أخى فى الميدان ............

[pocy]

السلام عليكم ورحمه الله وبركاته ...........

شاهدت اخى ولاول مره من سنه تقريبا ..............لانى كما تعلمون اقطن حاليا بدوله الكويت ..........

ولكن اين شاهدته .....؟؟؟؟ شاهدته وانا اشاهد برنامج اون تي في برنامج بلدنا بالمصري وهم يعرضون صورا لاحد الشباب ينادى ويهتف هتافات الثوره ......فى الميدان واذا اجده صديق اخى شادى واجد بجواره اخى ............لا اعلم ماذا اصابنى ........حاله من الفرحه والحزن ......فرحتى انى اشوف اخويا وهو بيحاول انه يغير حاجه فى البلد ............وحزنى لقلقي الشديد ان يجرى له ما حدث لاحمد حراره ..........

وبالامس اسأل عليه ...............

ماما : بقالنا اسبوعين مش عارفين نشوفه من قبل احداث المجلس الوزراءوهو فى امتياز (دكتور عظام طب القاهره ) والامتياز بتاعه فى القصر العيني ووردياته هناك ولكنه صباحا فى المستشفي الميدانى فى التحرير .............ومساءا فى القصر العيني ...........واغلب الوقت لا يجيب ع التليفون لعدم تفرغه ........... ده غير غاز الاعصاب اللى شمه هناك وربنا يسترها على شبابنا يارب

كتبت هذا الموضوع لانى اعانى من نارين ......

نار الخوف على اخى بان افقده وخصوصا انه اخى الصغير والاقرب لي ..........باى شكل من الاشكال ودموعى تحاصرنى ..............

ونار الخوف على البلد وانها تريد يد شبابها ............ومن هو من احمد حراره وعلاء وعمرو واحمد وووووووو........... وانى إذا فقدته سيكون من الشهداء ان شاء الله .........

لا اعلم ماذا جعلنى اكتب ولكن دموعى تحرقنى من شده خوفى عليه وعندما لا يرد على التليفون اكاد اجن وعندما لا اسمع عن موت احدهم .....اريد ان انزل مصر فقط لاخده بين احضانى لعلها تكون المره الاخيره التى اراه بها ............

سامحونى على ما اسطر فانا اكتب دون ان افكر فانتم كما تعلمون تلقائيه بطبعى ........

اللهم انصر مصر وشبابها وكفانا دماء ......كفانا يا مجلس دماء

ان الدماء التى تهدر هى لخيره الشباب هم من الدكاتره والمهندسين .........والاطفال

سامحونى واعرونى فى كلماتى فاردت فقط ان افضفض بما يجيش في صدرى ......

[Abu Reem]

أخو حضرتك رجل..بحق يؤدي عمل عظيم يستحق أن تفخري به...أكثر من خوفك عليه

أدعي الله أن يحفظه..هذا ما يمكن أن تفعليه....واتركي عنك القلق نهائيا....

ففي الحروب العسكرية مثلا يشارك مئات الالاف من الجنود وفي النهاية تكون الخسائر قليلة بالمقارنة بالاعداد الكبيرة المشاركة

ونحن الان في مرحلة هامة وخطرة نوعا ولكننا لسنا في حرب....ولذلك فمقدار الخطورة..قليل جدا بإذن الله

ان تركيز الاعلام على بعض الحالات هو ما يصور لك ان الكل معرض للخطر...ولكن عاوز اقول لك..أننا نحن من نعيش بعيدا ونذهب الى اعمالنا بالسيارات كل يوم قد نكون معرضين لخطر الحوادث مقلا اكثر منه بكثير..

هو يؤدي عمل عظيم..والثوار السلميين يؤدون عمل عظيم نفتخر به..ولكن دعي عنك القلق..لان..الاعمار مكتوبة ولو اجتمعت الامة على ان تضره بشيء ليس مقدار له فلن يستطيعوا.....

- أكثري فقط من الدعاء وانتبهي انت لنفسك...وان شاء الله ستقل هذه الاحداث تدريجيا...فكلنا معرضون للخطر حتى ونحن بعيد عن الثورة....

