ايه أكتر حركة مجنونة عملتها؟

[عبير يونس]

اهلا أعزائي

من شوية

كنت فاتحة الماسنجر على ايميل

و فاتحة صفحة ويب على ايميل تاني

و فجأة عملت شاتنج مع ايميلي التاني :blink:

اه والله

قلت : الو

و من الايميل التاني

رديت: اهلا

و رحت قلت : ازيك يا بيرو عاملة ايه؟

و قعدت اضحك

حضراتكم بقى

ايه الحركات المجنونة زي دي كده ممكن تعملوها او عملتوها بالفعل

منتظراكم

♥

[mekkawy]

أنا أجن حاجة عملتها .. مممم .. مش فاكر الحقيقة انا بأعمل حاجات مجنونة كتير بس هي كانت ديماً مرتبطة بالمطر .. لازم أنزل أتمشى في المطر سواء لما كنت في مصر او هنا في جدة .. بس المطر مش السيول .. دي أمتع حاجة .. ايه ده انتوا بتقولوا أجن مش أمتع .. معلش خرجت عن سياق الموضوع .. نرجع لأجن حاجة

أجن حاجة كانت لما نزلت مصر و انا مش قايل لولا حد خااااالص و خبطت على ابويا بيفتح لقاني في وشه .. و أمي كانت في الشغل و رجعت لقتني في البيت بعد 10 شهور تقريباً في السعودية .. يعني كنت مكلمهم الصبح و انا كويس و بتاع و نفسي اشوفكم و كدة و بالليل لقوني في وشهم ع الباب .. بس كانت حركة غبية كنت خايف ليجرالهم حاجة الصراحة من المفاجأة

[م تيمور المراغي]

دخلت ميد نايت ليلة امتحان الفيزياء في الثانوية العامة وخرجت من السينما 3 الفجر قعدت اتمشى في الشارع لحد ما دخلت الامتحان :happy:

الغريبه ان ابويا كان رامي طوبتي بشكل غريب !

[raouf]

الحمد لله

حياتى كلها جنان فى جنان على راى زوجتى وامى وابى

لا يوجد احلى ولا امتع من الجنان

[التونسى]

اكتر حاجه مجنونه عملتها ومتذكرها .. هو انى فى يوم حر جدا جدا لبست بلوفرين وثلاث جواكت فوق بعض ..وبقيت عامل زى ما اكون ((قنبله قماشيه )) زى محمد صبحى فى مسرحية تخاريف ((فطنونى عشان أنحأ أتغدا)) هههههههههههههههههههه .. وكنت حاسس طبعا انى جوا فرن او ساونا .. ويوميها اللى فى البيت كادوا ان يجنوا لما شافونى .. خاصة انى اصبت بنوبة ضحك هستيريه وبقيت اتمرمغ على الارض من ردود افعالهم لما شافونى بالحاله دى ههههههههههههههههههههههههه

لو افتكرت حاجه تانيه حرجع .. بصراحه أغلب من يعرفونى عن قرب .. دايما يمدحونى ويقولولى ((يا مجنوووووووووووون)) .. الغريبه انى شايف نفسى غير كده .. أل وفاكر نفسى حكيم وفيلسوف:closedeyes:

[عبير يونس]

أنا أجن حاجة عملتها .. مممم .. مش فاكر الحقيقة انا بأعمل حاجات مجنونة كتير بس هي كانت ديماً مرتبطة بالمطر .. لازم أنزل أتمشى في المطر سواء لما كنت في مصر او هنا في جدة .. بس المطر مش السيول .. دي أمتع حاجة .. ايه ده انتوا بتقولوا أجن مش أمتع .. معلش خرجت عن سياق الموضوع .. نرجع لأجن حاجة

أجن حاجة كانت لما نزلت مصر و انا مش قايل لولا حد خااااالص و خبطت على ابويا بيفتح لقاني في وشه .. و أمي كانت في الشغل و رجعت لقتني في البيت بعد 10 شهور تقريباً في السعودية .. يعني كنت مكلمهم الصبح و انا كويس و بتاع و نفسي اشوفكم و كدة و بالليل لقوني في وشهم ع الباب .. بس كانت حركة غبية كنت خايف ليجرالهم حاجة الصراحة من المفاجأة

