أبناء رئيس حزب الحرية والعدالة يسبون و يصفعون ضابط

[م تيمور المراغي]

زميلي من مجموعة الشرقية سألته بيقول لي انه يعرف ولاده معرفة شخصية

على فكرة أنا اعرف ولاده لأنهم عندنا من الشرقية وشكلهم مش اخوان خالص .. مسقطين البنطلونات وبحظاظات وشعر طويل وحاجة اااااااخر هايبرة

ما دام كده يبقى بيييس يا مان وربنا يفك حبسهم على خير :happy:

[raouf]

انا بصراحة ماكنتش عايز ارد بس فيه ردود كثير استفزتنى

- انا اعرف الدكتور محمد مرسى معرفة شخصية وكان كدتورى فى الجامعة

الراجل ده زى السيف لا يخشى فى الحق لومة لائم زى ما بيقولوا

والدكتور الوحيد اللى كان بيعلم الورق والامتحانات بالحرف

والوحيد اللى كان بيعطى ابناء الدكاترة التقديرات اللى بيسحقوها حتى ان معظم ابناء الدكاترة كانو بيهربوا من القسم اللى هو فيه لان عارفين ان مش هاياخد اى واسطة ولا استثناء لان ابوه دكتور او صديق الدكتور محمد

انا متذكر انه اعتذر لطالب لانه اتنرفز عليه ورغم ان عنده حق

وحقيقة هو اكثر دكتور احتراما وعدلا فى كلية الهندسة جامعة الزقازيق

بصراحة عمرى ما اصدق ان حد من اولاده يعمل كده لانى اسمع انهم اوائل ومتفوقين علميا وادبيا

انا اتخانقت كثير جدا فى مصر مع ناس ما اعرفهاش لانى سمعتهم بيسلوا الد\ين وانا ماشى فى الشارع فواجبى كمسلم انى انصحه وانهره عن فعلته

انا اميل لتصديق الرواية الثانية ان الظابط سب الدين فى الملاسنة وده نرفزهم مثلا واضطروا للرد ولا اعتقد انها غريبة على ظباط الشرطة اللى كانوا بيجبروا الناس على السجود لفير الله وهتك عرض النساء والرجال

وبعدين حتى لو مكانت الرواية الاولى صحيحة خلوا القانون ياخد مجراه وده امر جيد يثبت ان مفيش حد فوق القانون وده راى الدكتور نفسه

[Om Zayd]

السلام عليكم و رحمة الله و بركاته

أكيد المفروض نستنى الامور تتضح .. و اكيد كلنا مع ان اللي له حق ياخده بالقانون

بس لفتت انتباهي الجملة دي

الجد بيقول ان اللي ما عرفش يربي اولاده غير امين ولا يصلح ان يظل في منصبه

على ما أذكر دي كانت اهم نقطة اتكلم فيها منتقدو الدكتور البرادعي

لما اتنشرت صور بنته

[م تيمور المراغي]

السلام عليكم و رحمة الله و بركاته

أكيد المفروض نستنى الامور تتضح .. و اكيد كلنا مع ان اللي له حق ياخده بالقانون

بس لفتت انتباهي الجملة دي

الجد بيقول ان اللي ما عرفش يربي اولاده غير امين ولا يصلح ان يظل في منصبه

على ما أذكر دي كانت اهم نقطة اتكلم فيها منتقدو الدكتور البرادعي

لما اتنشرت صور بنته

كنت منتظر الرد ده على فكره بس ماتوقعتش يطلع من سيده هيا اقدر من الرجل على مراعاة الاعراض بس يا خساره

المهم

الرد هو ان الصورة كانت متاخده في بيتها مع جوزها وولادها وتسربت بطريق ما

ومافيش وجه للمقارنه

بس ده يدلك الى اي مدى ممكن التيار ده يوصل في الخصومة

سواء رجاله او سيدات

[م تيمور المراغي]

لا واحلى حاجه فيهم يبتدوا بالسلام عليكم ورحمة الله وبركاته

بعدين طراااخ خوض في الاعراض اللي نهانا عنها الاسلام !

