تعالى وشوف ليه لازم ننزل نحتفل يوم 25 وننفخ بلالين كمان

[se_ Elsyed]

أه اومال إيه

وياريت كمان نعملها إحتفالية تنكرية ( بالماسكيه يعني )

انا هانزل في صورة واحد مقتول ...وهاغرق نفسي دم وهاخلي أصحابي يشيلوني مرابعه ... وفي آناتيم ليه كتير هاينزلوا بماسك واحد عينه مفخوته ...

وعشان إحنا بنعرف العيب في واد مكلبظ صاحبنا قبل يلعب دور بنت متعرية - هانظبط المشهد ما تخافوش ومش هانخدش حياء حد

ومعانا ناس من كل مصر وافقوا كمان وهاييجوا معاهم ماكيت أنابيب غاز من اللي محرومين منها بقى لهم أسابيع لدرجة إن في أسوان وسوهاج بنوا " كانون " عارفينه ؟

أنا شوفته عندنا في البلد في السبعينات قبل ما يعرفوا الأنابيب وهو الفرن اللي بيشتغل بالخشب والحطب ومخلفات الحيوانات ...

وفي ناس تانية هاتنزل معاها بوابير جاز .. اسكتوا مش دي بقت سلعة رايجة في مصر .. أه والله العظيم ورجعنا 100 سنة لورا والهيئة العربية للتصنيع مع المصانع الحربية شغالة نار في إنتاج البوابير دلوقت

وفي تاكسجية نازلين وهما بيزقوا التكاسي اللي مشحطة بنزين ..... هايحتفلوا برضوا

وغيرهم وغيرهم من اللي الاندال هيئوا لهم إن الثورة هي اللي عملت فيهم كده ... ولازم يحمدوا ربنا ويقولوا " ولا يوم من أيامك يا مخلوع "

[se_ Elsyed]

إوعوا تفتكروا إني مجنون وبأتوهم إن في يوم وليلة هانبقى اليابان

لكن عشان أنا مش مجنون .. هاتلاقوني كتبت قبل كده إن كان في مشاكل كتيررررررررررة جداً تتحل بجرة قلم

زي الامن اللي فجأة أيام الإنتخابات بقت الدنيا على سنجة عشرة

زي إني أحسس المصري إن راسه مرفوعه وإن كرامته رجعت له

وزي أبسط إحتياجات الناس الغلابة اللي الثورة قامت عشانهم

عيش

حرية

عدالة إجتماعية

وسكنوا إنتوا بقى الحرمان من انبوبة بتوجاز تيجي تحت انهي حاجه من التلاتة دول ؟

لما ملايين البيوت المصرية قاعدة دلوقت من غير أنبوبة بوتاجاز والطرق السريعة كلها مقطوعة ...

والبهوات اللي مرتب الواحد فيهم بيعدي المليون جنية ... اه والله العظيم إنتوا ما تعرفوش إن أي رئيس مجلس إدارة شركة بترول في مصر مرتبة بيعدي مليون جنيه ... وغير بقى اللي تحته والالاف المؤلفة اللي بيلهفوها كل واحد فيهم يطلع ينفش ريشه ويقول " مافيش مشكلة .. دي الناس بس هي اللي مش عارفه تعيش "

أه والله .. يعني شوفت طوابير لكيلومترات واقفين بسياراتهم عشان بؤ بنزين والبهوات بيقولوا مافيش مشكلة ده الناس عاوزه تاخد اكتر من إحتياجاتها .. على أساس يعني إن التنك بتاع عربيتي بياخد 50 لتر مثلاً وانا عاوز أعبي فيه 70 لتر

عرفتوا ليه نازلين يوم 25 ؟

[se_ Elsyed]

حتى اللي بيقول : يا عم ده قاعد بعيد في السليم وعاوز يولعها

الحمد لله مش أنا .. لأني وغن كنت فرد بطولي ...فأهلي وناسي وأصدقائي وعُمري كله في مصر .. وما اقتنع به بحاول على قدر المستطاع أوصل لهم ده .. وبالتأكيد ماحدش بيرضى لاهله الضرر ولما توسع الدائرة برضوا لا يرضى ولا يقبل لبلده اي ضرر ..