أهلا ميكاوي باشا

فينك يا باشا متغيب من فترة كبيرة

ده اسمه الجنون اللذيذ

و هو ده فعلا اللي أقصده

و طبعا لازم يكون ممتع

أمال بنقوم بيه ليه؟

حتة المطر دي رهيبة

أفلام هندي الحقيقة هههههههههههه

نفسي مرة اعمل حركة زي دي

ده جوايا

بس بريستيجي دايما بيوجعني

يعني حابقى مهتمة ان لبسي ما يبوظش

ههههههههههههههه

بس بجد نفسي و لو مرة اعملها

بالنسبة للموقف التاني

فده اسمه مفاجآت لذيذة

و دي بموت فيها

خصوصا مع اللي مسافرين او اللي احنا غايبين عنهم

بتفرح اوي

و بحب اعملها

كنت باعملها زمان

بس الحقيقة بقى لي سنين طويلة ما رجعتش

لكن أكيد حأعملها بإذن الله

أنا باحلم باليوم ده

اللي اختي تفتح الباب تلاقيني في وشها

أو الاقي اخواتي الصبيان هنا في مكة و بيقولوا لي احنا عند الحرم

ربنا يقرب البعيد

آمين

[عبير يونس]

دخلت ميد نايت ليلة امتحان الفيزياء في الثانوية العامة وخرجت من السينما 3 الفجر قعدت اتمشى في الشارع لحد ما دخلت الامتحان :happy:

الغريبه ان ابويا كان رامي طوبتي بشكل غريب !

الله الله

أموت في الجنان اللي من النوع ده

بس محدش اداني فرصة

مكانش حد رامي طوبتي بكل أسف

هههههههههههه

[عبير يونس]

الحمد لله

حياتى كلها جنان فى جنان على راى زوجتى وامى وابى

لا يوجد احلى ولا امتع من الجنان

مينفعش يا باشا

لازم تحكي عشان نحكم بنفسنا :closedeyes:

مش يمكن تطلع عاقل و بيتهيألك انك مجنون ؟

عايزين مواقف

[عبير يونس]

اكتر حاجه مجنونه عملتها ومتذكرها .. هو انى فى يوم حر جدا جدا لبست بلوفرين وثلاث جواكت فوق بعض ..وبقيت عامل زى ما اكون ((قنبله قماشيه )) زى محمد صبحى فى مسرحية تخاريف ((فطنونى عشان أنحأ أتغدا)) هههههههههههههههههههه .. وكنت حاسس طبعا انى جوا فرن او ساونا .. ويوميها اللى فى البيت كادوا ان يجنوا لما شافونى .. خاصة انى اصبت بنوبة ضحك هستيريه وبقيت اتمرمغ على الارض من ردود افعالهم لما شافونى بالحاله دى ههههههههههههههههههههههههه

لو افتكرت حاجه تانيه حرجع .. بصراحه أغلب من يعرفونى عن قرب .. دايما يمدحونى ويقولولى ((يا مجنوووووووووووون)) .. الغريبه انى شايف نفسى غير كده .. أل وفاكر نفسى حكيم وفيلسوف:closedeyes:

مش عارفة

حاسة برضه انه جنان عاقل

:closedeyes:

الجنان بقى هو العكس

يعني تلبس خفيف في عز البرد

ههههههههههه

اوعى تاخد بنصيحتي أنا باهزر

البرد في بلاد الانجليز مش هزار

فكرتني مرة كنت باكلم مامتي الله يرحمها

و كنا في عز يناير

طبعا مكة هنا مفيهاش شتاء

باقول لها عاملة ايه في البرد يا ماما

و كان وقتها في موجة برد شديد في مصر

قالت لي انها لابسة بنطلونين و شرابين و بلوفرين و شال

قعدت اقول لها بلاش اقول لك انا لابسة ايه دلوقت

لأحسن مش حتتحملي

ههههههههههههه

مارضيتش اقول لها اني كنت مشغلة التكييف :unsure:

احنا هنا مبنلبسش شتوي نهائي

أشد برد هنا

زي ليالي الصيف في مصر

المهم يا فندم

عايزين جنان بجد

مهما حاولت

شكلك عاقل

و بزيادة كمان :P

بأستفزك

هههههههههههه

[التونسى]

