أكله شو كتير مهضومة .. إسمها " جلاش باللحمة المفرومة "

[se_ Elsyed]

بمناسبة إفطار اليوم ( ربنا يتقبل منا ومنكم الصيام والقيام وصالح الاعمال )

والعيد بكره بقى واللحمه وكده

النهاردة الشيف اللبناني الشهير س س س ( سي السيد سكرسيان ) هايقدم لكم طبق شو كتير حلوووو .. وشو كتير مهضوم وبسيط

إسمه " جلاش باللحمة المفرومة " .. ما بأدري المصريين بيعرفوا يعني إيه جلاش ولا لأ ؟!!

عامة ..

ده شكل الطبق بعد ما خلصتوا

أي حد ريقه هايجري ويهجم عالتلاجة ويشق ريقه بحاجه ويقول نسيت ... أنا مش مسئول

المهم ... نبدأ بالمقادير

- لفة جلاش ( تقريباً بتبقى نص كيلو )

- نصف كيلو لحمة مفرومة

- بيضتين

- كوباية لبن كبيرة

- ملح وفلفل

- سمنة أو زبدة

السر بقى بيبقى في تعصيج اللحمة ... ومش أي حد يعصج لحمة لا مؤخذة .... يعني بعون الله تعصيجة اللحمة هي سر الخلطة .... وهانقولكوا عليه

نجيب بصلاية متوسطة ونفرمها كويس في الكبة ... ونجيب طمطماية ونقطعها صوغنن صوغنن ... وفص توم .. ملح وتوابل ( كل اللي موجود عندك في المطبخ وبقلب جامد ما تخافيش ).... وشوية ملح لمون صغننين وده بيعمل شغل عالي قوي قوي قوي وبيدي الاكل مزازه جميله ... وما ننساش سنة قرفه شوية ... ويا سلام لو ورقة نعناع ... واوووووووووووو ... ومعاهم نصف فلفلاية رومي ونقطعها صغنن صغنن ... ولو بتحبي الأكل مشطشط يبقى ممكن نصف قرن فلفل حراق

ونحمر البصلة وفص الثوم بسيط لمدة دقيقتين تلاتة تبدل بس كده في معلقة سمنة وبعدين نضيف اللحمة والتوابل والطماطموكل الحركات ... كل ده لمدة 10 دقايق كده ...

- نجيب بقى الصينية وندهنها سمنة .. ونضيف نصف الجلاش .. لكن بين كل ورقتين تلاتة .. نديها دهنة سمنه بالفرشاة بتاعت النقاش او بمعلقة مش عاوزين كلاكيع وتصعيب على ست البيت محدودة الدخل

- ولحد نصف الجلاش نقف ... ونفرد اللحمة كويس ... ونعيد وضع باقي الجلاش وندهن وش الصينية بالسمنة مرة اخرة ..

- نجيب البيضتين بقى ونضربهم ضرباً مبرحاً بدون رحمه بالشوكة ...مع فلفل أسود وملح بسيط ... ونحط عليهم كوباية اللبن

أنا بصراحة بأسقي بنصهم الصينية ... وفي ناس تقول لأ .. أنا هاسقي الصينية وهي في نص سواها .. جربوا طرقتي وأدعوا لي

في تريكة او سر هنا .. ستات كتير في مقتبل عمرهم بيعملوا غلطة لا تغتفر .. وهي إنهم مش بيقطعوا صينية الجلاش قبل ما يحطوها الفرن .. وبالتالي لو نسيت وعملت كده وجت تقطعها بعد ما تخرج من الفرن هاتتفتت منها وتتكسر وتبقى ليلة بيضا وممكن جوزها يبعتها بيت أبوها في اسرع توك توك وكل ده عشان الاخطاء البسيطة دي

عشان كده لازم نقطع الصينية الاول زي ما احنا عاوزين ... مثلثات أو مربعات او حتى شبه منحرف ... وقولنا إيه ؟ إننا سقينا نص اللبن والبيض بها قبل ما ندخلها الفرن

- ندخلها الفرن لمدة ربع ساعة .... ونطلعها ونسقيها بنص اللبن والبيض المتبقي وندخلها تاني الفرن 10 دقائق .... ولو عاوزه تعملي لها منظر حلو .. نشغل عليها الفرن من الشعلة اللي فوق لمدة دقيقتين تلاتة فقط عشان ما تتحرقش

وتتطلعي بقى الصينية وتقطعي على نفس التقطيع السابق عشان الحتت تبقى سالكه .. وربنا يستر طريقك يا بنتي ويهدي سرك

- تقدميها بقى جنب لحمة وفته ... جنب ملوخية ... اتصرفي بقى أنا مش هاحارب لوحدي وافكر في كل حاجه

وبالهنا والشفا

[سكر]

يا مزاجج يا ابو احمد

[Alattar]

ايه يا عمنا الحلاوة دي..بس بالنسبة للربع فرخة اللي باين في الصورة ده..أنا بشبه عليه.. كان عندي واحد شبهه بالظبط..بس بعيد عنك اتحرق في موقعة الشواية..

أنا من أيام ما كنت شغال في ليبيا و أنا بطبخ..بس عمري ما فكرت في الحاجات التقيلة دي..كل اللي بعمله رز أو مكرونة أو فراخ..أو خضار..لكن سكة الفرن دي عمرها ما كانت سكتي..لكن بعد اللي شفته ده..أنزل المدام مصر بس..وهتشوفوا اللي عمركوا ما شفتوه قبل كده..

كل سنة و انت طيب يا ريس..

[ابو محمود]

عمرك ما هتتغير يا سين سين مصرى مصرى حتى لو اتعلمت لغات هههههههههههه

كنت ماشى كويس ولسانك لبنانى وهوبا

اول ما دخلت على الطبيخ والفرن بقيت ولا بتوع المدبح ههههههههههههههههههههههههههههه

[عبير يونس]

بمناسبة إفطار اليوم ( ربنا يتقبل منا ومنكم الصيام والقيام وصالح الاعمال )

والعيد بكره بقى واللحمه وكده

النهاردة الشيف اللبناني الشهير س س س ( سي السيد سكرسيان ) هايقدم لكم طبق شو كتير حلوووو .. وشو كتير مهضوم وبسيط

إسمه " جلاش باللحمة المفرومة " .. ما بأدري المصريين بيعرفوا يعني إيه جلاش ولا لأ ؟!!

عامة ..

ده شكل الطبق بعد ما خلصتوا

أي حد ريقه هايجري ويهجم عالتلاجة ويشق ريقه بحاجه ويقول نسيت ... أنا مش مسئول

المهم ... نبدأ بالمقادير

- لفة جلاش ( تقريباً بتبقى نص كيلو )

- نصف كيلو لحمة مفرومة

- بيضتين

- كوباية لبن كبيرة

- ملح وفلفل

- سمنة أو زبدة

السر بقى بيبقى في تعصيج اللحمة ... ومش أي حد يعصج لحمة لا مؤخذة .... يعني بعون الله تعصيجة اللحمة هي سر الخلطة .... وهانقولكوا عليه

نجيب بصلاية متوسطة ونفرمها كويس في الكبة ... ونجيب طمطماية ونقطعها صوغنن صوغنن ... وفص توم .. ملح وتوابل ( كل اللي موجود عندك في المطبخ وبقلب جامد ما تخافيش ).... وشوية ملح لمون صغننين وده بيعمل شغل عالي قوي قوي قوي وبيدي الاكل مزازه جميله ... وما ننساش سنة قرفه شوية ... ويا سلام لو ورقة نعناع ... واوووووووووووو ... ومعاهم نصف فلفلاية رومي ونقطعها صغنن صغنن ... ولو بتحبي الأكل مشطشط يبقى ممكن نصف قرن فلفل حراق

ونحمر البصلة وفص الثوم بسيط لمدة دقيقتين تلاتة تبدل بس كده في معلقة سمنة وبعدين نضيف اللحمة والتوابل والطماطموكل الحركات ... كل ده لمدة 10 دقايق كده ...

- نجيب بقى الصينية وندهنها سمنة .. ونضيف نصف الجلاش .. لكن بين كل ورقتين تلاتة .. نديها دهنة سمنه بالفرشاة بتاعت النقاش او بمعلقة مش عاوزين كلاكيع وتصعيب على ست البيت محدودة الدخل

- ولحد نصف الجلاش نقف ... ونفرد اللحمة كويس ... ونعيد وضع باقي الجلاش وندهن وش الصينية بالسمنة مرة اخرة ..

- نجيب البيضتين بقى ونضربهم ضرباً مبرحاً بدون رحمه بالشوكة ...مع فلفل أسود وملح بسيط ... ونحط عليهم كوباية اللبن

أنا بصراحة بأسقي بنصهم الصينية ... وفي ناس تقول لأ .. أنا هاسقي الصينية وهي في نص سواها .. جربوا طرقتي وأدعوا لي

في تريكة او سر هنا .. ستات كتير في مقتبل عمرهم بيعملوا غلطة لا تغتفر .. وهي إنهم مش بيقطعوا صينية الجلاش قبل ما يحطوها الفرن .. وبالتالي لو نسيت وعملت كده وجت تقطعها بعد ما تخرج من الفرن هاتتفتت منها وتتكسر وتبقى ليلة بيضا وممكن جوزها يبعتها بيت أبوها في اسرع توك توك وكل ده عشان الاخطاء البسيطة دي

عشان كده لازم نقطع الصينية الاول زي ما احنا عاوزين ... مثلثات أو مربعات او حتى شبه منحرف ... وقولنا إيه ؟ إننا سقينا نص اللبن والبيض بها قبل ما ندخلها الفرن

- ندخلها الفرن لمدة ربع ساعة .... ونطلعها ونسقيها بنص اللبن والبيض المتبقي وندخلها تاني الفرن 10 دقائق .... ولو عاوزه تعملي لها منظر حلو .. نشغل عليها الفرن من الشعلة اللي فوق لمدة دقيقتين تلاتة فقط عشان ما تتحرقش

وتتطلعي بقى الصينية وتقطعي على نفس التقطيع السابق عشان الحتت تبقى سالكه .. وربنا يستر طريقك يا بنتي ويهدي سرك

- تقدميها بقى جنب لحمة وفته ... جنب ملوخية ... اتصرفي بقى أنا مش هاحارب لوحدي وافكر في كل حاجه

وبالهنا والشفا

سين سين

اسمحلي اقول لك انك شرقاوي أصيل يعني أصيل

عجبتني اوي حكاية نص البيض و اللبن دي وحأجربها بإن الله

و أبدي اعجابي الشديد بطريقتك في تعصيج اللحمة و اللي هي نفس طريقتي و اللي بتخللي الولاد يكلوها

قبل ما أحشي يها اي حاجة الحقيقة :blink:

عشان كده انا باكون عاملة خدعة

و باكون معصجة لحمة تانية بأسهيهم و أروح جري حاطها في الصينية

الحرب خدعة

و العمر مش بعزقة

و هنيالك يا فاعل مرفوع بالضمة

و يجعله عامر

:)

[Alattar]

يا جماعة..أخونا سين سين شكله عمل الصينية اللي فوق دي عشان يفطر بيها النهاردة.و من ساعتها ما حدش شافه ولا سمع له صوت

ياريت اللي يعرف عنه أي حاجة يبلغنا..أنا خايف بس يكون زود الفلفل الحراق شوية..

[رضوي]

الحمد لله اني ماشوفتش التوبيك دة الابعد الفطار

مع اني اصلا مش من عشاق الجلاش ولا الرقاق ........... بس الحق يقال اول لما شوفت الصورة الجميلة دة .... بكرة ان شاء الله هعملهم صينية جلاش باللحمة المفرومة .

ومع اني كنت بضيف اللبن بالبيض قبل ماتستوي بحاجة بسيطة ..... الا اني هعمل بنصيحة استاذنا الكبير س س واضيف نصها قبل ماادخلها الفرن والنصف الثاني قبل ماتستوي بحاجة بسيطة

[مغتربة]

تسلم الايادى استاذ سى السيد

شكلها لوحده يشهى فما بالك بطعمها

صحه و عافيه على كل الى اكل منها يا رب

بس لو سمحت لغايه عيد الاضحى و ستووووووووووب :protest:

انت عايز تبوظ التقاليد و لا ايه يا افندم

فى العيد الكبير او عيد اللحمه زى ما بنسميه

لازم و لابد تكون صينيه رقاق مش جلاش

و تكون معموله بلحمه مفرومه ضانى مش بقرى

و العصاج يتحط فيه صنوبر و يتعمل بسمنه بلدى

و الرقاق يتسقى بالشوربه الى بتاعه اللحمه الضانى الى مدوبه فيها معلقه كبيره سمنه بلدى من الى قلبك يحبها

بحيث انك تاكل قطعه واحده منها و تقعد متنح طول اليوم بعدها

صح و لا اييييييييييييه :P

[se_ Elsyed]

أه والف أه

ميرسي لمشاركاتكم

لكن والله العظيم ما قادر افوق

أصلت عملت في نفسي عامله سودا

عملت طاجن بامية باللحمة الضاني .. وكاني عملت طاجن بانجو ومش قادر أفوق لحد دلوقت ..

هانزل بالصور بس لما أشرب لي شوب قهوة سادة

[se_ Elsyed]

طبعاً ما كانش ينفع نعملو صينينة الحركات دي .. من غير ما نحلو ( حلو يا حلو )

الحلو بقى

كان طاجن بامية باللحمة الضاني

واللي يحبنا يبص بعينه ويرحم بقلبه ويحط إيده في جيبه اليمين ويصلي عالنبي

وكتاب الله أنا اللي مفتكس البتاع ده النهاردة ومصورة بالأيفون .. وأسف إني بأقول ايفون في وسط الكلام مش قصدي أحرج أي حد لسه معاه الستة تمنيتين

طبعاً العطار هايتنطط عليه دلوقت بكام بوء من بتوع البروجرامرز اللي حافظهم ويقولي : بس لو كانت الصورة 160 بيكسل وكنت خليت الباك جرواند بلانك مخطط ... وكانت مكشكشة شويه وزودت الريزيليوشن والزنتاك والأوجمانتين شويتين ... كانت تتهضم أسهل

[se_ Elsyed]

وعشان أخلص على أخر نفس موجود عند العطار .. وموعود - إنت هنا يابني في الرياض ولا نزلت البندر ولا إيه نظامك ؟-

احب اعرفكم إن كل من لدينا بخير .. ويهدونكم السلام .. وبيقولوا لكم إني بأبيت دلوقت على مرمة فتة باللحمة الضاني وخليها تخرب بقى لان أيام العُمر معدودة

وانزل يا عم بالمقادير قبل صلاة العيد وانفخ البلاليم يا نجاتي

مجادير . يا جلبي أنا ...

- عيش بلدي ... مش شرط يكون محمص لو مش متاح يعني لاننا مونكن نحمصه في البيت يدوياً

- شوربة ضاني طبعاً

- ثوم وخل وحاجات من دي

- رز أبيض

ندخل عالشغل على طول

- قولنا إيه .. الست الشاطرة لازم يكون عندها نفس في الاكل .. ومش عيب تتعلم من الرجالة الشاطرين - بُصوا لي كده واتاملوا - ... يعني من الاخر عاوزه تعمري في بيت جوزك وتعيشي وتاكلي وتشربي وتتستي .. يبقى لازم تتعلمي شوية حركات مطبخية .. وكل ده أسهل ما تتعلمي البالية المائي

يعني مثلاً .. في عمايل الفتة .. هاتخسري إيه لما تجيبي العيش البلدي وتحمصية في شوية سمنه .. مع فص توم ....لحد ما ينشف ..... طبعاً قليل من يفعلن ذلك . وأهو الراجل بياكل يا عم ومش بيستطعم وأقلب كله في الحلة والمعدة بتهضم الحجر

- كمان لو ورقتين نعناع حطتيهم مع الشوربة وادتيها غلوه ... بيعملوا شغل عالي ويخلوا جوزك يقول عليكي لهلوبة

المهم ... نحط العيش في الصينية بعد ما عملنا فيه الحركات اللي فوق دي .. ونسقية كبشتين تلاته شوربة سخنه ونسيبه يتشرب دقيقتن تلاته عشان يبقى طري ... وبعدين نغطيه بالرز الأبيض ... الرز الأبيض المفلفل يعني من غير شعرية ولا أي حاجه

وبعدين نجيب فصين تلاتة قولي أربعة توم مهروسين ونحمروهم في السمنة .. .. ونحط عليهم معلقتين قولي تلاته برضوا خل ... على شوية توابل .. على كبشتين تلاتة شوربة ...

انا بصراحة باحب الفتة عليها صلصة ... مش عارف ليه

وممكن نحط شوية صلصة مع المزيج ده .. ونسيبة يتسبك شوية على النار ...

وبعدين نقوم راشين الدنيا اللي فوق دي على الفتة .... ونقوم حطين الهبابير فوق الفتة عشان نعمل لها منظر كده ونعرف الناس إن عندنا لحمه وربنا ساترها معانا

وسلامتكم وتعيشوا

-----------

لكن من غير يمين

على اخر العيد هاجيب ميزان باسكول وأوزن كل واحد وكل واحده فيكم .. واي حد هايزيد فيمتو جرام واحد بعد الحاجات المتفجرة دي هايخد إنذار .. ومش بعيد نوصي عليه عادل بيه .. يوقف نموه لحد العيد الجاي.

[ابو محمود]

وعشان أخلص على أخر نفس موجود عند العطار .. وموعود - إنت هنا يابني في الرياض ولا نزلت البندر ولا إيه نظامك ؟-

احب اعرفكم إن كل من لدينا بخير .. ويهدونكم السلام .. وبيقولوا لكم إني بأبيت دلوقت على مرمة فتة باللحمة الضاني وخليها تخرب بقى لان أيام العُمر معدودة

وانزل يا عم بالمقادير قبل صلاة العيد وانفخ البلاليم يا نجاتي

مجادير . يا جلبي أنا ...

- عيش بلدي ... مش شرط يكون محمص لو مش متاح يعني لاننا مونكن نحمصه في البيت يدوياً

- شوربة ضاني طبعاً

- ثوم وخل وحاجات من دي

- رز أبيض

ندخل عالشغل على طول

- قولنا إيه .. الست الشاطرة لازم يكون عندها نفس في الاكل .. ومش عيب تتعلم من الرجالة الشاطرين - بُصوا لي كده واتاملوا - ... يعني من الاخر عاوزه تعمري في بيت جوزك وتعيشي وتاكلي وتشربي وتتستي .. يبقى لازم تتعلمي شوية حركات مطبخية .. وكل ده أسهل ما تتعلمي البالية المائي

يعني مثلاً .. في عمايل الفتة .. هاتخسري إيه لما تجيبي العيش البلدي وتحمصية في شوية سمنه .. مع فص توم ....لحد ما ينشف ..... طبعاً قليل من يفعلن ذلك . وأهو الراجل بياكل يا عم ومش بيستطعم وأقلب كله في الحلة والمعدة بتهضم الحجر

- كمان لو ورقتين نعناع حطتيهم مع الشوربة وادتيها غلوه ... بيعملوا شغل عالي ويخلوا جوزك يقول عليكي لهلوبة

المهم ... نحط العيش في الصينية بعد ما عملنا فيه الحركات اللي فوق دي .. ونسقية كبشتين تلاته شوربة سخنه ونسيبه يتشرب دقيقتن تلاته عشان يبقى طري ... وبعدين نغطيه بالرز الأبيض ... الرز الأبيض المفلفل يعني من غير شعرية ولا أي حاجه

وبعدين نجيب فصين تلاتة قولي أربعة توم مهروسين ونحمروهم في السمنة .. .. ونحط عليهم معلقتين قولي تلاته برضوا خل ... على شوية توابل .. على كبشتين تلاتة شوربة ...

انا بصراحة باحب الفتة عليها صلصة ... مش عارف ليه

وممكن نحط شوية صلصة مع المزيج ده .. ونسيبة يتسبك شوية على النار ...

وبعدين نقوم راشين الدنيا اللي فوق دي على الفتة .... ونقوم حطين الهبابير فوق الفتة عشان نعمل لها منظر كده ونعرف الناس إن عندنا لحمه وربنا ساترها معانا

وسلامتكم وتعيشوا

-----------

لكن من غير يمين

على اخر العيد هاجيب ميزان باسكول وأوزن كل واحد وكل واحده فيكم .. واي حد هايزيد فيمتو جرام واحد بعد الحاجات المتفجرة دي هايخد إنذار .. ومش بعيد نوصي عليه عادل بيه .. يوقف نموه لحد العيد الجاي.

ياعم انت هتخلى الستات تعايرنا اننا مبنعملش زيك انا ما بحبش المطبخ غير لما اكون فى سفر او لظروف طارقة ههههههههههه انا فتحت التوبيك وقفلت الباب على نفسى الولاد لو شافو اللي انت كاتبة هيفتكرو ان الموضوع ممكن اى راجل يبقى طباخ يابخت ام العيال بيك يار يس والحمد لله ان الواحد بيفتح المحاورات اخر الليل والعيال نايمة مكانوش اكلونا لا فتة ولا طواجن خضار اعمل انت فرنينة على الرجالة وخليهم يعملو عليك ثورة انت حر الايام دى الربيع العربى ممكن يتحول لربيع طبيخ انا بحذرك ثورة ثورة

[Mohamed shaheen]

الجلاش باللحمه المفرومه اساسا اكله مصري 100٪

وكمان ضيفي علي كوب اللبن والبيضة 1 م ص قرفه.