[pocy]

جزاك الله خيرا اخى الفاضل ابو ريم .............

وبالفعل اخى .....

{ قل لَنْ يُصِيبَنَا إِلا مَا كَتَبَ اللَّهُ لَنَا } التوبة آية 51

واعتقد ان خوفى عليه طبيعي ونابع من حبي الشديد له ............ويارب اكرم ثوار مصر الحقيقيون والهم قلوبنا الصبر والسلوان

[احمد رضوان]

ربنا ينصره ويرجعه بالسلامة هو وكل زملاءه ، اختى اعلمى ان الله كتب على العباد قدرهم فإما ان يتعملقوا امام اقدارهم واما ان يتخاذلوا واخوك اختار ان يحيا رجلا فهنئاً لك وله ... واعلمى ان الله لا يضيع اجره ، فلتدعى الله ان ينصره واكثرى من الإستغفار له ، واعلمى ان اخوك يحي أمة ويدافع عن عرض وعن ضعفاء ... ربنا افرغ علينا صبرا وثبت أقدامنا

واسمحى لي أن انقل أسطرك المضيئة هنا الى موضوع مصريين غيرتهم الثورة العظيمة

اعان الله اخاك ووفقه ونصره ورده لكم سالماً بإذنه

[ام سلمي]

اختي بوسي

بأذن الله ربنا حيرجعه بالسلامة وتتطمنوا عليه

ربنا يبارك لكم فيه

وربنا ينتقم من كل ظالم وصلنا للحال ده

[ام محمد]

والله دمعت عيناي لما قرأت كلملتك حسيت كأنه اخي انا مكانه ..ودعيت ربي انه يحفظه وكل الشباب اللي معاه يارب تبعد عنهم كل حاقد وجبان ...وتردهم لاهلهم مرفوعين الراس وقد تحقق ما يتمنوه

[خالد شحاته]

الاخت الفاضله ام عمرو

اخوكي بيقوم بواجب وطني وتاكدي ان الله معاهم وسوف ينصر الحق واهله ويخزل الباطل وان شاء الله اخوكي يرجع سالم باذان الله في وسط اهله واحبابه واخوانه ربي يحفظه من كل مكروه هو وشباب التحرير احفظهم يارب وابعد عنهم يدي الغدر

[نوران]

أختي الكريمة

ربنا يبارك لك في أخيكي

ويحفظه من كل مكروه هو وكل شباب مصر الشرفاء

ويوفقه في دراسته وعمله وتفرحي بزواجه وذريته إن شا الله

وربنا يصلح حال بلدنا وتنتهي الفترة دي علي خير من غير أى دماء جديده .... آمين

[نورالعين]

العزيزة بوسي

لا اعرف كيف اشكر اخوك

اولا لانه من هؤلاء الثوار الذين يريدون للثورة النجاح وتحقيق مطالبها

والثانية لانه من جعلك تسطرين هذه الكلمات

التى ربما تغير من رأي البعض هنا تجاه الثوار

فقد كثر الكلام عن انهم المفسدون الذين يستحقوا ما يصيبهم

ادعو الله ان يحميه ومن معه ويري بعينيه ثمار ثورته التى اراد لها النجاح

[Salwa]

الآبنة الغالية أم عمرو .

خوفك شئ طبيعى يابنتى وخصوصا وأنك ف غربة مش قادرة تجرى تشوفيه وتطمئنى عليه .

لكنك نسيتى شئ مهم جداا يابوسى .

نسيتى ان ربنا سبحانه وتعالى هو اللى بيحميه .

نسيتى ان عين الله لاتغفل ولا تنام.

اصبرى وان الله مع الصابرين يابنتى وان شاء الله حاتفرحى وحاتزيد فرحتك لما عمرو يكبر ويقول ...خالى كان هناك ف الميدان. :clappingrose:

وهو من ضمن الناس اللى شاركت ف الثورة .

الناس الشرفاء .

متقلقيش يابوسى ..تفاءلوا بالخير تجدوه....ان شاء الله يابنتى .