لما كنت مقيم بطابا .. كان بعض زملائى فى العمل مسمينى ((مجنون الجبل)) .. لان فى وقت فراغى كنت بتسلق الجبال اللى بتقع امام مقر اقامتى مباشرة .. وبفضل قاعد فوق أتامل المنظر .. وكنت بعمل شئ مجنون بجد .. وهو انى اطلع لمسافه كبيره .. وبعدين اقوم متزلج ((او متزحلق هههههه)) على الجبل نفسه .. لان طبيعته مكنتش صخريه مصمته ... لكن الحصى الصغير كان بيغطى بعض جوانبه .. والحصى ده كان عامل زى البلى الصغير اللى بيساعد على الزحلقه والانحدار وكان شئ ممتع بجد

مش دى بقى الحركه المجنونه الاصلى .. التقيل ورا ههههههههههههههههههههههههههههه .. فى يوم ضربت فى دماغى اتسلق احد الجبال لحد القمه عشان ((أل ايه)) فضولى عايزنى اعرف الجبل ده وراه ايه .. وكان ساعتها معايا صديق وزميل عمل .. وقولتله على الفكره .. وهو وافق مع بعض التردد .. المهم فضلنا نطلع بحماس .. وعند نقطه معينه صاحبى بدأ يتباطئ .. لكنى لم أعيره اهتمام وفضلت مكمل بكل جنون.. وفعلا وصلت لقمة الجبل .. ولما بصيت لتحت مكان ما طلعت اترررررررررررعبت .. لان اكتشفت ان صعود الجبل مش زى نزوله هههههههههههههههههه.. ولا قيت صاحبى من بعييييييييييييييييييد بيعانى فى النزول بشكل اضحكنى ((مجنون بقى)) .. المهم بقى مكنش قدامى غير انى انزل من الناحيه التانيه من الجبل لانها اقل انحدار .. لكن ده حيخلينى امشى مسافه كبيره جدا عشان اوصل لاقرب طريق .. طبعا فى الوقت ده انا اختفيت عن انظار صاحبى .. المهم وانا نازل بحذر . حدث لى اختلال فى التوازن ادى الى انى بقيت عامل زى كره لحميه تنحدر .. ولولا ستر ربنا كنت مت ومحدش كان حيعرف يوصلى .. لان الناحيه التانيه كانت زى مساحه بين جبلين .. اللى انقذنى يوميها انى لما اختل توازنى .. رحت بكل تلقائيه محاوط راسى بدراعاتى عشان احمى دماغى من اى اصابه ممكن تسبب اغماء .. واللى نفعنى هو جسمى الضئيل .. اللى فاكره يوميها ان انحدرت لمسافه معينه .. وبعدين لاقيت شئ زى صخره ...راح حاجزنى وموقفنى .. ساعتها بقى دراعاتى كانت مليانه خدوش . وحاسس بألام متفرقه بجسمى كله .. رغم ذلك فضلت انزل .. لغاية ما وصلت لاول الطريق ومشيت مسافه كبيره لحد ما وصلت لمقر اقامتى .. الناس لما شافتنى اتخضت .. حكيتلهم .. قعدوا يضحكوا .. وسالت عن صاحبى الى كان معايا . قالولى ده راح يفطر ومجبش سيرتك .. ومش عارف لحد النهادره دى نداله منه والا خوف ههههههههههههههههههههههه

ه

[عبير يونس]

لما كنت مقيم بطابا .. كان بعض زملائى فى العمل مسمينى ((مجنون الجبل)) .. لان فى وقت فراغى كنت بتسلق الجبال اللى بتقع امام مقر اقامتى مباشرة .. وبفضل قاعد فوق أتامل المنظر .. وكنت بعمل شئ مجنون بجد .. وهو انى اطلع لمسافه كبيره .. وبعدين اقوم متزلج ((او متزحلق هههههه)) على الجبل نفسه .. لان طبيعته مكنتش صخريه مصمته ... لكن الحصى الصغير كان بيغطى بعض جوانبه .. والحصى ده كان عامل زى البلى الصغير اللى بيساعد على الزحلقه والانحدار وكان شئ ممتع بجد