لكن هي كلمة حق عاهدت الله ان أقولها مهما حصل

[طبيبة بالخارج]

أنا شخصيا لازم أنفخ بلالين اليوم ده ان شاء الله لأنه يوافق يوم ميلاد 3 من أبنائي :happy:

مع حضرتك ان مش كل أحلامنا اتحققت و لسه كتير قدامنا لكني برضه عايزة احتفل باليوم ده لأني باصة على الناحية الايجابية: خلصنا من مبارك و ابنه (حد كان ممكن يصدق ده قول شهر كده قبل 25 يناير الماضي) - ولادة الأمل مرة تانية في قلوب المصريين بمستقبل أفضل مع فعلا احساسنا بجملة ارفع راسك فوق انت مصري

بالنسبة لي دول كفاية عشان احتفل باليوم ده

[se_ Elsyed]

أنا شخصيا لازم أنفخ بلالين اليوم ده ان شاء الله لأنه يوافق يوم ميلاد 3 من أبنائي :happy:

مع حضرتك ان مش كل أحلامنا اتحققت و لسه كتير قدامنا لكني برضه عايزة احتفل باليوم ده لأني باصة على الناحية الايجابية: خلصنا من مبارك و ابنه (حد كان ممكن يصدق ده قول شهر كده قبل 25 يناير الماضي) - ولادة الأمل مرة تانية في قلوب المصريين بمستقبل أفضل مع فعلا احساسنا بجملة ارفع راسك فوق انت مصري

بالنسبة لي دول كفاية عشان احتفل باليوم ده

يا دكتورة ... يا دكتورة

إررجعي كده بالزمن لورا

هاتلاقينا أحتفلنا بزوال دولة الإحتلال الثنائي ( عثمانلي وبريطاني ) ونفخنا البلالين وفرحنا وألفنا الاف الأغاني .. ما فيش كام شهر وهووووووووووووب .. وإحنا اللي إتنفخنا لمدة 60 سنة من النفخ المنفرد والمتواصل بدون توقف

من الناحية التورتات والجاتوهات هاتوصل لحضرتك ديليفيري والعمر الطويل لأبناءك وكل سنة وهما طيبين

لكن لما نتكلم عن ثورة مولودة .... حضرتك دكتورة وعارفه .. ما ينفعش أبقى محروم من الخلفة 60 سنة .. ويوم ما ربنا يرزقني بمولود .. اقول خلاص كده أنا دوري إنتهى وهو مع نفسه بقى .. يطلع دكتور يطلع مهندس يطلع حرامي .. هو ونصيبة

أي مولود محتاج رعاية يا دكتورة ...

أي مولود محتاج إني أربيه كويس وأراقبة وأنا كمسئول أول عنه لازم أقف مع نفسي كل فترة وأشوف أنا ماشي صح ولا لأ

يا دكتورة مواليد كتيرة جداً إتحولت لوحوش اكلت أهلها لحد ما وصل بهم الحال إنهم يقولوا : ياريتنا ما خلفناهم

حضرتك فترة الخمسينات والستينات كانت مليانة مواليد عربية زي الفل

ومافيش كام سنة ولقينا عندنا اشر خلق الله أمثال عبد الناصر والقذافي وبن علي وصدام حسين عشان غحنا كنا فاكرين دورنا إننا نخلف ونرمي في الشارع والمولود يربي نفسه بقى

يا دكتورة إحنا ناس ولاد بلد وغالبيتنا من أصول ريفية ... انزل بهدوم جديدة وأحتفل وازمر وأهيص وأجر عجل وأركب مراجيح إزاي وجاري عنده ميتم؟ .. وسنه بالتمام والكمال عدت أهي واللي قتلوا إبنه طلعوا براءة لعدم كفاية الأدلة او بيركبوا طيارات وبيتفسحوا وبيجيلهم أكل من الشيراتون حضرتك 3 مرات في اليوم ؟

انزل إزاي أحتفل والاف من خيرة شباب مصر فقدوا عينهم عشان أنا أشوف مولودي وأملي عيني به ؟

انزل إزاي وأنا شايف مناظر زي عصر مبارك وأبشع من طوابير على الخبز .. ومش طوابير على أنابيب الغاز وبس ده طوابير بدون أمل لأن مافيش انابيب أصلاً ...

