Dreamwithme بتاريخ: 11 يناير 2012 تقديم بلاغ مشاركة بتاريخ: 11 يناير 2012 خبر كويس مش وحش لكن أنا عايزة أسمع تعليقاتكم في السطرين اللي تحتهم خط أنا عن نفسي ..... نوووووووووووووووووو كومنت بصراحة ...أنا اذبهليت المجلس العسكري يقرر اعتبار ثورة يناير عيداً قومياً لمصر العربية.نت أعلن المجلس العسكري الذي يتولى إدارة شؤون البلاد في مصر اليوم الأربعاء أنه تم تحديد الخامس والعشرين من يناير/ كانون الثاني الجاري عيداً قومياً للبلاد مثل ذكرى نصر أكتوبر/ تشرين الأول، وثورة يوليو عام 1952. وأعلن اللواء إسماعيل عتمان عضو المجلس العسكري الأعلى، ومدير إدارة الشؤون المعنوية للقوات المسلحة، أنه سيتم منح نوط الواجب العسكري لجميع قيادات القوات المسلحة الذين شهدوا ثورة يناير. وقال عتمان خلال لقاء مع المحررين العسكريين في مقر إدارة الشؤون المعنوية، إن القوات المسلحة ستنظم احتفالية كبيرة يوم 25 يناير تتناسب مع حجم الحدث باعتباره أكبر وأعظم حدث نريد إعطاءه حقه. وكشف عن أن ثلث المجندين بالقوات المسلحة منذ ثورة 25 يناير هم من شباب الثورة وبعضهم شارك في تأمين ماسبيرو وشارع محمد محمود، لافتا إلي أن العالم ينظر إلي مصر بعد الثورة ويترقب حالة الهدوء والاستقرار وبالتالي نريد إعطاء درس للعالم كله بأن الشعب المصري لا ينساق وراء أية أعمال تضر بمصر وأن الثورة لا تزال أعظم ثورة سلمية في العالم في بدايتها وفي أول احتفال بالذكرى الأولى لها وأن الأحداث التي وقعت خلال هذا العام لم تؤثر على سلمية الثورة. وأضاف اللواء عتمان أن الاستقرار هو الهدف الأول حتي تدور عجلة الاستثمار والسياحة والاقتصاد حتي ندين للثورة بالولاء ولا نقول إنها سبب المشاكل، قائلا إن الجميع يحكم على مصر من خلال ميدان التحرير والقاهرة رغم استقرار باقي المحافظات خاصة السياحية لأن الانطباع أن ميدان التحرير نموذج لمصر كلها من التوترات والتظاهرات. وتابع عتمان: "أريد أن أرسخ قواعد سواء للجهات الرسمية أو المدنية أو الشباب أنفسهم في التعامل خلال الاحتفال بالثورة، خاصة وأنه يبقي 5 أشهر فقط وتسلم السلطة علي طبق من ذهب لسلطة مدنية منتخبة". وكان المجلس العسكري قد أعلن في وقت سابق عن طرح مسابقة كبيرة لتصميم نصب تذكاري تخليدا لشهداء ثورة يناير يوضع في ميدان التحرير، الذي مثل بؤرة الثورة المصرية التي استمرت 18 يوما انتهت بإجبار الرئيس السابق حسني مبارك على التنحي، وإسناد مهامه للمجلس العسكري. ويأتي إعلان المجلس العسكري في الوقت الذي دعا فيه العديد من القوى السياسية وائتلافات شباب الثورة لتنظيم مسيرات ومظاهرات في الذكرى الأولى للثورة، للمطالبة باستكمال بقية مطالب الثورة، ومنها التسريع بنقل السلطة وتسريع محاكمات رموز النظام السابق، ووقف المحاكمات العسكرية. والمعروف أن يوم الخامس والعشرين من يناير يوافق ذكرى يوم عيد الشرطة، والذي يوافق ذكرى تصدي وحدات من الشرطة المصرية لقوات الاحتلال الإنكليزي في مدينة الإسماعيلية "شرق القاهرة" عام 1946. وكان اندلاع ثورة يناير في نفس اليوم من العام الماضي قد أثار تساؤلات حول مصير عيد الشرطة، غير أن وزير الداخلية المصري اللواء محمد إبراهيم يوسف، أعلن قبل أيام أن لجنة في أكاديمية الشرطة تبحث كيفية الاحتفال، ودمج المناسبة مع الاحتفال بثورة يناير. <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
