ايه أكتر حركة مجنونة عملتها؟

[عبير يونس]

موضوع جميل

طيب ينفع لو الواحد فكر بس لكن معملش

يعني انا مثلا كان نفس من وانا في اعدادي ان البس بنطلون جينز( فكرة جنونية جداطبعا) لكن عمرها محصلت

ولو حصل كان زماني انضربت بالنار

عادي بتحصل عندنا بس مش كتير

الجنان عندنا مش ممكن يوصل لمرحلة التطبيق ابدا بالنسبة للبنات يعني

بتتكلمي جد؟ :blink:

طب ما تلبسيه في البيت يا بنتي

و الا حتى في البيت برضه عايطخوكي؟؟؟

تعرفي بقى اني مكنتش بحب الجينز ابدا

كنت باضطر ليه بس في الكلية

عشان عقبال املتك كنت في كلية تجارة و كان أغلب قعادنا ع الرصيف سعادتك

بس غير كده بحب الملابس الناعمة و الحريرية و عمري ما حبيت الجينز ده ابدا

مش عارفة بيحبوه على ايه

المرأة لازم تلبس حاجات رقيقة تتناسب مع طبيعتها

ده رأيي الخاص طبعا

و كل احترامي للي بيحبوا الجينز

عايزة جنان يا همسات

جناااااااااااااان

[عادل أبو عمر]

غيره يا سيد

:closedeyes:

ههههههههههههههههه

عايزة جنان يا همسات

جناااااااااااااان

يا مدام عبير

شغالة اللي ينور

شكلك عاوزة الجنان الأصلي

ما بلااااااااااااااااااااش

تحياتي لحضرتك على الموضوعات الجميلة

تم تعديل 15 نوفمبر 2011 بواسطة عادل أبو عمر

[اثار]

موضوع جميل

طيب ينفع لو الواحد فكر بس لكن معملش

يعني انا مثلا كان نفس من وانا في اعدادي ان البس بنطلون جينز( فكرة جنونية جداطبعا) لكن عمرها محصلت

ولو حصل كان زماني انضربت بالنار

عادي بتحصل عندنا بس مش كتير

الجنان عندنا مش ممكن يوصل لمرحلة التطبيق ابدا بالنسبة للبنات يعني

بتتكلمي جد؟ :blink:

طب ما تلبسيه في البيت يا بنتي

و الا حتى في البيت برضه عايطخوكي؟؟؟

تعرفي بقى اني مكنتش بحب الجينز ابدا

كنت باضطر ليه بس في الكلية

عشان عقبال املتك كنت في كلية تجارة و كان أغلب قعادنا ع الرصيف سعادتك

بس غير كده بحب الملابس الناعمة و الحريرية و عمري ما حبيت الجينز ده ابدا

مش عارفة بيحبوه على ايه

المرأة لازم تلبس حاجات رقيقة تتناسب مع طبيعتها

ده رأيي الخاص طبعا

و كل احترامي للي بيحبوا الجينز

عايزة جنان يا همسات

جناااااااااااااان

شكلك مستغنية عني

طيب افكر وارجعلك

بس بقول اية

مش الطيب احسن

[عبير يونس]

أستاذ عادل

طلعت زميل يا ياشا

اوعى تكون تجارة عين شمس كمان

و مش بعيد دفعتي

او غالبا الدفعة اللي قبلي على طول

لأن وقت القرار الحكيم ده كنت في تالتة

و طبعا جالنا احباااااااااااط عميق

ما علينا

برضه عايزة اكتر اكتر

ايه يعني مارحتش امتحان مادة

يا سلام ؟

جنااااااااااااااااان

ده تهريج

وديييييييييييع

:protest:

همسات يابنتي بنتي يا همسات

على رأي لماضة اللمضة

يووووووووووه ده انا ما رديتش على مداخلتها

ربنا يستر

:unsure:

شوفي يا بنتي

اذا كان ده خطر على مستقبلك

خلاص يا بنتي ابعدي عن سكتي

انا سكتي وعرة جوي يا بتي

http://www.youtube.com/watch?v=eN5GIgfwIKE

[عبير يونس]

السلام عليكم و رحمة الله و بركاته

مش عارفة انا داخلة التوبيك و متوقعة اني اشوف شخصيات بعينها مثلا و اذ بي اسورق و اذبهل ذبهللة لما الاقيكم كولكم يا ولده

