ozoozo]

الحلو حلو ولو لسه صاحي من النوم

والوحش وحش ولو بيستحمي كل يوم

:closedeyes:

[se_ Elsyed]

الحلو حلو ولو لسه صاحي من النوم

والوحش وحش ولو بيستحمي كل يوم

:closedeyes:

المثل كده يا أزوزا

الحلو حلو من يومه .. والوحش وحش من يومه حتى لو أستحمى بأومو OMMO

[لولا]

كلمه مكياج وتجميل دى مطاطه قوى .. لأن المكياج درجات فعلا

بس عن نفسي انا مؤمنه ايمان تام مطلق ان فى اساسيات مهمه جدا أى امرأة يفترض ان تحرص عليها كأنثى

الكحل وبلاشر بينك وجلوس بينك درجه التزين بقي واستعمال المكياج والألوان تزيد او تنقص حسب المكان او المناسبه دى حريه شخصيه لكن بجد بجد ديما لما بخرج ولاقي اى ست خصوصا خارجه مع جوزها واولادها ووشها مفيهوش رتوش المكياج الخفيف مش بفهم السبب وبعتبر دوت اهمال .

اعتقد ان الأجيال الجديده من البنات اكثر حرص فعلا على انهم يعتنوا بنفسهم.

لولا

[عبيد الله]

المكياج في أبسط معانيه يعني زينة الزوجة لزوجها داخل البيت، أما وضعه عند الخروج تحت مبررات الشغل أو الفرح أو المناسبة فهذا أمر لا يقبله ذوي العقول النيّرة. الزينة التي أحبها جداً هي الكحل. أما المواد الكيماوية كالأحمر والأخضر وغيرها فلا سبيل إليها

وقد قرأت دراسة بريطانية مؤخراً، نوّهت عليها البي بي سي وورلد سيرفس، أن غالبية الرجال في بريطانيا يفضلون المرأة التي لا تضع مكياج بتاتاً Makeup-Free Women

ولست أدري كيف تضع المرأة العاقلة كل هذه المواد الكيماوية الضارة على بشرتها مع علمها بخطرها

[عبير يونس]

كلمه مكياج وتجميل دى مطاطه قوى .. لأن المكياج درجات فعلا

بس عن نفسي انا مؤمنه ايمان تام مطلق ان فى اساسيات مهمه جدا أى امرأة يفترض ان تحرص عليها كأنثى

الكحل وبلاشر بينك وجلوس بينك درجه التزين بقي واستعمال المكياج والألوان تزيد او تنقص حسب المكان او المناسبه دى حريه شخصيه لكن بجد بجد ديما لما بخرج ولاقي اى ست خصوصا خارجه مع جوزها واولادها ووشها مفيهوش رتوش المكياج الخفيف مش بفهم السبب وبعتبر دوت اهمال .

اعتقد ان الأجيال الجديده من البنات اكثر حرص فعلا على انهم يعتنوا بنفسهم.

لولا

أؤيدك تماما عزيزتي

المكياج كلمة فرنسية و يعادلها بالانجليزية Make Up

و تعني " الترميم " أو الاصلاح

فالمكياج انواع كثيرة

و لا يتشابه من مناسبة لأخرى

فمن المؤكد أن زينة الزوج لزوجها تتميز بمكياج صارخ أو جرئ بالطبع لا يتناسب مع العمل مثلا

و ليس من المعقول أن تضعي مكياج كامل ( مش كامل الجمل :closedeyes:) و أنت تمارسين الرياضة مثلا

فإن ذلك يذكرني بالأفلام العربية القديمة عندما تقوم البطلة من النوم و على وجهها Full Make upو شعرها شنيون !!!