shawshank بتاريخ: 11 يناير 2012 تقديم بلاغ مشاركة بتاريخ: 11 يناير 2012 (معدل) خبر كويس مش وحش لكن أنا عايزة أسمع تعليقاتكم في السطرين اللي تحتهم خط أنا عن نفسي ..... نوووووووووووووووووو كومنت بصراحة ...أنا اذبهليت في رأيي خبر سييء وينبئ عن نية المجلس العسكري الاستمرار في خداعنا بأنه كان ومازال مع الثورة وحماها. وإمعانًا في الخداع، فهيعطي أنواط الواجب العسكري لقيادات القوات المسلحة على اعتبار أن الجيش حمى الثورة. وأنا الحقيقة مش عارف ايه نوط الواجب العسكري اللي هياخده القائد اللي أصدر أوامر بكشف عذرية بنات مصر. ولا الوسام اللي هياخده القائد اللي أصدر الأوامر بسحل بنات مصر في الشوارع وعلنًا أمام الكاميرات ليراهن العالم أجمع. ولا النيشان اللي هياخده القائد اللي أصدر الأوامر بقتل المصريين وأخذ نور أبصارهم علنًا برضه. ومن ناحية تانية ... المجلس العسكري عايز كلمته هي اللي تبقى الأعلى، وصوته هو أكتر صوت مسموع. كلمته أعلى من كلمة الثوار، وصوته مسموع أكتر من هتافات المتظاهرين. الاحتفال من أهدافه إخفاء صوت الثوار في السرادق المجاور بصوت الاحتفال الأعلى. المجلس العسكري بإيد بيعمل احتفال منه يأكد انحيازه للثورة، ومنه يخفي صوت الثوار، ومنه يسحب من رصيد الثوار عند الرأي العام وعند من لم يحسموا أمرهم بعد ويشق الصف أكتر وأكتر، وبالإيد التانية هيكون بيجهض في الثورة أكتر وأكتر وبيعتقل الثوار وبيستجوبهم (راجع مظهر شاهين ونوارة نجم وأيمن نور والثوار اللي بيتم استدعاؤهم على إنهم شهود فيتحولوا لمتهمين ويختفوا!). الخبر بيأكد إصرار المجلس العسكري على قيادة الثورة المضادة. تم تعديل 11 يناير 2012 بواسطة shawshank كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب رابط هذا التعليق شارك المزيد من خيارات المشاركة
عصام أبوالفتح بتاريخ: 11 يناير 2012 تقديم بلاغ مشاركة بتاريخ: 11 يناير 2012 خبر كويس مش وحش لكن أنا عايزة أسمع تعليقاتكم في السطرين اللي تحتهم خط أنا عن نفسي ..... نوووووووووووووووووو كومنت بصراحة ...أنا اذبهليت المجلس العسكري يقرر اعتبار ثورة يناير عيداً قومياً لمصر وأعلن اللواء إسماعيل عتمان عضو المجلس العسكري الأعلى، ومدير إدارة الشؤون المعنوية للقوات المسلحة، أنه سيتم منح نوط الواجب العسكري لجميع قيادات القوات المسلحة الذين شهدوا ثورة يناير. حضرتك علقتى بس مخدتيش بالك ( خبر كويس مش وحش ) .... بالنسبة لى خبر رائع ومتوقع فى معرض ردى على مصير المجلس العسكرى توقعت ان يتم منحهم نوط الواجب لأن شرف قيادة مصر لا يعلوه أى شرف آخر ولأن الدور التاريخى الذى قام به المجلس العسكرى لا يدانيه اى منصب بعد انتخاب الرئيس ولأن أغلبهم بالفعل قد تعدى سن التقاعد العسكرى. فأتوقع أن يتقاعد أعضاء المجلس العسكرى بعد حلف اليمين الرئاسية و أتوقع وأتمنى أن يكون ذلك فى 23 يوليو 2012 وبعد 60 عاماً تماماً من ثورة يوليو لتحال ثورة يوليو معهم إلى المعاش مشكورة مكرمة مقدرة من التاريخ ومنا نحن أبناء 25 يناير كان هذا الأساس الذى وضعت عليه جدول تسليم السلطة وارسلته لقيادات حزب الوسط لينتهى النقاش حوله وحول جداول اخرى من جهات اخرى الى تحديد 30 يونيو لحلف اليمين