زي

سي...لوطفي

ساعة تروح و ساعة تيجي

طب ما تيجي نشوف...(وش الساري و هو ناكش شعره و بيقول كتاكيت :P )

http://www.youtube.com/watch?v=K4yNj4oTtfk

هاخد لفة في المنتدي و أجيلكم كمان حبة جنون

مساكم

انا عندي شعرة.....هاااااااااااااااااااااااا(صوت الصاجات و كدهوت)

أهلا يا رهومة هانم

سوري ع التأخير يا قومر

اوضحي مقصدك يا بونيتي

ماذا تقصدين؟

هه هه ؟؟

في انتظار حبة

كتاااااااااااكيت

كتااااااااااااااكيت

[طبيبة بالخارج]

يا للهول ده طلع سؤال عويص جوي يا بوي

تخيلي عصرت دماغي إني ألاقي و لو جنونة صغيرة عملتها مش لاقية

أتاريني عندي كبت بقالي مدة

بس متهيألي مفهوم مستوى حركات الجنان بيفرق من شخص للثاني

لأن آخر حركة بعتبرها مجنونة فاكراها هي مشاركتي في سباق جري على شاطيء جمصة ساعة عصاري و كنت لسه مخلصة أولى طب (يمكن ده السبب)

[عبير يونس]

يا للهول ده طلع سؤال عويص جوي يا بوي

تخيلي عصرت دماغي إني ألاقي و لو جنونة صغيرة عملتها مش لاقية

أتاريني عندي كبت بقالي مدة

بس متهيألي مفهوم مستوى حركات الجنان بيفرق من شخص للثاني

لأن آخر حركة بعتبرها مجنونة فاكراها هي مشاركتي في سباق جري على شاطيء جمصة ساعة عصاري و كنت لسه مخلصة أولى طب (يمكن ده السبب)

طبعا الموضوع نسبي جدا

و مختلف فعلا من شخص لآخر

بس انا قصدي حركات غير مألوفة لكل واحد فينا

يعني اذا كان الجري عادي بالنسبة لك

فما يعتبرش جنان طبعا

اما لو كنتي زي حالاتي بريستيجك دايما في المقدمة

فطبعا الجري هنا يعتبر حركة مجنونة طبعا

أهلا بيكي يا جميل

[Salah El Din]

حاولت لمس السقف بقدمي ، فكانت النتيجه ان كسر ذراعي !!! (الكلام ده كان في اعدادي )

[عبير يونس]

حاولت لمس السقف بقدمي ، فكانت النتيجه ان كسر ذراعي !!! (الكلام ده كان في اعدادي )

اهلا اهلا ياصلاح باشا

و بإذن الله تنبسط معانا هنا في بيت العائلة

ايوة كده

هو ده الشغل

بس سطر ما ينفعش

احنا عايزين الحكاية بحذافيرها

بدوافعها

وبنتائجها

ولو أمكن صور توضيحية

:closedeyes:

[Salah El Din]

احنا عايزين الحكاية بحذافيرها

الموضوع استغرق اقل من دقيقة...

و انا واقف مع اختي الصغرى ، حبيت "اتمنظر" عليها .. بصيت للسقف لقيت الورد اللي ماما معلقاه في السقف ،، فنورت على طول لمبه في راسي و قلت : "حد يعرف يلمس الورد ده برجليه ؟؟" و تقريبا كانت دي آخر كلمة مفهومه نطقت بيها يومها ، اما الباقي فكان صراخ !

ولو أمكن صور توضيحية

اعتقد ان امي تخلصت من الورد ده بعدها !

و بإذن الله تنبسط معانا هنا في بيت العائلة

فعلا انا اجد في قراءة مواضيع المنتدى (القديمه و الجديدة ) ما يكسر غربتي هنا في القاهرة !( للدراسة)

[ابو محمود]

اجن حاجة عملتها فى حياتى بس ماحدش يضحك

انا معدتى عامل فيها جراحة وكنت قبل الجراحة باتابع بكشف عن التطور بالمنظار الاستكشافى مش عايز احط مصطلحات اجنبية هههههه

