قوات خاصة تهاجم حركة 6 ابريل

[ذهبية]

الخبر دة على الفيس بوك ياترى صحيح

عاجل////بعد مداهمة مقر 6 ابريل فى ميدان التحرير قوات خاصه تابعه للداخليه تهاجم جميع مقرات حركة 6 أبريل ومكتب أسماء محفوظ فى عين شمس ومكتب اسراء عبدالفتاح فى جاردن سيتى ومكتب محمد عادل فى حدائق القبه وتم ضبط أجهزة كمبيوتر وكرتونة كتب تاريخيه حصلوا عليها من المجمع العلمى كما تم ضبط شماريخ ناريه وكراتين زجاجات معبئه بالبنزين والسيبرتو كما تم ضبط كتالوجات صور خاصه بأعضاء الجماعه وهم فى صربيا وفى قطر و......فى أمريكا وكلها صور تثبت تورطهم فى أعمال عدائيه تجاه وطنهم كما تم ضبط سنج و2 فرد خرطوش و3 بندقيه قناصه وكرتونة طلقات صناعه اسرائيليه ومنشورات تحرض على الجيش والشرطه وتم القبض على 13 فرد من أعضاء الحركه ومعهم أجهزة اتصالات حديثه ممنوع دخولها مصر الا بتصريح من أمن الدوله ومصلحة الأمن العام

عاجل///////مخزن سلاح وذخيره يتم كشفه بمحض الصدفه تابع لحركة 6 ابريل قامت الأجهزه الأمنيه اليوم بمتابعة أحد ناشطى 6 ابريل ومراقبته لمعرفة من يمول المخربين ظل الأمن يتابع تحركاتهم وفى أحد الأكمنه التى أوعدت لهم تمكن رجال الأمن من كشف مخزن سلاح وزخيره تابع لحركة 6 ابريل بالقطاميه وهذا المخزن يضم 1400 بندقيه أليه و100000 طلقه عيار 7.62ْ/39 وعدد 500 قنبله يدويه fm و15 نظارة ميدان و150 زمزمية مياه و1400 سونكى ومزايت للسلاح وعدد 10 برميل بنزين 80 كما تم ضبط 50 سنجه مصنعه فى احدى الورش وخناجر ومطاوى وتليفونات محموله وأجهزة كمبيوتر وأجهزاتصال عبر القمر الصناعى وأجهزة صوت وملابس عسكريه وموتوسيكلات مسروقه و3عربيات ملاكى مسروقين و1500 خوزه ميرى وذكر المصدر أن هذه الأسلحه والذخيره صناعه اسرائيليه وأنها كانت تعد لاستخدامها فى 25 يناير القادمSee

[الباشمهندس ياسر]

صيثلخو fashr

[عصام أبوالفتح]

ههههههههههه ..طيب فين مقر احمد ماهر وتيمور المراغى ؟

دعاية استشهادية ومناورات انترنتية بالذخيرة الحية لاختبار مدى سرعة انتشار الاشاعات

بس حلوة بنزين 80

[dongol]

صحيح نوع البنزين اذا كان 80 ولا 90 عرفوه ازاي

شعب غريب

[احمد رضوان]

وضبطوا ماكينة طباعة المنشورات على قلب الحكم والصاغ سليم قام بفتح الكوبري واطلاق الرصاص على جميع المتظاهرين

ايه الفلم العربي ده .. ايوه ده كان فيلم في بيتنا رجل

حتى أبراهيم حمدي (عمر الشريف) وده من 6 إبريل 1950 فجر أشلائات الجيش في العباسية في آخر مشهد ومن يومه والعداء قائم بين الجيش وجماعة 6 إبريل

نسيت أسأل ملقيوش طيارات ولا غواصات ولا صواريخ سكود ... لإن الحاجات دي ممكن تعمل فرق في نتيجة المعركة

تم تعديل 22 ديسمبر 2011 بواسطة Radws

[م تيمور المراغي]

ههههههههههه ..طيب فين مقر احمد ماهر وتيمور المراغى ؟

دعاية استشهادية ومناورات انترنتية بالذخيرة الحية لاختبار مدى سرعة انتشار الاشاعات

بس حلوة بنزين 80

في دبابتين محاصرين العماره دلوقتي

وصيتكم الثورة !