أقسم بالله أنا عندي غاز يا دكتور في شقتي .. وبيت العيلة كمان فيه غاز .. لكن معنى كده إني أبقى جبله واقول إن شالله تولع وانا مالي ؟

أنا قادر يا دكتورة أشتري رغيف العيش أبو جنيه وأكل توست وباتون ساليه ... لكن وبقية الناس ؟ تفتكري هايبقى لي نفس وأنا بأكل وبأتخن وهما لسه بياكلوا من الزبالة ؟

أنا أسف .. مش هاحتفل بثورة أو مولود إلا لما كل مصر تحتفل معايا

[ssmaly]

الاستاذ سى السيد

الاحتفال بالثورة ليس أحتفال غنائى مثل كل الأحتفالات الرسمية رقص وغنا

الاحتفال بالثورة الحقيقى هو تكملة الثورة والوصول الى مبادئها المعلنة

والثوار لم يقولوا نريد برلمان منتخب ولا حتى رئيس دولة منتخب لان دول حق من الحقوق ومن ضمن مكتسبات الثورة وليس من ضمن اهدافها النهائية التى عندما نصل اليها تتوقف الثورة

ما دعت اليه الثورة وأيده الكل من اخوان وسلفيين وحتى (المفروض) المجلس العسكرى هو حرية وكرامة وعدالة الجتماعية

الحرية بتنتهك كلما اراد الشباب ابداء رايه ويحولوا الى النيابة والمحاكم العسكرية او امن الدولة العليا

الحرية فين عندما تعلن الحرب على كل وسائل الاعلام عندما تريد ان ذكر اى خبر ضد السلطة وبعض الجرائد تم فرم اعداد منها وماحدث لعدة قنوات فضائية من هجوم

وما حدث من ادعاء يالتمويل الأجنبى الغير شرعى والهجوم على منظمات حقوق الانسان واتهامها بالعمالة والتمويل ولم يثبت اى احد فيهم غير بتاعة علاء مبارك (ماذا فعلوا بها؟)

الكرامة فين عندما تهان فى كل مكان الان فى التحرير والشارع من رجال الشرطة والجيش والبلطجية بتوع السلطة

الكرامة فين فى الدول العربية التى اهانت الكثير بعد الثورة وعندما لم تجد الا النطاش من السلطة زادت اللهانات

العدالة الجتماعية زى ما حضرتك ذكرت هذا المطلب كان من الممكن ان يحقق بجرة قلم اذا حددوا الحد الاعلى للمرتبات ورفعوا بالفلوس الفرق الحد الادنى للمرتبات

مش محتاجة قروض من برة وشحاتة تانى

اما بالنسبة للمؤسسات السياسية والادارية التى تكفل تحقيق هذه المطالب فهى من الوسائل وليس الاهداف

كلنا نريد مجلس شعب بانتخابات حرة ورئيس دولة برضه بانتخابات حرة ومهما كانت النتيجة كلنا راضون عن النتيجة طالما جاءت بدون تزوير ولكن لن نقف عند الخطوات دى ونقول كفاية علينا مجلس شعب حر ولكن بدون كرامة وحرية ولا عدالة الجتماعية كل ده بدون معنى

تم تعديل 17 يناير 2012 بواسطة ssmaly

[mahmoh]

بص يااستاذ سى السيد

مصطفى كامل قال مفيش فايدة

سيبك انت مولتو دلوقتى بقى بالجبنة

[ماستر]

يظهر يا س س انك اخدت ضربت شمس ولا حاجة, محدش هيحتفل اليوم دة غير المجلس العسكرى لوحدة, اما باقى الشرفاء ريحين الميدان لاستكمال الثورة,

ويمكن ان لما المجلس العسكرى يلقى نفسة لوحدة كدة يروحوا هما كمان للميدان ويهتفوا مع الشعب "يسقط حكم العسكر"

[moamana]

و الله انا حاسه ان يوم 25 ده عقبال ما يجى هيكون نص الشعب المصرى اتشل من الازمات اللى مبتنتهيش و قرارت المجلس العسكرى اللى تجيب السكر و الضغط

25 يناير يوم سقوط العسكر فى مصر

[se_ Elsyed]

اللواء اسماعيل عتمان : نريد أن نفرح ونبعد روح الكأبة التى تسود الآن لكى نرجع عجلة الانتاج مرة اخرى..

