25 يناير 2012 ,, موعد تسليم السلطة !

[ام سلمي]

المجلس الاستشاري رافض تقديم انتخابات الرئاسة علي اعداد الدستور ،

يتهيأ لي مالهاش لازمة الاختلافات والفرقة علشان 5 شهور ، نأجل الاختلافات دي لحاجة اهم،

يعني لما يبدأ فعليا كتابة الدستور والمجلس العسكري يحاول فرض صلاحيات نبقي نثور عليه كلنا ،

او لو حاول يأجل انتخابات الرئاسة عن يونيو ،او فتح باب الترشح عن ابريل ،

انما 5 شهور فرق مش دي الحاجة اللي تستاهل نختلف عليها، خاصة بعد قرار المجلس العسكري تعجيل انتخابات مجلس الشوري شهر ،وبالتالي تعجيل االانتهاء من الدستور.

"الاستشارى" يرفض تقديم انتخابات الرئاسة على إعداد الدستور

أكد المجلس الاستشارى على ضرورة الالتزام بخطوات المرحلة الانتقالية المحددة بالإعلان الدستورى، وشدد على أن المشاورات حول تقصير المدة الزمنية للمرحلة الانتقالية لن تتضمن أن يتم تقديم مرحلة على الأخرى أو العكس.

وقال مصدر رفيع المستوى بالمجلس الاستشارى لـ"اليوم السابع"، إن المجلس شدد على رفضه لإجراء انتخابات رئاسة الجمهورية قبل الانتهاء من كتابة وإعداد الدستور والاستفتاء عليه ثم إصداره، وذلك لأن الدستور يجب أن ينص على اختصاصات رئيس الجمهورية ويوضحها بشكل صريح وواضح.

ولفت المصدر إلى أن المجلس يبحث اقتراح تقصير المدة الزمنية للمرحلة الانتقالية بما يساعد على تقصيرها إلى أقصى حد يمكن معه تقديم موعد انتخابات الرئاسة إلى 30 مايو 2012، إذا كان هناك إمكانية لذلك، خاصة بعد تقصير نحو ثلاثة أسابيع من انتخابات "الشورى" وهو ما سيفيد فى تبكير المراحل المتبقية من المرحلة الانتقالية من تشكيل جمعية تأسيسية لوضع الدستور والاستفتاء عليه ثم إصداره ويتلوه إجراء انتخابات الرئاسة.

[م تيمور المراغي]

التعجيل بالإنتخابات الرئاسية - رؤية قانونية و سياسية"

المتحدثون:

كريم سرحان- محام و باحث قانونى

أحمد الشرقاوى- محام و باحث قانونى

Egypt Mainstream التيار الرئيسي المصري

الأربعاء 4 يناير 6 مساءً

بمقر المنتدى: شقة 4 ـ الدور الرابع ـ 5 ش المساحة (عمارة مترو ماركت) ـ الدقي ـ القاهرة

(الدعوة عامة)

الشعب يريد ... الشعب يقرر ... الشعب يقود !

[م تيمور المراغي]

اغضب ,,

فانك ان تركت الأرض عارية ..

يضاجعها المقامر و المخنث و العميل ..

ستري زمان العهر يغتصب الصغار

و يفسد الأجيال جيلا بعد جيل

اغضب ,,

فالله لم يخلق شعوبا تستكين !!

.. فاروق جويده

[عصام أبوالفتح]

طيب بالصلاتوا على النبى كده حد يقدر يجيب لنا البيان رقم 28 الصادر من القوات المسلحه والله الموفق

ونشوف البيان ده بيقول ايه

وابقوا قابلونى لو العسكر سلم البلد لاى سلطه ايا ان كانت بعد قرائته

.....

ننتظر كده البيان رقم 28

أدى البيان

أنا لا أعلم ما هو مستوى تعليم او ثقافة الناس اللى فسروا البيان

الذى اعلمه ان نفى الخبر لا يعنى اثبات عكسه .. يعنى بالبلدى لما اكون لسه خاطب واحدة ويجى اهلها يقولولى احنا سمعنا انك ناوى تأجل فرحك للسنة الجاية وكتب الكتاب وانفى هذا الكلام فده للناس العاقلة انى لسة لم احدد موعد لكتب الكتاب وان هذا الخبر لم يصدر عنى وانه غير صحيح .. مش من حق اهلها يجيبوا مأذون ويقولوا لى اكتب دلوقتى .. مش انت نفيت التأجيل .. ده يبقى اسمه عك وتوريط وانا لسه مش جاهز للفرح .. وطبعا اسلوب بلدى وبيئة كمان ان يتم نفس التصرف مع قيادة البلد

الاول نطلع اشاعة ان المجلس سيؤجل الانتخابات .. ولما ينفى الاشاعة .. طب تعالى انت مش قولت وعملت ... وتبدأ المهاترات والكلام الفاضى