بعدين يمشوا !

للاسف قشور قشور لكن مضمون مافيش

[MohamedAli]

تلقي ضابط شرطة، علقة ساخنة من نجلي رئيس حزب "الحرية والعدالة" الدكتور محمد مرسي بعد أن قام الضابط بسب الدين لهما بإحدى إشارات المرور بمدينة الزقازيق.

طالما سب الدين

يبقى بصراحة برافوا عليهم شباب رجالة والدكتور محمد مرسي عرف يربي

بالنسبة للاخوة اللي بيتكلموا على صور بنت البرادعي الفاضحة فهي كانت على شاطئ عام مفتوح لكل الناس

ولا اعرف لماذا محاولات التغطية على الامر فان تقف المرأه عارية على الشاطئ هذا حق ليبرالي اصيل باعتراف الاعضاء الليبرالين هنا في المنتدى

تم تعديل 17 سبتمبر 2011 بواسطة MohamedAli

[Om Zayd]

مفيييييييييييييييييييييش فايدة في سوء الظن

و لو ركزت هتلاقي اني لم اخض في الاعراض

و حتى مقلتش ابدا اني بنتقد الدكتور لهذا السبب

انا فقط تعجبت ان يصدر هذا القول من شخص كان يعترض على انتقاد شخصية عامة لحياتها و حياة اسرتها الشخصية و يدعوا ان تكون الكفاءة فقط هي المعيار

تم تعديل 17 سبتمبر 2011 بواسطة Om Zayd

[نوران]

السلام عليكم و رحمة الله و بركاته

أكيد المفروض نستنى الامور تتضح .. و اكيد كلنا مع ان اللي له حق ياخده بالقانون

بس لفتت انتباهي الجملة دي

الجد بيقول ان اللي ما عرفش يربي اولاده غير امين ولا يصلح ان يظل في منصبه

على ما أذكر دي كانت اهم نقطة اتكلم فيها منتقدو الدكتور البرادعي

لما اتنشرت صور بنته

كنت منتظر الرد ده على فكره بس ماتوقعتش يطلع من سيده هيا اقدر من الرجل على مراعاة الاعراض بس يا خساره

المهم

الرد هو ان الصورة كانت متاخده في بيتها مع جوزها وولادها وتسربت بطريق ما

ومافيش وجه للمقارنه

بس ده يدلك الى اي مدى ممكن التيار ده يوصل في الخصومة

سواء رجاله او سيدات

جزئيه واحده هرد عليها

بعض الصور كانت في شاطئ عام

وكان فيه ناس غير زوجها

[mekkawy]

طبعاً و كالعادة و لبانة في البوق و صيدة و ما هنصدق .. يا إخواننا أنا من الزقازيق و أعرف الدكتور محمد مرسي كويس و إن كنت مش من الاخوان بس ليا معارفي و صلاتي و اعرف ابنه الدكتور احمد من بعيد لكن معرفتي بيهم انهم ناس في قمة الادب و الاخلاق و الذوق و الترفع عن النقائص .. لما كان الدكتور محمد مرسي معتقل و رحنا نسلم عليه يوم ما خرج و ابنه اعتذرلنا بكل أدب و حياء إن والده تعبان .. الولد ده ميعملش كدة .. و الأب اللي يعفو عن حقه في ظلم اللي اعتقلوه مش هيربي ولاده على انهم يبلطجوا في الشوارع .. ولاد الاخوان مش بلطجية و ولاد الدكتور محمد مرسي بالذات مش بلطجية .. بجد عيب و اللي ما يعرفش يقول عدس صح.