مش دى بقى الحركه المجنونه الاصلى .. التقيل ورا ههههههههههههههههههههههههههههه .. فى يوم ضربت فى دماغى اتسلق احد الجبال لحد القمه عشان ((أل ايه)) فضولى عايزنى اعرف الجبل ده وراه ايه .. وكان ساعتها معايا صديق وزميل عمل .. وقولتله على الفكره .. وهو وافق مع بعض التردد .. المهم فضلنا نطلع بحماس .. وعند نقطه معينه صاحبى بدأ يتباطئ .. لكنى لم أعيره اهتمام وفضلت مكمل بكل جنون.. وفعلا وصلت لقمة الجبل .. ولما بصيت لتحت مكان ما طلعت اترررررررررررعبت .. لان اكتشفت ان صعود الجبل مش زى نزوله هههههههههههههههههه.. ولا قيت صاحبى من بعييييييييييييييييييد بيعانى فى النزول بشكل اضحكنى ((مجنون بقى)) .. المهم بقى مكنش قدامى غير انى انزل من الناحيه التانيه من الجبل لانها اقل انحدار .. لكن ده حيخلينى امشى مسافه كبيره جدا عشان اوصل لاقرب طريق .. طبعا فى الوقت ده انا اختفيت عن انظار صاحبى .. المهم وانا نازل بحذر . حدث لى اختلال فى التوازن ادى الى انى بقيت عامل زى كره لحميه تنحدر .. ولولا ستر ربنا كنت مت ومحدش كان حيعرف يوصلى .. لان الناحيه التانيه كانت زى مساحه بين جبلين .. اللى انقذنى يوميها انى لما اختل توازنى .. رحت بكل تلقائيه محاوط راسى بدراعاتى عشان احمى دماغى من اى اصابه ممكن تسبب اغماء .. واللى نفعنى هو جسمى الضئيل .. اللى فاكره يوميها ان انحدرت لمسافه معينه .. وبعدين لاقيت شئ زى صخره ...راح حاجزنى وموقفنى .. ساعتها بقى دراعاتى كانت مليانه خدوش . وحاسس بألام متفرقه بجسمى كله .. رغم ذلك فضلت انزل .. لغاية ما وصلت لاول الطريق ومشيت مسافه كبيره لحد ما وصلت لمقر اقامتى .. الناس لما شافتنى اتخضت .. حكيتلهم .. قعدوا يضحكوا .. وسالت عن صاحبى الى كان معايا . قالولى ده راح يفطر ومجبش سيرتك .. ومش عارف لحد النهادره دى نداله منه والا خوف ههههههههههههههههههههههه

ه

اممم

مش بطال

باستفزك برضه

اكتر اكتر

ههههههههههههههههه

فكرتني بالكليب ده

لقطات من فيلم هندي

البطل ده مجنون فعلا

و بيعمل الحركات بنفسه

شوف الدقيقة 2:35

http://www.youtube.com/watch?v=9eP2edTlXNw

بس زميلك ده ماحصلش فعلا

هههههههههه

لا وراح يفطر

ههههههههههههه

حتى ما فكرش يشوف حصل لك ايه؟ :blink:

[eslam elmasre]

تحضرني حادثتين وكلها وانا صغير لاني كنت مجنون اوي وانا صغير

كنت تقريبا مقيم في الشارع وبطلع البيت لما بجوع في ايام المدرسة وايام الصيف ايضا

وفي مرة من المرات قرر ابي رحمه الله ان يمنعني عن النزول الى الشارع وقام بغلق الباب بالمفتاح

ظللت مدة حوالي ساعتين من غير نزول وواقف في البلكونة والعيال عمالين يلعبوا ادامي وانا هاتجنن ومتغاظ ولاننا ساكنين في الدور الاول وكانت الشوارع مش متسفلتة قررت اني انط لهم من البلكونة وطلعت على سور البلكونة ودلدلت جسمي قمت رامي نفسي على الارض وكانت مش ناشفة اوي لكن رجلي اتقصعت شوية وكمان كان جسمي خفيف اوي وكنت رفيع جدا ولعبت معاهم ومش عارف مين قال لبابا اني نطيت قام مسكني ضاربني بس ما قفلش الباب بعد كده ويمكن قال ده مجنون ممكن يعملها تاني ولا حاجة تنكسر رقبته ولا رجليه

الحادثة الثانية وكنت في سنة سادسة ابتدائي وكانت عندي اختي متزوجة في السويس حديثا وطلبت معايا اسافر لها في اجازة نصف العام

قلت لامي وكان بابا مسافر في شغله وطبعا ما كنتش فيه وسائل اتصالات زي دلوقتي قلت لامي انا هاسافر لاختي لوحدي قالت لي ازاي تسافر لوحدك يعني قلت لها انا عارف السكة وكانت المواصلات مش حتة واحدة لكن بركب لمصر ومن مصر اغير واركب اتوبيس للسويس من القللي يعني انزل مصر وامشي لغاية القللي واركب اتوبيس السويس ولما انزل السويس اركب مواصلة اخرى لمكان اقامة اختي

