مسابقة لغوية

[sad_swing2000]

[

1 – دار السلام : الجنة .

2 – اهل الحكمة : مجانين .

3 – نومة الحمق : سـُـكر شديد .

4 – خائنة الأعين : إستراق النظر .

5 – رماح الجن : قوس قزح .

ربنا يستر ، فاضل إيه غير الصفر نبكي عليه

تم تعديل 29 ديسمبر 2004 بواسطة هشام عبد الوهاب

[homer]

1– دار السلام :الجنة

2 – اهل الحكمة : فلاسفة

3 – نومة الحمق : سـُـكر شديد .

4 – خائنة الأعين : إستراق النظر

5 – رماح الجن : صواعق

[SilverSwan]

انا كمان مش هعلق ع الاجابات و الامتحان اللي فات

انا طول عمري بابا بيقولي .. لما تجاوبي و حش ما تفكريش ف القديم .. خلاص اللي راح راح و ما تعيطيش .. ركزي ف الجديد

علشان تحلي احسن ..

انا بسمع الكلام و شاطره و مش بعيط و مركزه ف الجديد ..انما حكايه احل احسن دي .. ما اضمنهاش بصراحه ..

cr((:

يالا .. اهو يكفينا شرف المحاوله ع الاقل بدل شرف المراتب و الناموسيات ..

1 – دار السلام : الليل – صومعة الناسك – الجنة – بيت الله .

2 – اهل الحكمة : فلاسفة – أطباء – كبار السن – مجانين .

3 – نومة الحمق : النوم بعد الظهر – شرود الذهن – غيبوبة – سـُـكر شديد .

4 – خائنة الأعين : تجاهل – إستراق النظر - عمى – لثام .

دي الوحيده اللي اعرفها من القران .. " يعلم حائنة الاعين "

5 – رماح الجن : صواعق – نخيل – قوس قزح – طاعون .

و ربنا يستر gsm::

تم تعديل 26 نوفمبر 2004 بواسطة SilverSwan

[Lighthouse]

إخوتي الاعزاء أخواتي العزيزات حياكم الله

يعني اغيب كام ساعة الاقي الفصل مليان شغب وشكاوي وناقص تروحوا المنطقة التعليمية تفقعوني مهموز هنا f((:

الاسئلة ليست سهلة انا عارفة wst::

لاتنسوا القول المأثور لريا وسكينة " ماحدش بياكلها بالساهل " pps:

عايزين يعني اسئلة في مستوى الطالب المتوسط cr((:

خلاص دي مرحلة وعديناها واظن الاستاذ كفاية واجع قلبه معاكم شرح وكتب خارجية وملازم وخلافة

ذاكروا بقى وبلاش حركات وقعدة ليل نهار قدام التليفزيون ( ده حتى برامجه وحشة قوي :P )

ياللا ياشباب

إليكم حل اسئلة الامس لما نشوف بقى آخرة الحجج دي ايه :lol:

1 – دار السلام : الجنة . ويٌقال نهر السلام لدجلة .

2 - اهل الحكمة : فلاسفة .

3 – نومة الحمق : النوم بعد الظهر . أما نومة الخـُـرق : نومة الضحى لانها تدل على البلادة .

4 – خائنة الأعين : إستراق النظر . وهو مايسارق من النظر إلي مالايحل .

5 – رماح الجن : طاعون . ذو الرمحين هو عمرو بن المغيرة وسمي بذلك لطول ساقيه .

وحتى يتم التصحيح ورصد الدرجات نلتقي مع الاسلة الجديدة واحب افكركم ان الكيوي اللى طلبته لسه ماجاش

امال لو كنت طلبت افوكادو كان حصل ايه kis)-

أراكم بعد قليل gsm::

[فــيــروز]

4 من 10

عشان بس كفايا مايتعبش نفسه فى تصحيح ورقتى cr((:

وافضيحتاه .. gsm::

[Lighthouse]

إخوتي الأعزاء أخواتي العزيزات اسعد الله اوقاتكم بكل الخير kis)-

إليكم أسئلة اليوم وكل واحد يبص في ورقته

انتم حتى مش محترفين غش

1 – انف القوم : حقير – كلب – سيد القوم – شرف .

2 – شقائق النعمان : حدائق – شجر ظليل – ثمر – زهر .

3 – ذات شفة : ماء – كلمة – إمرأة – زهرة .

4 – الخط الشريف : حق – امر السلطان – نهر – حكم القضاء .

5 – الموت الاحمر : الموت قتلاً – نار – حر شديد – صقيع

مع أطيب التمنيات بحظ سعيد واستفادة دائمة :lol:

ومش عايزة حد يتنفس ويقول الاسئلة صعبة

مفهوووووووووووووم gsm::

كح كح كح كح

cr((: :P

[فــيــروز]

انف القوم : على اعتبار يعنى ان الواحد اما يبقى تنلك يقولوا عليه مناخيره فى السما .. كله بالسينس :P

شقائق النعمان : زهر cr((:

ذات شفه : زهره .. ماظنش انها المراه ما الرجل هو كمان عنده شفه .. ايه الحقد ده gsm::

الخط الشريف : حكم القضاء kis)-

الموت الاحمر : الموت قتلا s-:

ضاع الامل فى البطانيه النمر

[moslema salafeya]

4 من 10 

عشان بس كفايا مايتعبش نفسه فى تصحيح ورقتى 

وافضيحتاه .. 

أومال أنا أقول إيه يا فرفر (2/10) cbyb:

1 – انف القوم : سيد القوم

2 – شقائق النعمان : شجر ظليل

3 – ذات شفة : زهرة

4 – الخط الشريف : حكم القضاء

5 – الموت الاحمر : الموت قتلاً

قلتلكوا نلم ونجيب لميس لايت مصل الإنفلوانزا وكفاية يقول مسح جوخ arg::

[kfaya]

رماح الجن = طاعون ....!!!!!!!!!!!!!!!!!!!!!!!!!!!!!!!!!!!!!

ازاى .....

مش الطاعون ده المرض اللى بييجى من الفيران ؟؟؟؟؟؟؟؟؟ و الل قضى على حملة نابليون فى الشام ؟؟

و نومة الحمق تبقى اللى يأيل شوية بعد الظهر !!!!!؟؟؟؟؟؟

على كدا ده الواحد أحمق حمقان .... taz::

عايزين تشوفوا النمر النهاردة ؟؟؟؟

[Cleo]

4 – الخط الشريف : حكم القضاء

أعتقد لما يتقال عن مكتوب انه كتب "بخط شريف" يعنى كتبه السلطان العثمانى بنفسه و بيده..

[hamo90]

امال لو كنت طلبت افوكادو كان حصل ايه

في ايه ميس قلقتيني هو أنت عايز ترفعي قضية علي حد

أوعي تكوني عازة ترفعي علينا قضية أنا وكفاية عشان الدروس

-----------------------

الافتكاسات :-

– انف القوم : سيد القوم .

– شقائق النعمان : حدائق .

– ذات شفة : إمرأة .

– الخط الشريف : امر السلطان .( ربنا يستر يا كليو )

– الموت الاحمر : حر شديد .

وربنا يسهل

حمو

[kfaya]

نتيجة الأمتحان يا ولاد .....

النهاردة النتيجة لها دلالات كثيرة .....

مثلا مفيش حد جاب فول مارك ... و كمان محدش جاب صفر ..

عموما كله هيبان فى الأحصاءات

و الأن الى الدرجات :

أفيونه = 6/10 .... و ليا عندك اتنين من أول امبارح .. يبقى حسابك النهاردة 4/10

سى فا صول = 6/10 ... ايه حكاية ممكن دى ؟؟ معندناش فصال ... عايزة كام حصة الأسبوع ده ؟؟

أمير الأمراء = 2/10 .... عشان خاطرى ما تزعلش ... ينفعك بطانية رمادى من بتوع الجيش ؟؟

ست أمينة = 8/10 .... الأولى بس من غير مراتب و لا جمبرى .. هو انتى معرفة قديمة مع ميس لايت ولا حاجة !!!!؟؟؟

كفاية = 4/10 ...... زفت يا كفاية ...ميس لايت عايزة كام كيلو كيوى ؟؟؟

مسلمة = 6/10 .... خفى الزيارات شوية .... ميس لايت تعابنة و محتاجة تستريح

المفتكس = 6/10 .... والله هايل يا حامو ... هيوصلك طبق فتة شوربة عدس محصلش

فيروز = 4/10 ...... ميس لايت طلباته واضحة و محددة ... كيوى و افوكاتو ..

هومير = 6/10 ...... طبعا مش هو ده مستواك يا عسل .... بطل غياب و لعب

سيلفر = 6/10 ..... اسمعى كلام بابا و مستر كفايا و ماتعيطيش .... ركزى فى امتحان بعد بكرة ..

أفيونه ..... فين أحمد محسن يا أفيونه ...

[sad_swing2000]

بم إن كفاية نسي تصحيح ورقتي امبارح ، أحب أقول إني بلا فخر جبت 4/10

إجابات اليوم

1 – انف القوم : شرف .

2 – شقائق النعمان : ثمر .

3 – ذات شفة : زهرة .

4 – الخط الشريف : امر السلطان .

5 – الموت الاحمر : نار .

تحياتي

[amir]

أمير الأمراء = 2/10 .... عشان خاطرى ما تزعلش ... ينفعك بطانية رمادى من بتوع الجيش ؟؟

تانـــــــــــــــى ؟؟؟

مثلا مفيش حد جاب فول مارك ... و كمان محدش جاب صفر ..

واضح جدا انه لا فول مارك ولا فلافل مارك ... عوضنا على الله فى البطانيه ... الولاد حيناموا من غير غطاء النهارده !!

– انف القوم : سيد القوم .

2 – شقائق النعمان : زهر .

3 – ذات شفة : كلمة .

4 – الخط الشريف : امر السلطان .

5 – الموت الاحمر : حر شديد

[afiona]

1 – انف القوم : حقير – كلب – سيد القوم – شرف .

(هى ممكن تبقى برضه معناها حقير يعنى على اعتبار ان القوم بيانفوا منه وهنا بقى التشكيل يفرق :P :P - من غير علام يعنى -)

2 – شقائق النعمان : حدائق – شجر ظليل – ثمر – زهر .

3 – ذات شفة : ماء – كلمة – إمرأة – زهرة .

4 – الخط الشريف : حق – امر السلطان – نهر – حكم القضاء .

5 – الموت الاحمر : الموت قتلاً – نار – حر شديد – صقيع

أفيونه ..... فين أحمد محسن يا أفيونه ...

يا سلام ياخويا ... تقتل قتيل وتمشى فى جنازته ...

احمد بيه محسن (اسمه فخم قوى) ساب التعليم وبيشتغل قدام كلية هندسة دلوقت منادى ...

[homer]

1 – انف القوم :سيد القوم.

2 – شقائق النعمان : زهر .

3 – ذات شفة : كلمة مش متأكد أسمع دايما بنت شفة

4 – الخط الشريف : امر السلطان

5 – الموت الاحمر : حر شديد

[c'est la vie]

..طب مافيش ملازم او اى حاجة ناخد منها خلفيه يعنى :P الاجابه عميانى وبالسينس علي طول كده :P

1 – انف القوم==> سيد القوم .

2 – شقائق النعمان==> ثمر .

3 – ذات شفة ==> ماء (دى بئي بالسينس بس اوف هامور ).

4 – الخط الشريف ==> امر السلطان .

5 – الموت الاحمر ==> حر شديد.

طالما انا في المربع البرونزى(بعد النص بدرجه) مش هاخد دروس

بس الشر برة وبعيد لو قليت عن النص يعنى 4-3-2-..يبقي احتمال اطلع ترابيزة السفره :blink:

تم تعديل 27 نوفمبر 2004 بواسطة c'est la vie

[Ahmed Mohsen]

أنا آخد صفر !!!!!!!!!!

دي مهزلة تصحيحية !!!!!!!!!!!

أنا معترض وبشدة .........

وقال إيه ...... أستاذ كفاية بيسأل عليا ماجيتش ليه ؟؟؟؟؟؟؟

وبعدين أنا عايز افهم حاجة .......

هو الموضوع قلب هيروغليفي ليه ؟؟؟؟؟؟؟؟؟؟ مش كان عربي في الأول ؟؟؟؟؟

عالعموم ........

أنا هاجاوب المرة دي من غير دروس ......

ماهو ولا مستر كفاية نفع ولا ميس لايت أفادت ......

يبقي خلاص بقي .......

لا دروس بعد اليوم ........

والآن .........

أقدم لكم الحلقة الثانية من الإجابات النموذجية (للحصول علي الصفر المتين) ......

1 – انف القوم : حقير – كلب – سيد القوم – شرف .

2 – شقائق النعمان : حدائق – شجر ظليل – ثمر – زهر .

3 – ذات شفة : ماء – كلمة – إمرأة – زهرة .

4 – الخط الشريف : حق – امر السلطان – نهر – حكم القضاء .

5 – الموت الاحمر : الموت قتلاً – نار – حر شديد – صقيع

[kfaya]

1 – انف القوم : حقير – كلب – سيد القوم – شرف .

2 – شقائق النعمان : حدائق – شجر ظليل – ثمر – زهر .

3 – ذات شفة : ماء – كلمة – إمرأة – زهرة .

4 – الخط الشريف : حق – امر السلطان – نهر – حكم القضاء .

5 – الموت الاحمر : الموت قتلاً – نار – حر شديد – صقيع

هو الموت الأحمر ده غير الجراد الأحمر ؟؟!!

[Lighthouse]

إخوتي الاعزاء أخواتي العزيزات أسعد الله اوقاتكم بكل الخير :P

ارجو ان اشفى بسرعة من نزلة البرد التي سببت في هذه النتيجة ;)

أنا شايفة كمية التذمر زادت والشكاوى كترت من صعوبة الاسئلة

ايه ياشباب المستقبل من اولها كده :P

عموما الايام جاية كتير وتتعوض وتاخدوا كلكم مراتب وناموسيات وبطاطين وشرابات كمان :)

وإليكم اجابات اسئلة الامس :P

1 – انف القوم : سيد القوم . وهناك تعبير " جعل انفه في قفاه " أي اعرض عن الحق واقبل على الباطل .

2 – شقائق النعمان : زهرة برية وسميت بذلك نسبة إلي النعمان بن المنذر .

3 – ذات شفة : كلمة .

4 – الخط الشريف : أمر السلطان أو مايخطه بيده .

5 – الموت الاحمر : الموت قتلاً . أما الموت الابيض هو الموت فجأة .

وحتى يتم التصحيح وتوزيع البطاطين والألحفة والمخدات والشربات نلتقي مع اسئلة جديدة :P

md2: :D :D