مكاوى

[mekkawy]

و كمان نربأ بأخونا سمبا عن العنوان المهيج ده و اللي بيثبت واقعة الله اعلم بيها .. فيا ريت اخونا سيمبا يطلب تغيير اسم الموضوع و ما نعملش في المنتدى زي الجرايد الصفرا اللي بتهيج و يوم ما الأولاد يطلعوا ليهم حق مش هنشوف ولا كلمة حق و هيفضل الموضوع وصمة عار للي ما يعرفش و اللي مش هيقرأ الموضوع .. أقترح و أطلب مترجياً تغيير اسم الموضوع لحين ثبوت الواقعة و ليكن مثلاً .. خلاف بين ......... او اتهام ............... و هكذا

شكراً

[eslam elmasre]

انا لو واحد سب لي الدين مش هايكفيني فيه هو وعيلته لكن لو واحد داخل علي الظابط يقول له انت مش عارف انا ابن مين يقوم الضابط رادد عليه ابن مين يعني وكلمة من هنا وكلمة من هناك

طبعا الحوار بان الضابط استوقفهم وسب لهم الدين من الباب للطاء ده كلام ما يخلش علي ناس لها عقل

لكن الحوار احتد بينهم ووصلت الامور ان الضابط يسب لهم الدين مش هايخرج من ان العيال دي استفزته وقالت له ما يستحق استفزازه

عموما الموضوع مع النيابة والاب بيخلص الموضوع بيفكرني بالنظام السابق وهما بيخلصوا مصايب اولادهم مع خلق الله

يا ترى الحكاية دي بالوراثة علي اعتبار ان الاخوان شايفين نفسهم حلو محل الحزب الوطني

يا ريتهم حلو مكان واحد عدل وعموما ما حدش يفكر يتفتون علي عباد الله بعد الثورة تحت اي اسم لان الفتونة علي عباد الله لا مكان لها بيننا الان ويا ريت الدكتور يترك الامور للقضاء بدال ما عمال يصالح في الظابط اللي جاب له كذا شاهد ولو واثق من موقف اولاده ما كنتش شغال محاولات الصلح وسايق علي الظابط طوب الارض

[capitshino]

الجد بيقول ان اللي ما عرفش يربي اولاده غير امين ولا يصلح ان يظل في منصبه

و عندي تأصيل لها في التاريخ

طيب وايه رائيك فى قصة سيدنا نوح مع ابنه ؟

قال تعالى

وَهِيَ تَجْرِي بِهِمْ فِي مَوْجٍ كَالْجِبَالِ وَنَادَى نُوحٌ ابْنَهُ وَكَانَ فِي مَعْزِلٍ يَا بُنَيَّ ارْكَب مَّعَنَا وَلاَ تَكُن مَّعَ الْكَافِرِينَ

قَالَ سَآوِي إِلَى جَبَلٍ يَعْصِمُنِي مِنَ الْمَاء قَالَ لاَ عَاصِمَ الْيَوْمَ مِنْ أَمْرِ اللَّهِ إِلاَّ مَن رَّحِمَ وَحَالَ بَيْنَهُمَا الْمَوْجُ فَكَانَ مِنَ الْمُغْرَقِينَ

وَقِيلَ يَا أَرْضُ ابْلَعِي مَاءَكِ وَيَا سَمَاء أَقْلِعِي وَغِيضَ الْمَاء وَقُضِيَ الأَمْرُ وَاسْتَوَتْ عَلَى الْجُودِيِّ وَقِيلَ بُعْدًا لِّلْقَوْمِ الظَّالِمِينَ

وَنَادَى نُوحٌ رَّبَّهُ فَقَالَ رَبِّ إِنَّ ابْنِي مِنْ أَهْلِي وَإِنَّ وَعْدَكَ الْحَقُّ وَأَنتَ أَحْكَمُ الْحَاكِمِينَ

قَالَ يَا نُوحُ إِنَّهُ لَيْسَ مِنْ أَهْلِكَ إِنَّهُ عَمَلٌ غَيْرُ صَالِحٍ فَلاَ تَسْأَلْنِ مَا لَيْسَ لَكَ بِهِ عِلْمٌ إِنِّي أَعِظُكَ أَن تَكُونَ مِنَ الْجَاهِلِينَ

