اذهب إلى المحتوى
محاورات المصريين

يا مصر هانت وبانت كلها كام يوم

se_ Elsyed

بواسطة se_ Elsyed
في أخبار ثورة 25 يناير و توابعها

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

كلمات مالهاش حل للشاعر المصري الفلسطيني تميم البرغوثي ... ودي أيام ثورة يناير .. لكن لسه الأندال موجودين ولسه باقي تكة على نجاح الثورة

وصوت شاب جبار إسمه مصطفى سعيد مش عارف كان مستخبي فين الولد ده ؟

على فكرة الولد هو اللي ملحن الكلمات

إتفضلوا إستمتعوا معايا

http://www.youtube.com/watch?v=ck44SpEVpG0

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

يامصر هانت وبانت كلها كام يوم… نهارنا نادي ونهار الندل مش باين الدولة مفضلتش منها إلا حبة شوم..

لو مش مصدق تعالي علي الميدان عاين ياناس مفيش حاكم إلا من خيال محكوم..

واللي هيقعد في بيته بعدها خاين اللي هيعقد كأنه سلم الثانين لأمن وقاله هما ساكنين فين..

وصلت لضرب الرصاص علي الخلق في الميادين حتى الجثث حجزوها اكمنهم خايفين..

يامصر أصبحنا أحياء وميتين مساجين فاللي هيقعد في بيته يبقى مش مفهوم..

واللي هينزل الهي حارسه صاين يامصر هانت وبانت كلها كام يوم..

نهارنا نادي ونهار الندل مش باين.

نهارنا نادي وبأيدينا علي فكرة.. الصبح عنده فضول راح نعمل إية بكرة.

إيده علي الباب وخايف يلمس الأكرة.. ادخل ياأستاذ براحتك والبلد حرة.

إحنا زهقنا نشوف الصبح من برة.. ادخل وخرج بقايا العتمة من برة.

الناس ديه حرة وجنود الأمن مضطرة.. ياصبح طلعت روحنا لجن تيجي ياخي.

طالعين نجبيها أهوا فى كل حارة وحر..حتى لو ضربونا بالرصاص الحي.

شوف الميادين كدة مفروشة خلق وضي.. دايما مفاجأة ودايما وقتها معلوم.

الحكم لينا وليك الحق يامداين.. يامصر هانت وبانت كلها كام يوم .

نهارنا نادي ونهار الندل مش باين.. ياصف عسكر بدل الدرع شيلوة اثنين.

25 يناير ياشباب فاكرين.. كان فيه انجليزووزير الداخلية تخين…

كان عنده برده عساكر زيكم جامدين.

سابهم يموتوا علولا لو سأل فيهم.. كانوا شبهكم اساميكم اساميهم.

ياعسكري البهوات اللي بتحميهم.. ممكن يردوا عليك لما تناديهم .

ياعسكري أنا أصلي بس بستغرب.. لو لاقي تأكل وتشرب قوم ياعم اضرب.

اضرب عشان الوزير من ضربتك يطرب.. لكن هتشتغل اية لما الوزير يهرب.

أما الشديد القوي القادر أبو القادر.. برميل تلامة نشر علي مصر من الآخر.

لو شفته معددة تكتب ادب ساخر.. ثابت يقول للهرم ياكابتن اتاخر.

ولم يزل معتقد ان الهرم هيقوم.. ادي الحجر والبشر قايمين ياسيدي القوم.

والدين هيترد ياللي عشت متداين.. يامصر هانت وبانت كلها كام يوم.

نهارنا نادي ونهار الندل مش باين.. ده حكم أسرة ولا خوفو ولا خفرع.

ولا وجع بطن يتعالج بزيت خروع.. عمل مسوكر بعيد عنك ولايطلع.

جربنا فيه كل شىء ملقينا شىء ينفع.. منفعش بالأدوية جربنا ألف طبيب..

ولا بعطارة شيوخ ليهم بلح وزبيب.

ولا بجحفل مغولى وضرب بالقباقيب.. عمل مسوكر وسفلي شغل تل أبيب.

وشغل أمريكا متغلف وختمة عليه.. ضيف زارنا ياعم من غير دعوة لابس بيه.

قاعد 30 سنة ومبيقولش قاعد لية.. والنية مديها لابنه النابغة بعديه.

ويقول قضا وقدر بين البشر محتوم.. قولناله طيب ومين قال للقدر معلوم.

واش عرفك يافخمتك بالذي كان.. يامصر هانت وبانت كلها كام يوم..

نهارنا نادي ونهار الندل مش باين.

يا مصر هانت و بانت كلها كام يوم

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Salwa عضو جديد

Salwa

بتاريخ:
بتاريخ:

رائعة فعلا وأجمل رد ممكن اقولهولك هو ده.

http://www.youtube.com/watch?v=b9q8FAI22e8&feature=related

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
Salwa عضو جديد

Salwa

بتاريخ:
بتاريخ:

ودى بقى يعنى ......بتقول كل حاجة .

http://www.youtube.com/watch?v=BO8iRSlXKVw&feature=related

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
  • بعد 1 شهر...
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

للرفع

بمناسبة قُرب رحيل الاندال بعد 9 أيام بإذن الله

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
ماستر عضو جديد

ماستر

بتاريخ:
بتاريخ:

كلام من ذهب

واللي هيقعد في بيته بعدها خاين اللي هيعقد كأنه سلم الثانين لأمن وقاله هما ساكنين فين..

ياعسكري أنا أصلي بس بستغرب.. لو لاقي تأكل وتشرب قوم ياعم اضرب.

نهارنا نادي ونهار الندل مش باين.. ياصف عسكر بدل الدرع شيلوة اثنين.

ليس من المهم اين نقف، ولكن من الضرورى معرفه فى اى اتجاة نسير

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...