ياااااااااااه والله يا عتمان يابني فكرتني بأيام الصبا والجمال زمان قوي

على كده المجلس هايأجر لنا عجل ببلاش يوم 25 وكل واحد يركب عجلة إنتاج من دول ؟

[se_ Elsyed]

و الله انا حاسه ان يوم 25 ده عقبال ما يجى هيكون نص الشعب المصرى اتشل من الازمات اللى مبتنتهيش

يا فندم ده حصار إقتصادي مقصود ومُدبر .. واللي شايف غير كده ياريت يفسر لنا ما يحدث من مهازل على أرض الواقع ....

[se_ Elsyed]

حسبي الله ونعم الوكيل

يالله نركب مراجيح ونفرقع بومب يا جماعة بعد سنة من الثورة .. وبالمرة نقول للناس دي اللي محاصرة إقتصادياً : ما يبقاض دمكم تقل ويأفرحوا وزجططوا

ملحوظة : الصورة دي ألتقطت من يومين تلاتة .. ودي مش في الصومال ولا افغانستان .. دي في مصر الثورة

[se_ Elsyed]

خلاص الحكومة بوظت لنا الفكرة

اعلن التليفزيون المصرى ان يوم الثلاثاء ٢٤ يناير هو المتمم لشهر يناير و ان الاربعاء هو اول ايام فبراير وكل عام وانتم بخير

[MahmoudShukry]

سلام يا سي السيد

مفيش شعب ولد عظيم من البداية. احنا يامصرين الي ممكن نحدد عاوزين نكون شعب عظيم لازم نشتغل ونبني

ونحقق اكتفاء ذاتي. الديمقراطية والحرية مرطبتين بالانتاج ومش بس بالمظاهرات.

اروبا كانت بتجوع بعد الحرب في الخمسينات.

[se_ Elsyed]

[طبيبة بالخارج]

أنا شخصيا لازم أنفخ بلالين اليوم ده ان شاء الله لأنه يوافق يوم ميلاد 3 من أبنائي :happy:

مع حضرتك ان مش كل أحلامنا اتحققت و لسه كتير قدامنا لكني برضه عايزة احتفل باليوم ده لأني باصة على الناحية الايجابية: خلصنا من مبارك و ابنه (حد كان ممكن يصدق ده قول شهر كده قبل 25 يناير الماضي) - ولادة الأمل مرة تانية في قلوب المصريين بمستقبل أفضل مع فعلا احساسنا بجملة ارفع راسك فوق انت مصري

بالنسبة لي دول كفاية عشان احتفل باليوم ده

يا دكتورة ... يا دكتورة

إررجعي كده بالزمن لورا

هاتلاقينا أحتفلنا بزوال دولة الإحتلال الثنائي ( عثمانلي وبريطاني ) ونفخنا البلالين وفرحنا وألفنا الاف الأغاني .. ما فيش كام شهر وهووووووووووووب .. وإحنا اللي إتنفخنا لمدة 60 سنة من النفخ المنفرد والمتواصل بدون توقف

من الناحية التورتات والجاتوهات هاتوصل لحضرتك ديليفيري والعمر الطويل لأبناءك وكل سنة وهما طيبين

لكن لما نتكلم عن ثورة مولودة .... حضرتك دكتورة وعارفه .. ما ينفعش أبقى محروم من الخلفة 60 سنة .. ويوم ما ربنا يرزقني بمولود .. اقول خلاص كده أنا دوري إنتهى وهو مع نفسه بقى .. يطلع دكتور يطلع مهندس يطلع حرامي .. هو ونصيبة

أي مولود محتاج رعاية يا دكتورة ...