[ذهبية]

والله يا استاذ عصام الاخبار فى مصر بقت غريبة تلاقى الخبر و نقضة فى نفس اللحظة

تسمع من طرف حاجات تلاقى عكسها بالضبط من الطرف التانى

ياريت استاذ تيمور ينفى او ياكد الخبر

بس انا وقفت قوى ا قدام كلمة قوات خاصة

هو احنا عندنا قوات خاصة بيعرفوا يعملوا مراقبة

امال مش عارفين يوصلوا الى المخربين و اللى بيدفعوا فلوس للبلطجية لية

ومش عارفين يقبضووا على الايدى الخفية اللى السبب فى كل دة لية

[mfarag]

بس حلوة بنزين 80

ما هو دة دلالة على اتساقهم مع افكارهم و ميلهم للطبقة الكادحة و بعدهم عن الطبقة البرجوازية الراسمالية

هههههههههههههههههههههههههههههههههههههههههههه

[عصام أبوالفتح]

بس حلوة بنزين 80

ما هو دة دلالة على اتساقهم مع افكارهم و ميلهم للطبقة الكادحة و بعدهم عن الطبقة البرجوازية الراسمالية

هههههههههههههههههههههههههههههههههههههههههههه

لا وانت الصادق ده عشان الناس تغل عليهم زيادة ويقولوا ... ولاد ال*** هما اللى مخلصين البنزين .. اتاريه شاححح ..هههههههههه

وبعدين تتنفى الاشاعة فتطلع لهم جناحات ويطيروا فى السما

[se_ Elsyed]

تصدقوا بالله ؟

الخبر وصل إمبارح من مصر من ضباط شرطة ثقات لا شك فيهم

لكن هما سمعوا برضوا زي اللي سمعوا وما شاركوش في الحملة دي

ههههههههههههههه

طبعاص ده تسليح كتيبة بحالها

بيفكرني بالدبابات وطائرات الميراج اللي كانوا مخبيينها في الكنايس المصرية ..فسمعت رد ظريف قوي على الموضوع ده ... طب قولوا لنا مين هايضرب بالحاجات دي ؟

[عبير يونس]

بس انا وقفت قوى ا قدام كلمة قوات خاصة

هو احنا عندنا قوات خاصة بيعرفوا يعملوا مراقبة

امال مش عارفين يوصلوا الى المخربين و اللى بيدفعوا فلوس للبلطجية لية

ومش عارفين يقبضووا على الايدى الخفية اللى السبب فى كل دة لية

و أنا برضه باسأل معاكي

و يا ترى امتى حيمسكوا "أبو الرجال" :closedeyes:

[mfarag]

المشكلة الحالية

الجيش :هناك مندسين و مخربين

الثوار : هاها هما فين -لو فية حقيقى امسكوهم فين الامن فين المخابرات

الجيش : قبضنا على المندسين

الثوار : طبعا مش مصدقين

با ختصار

حتى لو كان فية مندسين و تم القبض عليهم كل من اصبح عندة قناعة مسبقة ضد الجيش طبعا مش هيصدق

حتى لو كانت الادلة واضحة كالشمس؟

[se_ Elsyed]

حتى لو كان فية مندسين و تم القبض عليهم كل من اصبح عندة قناعة مسبقة ضد الجيش طبعا مش هيصدق

حتى لو كانت الادلة واضحة كالشمس؟

عارف ليه

عشان ما سمعناش رأيك في الولاد اللي جابوا شهاداتهم وطلعوا كومبارس وفضحوا المجلس العسكري وكثير ما قالوش كلمة الحق وإنها فضيحة تطير فيها رقاب وتسقط فيها حكومات

لكن على مين .. دول تربية مبارك وياما كان بيحصل أفظع من كده

[elzahraa]

الخبر دة على الفيس بوك ياترى صحيح

عاجل////بعد مداهمة مقر 6 ابريل فى ميدان التحرير قوات خاصه تابعه للداخليه تهاجم جميع مقرات حركة 6 أبريل ومكتب أسماء محفوظ فى عين شمس ومكتب اسراء عبدالفتاح فى جاردن سيتى ومكتب محمد عادل فى حدائق القبه وتم ضبط أجهزة كمبيوتر وكرتونة كتب تاريخيه حصلوا عليها من المجمع العلمى كما تم ضبط شماريخ ناريه وكراتين زجاجات معبئه بالبنزين والسيبرتو كما تم ضبط كتالوجات صور خاصه بأعضاء الجماعه وهم فى صربيا وفى قطر و......فى أمريكا وكلها صور تثبت تورطهم فى أعمال عدائيه تجاه وطنهم كما تم ضبط سنج و2 فرد خرطوش و3 بندقيه قناصه وكرتونة طلقات صناعه اسرائيليه ومنشورات تحرض على الجيش والشرطه وتم القبض على 13 فرد من أعضاء الحركه ومعهم أجهزة اتصالات حديثه ممنوع دخولها مصر الا بتصريح من أمن الدوله ومصلحة الأمن العام