الرئاسية واتوقع ان يبدأ التسليم للصف الثانى وتغيير وزير الدفاع فيما بن 1 يوليو و23 يوليو 2012 واتوقع ان يكفى عائد مذكراتهم حول المرحلة الانتقالية التى ستترجم الى كل اللغات الحية وعائد المحاضرات التى سيلقونها فى كل مكان ان يحيوا حياة طيبة ما بقى من اعمارهم . ولا اتوقع ان يتم اتهامهم فى جرائم تضخم الثروة حيث ان لاعب العرائس الخفى لم يكن ليترك اى مظهر من مظاهر الثراء لدى احد منهم بدون تسليط كل ميكروسكوبات الأرض عليه لتشويه سمعتهم. سيحملون على صدروهم قلادة النيل العظمى فيما بقى من حياتهم ونوط الواجب لقيادات الجيش الاصغر ويستحقونها بكل تأكيد وإليهم جميعا خالص تقديرى ( كفى بالمرء إثماً أن يحدث بكل ماسمع ) رابط هذا التعليق شارك المزيد من خيارات المشاركة
Dreamwithme بتاريخ: 11 يناير 2012 كاتب الموضوع تقديم بلاغ مشاركة بتاريخ: 11 يناير 2012 أنا يا أستاذ عصام قصدي خبر كويس علي الاعتراف بأن يوم 25 يناير عيد للثورة لكن باقي البتنجان أنا مفروسة منه لدرجة إني مش قادرة أعلق عليه <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
عصام أبوالفتح بتاريخ: 11 يناير 2012 تقديم بلاغ مشاركة بتاريخ: 11 يناير 2012 أنا يا أستاذ عصام قصدي خبر كويس علي الاعتراف بأن يوم 25 يناير عيد للثورة لكن باقي البتنجان أنا مفروسة منه لدرجة إني مش قادرة أعلق عليه بتنجان !!!! طيب ارجوكى لا تقرأى تعليقاتى لانى مش عارف هايكون ترجمتها ايه ؟ لكن ألا يستحق الخبر الكويس اللى مش وحش انه يتكتب فى العنوان ؟ !!!!.... اقسم بالله انكم ظالمون ( كفى بالمرء إثماً أن يحدث بكل ماسمع ) رابط هذا التعليق شارك المزيد من خيارات المشاركة
عادل أبو عمر بتاريخ: 11 يناير 2012 تقديم بلاغ مشاركة بتاريخ: 11 يناير 2012 الشعب كان هيفرح باليوم ده أكتر لو ... لو اعلنوه يوم تكريم الشعب المصري اللي قام بالثورة .. لو اعلنوه يوما لتكريم الشهداء والمصابين و الثوار الذين ضحوا و خاطروا في أيام الثورة و منحهم نوط شرف أعلى من نوط العسكريين لو أعلنوه يوم قيام دولة مصر المدنية بعد الثورة يقودها رئيس مدني منتخب لو أعلنوه يوم لتدشين مشروعات رائدة يلتف حولها المصريون بأحلامهم و بسواعدهم و بعقولهم لو أعلنوه يوم القصاص من أجرموا في حق هذا الشعب لو أعلنوه يوم يعيشه المصريون في بلدهم الآمن لو أعلنوه يوم رد مليارات نهبت من الشعب لو أعلنوه يوم إعلان خطة بناء التعليم في مصر لو أعلنوه يوم عيد في سفارات مصر حول العالم تفتح أبوابها للمصريين و أبنائهم و زوجاتهم للاحتفال لو أعلنوه يوم نبدأه بصلاة شكر للمسلمين في مساجدهم و للمسيحيين في كنائسهم لو أعلنوه يوم رد المظالم عن الجميع و اعلان ميثاق شرف بين المصريين جميعا .. نعمل في حب و طالما مفيش ولا لو اتحققت .. كانوا ينقطونا بسكاتهم أحسن ... و يقولوا شكرا يا أزهر رابط هذا التعليق شارك المزيد من خيارات المشاركة