هههههههههههههههه

و هناك مكياج الحفلات أو السهرات

و أيضا يخضع للذوق و الثقافة و حسب الملابس أيضا

و هناك مكياج للتصوير- سواء الفوتوغرافي أو الفيديو- لابراز الملامح و لتجنب انعكاس الاضاءة على الوجه و الآن الفوتوشوب يصلح كثيرا من عيوب الصور

و هناك مكياج لاصلاح عيوب الوجه و الملامح و يبرز جماله عندما يكون متقنا و غير واضح

الرتوش التي ذكرتيها هي في رأيي من مكملات الأناقة و جزء من حسن الهندام كما الاكسسوارات

و لا يكون مقصود بها اثارة الغرائز كما المكياج الصارخ

و هناك طبعا مكياج مبتذل جدا

مثل مكياج العاهرات مثلا

و لا مانع من وضعه لبعض الأزواج اذا كانوا يفضلون ذلك الشكل

فبالتأكيد لا حدود على ما يحب الرجل أن يراه على زوجته و عليها ارضائه في ذلك

و الأجمل أن يكون ذوقهما متشابه

فأهم شيء عندما نضع المكياج أن نكون مقتنعين داخليا بمظهرنا حتى نحقق النتائج المرجوة

فاذا كنتِ غير راضية عن شكلك بالمكياج

سينعكس ذلك على وجهك

و مؤكد سيفسد جمالك

و رأيي الخاص

في كل الاوقات

ان جمال المكياج هو أن يضفي رونقا للوجه دون أن يكون ظاهرا بشكل مبالغ فيه

فهذا هو قمة الاتقان

مع مراعاة المكان و الزمان

و دي وجهة نظر ( وش لماضة)

[رضوي]

الميكب نوع من أنواع التغيير بالنسبالي ليس الا

شوية فن خفيف في اختيار الالوانات ,,,, وابراز الجمال ......... لكن له مكانه ووقته

مابحبش البنات اللي بيخرجوا كل يوم للشغل او في اي مكان عام وعاملين اوفر ميكب ......... بحس انهم مصطنعين

عن نفسي مابستعملش الميكب الا في البيت والحمد لله ,,,,,, فيما عدا بعض المناسبات الخاصة جداً بعمل فيها ميكب خفيف

ومش مقتنعة ان الميكب بيغير الشكل اوي ...... حتى الصور الموجودة في التوبيك دة ,,,,, الميكب لوحده ماغيرش الشكل بالطريقة الواضحة دي ,,,, فيه عامل مهم اوي وهو عامل الاضاءة بالاضافة لزاوية التصوير

لكن في الواقع الميكب ممكن يداري شوية عيوب في البشرة لكن عمره مابيغير الشكل ,,,,,,, يعني مابيصغرش المناخير مثلاً .......

بكره الالوانات الفاقعة ( مع اني بستعملها لما بكون زهقانة شوية ) وبكره الاوفر ميكب

عندي صديقة ليا دايماً بتعمل ميكب تقيل ,,,, وماشوفتهاش من غير ميكب غير مرة واحدة ,,,,,,, كان يوم فرحها وانا بساعدها في لبس الفستان قبل ماتعمل ميكب الفرح ....... قولتلها مال وشك بهتان اوي ليه ؟؟؟؟؟ قالتلي علشان الميكب

بس فضلت ملامحها زي ماهي .

عن نفسي مابستعملش غير الحكل وانا خارجة بس ,,,, ومابحبش استعمل اي ميكب وانا خارجة ,,,,

فاكرة زمان واحنا في ثانوي .... كنا بنقول اول لما ندخل الجامعة هنعمل ميكب بقى ونحط الوانات جميلة ....... كانت ماما بتضحك وتقولنا : ربنا خلقنا الحمد لله شكلنا حلو .... يبقى هنشكره ونحمده ولا نعصاه ونبرز جمالنا اكتر وناخد ذنوب ؟؟؟

من ساعتها اقتنعت انا واخواتي ومعانا بنت عمي اننا ماينفعش نعمل كدة

الميكب زيه زي اي حاجة في الدنيا ,,,,,,, ممكن نستخدمه صح وممكن نستخدمه غلط

:)