أي مولود محتاج إني أربيه كويس وأراقبة وأنا كمسئول أول عنه لازم أقف مع نفسي كل فترة وأشوف أنا ماشي صح ولا لأ

يا دكتورة مواليد كتيرة جداً إتحولت لوحوش اكلت أهلها لحد ما وصل بهم الحال إنهم يقولوا : ياريتنا ما خلفناهم

حضرتك فترة الخمسينات والستينات كانت مليانة مواليد عربية زي الفل

ومافيش كام سنة ولقينا عندنا اشر خلق الله أمثال عبد الناصر والقذافي وبن علي وصدام حسين عشان غحنا كنا فاكرين دورنا إننا نخلف ونرمي في الشارع والمولود يربي نفسه بقى

يا دكتورة إحنا ناس ولاد بلد وغالبيتنا من أصول ريفية ... انزل بهدوم جديدة وأحتفل وازمر وأهيص وأجر عجل وأركب مراجيح إزاي وجاري عنده ميتم؟ .. وسنه بالتمام والكمال عدت أهي واللي قتلوا إبنه طلعوا براءة لعدم كفاية الأدلة او بيركبوا طيارات وبيتفسحوا وبيجيلهم أكل من الشيراتون حضرتك 3 مرات في اليوم ؟

انزل إزاي أحتفل والاف من خيرة شباب مصر فقدوا عينهم عشان أنا أشوف مولودي وأملي عيني به ؟

انزل إزاي وأنا شايف مناظر زي عصر مبارك وأبشع من طوابير على الخبز .. ومش طوابير على أنابيب الغاز وبس ده طوابير بدون أمل لأن مافيش انابيب أصلاً ...

أقسم بالله أنا عندي غاز يا دكتور في شقتي .. وبيت العيلة كمان فيه غاز .. لكن معنى كده إني أبقى جبله واقول إن شالله تولع وانا مالي ؟

أنا قادر يا دكتورة أشتري رغيف العيش أبو جنيه وأكل توست وباتون ساليه ... لكن وبقية الناس ؟ تفتكري هايبقى لي نفس وأنا بأكل وبأتخن وهما لسه بياكلوا من الزبالة ؟

أنا أسف .. مش هاحتفل بثورة أو مولود إلا لما كل مصر تحتفل معايا

هو كلامي متهيألي واضح! ايه اللي جاب فرحتي بيوم ينكتب في تاريخ مصر بالذهب بمعرفتي بان لسه الطريق طويل و عايز مثابرة. بس السؤال بقه الأهم مثابرة من مين و إزاي؟ يعني هل ينفع تبقى في مهنة جديدة اتولدت مع الثورة اسمها ثورجي؟ أنا شايفة مثلا ان حركة 6 أبريل امتهنت الشغلة دي و بدليل رفضهم عمل حزب سياسي. عايزين نعلم اولادنا ايه؟ كل ما حد مش عاجبه حاجة يطلع في مظاهرة و لو ما حدش عبره يسميها ثورة؟

لا أقول ثورتنا انتهت أو مطالبها اتحققت لكن نزول الشارع عمال على بطال الشهور اللي فاتت حرق أهمية النزول و فعاليته

ظهرت سكة ثانية و هي سكة الشرعية الديمقراطية لكن لما نتايجها لم تأت على هوى البعض بقت سكة مش مهمة و غير نافعة و بقينا نردد كل شوية المجلس العسكري مش حيسيب الحكم زي ما نكون بنزن عليه انه لا يتركه