قبل المنظار الواحد بيدولة حقنة علشان يدوخ شوية وميحسش وكنت ساعتها فى المستشفى الايطالى سنة 2000 ورحت لوحدى ومش معايا حد لية ماعرفش جنان نسيان بس انا سيبت الشغل ونزلت وركبت تاكسى من الحسين الى مستشفى الايطالى وتم تخديرى وعملت المنظار وتم نقلى الى غرفة علشان يفوقونى كانت هناك ممرضة معايا وكنت مديها المحفظة والساعة والموبايل والمفاتيح ولما فوقت شوية ناديت عليها وقلتها ادينى المتعلقات بتاعتى راحت جابتهم ومشيت فاكرة انى مش همشى وكنت مخدر فعلآ وحاسس ان كل من حولى مساحتة كبيرة المهم حاولت اتكلم فى الموبايل معرفتش والغريبة انهم تركونى ومشيو وحدش سأل فى امى دورت على الحذاء المهم لقيتة وروحت حاطت رجلى جواة ومش عارف شمال ولا يمين ماكنت اشعر بة انى احتاج الى ان اذهب الى العمل لية معرفش خرجت محدش قالى رايح فين ولا تقرير ولا زفت نزالت من الباب الرئيسى للمستشفى حاسس ان السلالم كاروهات المهم ربنا سترها وكانت سلالم كثيرة وعالية اول ما خرجت شاورت لتاكسى وقف قلتلة مدينة نصر كنت ساكن هناك وانا فى العربية السواق كل شوية يبص فى المراية انت عامل اية يا بية ارد انا كويس وبعدين اروح خارج عن الخدمة الراجل افتكر انى مبلبع حاجة ههههههههههههههههههههههه كل شوية اية اخبار مزاج الباشا اقولة كويس وادخل فى سكرة من النوم افوق على انت مزاج حضرتك عالى شوية يا بية الهواء لطشنى وفقت شوية وعملت مكالة للبيت مراتى بتقولى انت كنت بتتكلم هيرو غليفى فى اول مكالمة المهم وصلنى مدينة نصر وبيسألنى فين فى مدينة نصر عند عباس العقاد قلتلة النادى الاهلى قام واقف عند باب النادى الاهلى وقالى احنا وصلنا يا باشا هههههههههههههههه فوقت شوية وقلت لة لأ انا قدام شوية المهم الراجل طلع محترم ووصلنى واتصلت وكانت دى مخاطرة كلما افتكرتها زعلت لانى كنت ممكن اقع مع سائق غير محترم فيأخذ نقودى ومتعلقاتى ويرمينى فى اى حتة

على فكرة انا بكرة هعمل منظار بس على مين اخويا هيكون معايا وهيسوق العربية وهبطل تاكسى ومدينة نصر هههههههههههههههههههههههههههههههههههههههههههههه

[hOuSsAm]

ايه المواضيع الجامدة دى

هو احنا ورانا حاجة غير الجنان

اكيد الحجات المجنونة اللى انا عملتها كتيرة اوى بس هحكى على انا فاكره منها

---------------------

الحقيقة انى مبعرفش اسوق وعمرى مسقت عربيات

كنت مع واحد صحبى فى الطايف فى مشوار وللاسف اضطرينا انى اسوق مكانه وانا مش عارف ازاى

اعدت على الدركسيون وقولت بسم الله الرحمن الرحيم اشهد ان لا اله الا الله وان محمد رسول الله

وانطلقت من الطايف على مكة بسرعة 140 (طريق السيل)

ومن مكة الى جدة بسرعة ما بين 100 و 120

وكنت هلبس شوية خبطات بس الحمد لله ربنا ستر

وكنت هدوس عسكرى المرور فى نقطة تفتيش :closedeyes:

كنت هوقع الراميل بس دايما الحمد لله ربنا بيستر فى اخر لحظة

فعلا اللى كان مجنون اكتر منى صحبى اللى كان جنبى وكان معاه بنته ومش عارف كان قاعد هادى وراسى ازاى

لان الغلطة فى الحوارات دى بموتة

وبعدها بشهر اشتريت عربية عشان عجبتنى التجربة

----------------------

الحقيقة بردوا انا مبعرفش اعوم (او بعمل محاولات بس بشرط اكون عالشط ودايما تحتى ارض لان لو مفيش يبقى هغرق لا محالة)

وانا فى الغردقة وفى يوم من الايام الشمس لسعتنى لاقيتنى بقول لزوجتى باذن الله بكره هنروح نغوص

بصتلى باستغراب وفركت عنيها بتتاكد انها صاحية ولا نايمة

قالتلى ازاى قولتلها عايز اغوص بكره ومش هسيب الغردقة اللى لما اغوص

واتصلت بواحد منعهد رحلات سياحية وقولتله انا عايز اغوص قالى انت تؤمر ياباشا اظبطلك رحلة غوص

