تسجيل صوتى نادر للقاء جمع بين اللواء عمر سليمان والعقيد القذافى فى احدى زياراته لمصر

[وطني حر]

تسجيل صوتى نادر للقاء جمع بين اللواء عمر سليمان والعقيد القذافى فى احدى زياراته لمصر نستمع لمعلومات خطيره تحل لغز الثوره المصريه والربيع العربى بالكامل وانها...

فى تسجيل صوتى نادر للقاء جمع بين اللواء عمر سليمان والعقيد القذافى فى احدى زياراته لمصر نستمع لمعلومات خطيره تحل لغز الثوره المصريه والربيع العربى بالكامل وانها مؤامره امريكيه اخوانية وتوقع اللواء عمر سليمان لحتمية المواجهة مع امريكا فى يوم من الايام ونظرته للامريكان انهم خونه وان امريكا دوله غير صديقه تتآمر على مصر ومن اخطر ما جاء فى حديث عمر سليمان للقذافى >الدقيقه 2.19 : انما هما خونه الامريكان بيفتتوا العلاقات العربيه العربيه دى شغلتهم كده

الدقيقه 5.40 : الامريكان بيغذوا التيار الاسلامى عندنا فى مصر اللى هما الاخوان المسلمين ودى مشكله وبعدين بيعملوا حاجات غريبه الامريكان والاخوان فى اى وقت عايزين يجيبوا مليون يجيبوا مليون يعنى مرتبين نفسهم كويس اوى

الدقيقه 7.44 : مين قال اننا اصدقاء لامريكا ؟عمرنا ما كنا ولا حنكون اصدقاء لامريكا انما احنا بنتجنب الكلاش بنتجنب اننا ندخل فى مشكله معاهم لان الاقتصاد بتاعنا فراجايل (ضعيف ) خالص يعنى يدوبك متسند ولو دخلنا فى كلاش معاه ممكن تحصل مشاكل وهما مجرمين يقدروا يعملوا عوائق كثيره جدا قدام الاقتصاد بتاعنا ويخلوا الشارع يهيج على النظام وده مش مطلوب على الاطلاق فاحنا مش اصدقاء انما احنا بنحاول مانبقاش على خط العدائيات بتاعه مش عايزينهم يعملوا معانا زى مابيعملوا مع سوريا .. حييجى يوم يعملوا , حييجوا فى يوم يعملوا , حييجوا فى يوم يعملوا برضه واللى بيحصل فى دارفور هدفه مصر واللى بيحصل فى سوريا ولبنان هدفه مصر وهكذا هما عينهم على مصر بس احنا بناخر المواجهه ادى كل الموضوع الى ان ربنا يسهل وامورنا تمشى افضل واحسن

http://www.youtube.com/watch?v=s9td0DqRimQ&feature=share

تم تعديل 5 فبراير 2012 بواسطة وطني حر

[م تيمور المراغي]

شايفين مصطلح الاغلبية الصامته !

الدقيقة 06:10

المصطلح ده ماكانش دارج قبل الثورة

عرفتوا مين اللي بيدير العرايس من خلف الستور ,,

بعدين ايه مدير المخابرات الشلته ده عمال يكشف اسرار الدوله !!

هو مال القذافي بان اقتصادك كذا او انك بتكره دولة كذا !

[طارق مصرى]

و مين اللى سجل الحوار و مين اللى ذاعه ؟

و الاخوان امريكا بدعمهم ماليا و النظام مش صديق لامريكا و الاغلبية الصامتة للاسف مبتعملش حاجة و الشعب لازم يحس بحريته زى الشعوب الاخرى ........

شكله حوار متفبرك لتبيض وجه عمر سليمان الاسود و ضرب قوة من اكبر القوى السياسية المناوئه له و هى الاخوان وده احتمال يكون عاوز يترشح للرئاسة بس ايه تعمل الماشطة فى الوش العكر