عصام أبوالفتح بتاريخ: 11 يناير 2012 تقديم بلاغ مشاركة بتاريخ: 11 يناير 2012 الشعب كان هيفرح باليوم ده أكتر لو ... لو اعلنوه يوم تكريم الشعب المصري اللي قام بالثورة .. لو اعلنوه يوما لتكريم الشهداء والمصابين و الثوار الذين ضحوا و خاطروا في أيام الثورة و منحهم نوط شرف أعلى من نوط العسكريين هى ثورة شعب ولا يوجد 85 مليون نوط شرف يا ابوعمر لو أعلنوه يوم قيام دولة مصر المدنية بعد الثورة يقودها رئيس مدني منتخب هذا اليوم سيكون 30 يونيو لو أعلنوه يوم لتدشين مشروعات رائدة يلتف حولها المصريون بأحلامهم و بسواعدهم و بعقولهم الفترة الانتقالية لا تحتمل مشروعات رائدة لانها بلا تمويل .. وينبغى تطوير مصادر الدخل القومى أولاً لو أعلنوه يوم القصاص من أجرموا في حق هذا الشعب القصاص جارى وسيكتمل وليس له يوم محدد لو أعلنوه يوم يعيشه المصريون في بلدهم الآمن لو هدأنا والتفتنا لأعمالنا وامتنع دعاة التسلح والاعتصامات عن تهييج الناس لعشنا بأمن وأمان لان الداخلية ستركز على مطاردة عصابات السلاح القادم من ليبيا لو أعلنوه يوم رد مليارات نهبت من الشعب المال الحلال مبيضعش ... وفلوسنا هاترجع لو أعلنوه يوم إعلان خطة بناء التعليم في مصر التعليم يحتاج زويل على رأسه او كرئيس للوزراء حتى ينصلح .. سلطة الفترة الانتقالية تسير الامور فقط لعدة شهور فقط لو أعلنوه يوم عيد في سفارات مصر حول العالم تفتح أبوابها للمصريين و أبنائهم و زوجاتهم للاحتفال ماهو كده طبعا وهاتشوف الاحتفالات يومها لو أعلنوه يوم نبدأه بصلاة شكر للمسلمين في مساجدهم و للمسيحيين في كنائسهم المسلمين يسجدون شكراً ولا توجد لدينا صلاة شكر لو أعلنوه يوم رد المظالم عن الجميع و اعلان ميثاق شرف بين المصريين جميعا .. نعمل في حب تم اعلان ميثاق شرف للشرطة ويبقى عمل ميثاق شرف للشعب ... الالتزام والاحترام يجب ان يكون متبادل ( كفى بالمرء إثماً أن يحدث بكل ماسمع ) رابط هذا التعليق شارك المزيد من خيارات المشاركة
raouf بتاريخ: 11 يناير 2012 تقديم بلاغ مشاركة بتاريخ: 11 يناير 2012 اوباااااااااااااااااااااااااااااااااااااااااااااااااااااااااااااااااااااااااااااااااااااااا\ حل وسط ورائع للخروج من الازمة اعتقد والله اعلم منحهم مثل هذا النوط يعفيهم من المساءلة القانونية بالاضافة الى المعاملة الخاصة والتمتع ببعض امتيازات الجيش حتى بعض خروجهم منه فى رايى افضل من موضوع الخروج الامن والحصانة والكلام ده موضوع ان 25 يناير يكون عيد قومى اكيد خبر حلو بس هايزعل الشرطة إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول اذا جالست الجهال فانصت لهم واذا جالست العلماء فانصت لهم فان فى انصاتك للجهال زيادة فى الحلم وفى انصاتك للعلماء زيادة فى العلم رابط هذا التعليق شارك المزيد من خيارات المشاركة
م تيمور المراغي بتاريخ: 11 يناير 2012 تقديم بلاغ مشاركة بتاريخ: 11 يناير 2012 طيب ما يسلموا السلطه في اليوم ده لرئيس مجلس الشعب المنتخب والكل حيفرح بكده ثوار وغير ثوار ,, بسيطه مش كده ! المجد لولادك المخلصين ... رابط هذا التعليق شارك المزيد من خيارات المشاركة
aimen بتاريخ: 11 يناير 2012 تقديم بلاغ مشاركة بتاريخ: 11 يناير 2012 الشعب كان هيفرح باليوم ده أكتر لو ... لو اعلنوه يوم تكريم الشعب المصري اللي قام بالثورة .. لو اعلنوه يوما لتكريم الشهداء والمصابين و الثوار الذين ضحوا و خاطروا في أيام الثورة و منحهم نوط شرف أعلى من نوط العسكريين لو أعلنوه يوم قيام دولة مصر المدنية بعد الثورة يقودها رئيس مدني منتخب لو أعلنوه يوم لتدشين مشروعات رائدة يلتف حولها المصريون بأحلامهم و بسواعدهم و بعقولهم لو أعلنوه يوم القصاص من أجرموا