حضرتك بتسأل ليه الأزمات و كثرة الاضرابات و الاعتصامات و المظاهرات الفئوية. طب ليه متكونش عشان تهيج الناس ضد المجلس العسكري استعداد لما يسمى الثورة الثانية و على فكرة بعضها مفتعل لكن من الاعلام و الصحافة (شفت في التليفزيون واحد في الشارع بيسألوه عن أزمة البنزين فقال لهم: دي أزمة احنا اللي عملناها لما جرينا كلنا على محطات البنزين لما سمعنا عن قلته) لو حدث و نزل الناس كما حدث في 5 يناير الماضي و بنفس القوة الضاغطة (لست اصدق بإمكانية ذلك) فيبقى عشان النية لا رئيس مجلس شعب و لا محكمة دستورية ، النية حتكون التخلص من امكانية وصول الاسلاميين للحكم (و مش عشان البكيني و الخمر لكن عشان ببساطة أفراد الداخلية و الاعلام اللي افتروا على الاسلاميين أكيد مش عايزينهم يوصلوا و الحساب يجمع) وفرض شخص بعينه على حكم مصر

ممكن يكون كلامي غلط ........لكن ممكن برضه يكون صح

[طبيبة بالخارج]

يظهر يا س س انك اخدت ضربت شمس ولا حاجة, محدش هيحتفل اليوم دة غير المجلس العسكرى لوحدة, اما باقى الشرفاء ريحين الميدان لاستكمال الثورة,

ويمكن ان لما المجلس العسكرى يلقى نفسة لوحدة كدة يروحوا هما كمان للميدان ويهتفوا مع الشعب "يسقط حكم العسكر"

يعني مفيش فايدة مش قلنا بلاش نخون و نقسمها شرفاء و غير شرفاء هو الاستفذاذ ملوش نهاية

[ماستر]

يعني مفيش فايدة مش قلنا بلاش نخون و نقسمها شرفاء و غير شرفاء هو الاستفذاذ ملوش نهاية

الاخت الفاضلة,

ممكن توضحى كلامك اكتر مش فاهم تقصدى اية؟ واية هو الى مفيش فية فايدة؟

[se_ Elsyed]

انا أرى الأن امامي محاولات بأستماتة لجذب الثورة إلى الخلف بالعكس بل محاولات جادة لقتلها

والدليل على ذلك

نفسي اللي كان بيحصل أيام المجرم مبارك .. الكل شايف الفساد حواليه وشايف البلد بتضيع ومع ذلك منشغل في الدروس الخصوصية والحياة والرز والزيت ..... لحددددددددما وصلنا للي إحنا فيه

الان يتكرر المشهد باداور مختلفة وسيناريو مختلف لكن النتيجة واحده

كل الناس شايف واحد رايح جاي بطائرة خاصة ومنعم في مكان 7 نجوم فيه كل انواع الترفيه ...

شوية ناس أقل ما يوصفوا به إنهم عصابة قذرة لا دين لها ولا ملة ... أفسدوا البلاد والعباد لمدة 30 سنة متتالية ولما قامت حاجه إسمها ثورة .. تم التحفظ عليهم خوفاً من بطش الناس بهم .. لكن الحياة حلوه وبياكلوا اكل من فنادق خمس نجوم .. 3 طقات يومياً .. واللي بيتعب فيهم بيدخلوه اعلى مستشفيات في مصر اللي أقسم بالله عُمري ما حلمت إني أعدي على مستشفى وادي النيل اللي مخصصة لعلاج المنسوبين لجهاز المخابرات ..... وبعد ده كله الاقي التهم اللي متوجهة لهم عبارة عن قوبل كرافته هدية بـ 1500 ج .. او إن صفوت الشريف عنده شقة زيادة في الخليفة المأمون أو إن علاء مبارك عنده شركة في قبرص

وعُمري في حياتي ما شوفت ثورة فيها إحنا أسفين يا ريس .. أو عباسية وروكسي ...... أو مجرد التعاطف مع نظام فاسد أجمع على فسادة الكون كله

حد شاف لحد دلوقت جماعة إسمها " إحنا أسفين يا قذافي " ؟ أو إحنا أسفين يا بن علي ؟ أو ناس في طرابلس بيعلموا وقفات للمناداة برجوع القذافي ؟

أسف أيها السادة .. إذا تحولت الثورة إلى وجهة نظر يختلف حولها ... فأهلاً وسهلاً بعهد مبارك ونرجع نعيد اللعبة من اول وجديد

[se_ Elsyed]