قولتله بس فيه مشكلة بسيطة ان الحقيقة انا مبعرفش اعوم وبغرق فى شبر مية

قالى ياباشا ولا يهمك هيبقى معاك غطاس محترف ومتشلش هم حاجة

خلال سعتين كلمنى تانى وقالى جهز نفسك 8 ونص الصبح تبقى جاهز

فعلا العربية عدت عليا واخدتنى عاليخت وانا واقف قدامه لاقيت زوجتى بتشدنى وتقولى مابلاش خلينا نعمل حاجة تانية

بصراحة وبينى وبينكوا كنت بقدم رجل وبرجع التانية بس قولت فى نفسى لازم تكمل المغامرة والاعمار بيدى الله

كانت مغامرة لذيذة جدا (الفوج كان كله روس وكان معظمهم محترفين مفيش غير ى واتنين تانين مبتدئين)

اعدت مع صاحب اللانش عشان يدربنى على عملية الغطس وساعتها بدات احس بضربات قلبى - بس قولت ولو لازم اكمل

اول كلمة قولتها له قولتله ياعم الحاج انا مبعرفش اعوم وبغرق فى شبر مية وعايز اعيش

قالى الغوص ملهوش علاقة بالعوم يعنى مفيش حد بيغطس وبيموت عشان مش بيعرف يعوم وساعتها اعد يدربنى على كل مايتعلق بالغوص من اول البدلة والتنفس والاوزان لحد معالجة المشاكل تحت المية ومشاكل الضغط والاشارات

بصراحة كان كورس قو اوى وكمية معلومات كتيرة

وجاءت ساعة الصفر ولحظة الانطلاق

لاقيتهم بيقولولى جهز نفسك يا بطل (وفجاة لاقيتنى لابس بدلة الغطس وملفوف حوالين وسطي حزام رصاص وزنه حوالى 30 او 50 كيلو وواقف على اخر اللانش وتحت منى بحر مفتوح يعنى لو اتزحلق ولا حاجة طوبة واترمت فى المية)

ولبست الزعانف وانبوبة الهوا واعدت عالمركب

وكل مدى مضربات قلبى بتزيد وانا بتخيل نفسى انى هنزل فى بحر مفتوح (لاء لاء لاء) انا عايز اروح مش عايز اموت

وكان فيه حركة متعارف عليها ازاى بيرمونى فى المية ومتشنجش وانا بغطس لاقيت واحد بيقول لزوجتى عايزاه تانى ولا .....!!!!!!!!!

اول منزلت تحت المية بدات اخد الثقة فى نفسى وشفت ماشاء الله خلق ربنا وسبحان الله عالابداع (لوحة كونية رائعة من الشعب والسمك الملون ) فعلا جمال الهى عجيب

كان الغطس مسافة عشرة متر تحت (المرة الجاية هتبقى 32 متر) smk:

اول مطلعت من تحت انتعشت اوى وحسيت بمدى الاستمتاع وحمدت ربنا على متعة الحياة (لانك للوهلة الاولى بتحس انها اخر لحظات حياتك)

من حق انصح اى حد يروح الغردقة او شرم انه لازم يغطس وميفوتش الفرصة دى بلدنا جميلة جدا ومليئة بالمتع والجمال الربانى اللى لازم نستمتع بيه)

----------------------

تالت حاجة مجنونة

فى الثانوية العامة فى سنة تالتة وزير التربية والتعليم طلع قرار انه اللى هيغيب 30 يوم هيتحرم من دخول الامتحانات وكان اتمنع التحويل للمنازل (طبعا كانت صدمة لينا كبيرة عشان كنا بنحب من اول نص السنة نقعد فى البيت ومنرحش المدرسة اللى بتضيع وقتنا)

وجيت بعد شهر من الدراسة قررت انا وابويا نضرب بكلام الوزير عرض الحائط وقولت معتش رايح المدرسة واللى يقدر عليه يعمله

وشوفوا اللى حصل

بعد 3 ايام زمايلى يكلمونى يبنى اعقل وارجع تانى السنة هتضيع عليك (قولتلهم ميقدرش)(وش الراجل فى مسرحية محمد صبحى)

بعد اسبوع المدرسين يكلموا ابويا مستقبل ابنك هيضيع والسنة هتروح عليه (قالهم ميقدرش)

