كل سنة وأنت طيب يا se_ Elsyed

[kfaya]

كل سنة و انت طيب يا ابو السيد يا :

1- اخف دم فى المنتشقة .

2- من بالرغم من نقدك العنيف لشؤن البلاد و الحكام , أنت أكثر الناس حبا للوطن و غيرة على الدين .

3- من تعامل الزملاء بمنتهى الحب و الأحترام و لم تغضب أبدا منك أحد .

4- من اشتريت المبادئ و القيم و أنحزت لنادى الشعب ... النادى الأهلى العظيم ..

و عقبال مائة و خمسين سنة ..

[Cleo]

يا كليو شغالي دماغك وما تحسسينيش إنك لسه صايمه !!!

ولله يا س س شكلك كدة انت اللى لسة صايم.... mfb:

أقترح على الإدارة فتح فصول نحو الأمية "لبعض" المشرفين حتى يكونوا واجهة مشرقة و قدوة حسنة وعبرة لمن اعتبر من الأعضاء.... :blink:

[Set_Amina]

ينفع يا س س اخليك حاسس بالعيد على مدى كام شهر واهنيك دلوقتي؟؟؟

لو وافقت يبقى كل سنة وانت طيب وعيد ميلاد سعيد

اما بالنسة لعرض المقايضة اللي عملته وهو انك تبدل ولدين بتلات بنات فانا موافقة بس هاخد الولدين ببنت، ايه رأيك؟؟

[yasovinas]

ابو عمر الغالي

عم الكل

معلش كل سنة وانت طيب متاخرة لسه راجع من الاجازة

والسنة الجايه تكون!!!!!!!!!!!!!!

تكووووووووووون

امممممممممم

اقولك تكون في حضن العروسه

معلش يا ام عمر

الجعان يحلم بسوق العيش

[se_ Elsyed]

ينفع يا س س اخليك حاسس بالعيد على مدى كام شهر واهنيك دلوقتي؟؟؟

لو وافقت يبقى كل سنة وانت طيب وعيد ميلاد سعيد

اما بالنسة لعرض المقايضة اللي عملته وهو انك تبدل ولدين بتلات بنات فانا موافقة بس هاخد الولدين ببنت، ايه رأيك؟؟

امونة ... ميرسي جداً على الـ offer ده وانا موافق إذا كانت البضاعة من العينة " د " :P

وعشان أوريكي كرم الشراقوة ... هاديلك هدية فوق العيلين ( أم العيال )

بس مش شايفه إن الهدية كبيرة عليه شويه ... قصدي يعني مين اللي هايتبنى مين ؟

فيروز

اسمحوا لى فى هذه المناسبه ان القى عليكم بيتين شعر من تاليفى

يا سلام وهانحن ذا نكتشف خنساء آخرى بيننا .... إيه الشعر الجميل ده ( سامحني يارب سامحني يارب ... هو كده يبقى نفاق ؟ )

كلله

أقترح على الإدارة فتح فصول نحو الأمية

ما بلاش إنت يا عبعظيم ... ده أنا شغالك سبيلنج إتشك ولا المايكروسوفت وورد والمفروض أبعت لك الفاتورة كل جمعة على البلاوي اللي باعدلها من سكات وفي السكرتة ....

ياوسفيناس العائد من أفغانستان

ابو عمر الغالي

عم الكل

معلش كل سنة وانت طيب متاخرة لسه راجع من الاجازة

حمد الله عالسلامة .. وإحجزلي نايبي في الكحك .. إحتمال أجيلك الشهر الجاي ..

أما بالنسبة للـ offer بتاع sleeping with the enemy فأحب ألفت إنتباهك إن مثل تلك المواضيع لابد ان تكون في رسائل خاصة ، حيث إن المنتديات لها ودان ... يعني تبعتلي الصور .. أبعتلك الأبروفال .. تشحن البضاعة ويا دار ما دخلك شر .. ( اللهم اجعل كلامنا خفيف عليهم )

كفايه ... تعالى يابني ...

الأخ كفاية من الشخصيات المحترمة جداً والتي اتبنأ لها بمستقبل باهر وأرشحه يكون مشرف شباك في الخطة الخمسينية الجاية .. وذلك لأربع أسباب مهمين :

1- اهلاوي الإنتماء ... وده شرط مهم جداً لأي مُشرف وكافي إننا نتغاطي عن جميع عيوبه حتى لو كان سمكري سيارات زي ناس :P .

2- يحظى بإحترام جميع الزملاء - الاهلاوية - وده برضوا كافي إنه يبقى مشرف .

كفاية ... إنت من الاحرار يابني ....

[yasovinas]

سي السيد يا ريت فعلا تشرفونا هنا في الامارات انت بس قول انا جاي وشوف الشغل على مية بيضاء

بس قبل العيد الكبير علشان العيال جايين على العيد يبقى

على راي خالتك شلبي اللي كان مع اسماعيل يس (رااااااحت)

[فــيــروز]

فيروز

اسمحوا لى فى هذه المناسبه ان القى عليكم بيتين شعر من تاليفى

يا سلام وهانحن ذا نكتشف خنساء آخرى بيننا .... إيه الشعر الجميل ده ( سامحني يارب سامحني يارب ... هو كده يبقى نفاق ؟ )

ميرسى ميرسى

بس عشان مايحصلش خلط بينى وبينها يا ريت يبقى اسمى انا "الخمساء" :blink: عشان انا باطلع فى الاخمسه بس mc:

[se_ Elsyed]

أقترح على الإدارة تثبيت هذا الموضوع في جميع الابواب والشبابيك كمان ... مش عشاني :lol:

ولكن لكي تُتاح فرصه لأكبر قدرة من الزملاء للتهاني ولتجيد البيعة ...