اذهب إلى المحتوى
محاورات المصريين

عصام شرف: أعتذر لكل من وجد آداء حكومتي أقل من توقعاته


se_ Elsyed

Recommended Posts

اعتذر الدكتور عصام شرف - رئيس الوزراء السابق - عن آداء حكومته خلال الفترة التي ترأسها فيها، مؤكداً أن فترة توليه كانت أصعب.

وأضاف شرف عبر حسابه الشخصي على موقع التواصل الاجتماعي "فيس بوك"، مساء السبت، قائلاً:" أود أن أعتذر لكل من وجد مواقف الحكومة عندما كنت رئيساً لها أقل من توقعاته.. فالظروف التي كنت أعمل بها أيضاً كانت أصعب من كل التوقعات"، على حد قوله .

واختتم الدكتور شرف كلامه قائلاً:" أحرص بكل صدق على أن يستمر بيننا التواصل حول مستقبل الوطن وأحداث الفترة القادمة".

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

اللي بيحب كرة القدم .. هايعرف أنا باتكلم عن إيه

باتكلم عن مدرب على قده وبياخد ملاليم بيدرب نادي معين ... وماشي تعادلات وشويه فوز على شويتين هزايم ... تقوم الجماهير تثور وتقول غيروا المدرب ... يروحوا جايبين مدرب اجنبي بياخد ملايين ... يقعدوا له كام شهر ونلاقي نتائج الفريق في النازل ...

يا حلاوه .. يعني بادفع ملايين عشان واحد كفتجي يغرقها اكتر واكتر ؟

وده اللي حصل مع عصام شرف ....

فرق إيه عن عبيد ولا نظيف ولا الاخ أبو بلوفر ؟

بالعكس .. ده بضعفه وعدم سيطرته حتى على نفسه غرقنا خلال 10 شهور هو وشوية معاتيه كانوا معاه من عينه العيسوي اللي جابوه من الأنتيكخانه

طالع تعتذر يا توتو بعد ما خربتها ؟

ما كانش عندك شوية شجاعة عشان تعتذر وأنت لسه في الوزارة ؟

ما فاضلش عندك شوية شجاعة إعتذار وتطلع تقول المجلس كان بيبص لكم إزاي وهو عاملكم شوية لا مؤخذه طراطير ؟

ما كانش عندك شوية شجاعة وتطلع ترد على اللواء الرويني وهو بيقول إن المجلس هو المسئول عن تعيين الوزراء والمحافظين ؟ كان موقفك إيه ساعتها وإنت بتسمع الكلام ده يا ... دكتور ؟

ما كانش عندك شوية شجاعة وإنت بتسمع العيسوي وهو بيقول في أول تعيينه إن الامن هايعود قوياً كما كان بس إدونا شهرين او تلاتة ... وعدى 10 شهور في وجودك والوضع إزداد سوءاً ؟

أسف إعتذارك غير مقبول ....