عدى 3 اسابيع - يبنى ارجع لرشدك وروح مدرستك (خلاص يا جماعة اللى حصل حصل ولا تبكوا عاللبن المسكوب)

انذارات من المدرسة بالفصل (وانا اقول ميقدرش)

اتفصلت فعلا وبعد شهر اترفع قضية عالوزير عشان القرار ده وفعلا القرار اتلغى واتحولت منازل ومن بعدها المدرسة كلها حولت منازل ومش المدرسة بس جميع مدارس الجمهورية حولت منازل عشان الوزير يتبسط ويطور التعليم

-----------------------

لو افتكرت حاجة تانية هقولكوا عليها

[لماضة مصرية جدا]

السلام عليكم و رحمة الله وبركاته

ايه الحلاوة دي

ايه الطعامة دي

(وش اي حد واقف ع الناصية و بيعاكس)

يعني انا حاسة ان التوبيك هنا بقي زي ارشيف ذكريات مجنونة...دي حاجة تخوفي...يا خوفي يا بدران في يوم من ذوات الاربع قصدي من ذوات الايام تمسكوها علينا ذلة و لا الكلام الخطير دوت يتقدم و احنا بنقدم في الحربية:)

طيب ع العموم انا هخبط الخبطة و اجري علي الله

اكتر حركة مجنونة....لما شيلت الشنطة و سافرت بره بلدي للمرة الاولي....و بعد 3 سنين سالت نفسي هو انا فين و بعمل ايه؟؟

اكتر حركة مجنونة...لما شيلت الشنطة للمرة التانية و روحت بلد تانية بدور علي حلم شفته بعيني انا....و بعد اسبوع...سالت نفسي....لغاية امتي الغربة دي

اكتر حركة مجنونة....لما شيلت الشنطة للمرة التالتة...(حسستكوا ان شيال في محطة مصر معلشي)...و نزلت علي مصر و انا بقول لنفسي....انا مكاني هنا في الارض دي

اكتر حركة مجنونة....اني بقوم كل يوم الصبح...(من غيير ما اشيل الشنطة اهوت) و انا بيراودني شعور حنين قاتل للسفر و شيل الشنطة...و خايفة الحنين يدفعني للجنون بس المرة دي هيكون اكبر او اعنف...ربنا يستر

اكتر حركة مجنونة...اني اتخطبت زماااااااان لشخص قالي انتي تثقي فياانا ....فانا هزيت راسي زي اي هبلة قاعدة و مسكوها طبلة و صدقت بعنف يعني و دي كانت نهاية فرقة عوكاشة المسرحية

اكتر حركة مجنونة...اني في يوم كنت بحلم اني اخش طب و عيطت حوالي سنتين علي ضياع الحلم....ازاي مش عارفة....و اكتر حركة مجنونة ان كل اصحابي حاليا دكاترة....و علم نفس لما جالي هس هس

اكتر حركة مجنونة....اني لما بكتب...بكتب بجد...و بتكلم بجد....و بحكي عني و انا فاكرة ان محدش واخد باله....فابقوا اعملوا نفسكم مش واخدين بالكم بقي

و اشوفكم بخير

اذكروني حين تغيب الشمس و تعمل تش

[باهى الطائر الحزين]

مساؤكم سعاده

الكل اتكلم عن حاجات مجنونه من وجهة نظره عملها

ولأنى اومن بالمثل خالف تعرف / فسوف احكى عن حاجه غريبه عملتها

فى الثمانيات بالعراق كنت ساكن فى حى الكراده وهو من ارقى احياء بغداد

ذات صباح شتاء ليوم ممطر ؛ كتبت رساله لخطيبتى وكنت بحبها اوى

خرجت علشان ارسلها ، بينى وبين مكتب البريد فى شارع الرشيد 4 او 5

كلم ، معايا 22 دينار يعتبرم ثروه فى ذاك الوقت ، ركبت تاكسى

بـ 2 ريال وبقى معى العشرون وراقه واحده ، دخلت المكتب واخرجت

الرساله من جيب الجاكت ذو الجيوب الكثيره ؛ المفروض انى هدفع نصف

درهم ( خمس قروش ) ادور فى الجيوب كلها مش لاقى العشرين دينار !!

القصد رجعت الرساله لجيبى ومشيت لحد البيت سيرا على قدماى ؛ فى

المطر والبرد ؛ وانا الذى لا يطيق ان يمشى على قدمه مائة متر ؟؟

وماكنتش فطرت وطبعا مش هأفطر طيب منين الفلوس ضاعت منى ...