في حق هذا الشعب لو أعلنوه يوم يعيشه المصريون في بلدهم الآمن لو أعلنوه يوم رد مليارات نهبت من الشعب لو أعلنوه يوم إعلان خطة بناء التعليم في مصر لو أعلنوه يوم عيد في سفارات مصر حول العالم تفتح أبوابها للمصريين و أبنائهم و زوجاتهم للاحتفال لو أعلنوه يوم نبدأه بصلاة شكر للمسلمين في مساجدهم و للمسيحيين في كنائسهم لو أعلنوه يوم رد المظالم عن الجميع و اعلان ميثاق شرف بين المصريين جميعا .. نعمل في حب و طالما مفيش ولا لو اتحققت .. كانوا ينقطونا بسكاتهم أحسن ... و يقولوا شكرا يا أزهر استاذ عادل اوجزت فأحسنت للأسف نقاطى الخضراء انتهت رابط هذا التعليق شارك المزيد من خيارات المشاركة
م تيمور المراغي بتاريخ: 11 يناير 2012 تقديم بلاغ مشاركة بتاريخ: 11 يناير 2012 وطبعا الانواط دي ليها مخصصات ماليه شهريه ,, بيوزعوا من لحمنا الحي على بعض ويتشبرقوا ولاد النضيفه ,, المجد لولادك المخلصين ... رابط هذا التعليق شارك المزيد من خيارات المشاركة
عادل أبو عمر بتاريخ: 11 يناير 2012 تقديم بلاغ مشاركة بتاريخ: 11 يناير 2012 تحياتي يا باشمهندس عصام أنا بقول لو .. يعني كنت أتمنى ... ومقتنع تماما إن مفيش حاجة حصلت ... اقتناع تام .. بس باحلم ومع ذلك لا أؤيد الثورة عليهم لأسباب ذكرتها في مكانها في موضوع أخونا المهندس رؤوف أسمح لي هاعلق على حضرتك في نقطتين بس كفاية عليا هى ثورة شعب ولا يوجد 85 مليون نوط شرف يا ابوعمر خلاص محبكتش دلوقتي يفصلوا نوط " شرف " .. المفروض محدش ياخد حاجة دلوقتي وبلاش استفزاز بسذاجة من غير داعي في التوقيت ده .. تكريمهم الأولى يكون من الشعب يوم تسليم الأمانة .. لكن ماينفعش هم اللي يكرموا نفسهم و هم لسة فيها .. - المسلمين يسجدون شكراً ولا توجد لدينا صلاة شكر جزاك الله خيرا رابط هذا التعليق شارك المزيد من خيارات المشاركة
Alshiekh بتاريخ: 11 يناير 2012 تقديم بلاغ مشاركة بتاريخ: 11 يناير 2012 مايهمنيش المجلس العسكري يقرر انه يبقى يوم قومي أو يكون عيد شرطة ، دي مش شغلته أنه يقرر ذلك أما موضوع منح نوط الواجب او الشجاعة او حتي ميدالية الثورة ، فهذه لايقررها إلا رئيس الدولة بعد مشاوراته مع الحكومة ومجلس الشعب ، ويوم منحها سيكون رئيس المجلس العسكري وأعضاؤه مثلهم مثل أصغر مجند، المجلس العسكري ليس رئيس الدولة ، وتصرفه هذا ليس إلا مراضاة وشكر لهؤلاء القادة الذين لم يخلعوهم من كراسيهم. -- {وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11) ذو العقل يشقى في النعيم بعقله *** وأخو الجهالة في الشقاوة ينعم***************مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)***************A nation that keeps one eye on the past is wise!AA nation that keeps two eyes on the past is blind!A***************رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة***************رابط القرآن كاملا ترتيل وتجويد برابط ثابت مع رابط للقراءة***************رابط سلسلة كتب عالم المعرفة رابط هذا التعليق شارك المزيد من خيارات المشاركة