لا اقول الا حسبى الله ونعم الوكيل فى المسئول عن اضمحلال فكر الناس بالطريقة دى مما سمح لشلة من الابالسة انها تستغلهم وتستغفلهم كما يحلو للاعب العرائس الخفى

تم تعديل 8 يناير 2012 بواسطة Folana

[م تيمور المراغي]

لما الشيخ خالد عبدالله يتحول للشيخ طلعت زكريا ويطعن بنات وشباب مصر فى شرفهم ويخوض فى الأعراض ويتهمهم بالزنا

لما توفيق عكاشة الفلول بواس الأيادى يتحول لزعيم أمة وقائد ثورة التصحيح

لما أبناء مبارك وأسفين ياريس يبقوا هما مؤيدين المجلس العسكرى

لما أهلى الشهداء يتضربوا فى مسرح البالون

لما مليشيات المجلس العسكرى تذبح المسيحيين فى ماسبيرو

ويعمل مذبحة لمدة اسبوع فى محمد محمود ويقتل فيها أكثر من 40 شاب من الثوار

ومذبحة مجلس الوزراء والقصر العينى ويذبح فيها الثوار

لما مصابين مجلس الوزراء نايمين فى المستشفى لابسين الكلابشات فى ايديهم ورجليهم ومتكلبشين فى السرير

لما المخلوع بيروح المحكمة بطيارة خاصة وولاده والعادلى بينزلوا من العربية بترنجات رياضية وكأنهم داخلين ملعب الجولف وبيتضربلهم تعظيم سلام لحد انهاردة من ظباط الشرطة

لما جمال والعادلى يخرجوا بيضحكوا كل مرة والظباط تسلم عليهم

لما علاء مبارك كل مرة يغطى الكاميرا بأيده بكل بجاحة ويغيظ الناس

لما كتائب طنطاوى تقتل الشيخ والمهندس والدكتور ويقولوا عليهم بلطجية

لما خيرى رمضان يعلن عن خبر حرق المجمع العلمى قبلها بيوم

لما كتائب طنطاوى تضرب مصابين الثورة المعتصمين داخل مكتب شكاوى مجلس الوزراء

لما الشهداء والمصابين وأهاليهم يبقوا بلطجية ولما الثوار يبقوا خونة وعملاء

لما أدمين صفحة أسف ياريس يتعين نائب مدير قناة النيل للأخبار هو وأدمين صفحة أبناء مبارك

لما اللواء حمدى بدين عضو المجلس العسكرى وقائد الشرطة العسكرية يعين زوجته مديرة فى الراديو المصرى

يراتب شهرى 15 ألف جنيه

لما الجنزورى يعين عمرو جاد رجل فتحى سرور الأول والمشترك فى موقعة الجمل فى منصب المسئول عن شهداء ومصابى الثورة

لما الجنزورى يعمل الحد الأقصى للأجور 35 ضعف الحد الأدنى وعصام شرف كان عامله 25 ضعف ومطبقوش

لما لحد انهاردة مفيش حد ادنى للأجور وحد أقصى ومفيش حاجة بتتنفذ ولا حتى بنسمع عنها

وانا لسة مرتبى 150 جنيه

لما جوز اخت اللواء ممدوح شاهين يدخل انتخابات مجلس الشعب والانتخابات بتتزور له

لما الثوار يتقبض عليهم ويتحاكموا عسكرياَ والبلطجية اللى بيقتلوا ظباط الشرطة بيتفسحوا فى الشوارع

لما الثوار بيتخطفوا وبيتعملهم عملية تصفية وعملية تشويه أعلامية كبيرة

لما بعد سنة من الثورة ما اتحققش ولا مطلب واحد من مطالبنا ولا عيش ولا حرية ولاعدالة اجتماعية

لما فى ثورة يوليو 52 جمال عبدالناصر يأمم ثروات الأقطاعيين ويوزع على الفلاحين 5 فدادين من الأراضى الزراعية بعد 3 شهور من الثورة

احنا بقى خدنا ايه بعد سنة من الثورة ؟

انا عن نفسى لسة مرتبى 150 جنيه من 5 سنين ومشفتش اى عدالة ىاجتماعية

لما ظابط شرطة يخطف شاهد الاثبات فى قتل متظاهرى امبابة ويجبره على تغيير أقواله

لما ظباط الشرطة اللى قتلوا المتظاهرين فى قسم السيدة زينب كلهم ياخدوا براءة

وتبقى دى بداية مهرجان البراءة للجميع وهتنتهى ببراءة المخلوع وعصابته

لما فى نفس اليوم الشرطة العسكرية تداهم وتقتحم كل منظمات حقوق الانسان والجمعيات الاهلية وتقفلها

تبقى دى رسالة قوية لأسكات اى صوت واللى اغلبهم شغال فى قضايا قتل المتظاهرين وبيطالبوا بحقوق المصابين وبيتكلموا فى انتهاكات المجلس العسكرى