رجعت البيت عملت شاى وقعدت اشرب فى سجاير وانا متغاظ وهاطق

مرت ساعتين او تلاته وانا على هذا الحال ؛ لحد ماجه شخص ضرب

الجرس ماردتش من قرفى وانا اجهل من بالخارج كنت مش حابب استقبل

حد وانا على هذا الحال ؛ نده عليا وعرفته فتحت له وبعد السلام

والترحاب طلع مبلغ 500 دينار كان لى فى ذمته ؛ حقيقه مافرحتش

مش عارف ليه !! وبعد مانصرف فردتهم على الأرض جنب بعض وعملت

منهم سجاده ؛ وكان المبلغ كله خمسات والخمسه عندهم ماشاء الله

خمسه وخميسه ؛ عملت كوب شاى وقعدت ادخن وانا انظر لهم واحدثهم

فى تهكم / انتم اللى زلتونى ؛ مشيتونى فى المطر ، ومن غير فطار وو

طيب وربنا لأزلكم مكانكم الطبيعى هنا تحت رجليا ؛ وطبعا دايس

عليهم ؛ شويه وجه ساعى البريد ( صبى زغنن جميل الروح والهيئه

والخلق / عراقى طبعا ) دق الجرس قلت له فوت محمد يعنى ادخل وكان

الباب مفتوح اصلا لم اهتم لغلقه وراء صاحبنا ؛ دخل محمد وشاف

الفلوس على الأرض اتعجب وسأل ؛ ويش هدا لقاء / قلت له بفتور

بُرده غير ( يعنى سجاده ) الولد انزعج وخاف منى رمى الرساله على

الترابيزه قدامى وانصرف بعجل على غير عاده / ولما كان بيحبنى

بقى كل ما يقابل حد مصرى يعرفنى يقول له / ترى هاى الود لقاء

وولد بلغتهم تعنى راجل / خطيه ( وتعنى مسكين ) اتخبل ( يعنى اتجنن )

ترى هوو خوش ولدى والله حاباب ( يعنى راجل محترم وعلى خلق كريم )

حرامات بالله غير تدورو له طبيب ( يقصد ودوه لدكتور ده مايستاهلش

انه تسيبوه يتجنن ) ودى مش اكتر حاجه غريبه عملتها اصلا حياتى

كلها طرائف وعجائب وغرائب .....

تم تعديل 15 ديسمبر 2011 بواسطة طائر الليل الحزين

[عبير يونس]

مساؤكم سعاده

الكل اتكلم عن حاجات مجنونه من وجهة نظره عملها

ولأنى اومن بالمثل خالف تعرف / فسوف احكى عن حاجه غريبه عملتها

فى الثمانيات بالعراق كنت ساكن فى حى الكراده وهو من ارقى احياء بغداد

ذات صباح شتاء ليوم ممطر ؛ كتبت رساله لخطيبتى وكنت بحبها اوى

خرجت علشان ارسلها ، بينى وبين مكتب البريد فى شارع الرشيد 4 او 5

كلم ، معايا 22 دينار يعتبرم ثروه فى ذاك الوقت ، ركبت تاكسى

بـ 2 ريال وبقى معى العشرون وراقه واحده ، دخلت المكتب واخرجت

الرساله من جيب الجاكت ذو الجيوب الكثيره ؛ المفروض انى هدفع نصف

درهم ( خمس قروش ) ادور فى الجيوب كلها مش لاقى العشرين دينار !!

القصد رجعت الرساله لجيبى ومشيت لحد البيت سيرا على قدماى ؛ فى

المطر والبرد ؛ وانا الذى لا يطيق ان يمشى على قدمه مائة متر ؟؟

وماكنتش فطرت وطبعا مش هأفطر طيب منين الفلوس ضاعت منى ...