عاجل///////مخزن سلاح وذخيره يتم كشفه بمحض الصدفه تابع لحركة 6 ابريل قامت الأجهزه الأمنيه اليوم بمتابعة أحد ناشطى 6 ابريل ومراقبته لمعرفة من يمول المخربين ظل الأمن يتابع تحركاتهم وفى أحد الأكمنه التى أوعدت لهم تمكن رجال الأمن من كشف مخزن سلاح وزخيره تابع لحركة 6 ابريل بالقطاميه وهذا المخزن يضم 1400 بندقيه أليه و100000 طلقه عيار 7.62ْ/39 وعدد 500 قنبله يدويه fm و15 نظارة ميدان و150 زمزمية مياه و1400 سونكى ومزايت للسلاح وعدد 10 برميل بنزين 80 كما تم ضبط 50 سنجه مصنعه فى احدى الورش وخناجر ومطاوى وتليفونات محموله وأجهزة كمبيوتر وأجهزاتصال عبر القمر الصناعى وأجهزة صوت وملابس عسكريه وموتوسيكلات مسروقه و3عربيات ملاكى مسروقين و1500 خوزه ميرى وذكر المصدر أن هذه الأسلحه والذخيره صناعه اسرائيليه وأنها كانت تعد لاستخدامها فى 25 يناير القادمSee

فاكرين المكالمة اللي جت لسيد علي ايام الثورة عن التدريبات في صربيا وقطر وامريكا وطلعت كدب و ضحكنا عليه وبهدلناه

بنصدق الكلام دا ليه دلوقتي

ايه الفرق بين الكلام دا و اللي اتقال ساعة الثورة

و الانتخابات اللي عاملين نقول الاسلاميين سرقوها

ايه الفرق بين الكلام دا وكلام عمر سليمان

و في النهاية بين نظرية عمر سليمان عن جهل الشعب وسطو الاسلاميين على السلطة و نظرية طلعت زكريا وتامر بتعا غمرة والعميلة السرية بتاعت محور

يا قلبي لا تحزن

اكلت يوم اكل الثور الابيض

[mfarag]

حتى لو كان فية مندسين و تم القبض عليهم كل من اصبح عندة قناعة مسبقة ضد الجيش طبعا مش هيصدق

حتى لو كانت الادلة واضحة كالشمس؟

عارف ليه

عشان ما سمعناش رأيك في الولاد اللي جابوا شهاداتهم وطلعوا كومبارس وفضحوا المجلس العسكري وكثير ما قالوش كلمة الحق وإنها فضيحة تطير فيها رقاب وتسقط فيها حكومات

لكن على مين .. دول تربية مبارك وياما كان بيحصل أفظع من كده

الفاضل س س

على الرغم من ما تحملة كلماتك من تلميحات

فاسمحلى اجوابك

اولا : يا سيدى الفاضل لم اقل ابدا ان المجلس العسكرى لا يخطى او منزة عن الخطا

ثانيا : لم ادلى براى لاننى لم ارى هولاء الولاد و لا شهادتهم و ان كان حدث - وانا اميل لتصديقك - فهى جريمة فخلال الفترة الحالية لا اشاهد التلفزيون الا نصف ساعة مساء خلال تناول الطعام .

ثالثا : هناك بالميدان بلطجية و ماجورون بدون الحاجة للتلفزيون و لا للنت و لا للتوك شو - انما اخبار متواترة من بعض ممن اعرف مختلفة انتمائتهم ( منهم ثوار على معارضين للثورة ) .

اخيرا : اردت ان اوضح الى اين وصلنا فان قبض الجيش حقا على بعض الماجورين و البلطجية فلن يتم تصديقة

تحياتى

[التونسى]

الحمد لله .. الردود الواعية .. تدل على أننا مازلنا لدينا القدرة على التمييز بين.. ما هو غث ..وما هو سمين .. دى ممكن تكون اشتغاله من حركة 6 ابريل نفسها ..زى اشتغالة سيناريو ليبيا كده .. بس برده يا خوفى يا 6 ابريل .. قصدى يا خوفى يا بدران هههههههههههههههههه

تم تعديل 22 ديسمبر 2011 بواسطة محمود البصيلى

[Alshiekh]

اليس من الأفضل أن ننتظر حتى يتم التأكد من الخبر من مصادر موثوقة

أعتقد أن الفيس بوك ليس مصدر موثوق للأخبار ولا حتى بنسبة 10%

أستأذنكم في غلق الموضوع حتى يتبين صحته من عدمه.

عن الإدارة