وعشان يبقى مقبول يبقى تطلع تكشف كل حاجه بمنتهى الشجاعة

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

نأسف لعدم قبول اعتذارك ياسيد شرف

لم يعيد اعتذارك هذه الارواح التى ذهقت

لن يعيد الابصار التى أطفىء نورها

فعلى ماذا تعتذر

على الملايين الذين توسموا فيك الشرف والروح الثوريه التى عملت على احباطها

على الملايين التى حملتك على الاعناق فى ميدان التحرير وأخذلتهم لارضاء العسكر

فعلى ماذا يكون الاعتذار

على الذين قتلوا واترموا فى سلات الزباله

على السلميه التى ضربت بالنار

على السلميه التى ضربت بالغازات الكيماويه المحرمه دوليا

على اعتقال النشطاء السياسيين ورميهم فى السجون الحربيه وسط ترحيب منك

على عشرات الالاف التى رميت بالسجون الحربيه دون ذنب وترك الفاسدين وحمايتهم

على الجنسيه الامريكيه التى يتمتع بها اولادك

أعتذارك يجب ان يكون لمن زرعوك فى التحرير امثال البلتاجى وشركاه

أعتذارك يجب ان يكون لمبارك وأولاده لفشلك فى خروجهم من السجون

أعتذارك يجب ان يكون لصفحات أسفين ياريس وليس للشعب المصرى الذى خذلته وتأمرت عليه

كان بامكانك الاستقاله الفعليه وليست الوهميه وكان معك شعبا باكمله

استقالتك كانت ستسقط النظام بأكمله والشارع معك وكان تحت اشارتك

وكانت ستنسب لك الثورة ويسجلك التاريخ بأحرف من نور

لكنك استمريت فى مسلسل الخداع

سيصحبك لعنات أمهات الشهداء اينما ذهبت ووليت وجهك

فنحن الذين نعتذر لك الان على عدم قبول اعتذارك

أذهب غير مأسوف عليك

عبيد وصناع الأصنام يكرهون دوما من يقوم

بتكسيرها

رابط هذا التعليق
شارك

أنسان محترم جدا

لكن لا يصلح لمنصب رئيس الوزراء

أخطأ بقبول المنصب

قبوله للمنصب كان من منطلق وطني لم يرد أن يتخلي عن بلده عند حاجتها له

ساهم بضعفه بنسبة كبيرة لما وصلنا له الان

رحم الله امرأ عرف قيمة نفسه وأضيف ووضع نفسه في مكان يناسبها

رابط هذا التعليق
شارك

أخطأ بقبول المنصب

قبوله للمنصب كان من منطلق وطني لم يرد أن يتخلي عن بلده عند حاجتها له

المعادلة كانت . ولا زالت صعبة جدا..

إما إني أحترم نفسي و تاريخي..وأحترم الشعب ده..و ما أشاركش في حكومة في الوقت العصيب ده..لأني عارف اني مش هقدر أعمل حاجة

أو اني أشارك من باب اني ما أقدرش أتخلي عن البلد في الظروف دي..وساعتها يبقي هحرق نفسي لأني مش هقدر أعمل حاجة..في ضوء هذه المعطيات..و برضه عشان ما يجيش واحد وحش يمسك المنصب ده..ويعك الدنيا علي الآخر..

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

انا اقبل اعتذاره

اولا احنا اللي اختارناه وكنا عارفين انه انه مالوش خبرة سياسية

ثانيا اتخدع في المجلس العسكري نتيجة عدم خبرته زي ما كتير مننا اتخدعنا ، حتي اكثر ناس عندنا يفهموا في السياسة زي الاخوان اتخدعوا فيه واجتماعهم مع عنان اللي وعدهم وعود ومضاهم علي تأييد المجلس العسكري وبعد كدة ما نفذش وعوده اكبر دليل علي دهاءهم

ثالثا بعد كل مشكلة كبيرة زي ماسبيرو واللا احداث محمد محمود كان بيقدم استقالته بس المجلس العسكري ما يوافقش ويقنعه انه كدة بيتخلي عن الوطن

رابعا الاشياء القبيحة زي وثيقة السلمي كان السلمي هو المسئول عنها وتعمد المجلس العسكري دايما يوكلها للنائب علشان عصام شرف ممكن ما يوافقش عليها ، وفعلا قبل اقالة الحكومة اجتمع عصام شرف مع السلمي والمعارضين للوثيقة و اقروا انها استرشادية فقط ، وحتي محاولات الجمل قبل كدة لموضوع الدستور اولا وتغيير نتيجة الاستفتاء نفي عصام شرف تأييده فيها

خامسا كان مخدوع من الداخلية زيه زي العيسوي ومفهمينه ان ما حدش اتقتل من المتظاهرين ، ولما المهندس فاضل سليمان وراه الفيديوهات بكي وما قدرش حتي يبص عليها

سادسا برغم انه فعلا ما كانش الانسان المناسب في المكان ده ،لكن اعتقد انه كانت نيته كويسة ، وفي النهاية الاعمال بالنيات .