رجعت البيت عملت شاى وقعدت اشرب فى سجاير وانا متغاظ وهاطق

مرت ساعتين او تلاته وانا على هذا الحال ؛ لحد ماجه شخص ضرب

الجرس ماردتش من قرفى وانا اجهل من بالخارج كنت مش حابب استقبل

حد وانا على هذا الحال ؛ نده عليا وعرفته فتحت له وبعد السلام

والترحاب طلع مبلغ 500 دينار كان لى فى ذمته ؛ حقيقه مافرحتش

مش عارف ليه !! وبعد مانصرف فردتهم على الأرض جنب بعض وعملت

منهم سجاده ؛ وكان المبلغ كله خمسات والخمسه عندهم ماشاء الله

خمسه وخميسه ؛ عملت كوب شاى وقعدت ادخن وانا انظر لهم واحدثهم

فى تهكم / انتم اللى زلتونى ؛ مشيتونى فى المطر ، ومن غير فطار وو

طيب وربنا لأزلكم مكانكم الطبيعى هنا تحت رجليا ؛ وطبعا دايس

عليهم ؛ شويه وجه ساعى البريد ( صبى زغنن جميل الروح والهيئه

والخلق / عراقى طبعا ) دق الجرس قلت له فوت محمد يعنى ادخل وكان

الباب مفتوح اصلا لم اهتم لغلقه وراء صاحبنا ؛ دخل محمد وشاف

الفلوس على الأرض اتعجب وسأل ؛ ويش هدا لقاء / قلت له بفتور

بُرده غير ( يعنى سجاده ) الولد انزعج وخاف منى رمى الرساله على

الترابيزه قدامى وانصرف بعجل على غير عاده / ولما كان بيحبنى

بقى كل ما يقابل حد مصرى يعرفنى يقول له / ترى هاى الود لقاء

وولد بلغتهم تعنى راجل / خطيه ( وتعنى مسكين ) اتخبل ( يعنى اتجنن )

ترى هوو خوش ولدى والله حاباب ( يعنى راجل محترم وعلى خلق كريم )

حرامات بالله غير تدورو له طبيب ( يقصد ودوه لدكتور ده مايستاهلش

انه تسيبوه يتجنن ) ودى مش اكتر حاجه غريبه عملتها اصلا حياتى

كلها طرائف وعجائب وغرائب .....

طب تصدق

كنت خلاص قد اعتليت الفراش الوثير

و المكيف يرسل نسمات الهواء العليل

وهممت أن أطفأ القنديل

و ألقيت نظرة وداع أخيرة ع المحاورات

من الجالاكسي تاب الجميل

قبل أن أغط في نوم طويل

و اذا بي ...

يوه صحيح ايه اللي باقوله ده :blink:

ده احنا في موضوعات خفيفة

حركة مجنونة والطائر

فطارالنوم من عيني

وقلت خلليني أشوف ايه الحركة المجنونة

و الحقيقة عشت مع القصة

و مفهمتش اي حاجة :blink:

بس هو كلام كبير اوي

قصدي يعني مفهمتش المغزى

يعني الفلوس مش مهمة عندك

ده قصدك متهيألي

عموما

ورغم اني آخر واحدة تتكلم عن الفلوس لأنها ما بتحبش تقعد معايا و أجدع واحدة تطيرها هههههههههه

لكن برضه يعني خير الامور الوسط

يعني لا نكون عباد للمال

و لا كمان نضعه تحت أقدامنا

يعني متهيألي أدخل أنام أحسن

والنبي ما انت قايم

انا عارفة الباب فين

[عبير يونس]

سؤال أخير قبل ما أمشي

بعتت الرسالة و الا لا

شكلك رحت باصص للرسالة

و قلت لها انتي السبب في ضياع الفلوس

و رحت مقطعها

صح

هه ؟ هه؟

:P

[باهى الطائر الحزين]

سؤال أخير قبل ما أمشي

بعتت الرسالة و الا لا

بعتها طبعا

وكنت كل يوم براسلها وتراسلنى

وعندى الرسايل دى محتفظ بيها تملأ

حقيبه من الحجم المتوسط ..

اصلى كنت بحبها جدا وجايز مازلت !!

شكلك رحت باصص للرسالة

و قلت لها انتي السبب في ضياع الفلوس

و رحت مقطعها

صح

هه ؟ هه؟

شكلى هاعزم اصحابى على لحمة لسان او راس bsh:)

:P

عارف ان الجو عندكم حر

هنا ورغم التلج مابحبش اشغل المكيف

اصلا بحب فى البرد واكون فى كامل لياقتى

ونشاطى رغم حراكى النسبى !!

اقول لك على حاجه اجن منها ؟

البنت كانت جميله اوى ورقيقه جدا

لدرجة ان ولا دبله جت على مقاسها

صوبعها كانت ارق من كل الدبل !

واطرينا نعملها واحده تفصيل مخصوص

علشانها ..

وولما رجعت من العراق كنت جايب معايا

فستان الفرح ومحمل بالهدايا واشتريت الشبكه

ومن جنانى بعد ده كله فشكلت الجوازه ؟!