المهم بعد رفض ومحايلة مني وعند وافقت امي ومش عارف ازاي وافقت لان من كام يوم فضلت احاسبها على موافقتها دي وازاي تسيبني اسافر لوحدي قالت لي ماكنش حد قادر عليك واللي عايز تعمله بتعمله

وطبعا ماكنتش فيه وسائل اتصالات وفضلت عند اختي لمدة اسبوع وماكانوش يعرفوا وصلت ولا لأ المهم بعد اسبوع نفس القصة في العودة ووصلت البيت ولاقيت بابا موجود بعد ما رجع من الشغل قام اخدني بالحضن وقالت لي امي انت سببت لي مشاكل مع ابوك والحمد لله انك رجعت بالسلامة

يعني دول حادثتين ولما افتكر حاجة تانية هابقى اقول

[pink rose]

كنت راجعة من الشغل في يوم كان تلج بجد

و راكبة الترام من محطة الرمل و قاعدة في امان الله

قوم الدنيا مطرت

اول محطة الترام وقفت فيها نزلت جري

و طلعت على الكورنيش و كملت لبيتنا مشي

لا كان معايا شمسية و لا حاجه

و رجعت البيت متغرقة على الاخر

من مايا المطرة و من مايا البحر اللي بتضرب في الصخر و مغرقة الكورنيش

اااااااه فين ايامك يا اسكندرية

[عادل أبو عمر]

بعد تقريبا 6 مرات اتدربت أسوق عربية لأول مرة في حياتي

بعدها طلعت رخصة ( اونطة كدة من غير اختبار ... عادي )

بعدها بشهر اشتريت العربية الحمد لله

أول مرة ركبت فيها العربية و أول مرة أسوق لوحدي

سافرت بالعربية مسافة 170 ك على الطريق الصحراوي و الزراعي الساعة واحدة بالليل و كان نور العربية العالي مش شغال ..

واتكرر الموضوع أسبوعيا لمدة خمس اسابيع بس بقى إيه يوم الخميس ( حد فاكر كوبري قليوب زمان قبل التجديد و بالذات يوم الخميس أهو أنا كنت من أهم أسباب عطلة الكوبري ده الحمد لله )

واحد صاحبي قال إنت مش هتعرف الجنون اللي إنت عملته إلا بعد سنة مثلا

بس أنا وقتها مكنتش حاسس إنه جنون و لا حاجة شايف إني مفيش حاجة تخليني أخاف و إني بأعرف اسوق و العربية حالتها كويسة

وصراحة اللي جرأني أكتر حاجة قبل ده كله إني صليت صلاة استخارة ...

الاستخارة دي بيها دخلت الكلية و بيها اتجوزت الحمد لله و بيها خدت أهم قرارات حياتي و ثقتي بعدها بتكون بلا حدود ..

ممكن أنا نفسي أشوف دلوقتي اللي عملته ده إنه جنون ...

بس ربنا وحده هو اللي سترها معايا ...

و لسة الحمد لله عايشين في ستره و لطفه الكريم ..

[اثار]

موضوع جميل

طيب ينفع لو الواحد فكر بس لكن معملش

يعني انا مثلا كان نفس من وانا في اعدادي ان البس بنطلون جينز( فكرة جنونية جداطبعا) لكن عمرها محصلت

ولو حصل كان زماني انضربت بالنار

عادي بتحصل عندنا بس مش كتير

الجنان عندنا مش ممكن يوصل لمرحلة التطبيق ابدا بالنسبة للبنات يعني

[لماضة مصرية جدا]

السلام عليكم و رحمة الله و بركاته

مش عارفة انا داخلة التوبيك و متوقعة اني اشوف شخصيات بعينها مثلا و اذ بي اسورق و اذبهل ذبهللة لما الاقيكم كولكم يا ولده

زي

سي...لوطفي

ساعة تروح و ساعة تيجي

طب ما تيجي نشوف...(وش الساري و هو ناكش شعره و بيقول كتاكيت :P )

http://www.youtube.com/watch?v=K4yNj4oTtfk

هاخد لفة في المنتدي و أجيلكم كمان حبة جنون

مساكم

انا عندي شعرة.....هاااااااااااااااااااااااا(صوت الصاجات و كدهوت)

[عبير يونس]