Abu Reem بتاريخ: 11 يناير 2012 تقديم بلاغ مشاركة بتاريخ: 11 يناير 2012 طيب ما يسلموا السلطه في اليوم ده لرئيس مجلس الشعب المنتخب والكل حيفرح بكده ثوار وغير ثوار ,, بسيطه مش كده ! هي ايه اللي بسيطة هي قرارات المجلس العسكري دي بتصدر بشأن دولة قوامها 85 مليون ام بتصدر بشأن قيادة عربية كشري القرار ده اللي يحدده هو الشعب ، والشعب وافق على الترتيب الزمني المعلن عنه من قبل حتى لا نقف طويلا امام عقبات تدخلنا في خلافات جديدة مثل الدستور اولا ام الرئيس اولا - وبعدين حيلة ان رئيس مجلس الشعب دي ، معناه ان من يريدون اسقاط المجلس العسكري بالقوة خائفين وعاجزين عن مواجهة اسقاط المجلس العسكري وعاوزين رئيس مجلس الشعب يمسك الحكم علشان بيتهيأ لهم انه هيكون اسهل عليهم من مواجهة العسكر اللي بيضربوا وكمان لو مسك رئيس مجلس الشعب الحكم ،،، بعدها بكام يوم نفس الناس اللي بتطالب به الان ستتطالب باسقاطه ولما يجي غيره .... هيقولوا مينفعش.... ونلعب لعبة بلاها سوسو وبلاها نادية المجلس العسكري وغالبية الشعب قالوا كلمتهم " اخر يونيو" وانت ومن يطالب باسقاط العسكر اخترتم طريق الثورة الثانية فلا تتراجع عن قرارك واستكمل مشوارك...... بس هو المهم انك تبقى عارف هتعمل ايه لما تلاقي مطلبك يوم 25 يناير بانه يكون نهاية حكم العسكر يقابل بالرفض الحاسم ياترى عندك بديل غير الانصياع للاغلبية مشكلتهم ليست في الدستور اولا ..ولا في نسبة اعضاء اللجنة التأسيسية ولا في كفاءة المرشح الرئاسي.!!!! كل مشكلتهم هي لا...لكل ما هو اسلامي أولا ، وثانيا ، وثالثا ً، فهم لا يرضون الا بأن يروا كل الاحزاب الاسلامية خلف اسوار السجون..!! رابط هذا التعليق شارك المزيد من خيارات المشاركة
shawshank بتاريخ: 11 يناير 2012 تقديم بلاغ مشاركة بتاريخ: 11 يناير 2012 أنا بقول لو .. يعني كنت أتمنى ... ومقتنع تماما إن مفيش حاجة حصلت ... اقتناع تام .. بس باحلم كان نفسي أول ذكرى لقيام الثورة تيجي واحنا منتصرين ورجعنا بلدنا لينا تاني. كان نفسي نقعد مع الثوار الأبطال ونسمع ذكرياتهم وتضحياتهم ونشكرهم ونبوس ايديهم إنهم خلصونا من عهد الظلم البائد، ونكرمهم بجد بأعلى الأوسمة والنياشين. كان نفسي يحكوا لنا بالتفصيل، كل واحد يحكي عمل ايه ونزل ازاي وامتا وواجه جبروت الحاكم الظالم ازاي، واحنا بنسمعه ومستمتعين قوي ونقوله عيد وزيد كمان يا بطل. كان نفسي نواسي أهالي الشهداء اللي مقتنعين إن دم ولادهم ماراحش بلاش. كان نفسي تيجي الذكرى دي واحنا بنخطط لمشروع نهضة شاملة يغير مصر وياخدها أميال لقدام مش خطوات. كان نفسي تيجي واحنا كلنا متوحدين في كيان واحد هدفه مصلحة مصر، بالظبط زي الروح اللي كانت موجودة أيام الثورة. كان نفسي (زي ما كان السادات بيقول عن 6 أكتوبر) نقعد مع بعض ونفتكر اللي حصل ونتدارسه، ونتعلم منه ازاي نبني مصر وننضفها من دنس الفساد اللي لوثها بيه الديكتاتور خلال عقود، وازاي لا يمكن يقدر يحكمنا ديكتاتور تاني. دي كانت أحلامي لليوم ده. أحلامي دي بإذن الله هتتحقق أنا متأكد ... إن ماكانش السنة دي يبقى اللي بعديها أو اللي بعديها. اليوم ده جاي إن شاء الله ولو بعد 100 سنة. الثورة دي لو لم تنجح فهتكون خطوة على الطريق. وشرف لكل واحد شارك فيها إنه شارك في خطوة هائلة هزت المجتمع وخليته يكسر حاجز الخوف ويقتنع بشكل كبير إنه "ممكن"، وإن مصر بناسها هي الباقية مهما حصل، والحاكم الديكتاتور راحل لا محالة. عميق تحياتي لحضرتك كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان