وِلعت .... التحالف الديمقراطي الذي يضم 43 حزباً ومن ضمنهم الأخوان قرروا مقاطعة الإنتخابات

[se_ Elsyed]

أنا عاوز أكتر من كده

عاوز نوقف المجلس العسكري عند حده

إصدار تعديل دستوري يوم 25 سبتمبر والشعب كله لا يدري ... أظن مش كلنا بنقرا الجريدة الرسمية ولا نعرف هي بتتباع فين

إصدار قانون تقسيم الدوائر الإنتخابية مرتين وكل مره أقذر من الاول وكأنهم بيرتبوا الموضوع لناس تانية في بالهم هما !!!!!!!!!!

التعتيم التام على أي نية أو خطة زمنية لتسليم السلطة لرئيس منتخب

ملاحظين إن كل قرارتهم تتم في الغرف المغلقة والمفروض إجنا نقبل بهذا غصب عن اللي جابونا وما تناقشش الامر يا عسكري

أنا نفسي القوى دي كلها تضع وللمرة المليون مطالب الشعب ضمن مطالب بل هي أوامر واضحة وتسلمها للمجلس العسكري لأنها مطالب الشعب كله

"التحالف الديمقراطى" يعلن مقاطعة الانتخابات البرلمانية

الأربعاء، 28 سبتمبر 2011 - 23:00

كتب محمد إسماعيل

أعلن التحالف الديمقراطي من أجل مصر والذي يضم 43 حزبا سياسيا مقاطعة الانتخابات البرلمانية القادمة، اعتراضا علي إجراء الانتخابات بنظام الثلث والثلثين، وحسبما جاء بالبيان الذي تلاه الدكتور محمد سعد الكتاتني الأمين العام لحزب الحرية والعدالة أن التحالف الديمقراطي قرر عدم المشاركة فى الانتخابات.

المصدر : الرباط الخاص بي

[eslam elmasre]

ماحنا بح صوتنا من الاول ان الدستور اولا بدال المراوغة والرهان على طول الزمن وطولة العمر تبلغ الامل والناس هاتزهق وهاتريح

كسبنا ايه من ساعة لما الناس قالت نعم

لا شوفنا دستور ولا مجلس شعب ولا رئيس ولا هانشوف خير

كان زمانا عاملين دستور دلوقتي وداخلين رسمي علي انتخابات مجلس الشعب بكل سلاسة

يا ريت كل اللي وافق علي التعديلات يعلن خطاه وينضم للقوى السياسية وياريت بلاش تخوين واجندات وبتنجان

[Ahmed Anwer]

المطالب بسيطة علي فكرة و موضوع المقاطعة ضغط علي المجلس للإستجابة لطلبين بسيطين

* نسبة الثلث فردي تكون متاحة للحزبيين و المستقلين و السماح بإنضمام المستقلين للأحزاب بعد نجاحهم

(( التعديل الأخير كان بلا داعي عامل نسبة الثلث للفردي للمستقلين فقط ، نظام

النسبة دي للفلول فقط أو مش عاوزين حزب أو حزبين يعملونا فيها قعر فله ))

* المطلب الثاني تفعيل قانون الغدر و منع أعضاء الوطني من الترشح

- المطلب الأول تقريبا هيتنفذ حسب بعض الأخبار

- المطلب الثاني اللي مفيش أي أخبار عنه

و عموما بكره هيروح وفد منهم للمجلس العسكري يقدم المطالب و هيقرروا التصعيد يوم الأحد القادم حسب رد فعل المجلس نقلا عن مصطفي النجار من حزب العدل و عن صفحة حزب الحرية و العدالة

-------------------------------------------------------------------------------

علي الهامش بقه

فيه بند في قانون الإنتخابات ده أنا مش فاهمة إطلاقا ،،

المادة الخامسة عشر "مكررا":

إذا أسفر توزيع المقاعد بناء على نتيجة الاقتراع، عن عدم استكمال نسبة العمال والفلاحين فى أى دائرة من دوائر القوائم، تستكمل النسبة من القائمة الحاصل أعضاؤها المنتخبون على أقل معامل انتخابى بالدائرة وبالترتيب الوارد فى تلك القائمة.

هههههه ده بجد !!! و لا أنا اللي فاهم غلط

يسيبوا الفائزين و يأخدوا من أقل قائمة خدت أصوات !!!!

[Alattar]

ماحنا بح صوتنا من الاول ان الدستور اولا بدال المراوغة والرهان على طول الزمن وطولة العمر تبلغ الامل والناس هاتزهق وهاتريح

كسبنا ايه من ساعة لما الناس قالت نعم

لا شوفنا دستور ولا مجلس شعب ولا رئيس ولا هانشوف خير

كان زمانا عاملين دستور دلوقتي وداخلين رسمي علي انتخابات مجلس الشعب بكل سلاسة يا ريت كل اللي وافق علي التعديلات يعلن خطاه وينضم للقوى السياسية وياريت بلاش تخوين واجندات وبتنجان

ياعم اسلام الموضوع ما طلعش انتخابات أولا ولا دستور أولا..الموضوع طلع ان فيه مخططات المجلس عاوز ينفذها..

انت فاكر يعني لو كانت الأغلبية قالت لأ للتعديلات الدستورية كان الدستور اتعمل دلوقتي؟..ما أعتقدش..ده كان المجلس هيقعد علي قلبنا رسمي..وكان هيماطل برضه لحد ما نلاقي نفسنا دخلنا في سنة 2012 من غير لا دستور ولا أي رؤية لكيفية ما ستكون عليه انتخابات البرلمان و الرئاسة

[se_ Elsyed]

في رأيي الشخصي إن الموضوع الاخطر في الإنتخابات الجملي دي هي الإهتمام بخيال المآته اللي إسمه مجلس الشورى وتأخير تكوينه إلى شهر يناير .. وبالتالي أول جلسه مجتمعه لمجلس الشعب هاتبقى في مارس .... في حين إن مالوش أي تلاتين لازمه واتحدى إن حد يطلع يقول إن البتاع ده له لازمه في الدنيا وخصوصاً في المرحلة دي ..

في حين إيه بقى ؟

في حين إننا سايبين المجالس المحلية اللي دورها خطير جداً في المجتمع وولا حد بيتكلم عنها ...

وكان من الأولى إن يبقى عندنا مجلس شعب فقط ... وبعده بفترة بسيطة نعمل إنتخابات مجالس محلية عشان البلد خربانا من جوه وفيها كلاب ميته عاوزه تتصلح