ده كلام المهندس فاضل سليمان

اجتماع المجلس العسكري علي لسان د. فاضل سليمان

الآن أتكلم عن لقائنا بمجلس الوزراء:الخلاصة هي أن د عصام شرف أحاط نفسه أو أحيط بمجموعة فاسدة حاقدة فاشلة زينت له الخطأ و شوهت له الحقيقةأولا : إفتضحت نياتهم عندما قالت فايزة أبوالنجا "هو ينفع تتعمل انتخابات في هذا الجو" ٣أو ٤ في نفس الوقت قالوا "طبعا لا" الناس هتخاف

الكارثة الثانية في اجتماع أمس هو إصرارهم الغريب على وثيقة د السلمي و انكشاف كذبة إسترشادية الوثيقة التي أطلقوها لإسكات الناس و عندما طلبت طلبت من د السلمي يشرح لي أهميتها بالرغم من معارضة الكثيرين ألقى محاضرة في حقوق الإنسان و الحريات و دخلت معه دويتو د فايزة فلما سألته عن دخل الحريات و معايير لجنة وضع الدستور بالبنود المشبوهة التي تجعل الجيش دولة داخل الدولة نظر لمنير فخري عبدالنور و قال له ماترد

ثم اتجه الاجتماع بعد ما أثبتنا لهم أن هناك ضحايا فعلا في التحرير و بكى د عصام و عبدالنوروغير د عصام كرسيه كي لا يرى الصوروالفيديوهاتبدأنا نركز على كيفية وقف نزيف الدم و اضطر الوزير العيسوي لتغيير مكانه حتى يسمع جواد النابلسي جيدا و جلس بجوارنا و مع ذلك ظروفه الصحيةحالت دون سماعه جيدا وقتها فكرت في النوعيات الثلاثة التي نجلس معها ١) ناس رقيقة المشاعر زيادة عن اللزوم مثل د عصام ٢) كبار سن مثل العيسوي وناس عندهم أجندة معادية للإسلاميين مثل د فايزة أبوالنجا و د السلمي و عبدالنورو مستعدين لإحراق البلد في سبيلها و جاءت سيارات مجلس الوزراء نقلتنا لوزارة الداخلية الساعة تقريباحيث قابلنا لواءات مهمين أحدهم علمت أنه مرشح ليصبح الوزيرلقادم بالاضافةلواءات جيش منهم اللواء سعيد الذي تلى البيان الصحفي صباح الأمس وأثناء الاتفاق على منطقة عازلة٥٠٠متر حدثت خناقة بين الناشط زياد علي و ضابط و ضابط جيش قال له أنتم عاوزين تحرقوا البلد فهبينا فيهم و قلنا لهم أن هذه الروح الانتقامية التي زرعت فيهم طول٩شهور سببت قتل المتظاهريلقيتها فرصة أطلع اللي في قلبي و قلت لهم أن الثورة قامت من أجلهم أيضا علشان ضابط الشرطة أو الجيش يبقى محترم و بيقبض راتب محترم وياخد حقه و إن كنا عملنا ثورة سلمية و ماطيرناش رقاب الضباط يبقى لازم يشعروا ناحية الثورة السلمية بالعرفان لا بالانتقام اللي كان واضح في القنرجع تاني لاجتماع وزارة الداخلية، بعد ما الخناقة هديت تكلم اللواء سعيد نائب مدير المنطقة المركزية و قال أن لا أحد ينكر أن اللي حصل من سوة معالقسوة في القتل والسحل إلخ آه نسيت أقول لكم أن أثناءالاجتماع مع مجلس الوزراءزياد طالبهم من الجيش والشرطة كان خطأولازم هيحدث اعتذار فصرخت فيه"إعتذارقصاد الدم"الناس أهالي الضحايا جايين يقتلوكم في التحرير جواد قال لا نستطيعمنعهم بيضربوناواحنا بنعمل حواجزبشرية لمنع دخول محمد محمود قلت لهم"ولكم في القصاص حياة يا أولي الألباب"لابد بيان بتحويل الجناة للمحاكمةأو مناطق عازلة هي مسكنات و لن يفلح إلا القرار السياسي، شعرت أن مجموعتنا قسمت الأدوار هم يناقشون حماية المتظاهرين على الأرضو هو مهم و أنا باغلس بالكلام عن مطالب الشعب التي يرتفع سقفها كل ثانية و قد أنه إذا استجاب المجلس العسكري لمطالب الجمعة الماضية يكون غير كافي فسيناريو٢٥ يناير يتكرر و تأخر مبارك ٢٤ ساعة دائما في الاستجابة للمطالب ضيع عليه فرصة النجاة و أن كما أن مبارك لم يكن يتخيلأنه سيكون في القفص يحاكم على قتل المتظاهرين فمن الممكن أن يقف ١٩مبارك عن قريب في نفس القفص نتيجة إراقة الدماء التي سالت هذا الشعب يسترد كرامته بثورته العظيمة وجهاده طيلة١٠أشهروسيخضع المجلس العسكري وستركع أمام إرادته أمريكا وأوروباوإسرائيل والحكومات العربيهكلمة أخيرة نسيتها هوأني قلت للدكتوعصام أن الشعب المصري في ٢٥ينايركانت ثورته موجهة بنسبة٨٥٪ضد الداخلية بسبب ممارساتها القمعية والمهينة أما بالنسبة لمبارك فإحنا كنا نحسنا و برمجنا نفسنا على جمال مبارك و مع ذلك المجلس لم يعتبر و سمح بإطلاق الشرطة علينا بوحشيتها نفسهارأيي الذي سأشتم منكم عليه هو بالنسبة لقرار الإخوان عدم المشاركة (رسميا) هو أنه أحكم قرار لأن المطلوب استدراجهم للمشهد و مع ذلك هناك مشاركة