كنت شايف انها ارق من جنانى وخساره فيا !!

ليلتها فضلت سهران لحد الفجر ...

وكانو ردم لى لشبكه والهدايا

قلت فى نفسى الحاجه دى انا جبتها لها

وماحدش غيره يستاهلها ؟

رحت عندهم ودقيت الجرس ، وسبت الحاجه كلها

ومشيت قبل ماحد يفتح !!

وحتى هذا اللحظه لا اعلم عنها شيئا !!

( ماتنسيش تاخدى الباب فى ايدك ) ;)

[ابو محمود]

سؤال أخير قبل ما أمشي

بعتت الرسالة و الا لا

بعتها طبعا

وكنت كل يوم براسلها وتراسلنى

وعندى الرسايل دى محتفظ بيها تملأ

حقيبه من الحجم المتوسط ..

اصلى كنت بحبها جدا وجايز مازلت !!

شكلك رحت باصص للرسالة

و قلت لها انتي السبب في ضياع الفلوس

و رحت مقطعها

صح

هه ؟ هه؟

شكلى هاعزم اصحابى على لحمة لسان او راس bsh:)

:P

عارف ان الجو عندكم حر

هنا ورغم التلج مابحبش اشغل المكيف

اصلا بحب فى البرد واكون فى كامل لياقتى

ونشاطى رغم حراكى النسبى !!

اقول لك على حاجه اجن منها ؟

البنت كانت جميله اوى ورقيقه جدا

لدرجة ان ولا دبله جت على مقاسها

صوبعها كانت ارق من كل الدبل !

واطرينا نعملها واحده تفصيل مخصوص

علشانها ..

وولما رجعت من العراق كنت جايب معايا

فستان الفرح ومحمل بالهدايا واشتريت الشبكه

ومن جنانى بعد ده كله فشكلت الجوازه ؟!

كنت شايف انها ارق من جنانى وخساره فيا !!

ليلتها فضلت سهران لحد الفجر ...

وكانو ردم لى لشبكه والهدايا

قلت فى نفسى الحاجه دى انا جبتها لها

وماحدش غيره يستاهلها ؟

رحت عندهم ودقيت الجرس ، وسبت الحاجه كلها

ومشيت قبل ماحد يفتح !!

وحتى هذا اللحظه لا اعلم عنها شيئا !!

( ماتنسيش تاخدى الباب فى ايدك ) ;)

كدة كدة .... هههههههههههههههههههههه من المعاناة يولد الشعر .....

[عبير يونس]

( ماتنسيش تاخدى الباب فى ايدك ) ;)

ههههههههههه

لا ميرسي

عندي بيبان كتير

و بعدين في كرمك ده

يعني آخد الباب و اسيب الموضوع مفتوح كده

بعدين المداخلات تستهوى في البرد ده

خللي الباب

اهو برضه ينفعك

ما تضمنش مين ممكن يجيلك بالليل كده

و ممكن يعمل فيك ايه

ابقى تربس الباب كويس هه

smk:

[باهى الطائر الحزين]

طب تصدق

كنت خلاص قد اعتليت الفراش الوثير

و المكيف يرسل نسمات الهواء العليل

وهممت أن أطفأ القنديل

و ألقيت نظرة وداع أخيرة ع المحاورات

من الجالاكسي تاب الجميل

قبل أن أغط في نوم طويل

و اذا بي ...

يوه صحيح ايه اللي باقوله ده :blink:

ده احنا في موضوعات خفيفة

حركة مجنونة والطائر

فطارالنوم من عيني

وقلت خلليني أشوف ايه الحركة المجنونة

و الحقيقة عشت مع القصة

و مفهمتش اي حاجة :blink:

محمود فهم ...

انتى بقى يمكن تفهمى بكره لوحدك

جايز مش اكيد / والله يعلم :blush2:

بس هو كلام كبير اوي

قصدي يعني مفهمتش المغزى

يعني الفلوس مش مهمة عندك

ده قصدك متهيألي

عموما

ورغم اني آخر واحدة تتكلم عن الفلوس لأنها ما بتحبش تقعد معايا و أجدع واحدة تطيرها هههههههههه

لكن برضه يعني خير الامور الوسط

يعني لا نكون عباد للمال

و لا كمان نضعه تحت أقدامنا

يعني متهيألي أدخل أنام أحسن

والنبي ما انت قايم

انا عارفة الباب فين