تحضرني حادثتين وكلها وانا صغير لاني كنت مجنون اوي وانا صغير

كنت تقريبا مقيم في الشارع وبطلع البيت لما بجوع في ايام المدرسة وايام الصيف ايضا

وفي مرة من المرات قرر ابي رحمه الله ان يمنعني عن النزول الى الشارع وقام بغلق الباب بالمفتاح

ظللت مدة حوالي ساعتين من غير نزول وواقف في البلكونة والعيال عمالين يلعبوا ادامي وانا هاتجنن ومتغاظ ولاننا ساكنين في الدور الاول وكانت الشوارع مش متسفلتة قررت اني انط لهم من البلكونة وطلعت على سور البلكونة ودلدلت جسمي قمت رامي نفسي على الارض وكانت مش ناشفة اوي لكن رجلي اتقصعت شوية وكمان كان جسمي خفيف اوي وكنت رفيع جدا ولعبت معاهم ومش عارف مين قال لبابا اني نطيت قام مسكني ضاربني بس ما قفلش الباب بعد كده ويمكن قال ده مجنون ممكن يعملها تاني ولا حاجة تنكسر رقبته ولا رجليه

الحادثة الثانية وكنت في سنة سادسة ابتدائي وكانت عندي اختي متزوجة في السويس حديثا وطلبت معايا اسافر لها في اجازة نصف العام

قلت لامي وكان بابا مسافر في شغله وطبعا ما كنتش فيه وسائل اتصالات زي دلوقتي قلت لامي انا هاسافر لاختي لوحدي قالت لي ازاي تسافر لوحدك يعني قلت لها انا عارف السكة وكانت المواصلات مش حتة واحدة لكن بركب لمصر ومن مصر اغير واركب اتوبيس للسويس من القللي يعني انزل مصر وامشي لغاية القللي واركب اتوبيس السويس ولما انزل السويس اركب مواصلة اخرى لمكان اقامة اختي

المهم بعد رفض ومحايلة مني وعند وافقت امي ومش عارف ازاي وافقت لان من كام يوم فضلت احاسبها على موافقتها دي وازاي تسيبني اسافر لوحدي قالت لي ماكنش حد قادر عليك واللي عايز تعمله بتعمله

وطبعا ماكنتش فيه وسائل اتصالات وفضلت عند اختي لمدة اسبوع وماكانوش يعرفوا وصلت ولا لأ المهم بعد اسبوع نفس القصة في العودة ووصلت البيت ولاقيت بابا موجود بعد ما رجع من الشغل قام اخدني بالحضن وقالت لي امي انت سببت لي مشاكل مع ابوك والحمد لله انك رجعت بالسلامة

يعني دول حادثتين ولما افتكر حاجة تانية هابقى اقول

الحقيقة مش مستغربة

ههههههههههههه

كنت حاستغرب لو ان حضرتك ما نطتش من البلكونة

ههههههههههههههههه

انا ابني نفس الشخصية

و مش عايز اكسر فيه الحتة دي

و حابة انه يبقى جريء

اما حكاية السفر فدي عادي

و نفسي اتجرأ و اخللي ابني يتحرك لأني باخاف عليه موووووووووووت

بس باطمن لما باستودعه

انا أصلي اتربيت على الخوف و الجبن

بابا لما كنت اروح لصاحبتي اللي في العمارة اللي بعد مننا بعمارة و على نفس الرصيف

كان يقول لي اول ما توصلي كلميني

و كان لو موصلني و عنده مشوار مثلا

لازم اطلع و ابص له من البلكونة اني وصلت الشقة :blink:

كان بيخاف عليا جدا

لأحسن حد يخطفني

ههههههههههههه

كان معايا بنت في الكلية من السويس و كانت في المدينة الجامعية و كل خميس تسافر السويس

وكانت بنوتة جدعة جدا و في منتهى الأخلاق

كنت مبهورة بيها جدا جدا

و انا بابا كان بيوديني الكلية و يجيبني

صحيح دي معزة طبعا

بس كان نفسي اتحرك شوية و اعتمد على نفسي

مامتي كانت تفوت في الحديد و بألف رجل و يعتمد عليها في المهام الصعبة

انا اللي طلعت جبانة و مبعرفش اتحرك

:sad:

[عبير يونس]