لن أجد أبلغ من هذه الكلمات التي اقتبستها من صفحة كلنا خالد سعيد لتعبر عن سبب قوي لنزولنا يوم 25 القادم

كلنا خالد سعيد

Ali Abdel Moneam Mansour

تذكرت صبيحة الثاني عشر من فبراير الماضي، عندما استيقظت من النوم، وأنا أشعر وكأنني قد وضعت قدماً في الجنة، فقد أزحنا ديكتاتوراً عنيداً واستبشرنا إزاحة نظامه الحديدي العتيد، وكان كل منا لديه آمال وأحلام تكاد تلامس السحاب، لا تجد لها على الأرض مكاناً من شدة رحابتها.

كان كل منا يضع سيناريوهات وأحلام كيف ستكون بلده بعد عام واحد، لم يكن هناك من ما يمنعنا من "الحلم". كنا، وكانت ...الأمة كلها في انتظار قرار رشيد يضعها على أول خط "الحياة" بعد "ممات" دام عقوداً.

كانت لحظة سقوط مبارك هي أعلى اللحظات دراماتيكية في تاريخ هذا الجيل. لي أصدقاء مزقوا جوازات سفرهم في الميدان، لي أصدقاء ولدوا بحق في هذه الآونة، وتحولوا من صفر على الشمال طوال سنوات حياتهم، إلى رقم مهم في تاريخ هذا الوطن، منهم من أعلنها أنه باق في هذا البلد ولن يرحل عنه لحظة، فقد أعتقدنا حينها أننا قد استخلفنا –كشعب- على هذه الأرض.. نعمّر فيها كما أُمرنا.. ونُمكن فيها.. ونعيش أحراراً في أرجائها ونمشى فى مناكبها مطمئنين

ساعتها، لم يكن يدور بخلد أحدنا أن الكَرة ستعود كما كانت، وأن إحباط السنوات الثلاثين الماضية في حياة شاب مثلي يمكن أن يعود إلىّ من جديد

إذ أن شخصاً ما، أو جهة ما، أو قوة ما أرادت لعقارب الساعة أن تعود إلى الوراء، ومن جديد أن يكون أقصى طموحنا أن ندير عجلة إنتاج أو أن تزيد الدولة سائحاً أو اثنين أو حتى مليون، حقيقة لم يتصور أحد منا للحظة أن أكبر أمل لنصف الشعب سيكون من جديد هو البحث عن لقمة عيش، وأنبوبة بوتجاز، وبضع لترات من بنزين 80 بعد 9 أشهر كاملة من إزاحة النظام الذي كرس فكرة أن لقمة العيش هي كل أولوياتنا في الحياة؟

اما تعليق العبد لله امام الله وأمامكم فهم

اما اللي شايف إن أقصى أمانينا إن كان يبقى عندنا مجلس شعب منتخب فقط ... فخليه قاعد ما ينزلش .. ولا حتى يتكلم ويعبر عن رأيه

واللي شايف إن مبارك وعصابتة بيتحاكموا محاكمة عادلة وخلي القانون ياخد مجراه حتى لو قعدنا 100 سنة في المحاكمات ... يبقى خليه قاعد وساكت

واللي شايف إن الشباب الثائر هما السبب في خرابها وإننا كنا عايشين جنب الحيط زي الفل ... فخليه قاعد

واللي شاف وسمع ورأى مأساة زي مأساة الدويقة حصلت الأسبوع الماضي في منطقة أبو زعبل وراح ضحيتها 5 وأصيب 25 ..... فخليه قاعد ومش مهم يسأل عن التفاصيل

واللي شايف إننا جبنا حق الشهداء اللي سقطوا عشان إحنا نعيش .... يبقى خليه قاعد وكافي خيره شره

واللي شايف إن حق مصر وثرواتها المنهوبة على مدار السنين رجع لنا .. خليه نايم وشادد اللحاف

واللي شايف إنه عمل اللي عليه وإنه خلاص لازم يرجع يسوق العجلة وناس تانية تفكر له وناس تانية تتكلم بإسمه وناس تانية تختار له رئيس للجمهورية .. فخليه ميت احسن له