الهلال والنجمة الذهبية يزين قميص الزمالك لنهاية الموسم

[Mr MAGED]

عشان بس نريح أعصابنا شوية من الكلام في السياسة والانتخابات .. جبتلكم الخبر الطريف العجيب الغريب ده

ان الهلال والنجمة الذهبية بتفوز بحق رعاية قميص الزمالك لنهاية الموسم .. يعني كان فيه منافسة .. أموت واعرف المنافسة دي كانت مع مين !!!

فازت شركة الهلال والنجمة الذهبية للمستلزمات البلاستكية بحقوق رعاية قميص نادي الزمالك لنهاية الموسم بعد موافقة وكالة الاهرام للإعلان الراعية للنادي الأبيض.

وقال مصدر مسئول في وكالة الأهرام للإعلان رفض الكشف عن اسمه في تصريحات خاصة لـ Yallakora.com "شركة الهلال والنجمة الذهبية فازت بحقوق الاعلانات

على صدر قميص الزمالك لنهاية الموسم".

وأضاف "مازلنا في مرحلة البحث عن شركات أخرى لوضع اعلانات على ذراع وظهر القميص، وأيضا على الشورت".

يذكر ان الزمالك كان قد خاض مبارياته السابقة في الدوري بدون اعلانات على صدر لقميص.

رابط الخبر

[Handasah]

عشان بس نريح أعصابنا شوية من الكلام في السياسة والانتخابات .. جبتلكم الخبر الطريف العجيب الغريب ده

ان الهلال والنجمة الذهبية بتفوز بحق رعاية قميص الزمالك لنهاية الموسم .. يعني كان فيه منافسة .. أموت واعرف المنافسة دي كانت مع مين !!!

فازت شركة الهلال والنجمة الذهبية للمستلزمات البلاستكية بحقوق رعاية قميص نادي الزمالك لنهاية الموسم بعد موافقة وكالة الاهرام للإعلان الراعية للنادي الأبيض.

وقال مصدر مسئول في وكالة الأهرام للإعلان رفض الكشف عن اسمه في تصريحات خاصة لـ Yallakora.com "شركة الهلال والنجمة الذهبية فازت بحقوق الاعلانات

على صدر قميص الزمالك لنهاية الموسم".

وأضاف "مازلنا في مرحلة البحث عن شركات أخرى لوضع اعلانات على ذراع وظهر القميص، وأيضا على الشورت".

يذكر ان الزمالك كان قد خاض مبارياته السابقة في الدوري بدون اعلانات على صدر لقميص.

رابط الخبر

الموضوع دة من ساعة متعرف والنكت اشتغلت من هنا ومنها على سبيل المثال ( بس الزملكوية ميزعلوش )

نادى الزمالك يا هندسه ...

مساحه و جردل و مكنسه

---------

بعد رعاية الهلال والنجمة الذهبيه للزمالك.. هيلعبوا بفتح الله ليبرو وقدامه اتنين مساحين والخ الخ....

[se_ Elsyed]

- الزمالك يُعلن التعاقد مع الكابتن " دُقدق " للإنتقال في الفرتة الشتوية

- الإعلانات تنهاب على لاعبي الزمالك وأول إعلان هايكون لشيكابالا وهو لابس جلابية وماسك جردل ومساحة وبيسيء النادي

- ميدو يرفض هذا النوع من الإعلانات ويُصر على تصوير إعلانات لمكانس " هوفر "

- الزمالك يُرسل رسالة تهديد لمنافسية بغنه " هايمسحهم " مسح ... لإن عنده لعيبة هاتكنس الملاعب ذهاباً وإياباً

-

[عماد حمدي]

إخبطوا دي بقا حته جاهلية بمناسبة الخبر النُكتة دا هههههههههههه

قال ابو جهل الزملكاوي : لقد أحضرت تذاكر مبارة الزمالك والهلال السوداني

فقال له عكرمة الأهلاوي : الهلال السوداني ولا الهلال والنجمة

فأنفجر الجميع من الضحك :lol: ثم أخذوا ينظفون الخيمة ويشعلون سلك المواعين :D

وخسر الزمالك في هذه المبارة وأخذوا جائزة اللعب النظيف :P

تم تعديل 7 ديسمبر 2011 بواسطة omda2006

[عماد حمدي]

قفشات الهلال و النجمه

1 – نادي الزمالك يا هندسة .. مساحة وجردل ومكنسة.