[لماضة مصرية جدا]

السلام عليكم و رحمة الله و بركاته

اول مرة اشوف التوبيك ده

"اخويا في الميدان"

فيه موضوعات مينفعشي اكتب فيها بحيادية....الحب....الحرب

اينعم احنا مش في حالة حرب بمعني السلاح و المقاومة و عدو واضح قدامنا

بس احنا في حالة حرب مع عدو تاني اسمه "الخوف"

انتي فاكرة انك انتي بس اللي خايفة و قلقانة علي اخوكي اللي في الميدان

كلنا

اللي بره مصر و اللي عايش جواها

اللي نزل الميدان

و اللي لسه خايف منزلوش

اللي حسبها و اللي محسبهاش

و اللي اتكلم سياسة

و اللي متكلمشي

كلنا...بندور في وقت ما في دايرة خوف

هتصدقيني لو قولتلك علاجها ايه

افتحي قلبك و اسمعيني

علاجها

انك

تنزلي الميدان

صدقيني

لو مؤمنة بالقضية

لو مش مؤمنة بيها

لو مع الثورة

او ضدها

لو مصدقة ان البلد دي تستاهل ان يبقي فيها حاجة حلوة

او خلاص يئستي

لو نزلتي مرة الميدان

و كان من نصيبك انك تقابلي مامت و لا ابو شهيد و هتستغربي انه ماشي برغم سنه خطوته بتسبق خطوتك

صدقيني

خوفك

هيموت

حيرتك هتتلاشي

كل الجدل العقيم اللي عمالين نلف فيه حوالين بعض....نروح الميدان...لا منروحشي

لو روحتي مرة واحدة

راح تعشقيه

بحسه

مكان بنتولد فيه

قولي عليا عاطفية

قولي عليا بتاعت كلام

بس بقولك احساسي

و بقولك احساس ناس كتير يمكن عمرك ما فكرتي تتكلمي مع حد غريب

بس هناك محدش غريب

كله عارف بعضه

كله عارف هو ماشي رايح علي فين

بنعرف ملامحنا من بعض

عارفة ليه

عشان العين بتشوف في نني العين اللي قصادها حلم نضيف حقيقي للبلد دي

اخوكي اللي في الميدان

صابح كده من ع وش القفص

متخافيش

اخوكي اختار انه يكون هناك

ادعيله

و ادعي لكل حد....اختار انه يتولد في الميدان

متخافيش عليه

هو بخير

عارفة ليهزي العيش الطازة اللي كنا بنستناه زمان يطلع

علشان هو في الميدان

كنتي تخافي عليه بجد

الاسئلة بتتولد...مع الاجابة

لو هو مكنشي هناك

علشان بره الميدان....مش هتلاقي غير حيرة و مليون الف سؤال من غير اجابة

هناك

[moamana]

انا برده اول مرة اشوف الموضوع و بكيت بعد قراءته

لان اختى ايضا طبيبة لسه متخرجة و رغم انها اسنان الا انها تحرص على الذهاب الى الميدان و انا هنا فى السعودية ببقى هتجنن لانها اختى الصغرى و كانت دوما بمثابة ابنتى

و من هنا كل اللى بقدر اعمله ادعيلها و اناصر الميدان بكل كلمة اكتبها لان بجد هى و اصحابها مش بلطجية

على فكرة اختى طبيبة اسنان و ستعين معيدة فى الكلية و الحمد لله ملتزمة دينيا و اخلاقياو الحمد لله ربنا يخليلنا بابا و يشفيه يا رب مش مخليها عايزة حاجة عربية و سفر للدراسة فى الخارج و طلباتها اوامر خاصة انها طول عمرها من المتفوقات

يعنى من الاخر كده اللى فعلا فى الميدان زهرة شباب البلد بجد ربنا يحميهم هى و اصحابها و صحباتها كلهم

و يا رب احمى كل الناس اللى فى الميدان و ارحم شهدائنا اجمعين

[لماضة مصرية جدا]

السلام عليكم و رحمة الله و بركاته

قولتلك....ان اللي في الميدان بيعرف يعيش...رورحه بترجع ليه

يا تري صدقتيني دلوقتي

يا رب

كل اللي ليه "غالي" في الميدان

يتطمن عليه و عليها

متفائلة جدا