[نورالعين]

وعشان أخلص على أخر نفس موجود عند العطار .. وموعود - إنت هنا يابني في الرياض ولا نزلت البندر ولا إيه نظامك ؟-

احب اعرفكم إن كل من لدينا بخير .. ويهدونكم السلام .. وبيقولوا لكم إني بأبيت دلوقت على مرمة فتة باللحمة الضاني وخليها تخرب بقى لان أيام العُمر معدودة

وانزل يا عم بالمقادير قبل صلاة العيد وانفخ البلاليم يا نجاتي

مجادير . يا جلبي أنا ...

- عيش بلدي ... مش شرط يكون محمص لو مش متاح يعني لاننا مونكن نحمصه في البيت يدوياً

- شوربة ضاني طبعاً

- ثوم وخل وحاجات من دي

- رز أبيض

ندخل عالشغل على طول

- قولنا إيه .. الست الشاطرة لازم يكون عندها نفس في الاكل .. ومش عيب تتعلم من الرجالة الشاطرين - بُصوا لي كده واتاملوا - ... يعني من الاخر عاوزه تعمري في بيت جوزك وتعيشي وتاكلي وتشربي وتتستي .. يبقى لازم تتعلمي شوية حركات مطبخية .. وكل ده أسهل ما تتعلمي البالية المائي

يعني مثلاً .. في عمايل الفتة .. هاتخسري إيه لما تجيبي العيش البلدي وتحمصية في شوية سمنه .. مع فص توم ....لحد ما ينشف ..... طبعاً قليل من يفعلن ذلك . وأهو الراجل بياكل يا عم ومش بيستطعم وأقلب كله في الحلة والمعدة بتهضم الحجر

- كمان لو ورقتين نعناع حطتيهم مع الشوربة وادتيها غلوه ... بيعملوا شغل عالي ويخلوا جوزك يقول عليكي لهلوبة

المهم ... نحط العيش في الصينية بعد ما عملنا فيه الحركات اللي فوق دي .. ونسقية كبشتين تلاته شوربة سخنه ونسيبه يتشرب دقيقتن تلاته عشان يبقى طري ... وبعدين نغطيه بالرز الأبيض ... الرز الأبيض المفلفل يعني من غير شعرية ولا أي حاجه

وبعدين نجيب فصين تلاتة قولي أربعة توم مهروسين ونحمروهم في السمنة .. .. ونحط عليهم معلقتين قولي تلاته برضوا خل ... على شوية توابل .. على كبشتين تلاتة شوربة ...

انا بصراحة باحب الفتة عليها صلصة ... مش عارف ليه

وممكن نحط شوية صلصة مع المزيج ده .. ونسيبة يتسبك شوية على النار ...

وبعدين نقوم راشين الدنيا اللي فوق دي على الفتة .... ونقوم حطين الهبابير فوق الفتة عشان نعمل لها منظر كده ونعرف الناس إن عندنا لحمه وربنا ساترها معانا

وسلامتكم وتعيشوا

-----------

لكن من غير يمين

على اخر العيد هاجيب ميزان باسكول وأوزن كل واحد وكل واحده فيكم .. واي حد هايزيد فيمتو جرام واحد بعد الحاجات المتفجرة دي هايخد إنذار .. ومش بعيد نوصي عليه عادل بيه .. يوقف نموه لحد العيد الجاي.

أولا تسلم الأيادي

انا اعرف ان الرجال لما تهوى الطبخ بتكون اشطر من النساء

وبكل حقيقة انت موهوب فعلا

طريقتك في الفتة هي تماما طريقتي

تخيل حتى موضوع الصلصة

ولو ان الاصل ان يكون لها تسبيكة وحدها

بس انا فعلا بعملها كده استسهال وكنت فاكرة نفسي مفتكساها

اما الجلاش فحغش منك موضوع النصف والنصف البيض باللبن يعنى

لانى بخليه للاخر كله

بس الحقيقة شكل صينيتك طرية عن اللى بعملها ويمكن هو ده السبب

ولكن مسألة البهارات ان لا اعتقد فيها

ممكن شوية بهارات تغير طعم الاكلة كله

بكتفي بالبهارات التقليدية من غير افتكاسات

كل سنة وانت طيب والاسرة الكريمة