تم تعديل بواسطة ام سلمي

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

رابط هذا التعليق
شارك

زي ما قلت من شوية..المعادلة صعبة جدا

وما نقدرش نحكم علي واحد زي عصام شرف..الا لو شفنا غيره عمل حاجة ولا لأ

فيه ناس احنا بنحترمها جدا..ما ترضاش انها تمسك منصب زي ده دلوقتي..و بتقول انها مش هتقدر تعمل حاجة..وانها كده هتحرق نفسها..ومع ان دي فيها شيء من الأنانية من وجهة نظري..لأنه يرفض حتي المحاولة..لمجرد انه مش عاوز يحرق نفسه..يعني مصلحته أهم..إلا اننا شايفينهم أبطال دلوقتي

و علي فكره أنا مش بتكلم حد معين..أنا بتكلم عن وجهة النظر نفسها..لأن مفيش أشخاص أساسا تم عرض المنصب عليهم و رفضوا

ولو حد مسك المسئولية..وقال أحاول أعمل حاجة..و ما عرفش..أو لقي الضغوط عليه كبيرة..ولقي نفسه بينفذ سياسة معينة هو مجبر عليها..ومشي بعد كده..هنقول عليه متواطء و خاين للأمانة

احنا ما نعرفش ان كان هناك ضغوط علي عصام شرف ولا لأ لاستمراره في المنصب كل هذه المدة..لكن من باب حسن الظن..أنا هقول انه ممكن كان بيمارس عليه ضغوط كانت بتخليه ما يقدرش يمشي وقتها..

الوقت ده ما ينفعش نحكم علي أي شخص انه ينفع أو ما ينفعش..لأنه وقت صعب..كل أجهزة الدولة تقريبا -ما عدا القوات المسلحة - منهارة..و الموضوع محتاج عقليات فذة..وتعاون من الجميع..لكن لو واحد مالقاش تعاون..يبقي ما ينفعش اننا نلومه..

لما نشوف الأول غيره هيعمل ايه..نبقي نحكم عليه

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...