2 – من زمالكاوي محروق دمه : وهو كده صور اللاعيبه هتتحط على جرادل الحمام.

3 – وبكده الزمالك هيبقا لعبه نضيف.

4 - فى السنة اللى الاهلى حط فيها شعار اتصالات على فانلتة .. الزمالك حط الجردل والكنكة.

5 – بعد ما اتاخد مننا وليد سليمان والسعيد و السيد حمدي و محمد نجيب في انتقالات الصيف .. هنرد بالتعاقد مع دوقدوق في انتقالات يناير!!.

6 - بعد التعاقد مع الهلال والنجمه قررت مدام نظيفه مساندة الفريق.

7 – جلال إبراهيم عايز يسلم النادي نضيف ومتلمع وبيبرق لممدوح عباس.

8 - علي كدة أى مرشح زملكاوي لمجلس الشعب حيختار رمز الجردل.

9 – في سنة فضائح مئوية الزمالك ( الراجل أبو جلابية – مفيش بطولات – تيشيرت بنفسجي – شراب أخضر – اعلان لشركة نظافة)!.

10 – نفسي الزمالك يصور الجزء الثاني من الإعلان و اشوف شيكابالا ماسك الجردل وميدو يتقمص شخصية دوقدوق.

[se_ Elsyed]

- الزمالك يطالب بتغيير رايات الكورنر ووضع " شرشوبة " بدلاً منها

- إدارة الزمالك تطالب لاعبها ألا " ينجرفوا " وراء اي جردل يطلق شائعات عن فريقها

[se_ Elsyed]

عيب بقى والله عيب

وقال مصدر بوكالة الأهرام للإعلان لـFilGoal.com "اقتربت شركة قطونيل من الحصول على حق الإعلان على ظهر قميص الزمالك حيث يعد عرضها الأعلى ماديا".

يا بوكسراتك يا زمالك

[se_ Elsyed]

انا عن نفسي متضايق إني باحشر مناخيري في المسائل " الداخلية " لنادي الزمالك ... اللي " إتحمل " كتير قوي .. ونفسي فعلاً اعمل " كت " للموضع ده .... لأنه فعلاً بقى " طويل " .. ولازم أي موضوع يخص النادي المنافس يبقى " شورت " .. وما يصحش يحتوي على " كم " التريقة دي ....

عيب .. بجد عيب

[Mr MAGED]

انا عن نفسي متضايق إني باحشر مناخيري في المسائل " الداخلية " لنادي الزمالك ... اللي " إتحمل " كتير قوي .. ونفسي فعلاً اعمل " كت " للموضع ده .... لأنه فعلاً بقى " طويل " .. ولازم أي موضوع يخص النادي المنافس يبقى " شورت " .. وما يصحش يحتوي على " كم " التريقة دي ....

عيب .. بجد عيب

ايه بس يا بو الاسياد ... كل اما اكتب موضوع هتبقي عايز تقفله بقي ولا ايه :) خلينا بس نفك عن نفسنا شوية

وع العموم الزمالكوية أعلنوا العصيان .. ورفضوا الهلال والنجمه الذهبية

اللي مزعلني بجد .. ان نادي يفترض انه كبير زي الزمالك مش عارف يسوق لنفسه ... هما شطار في الكلام والخناق ع الفضائيات وبس

[se_ Elsyed]

الزمالك .... وِرك ولا صدر ؟

أنا كده فقست الموضوع .... والجمهور خلاص إبتدى يكاكي .. والزمالك هايريش ويعدي بقى ويسيب سكن العشش