كنت راجعة من الشغل في يوم كان تلج بجد

و راكبة الترام من محطة الرمل و قاعدة في امان الله

قوم الدنيا مطرت

اول محطة الترام وقفت فيها نزلت جري

و طلعت على الكورنيش و كملت لبيتنا مشي

لا كان معايا شمسية و لا حاجه

و رجعت البيت متغرقة على الاخر

من مايا المطرة و من مايا البحر اللي بتضرب في الصخر و مغرقة الكورنيش

اااااااه فين ايامك يا اسكندرية

اه و الله

اسكندرية واحشاني اوي اوي اوي

بس فعلا جنان رسمي

برافو

هو ده ( وش تامر حسني)

[عبير يونس]

بعد تقريبا 6 مرات اتدربت أسوق عربية لأول مرة في حياتي

بعدها طلعت رخصة ( اونطة كدة من غير اختبار ... عادي )

بعدها بشهر اشتريت العربية الحمد لله

أول مرة ركبت فيها العربية و أول مرة أسوق لوحدي

سافرت بالعربية مسافة 170 ك على الطريق الصحراوي و الزراعي الساعة واحدة بالليل و كان نور العربية العالي مش شغال ..

واتكرر الموضوع أسبوعيا لمدة خمس اسابيع بس بقى إيه يوم الخميس ( حد فاكر كوبري قليوب زمان قبل التجديد و بالذات يوم الخميس أهو أنا كنت من أهم أسباب عطلة الكوبري ده الحمد لله )

واحد صاحبي قال إنت مش هتعرف الجنون اللي إنت عملته إلا بعد سنة مثلا

بس أنا وقتها مكنتش حاسس إنه جنون و لا حاجة شايف إني مفيش حاجة تخليني أخاف و إني بأعرف اسوق و العربية حالتها كويسة

وصراحة اللي جرأني أكتر حاجة قبل ده كله إني صليت صلاة استخارة ...

الاستخارة دي بيها دخلت الكلية و بيها اتجوزت الحمد لله و بيها خدت أهم قرارات حياتي و ثقتي بعدها بتكون بلا حدود ..

ممكن أنا نفسي أشوف دلوقتي اللي عملته ده إنه جنون ...

بس ربنا وحده هو اللي سترها معايا ...

و لسة الحمد لله عايشين في ستره و لطفه الكريم ..

انا برضه مش شايفة فيها جنون

امال المفروض حضرتك تعمل ايه بالعربية ؟؟

غيره يا سيد

:closedeyes:

ههههههههههههههههه

أهلا بحضرتك في التوبيك

[عادل أبو عمر]

دخلت ميد نايت ليلة امتحان الفيزياء في الثانوية العامة وخرجت من السينما 3 الفجر قعدت اتمشى في الشارع لحد ما دخلت الامتحان :happy:

الغريبه ان ابويا كان رامي طوبتي بشكل غريب !

بسم الله ماشاء الله ياهندسة أكيد هو كان عارف قدراتك

هو تقريبا التوبيك ده هيقلب علينا المواجع أو هيحرك الشعرة اللي ساعة تروح و ساعة تيجي

أنا عملت زيك كدة ياتيمور .. بس كبرت للأخر

آخر مادة في آخر سنة في كلية التجارة

والدتي صحيتني الصبح عشان أروح الامتحان

شديت الغطا وقولتهالي معلش يا ماما انا مش رايح

و كملت نوم

ومروحتش الامتحان فعلا

طبعا حصلت لي حاجات جمييييييييلة في البيت

بس كان فيه سبب و سبب جنني خلاني مروحش

إحنا كان المفروض التقدير بيتاخد على السنة النهائية و صراحة أنا كنت مرتب نفسي امتياز يا ع الأقل جيد جدا

جهابزة التعليم قرروا في سنة رابعة يطبقوا تقدير تراكمي علينا يعني مجموع الأربع سنين

أنا طبعا كنت مقضيها شمس و هوا في التلات سنين اللي قبل كدة و الحمد لله كنت بجيب جيد

لما خدوا القرار ده صراحة الواحد جاله إحباط رهيب

حسبت الاحتمالات كلها لقيت لو جبت 100 % هاجيب جيد و لو جبت أقل من 50 % برده جيد

و فعلا مروحتش الامتحان و جبت جيد

بس بمزاجي

بعدين عرفت إني كل شيء بقدر

وحصلت لي حاجات كتير في حياتي مش ممكن كانت تحصل بغير اللي حصل ده و الحمد لله كانت كلها خير أكتر مما اتمنيت