لما وزارة الداخلية تعمل مكافأت خاصة لكل الظباط المتهمين بقتل الثوار

لما عسكرى من كتائب طنطاوى يتبول على المعتصمين من فوق مجلس الوزراء

لما مليشيات طنطاوى تسحل البنات وتعريهم وتضرب الستات وتعملهم كشف العذرية

ولما أمن الدولة تخطف نغم الهلباوى من بيتها وترميها فى المقطم

لما اللى بيرسم جرافيتى غلى حيطة يتقبض عليه ويحاكم عسكريا ويتحبس

لما أنصار المخلوع يعتدون على نشطاء 6 ابريل وحملة ’ كاذبون ’ لمنعهم من نشر انتهاكات المجلس العسكرى

لما يتقبض على 4 شباب من 6 ابريل عشان بيوزعوا بيانات تدعو للنزول يوم 25 يناير

لما محكمة جنح الوايلي تحكم بحبس متظاهر وزع منشورات ضد المجلس العسكري علي المتظاهرين بميدان العباسية، بالحبس لمدة عام واحد وكفالة مالية قدرها ألف جنيه، اشمعنى المحاكمة دى كانت سريعة اوى كده ؟

لما الطرف الثالث يبقى هو بطل الفترة الانتقامية وهو اللى بيشيل كل المشاريب لما الايد الخفية تبقى هيا الملوثة وغرقانة بدم كل المصريين اللى بيموتوا فى مذابح المجلس العسكرى بقالهم سنة

عشان الحلم الوردى بتاع الفترة الانتقامية وكابوس الثورة المضادة اللى كلنا عايشين فيهم بقالنا سنة

عشان كل البلاوى المنيلة ب 60 نيلة دى انا هنزل يوم 25 يناير اللى جاى

عشان كل المصايب السودا دى يبقى يسقط يسقط حكم العسكر

مش هنسيب ثورتنا تضيع مننا ومش هنسيب حق الشهداء ولا حتى حقنا

تحيا الثورة

تحيا مصر

محمد عيد

[م تيمور المراغي]

http://www.youtube.com/watch?v=DouRyW0uj28

[ماستر]

حلوة يا تيمور, احلى حاجة النهاية فعلا الرجولة مش سهلة

[احمد رضوان]

على فكره الراجل ده ... مش مسيحى

ده

.

.

.

.

.

.

.

.

.

.

.

.

.

.

.

.

.

.

.

.

.

.

.

.

إنسان فعلاً

وفيه كتير مسلمين لسه الإنسانية داخلهم .... ومنهم الشيخ عماد عفت رحمة الله عليه

[م تيمور المراغي]

بيقولوا 25 يناير عيد الثورة !

حاضر

"حنعيدها" :egyflag:

[ماستر]

بيقولوا 25 يناير عيد الثورة !

حاضر

"حنعيدها" :egyflag:

ماشاء الله يا تيمور اية دة, انت طلعت احسن واحد بينفذ الاوامر بحزفيرها ( تمام يافندم) :)

[م تيمور المراغي]

مستني اليوم ده على نار والله

[عصام أبوالفتح]

مستني اليوم ده على نار والله

طب حاسب لتتحرق ;)

[م تيمور المراغي]

مستني اليوم ده على نار والله

طب حاسب لتتحرق ;)

النار ماتحرقش ( مؤمن ) :happy:

[عصام أبوالفتح]

مستني اليوم ده على نار والله

طب حاسب لتتحرق ;)

النار ماتحرقش ( مؤمن ) :happy:

لا اكيد المطعم قافل يومها لدواعى امنية wst::

[م تيمور المراغي]

مستني اليوم ده على نار والله

طب حاسب لتتحرق ;)

النار ماتحرقش ( مؤمن ) :happy:

لا اكيد المطعم قافل يومها لدواعى امنية wst::

( كنتاكي ) حيقوم بالواجب !

[الباشمهندس ياسر]

و ربنا المعبود

حلوين لما بنبقي اخوة و نتكلم بمودة كده

شوف المداخلتين بتوع تيمور و عصام حلوين ازاي

[عصام أبوالفتح]

و ربنا المعبود

حلوين لما بنبقي اخوة و نتكلم بمودة كده

شوف المداخلتين بتوع تيمور و عصام حلوين ازاي

حيلك حيلك :protest: ... لا أخويا ولا أعرفه لو هتف ضد الجيش قبل 30 يونيوbsh:)

[م تيمور المراغي]

و ربنا المعبود

حلوين لما بنبقي اخوة و نتكلم بمودة كده

شوف المداخلتين بتوع تيمور و عصام حلوين ازاي

حيلك حيلك :protest: ... لا أخويا ولا أعرفه لو هتف ضد الجيش قبل 30 يونيوbsh:)

اكيد انت عارف الفرق بين الجيش والمجلس العسكري

ليه اخترت كلمة جيش !

و اشمعنى 30 يونيو !

[م تيمور المراغي]

[م تيمور المراغي]

http://www.youtube.com/watch?v=o7SfBjFxHuU&feature=mfu_in_order&list=UL