[Om Zayd]

ممكن -بعد إذن سيمبا صاحب الموضوع- نعلق على نقطة مهمة

هل تحكم على الشخص الذي دخل العمل السياسي او ترشح لمنصب قيادي من تصرفات أسرته؟

او بالاحرى .. هل تؤثر تصرفاتهم في اختيارك له؟

تم تعديل 17 سبتمبر 2011 بواسطة Om Zayd

[وطني حر]

اعتقد تحت اي مبرر حتى لو اعتدى الضابط عاى المواطن بالضرب لا يجوز للمواطن ان يمد يده علي جندي .. هذا هو رمز الامن .

لو غلط الضابط ممكن ترفع عليه قضيه امام عمله او امام النيابه او .............الخ

يجب احترام رجل الامن .. والموظف العام الحكومي , حتي لو اخطأ .؟

[abobakr]

بجد انا سعيد جداا من النقطتين الحمرا

طبعا انا ممكن اردهم بكل سهولة لكن انا مش عندي طبع الارهاب الفكري ده

بحب اترفع عن الحاجات دي

ده بيقنعني اكتر ان اسلوب حوار الاخوان و افرادهم او مشجعيهم اما تكون معي او سيتم ارهابك

اما الظابط كان عداهم وقالهم يا باشا ويا افندم او يضربوه ويقولوا سب الدين

وعلى راي استاذ اسلام مفيش ظابط هايوقف واحد وبعدين بدل ما يقوله رخصك يقوله تصدق انت تيييييت

والله اعلم اذا كان سب الدين ولا لا

ومرة تانية شكرا على النقط الحمرا واعتبرهم وسام على صدري

وياريت نقطة حمرا كمان وروحوا قولوا للادارة اني سبيت الدين

[Diab]

طب مادام الهزار مش عاجبكوا

نيجي للجد

الجد بيقول ان اللي ما عرفش يربي اولاده غير امين ولا يصلح ان يظل في منصبه

و عندي تأصيل لها في التاريخ

عندما امر عمر بن الخطاب القبطي ان يدير العصا على صلعة عمرو بن العاص لانه انما ظلمه بسلطان ابيه

هذا حكم عمر بن الخطاب على موقف شديد الشبه بالحادثه اللي فوق

وفي اي دولة متقدمه حادثة زي دي تسقط صاحبها في الانتخابات لا محاله

البنلتي جه لحد رجلي وانا قلت اعديه

بس مادامت الحنبله هي قواعد اللعبه

يبقى حنبله بحنبله

ونبتدي نشتغل الليله على الموضوع ده

والله الموفق والمستعان ,,

بالمناسبة القصة ليس لها سند عند أهل العلم بمعني انها ذات سند منقطع لا تصح

http://khaledabdelalim.com/home/play-2008.html

[وطني حر]

ممكن -بعد إذن سيمبا صاحب الموضوع- نعلق على نقطة مهمة

هل تحكم على الشخص الذي دخل العمل السياسي او ترشح لمنصب قيادي من تصرفات أسرته؟

او بالاحرى .. هل تؤثر تصرفاتهم في اختيارك له؟

اختي الفاضله ام زيد تصرفات اي فرد منا تجاه تجاوزات افراد اسرته السلبيه تؤثر عليه بالايجاب او بالسلب

فهذا يعتمد على رده الفعل لديه تجاه تلك الاخطاء ؟؟؟ فلو ساندهم في اخطائهم فلا حول ولا قوه الا بالله

ولكن ان وقف مع الحق والعدل ( على افتراض ان ابنه هو المخطئ ) فهي نقطه تسجل لصالحه . فكثيرا ما نشيد بمواقف رجال من حولنا مثل مواقف بعض الجيران حين تحدث مشاجره بين في الحاره .... رفضو تجاوزات ابنائهم فمنهم من ضرب ابنه ومنهم من عمل الواجب واعلن عدم رضاءه عن ما فعله ابناءه الخ وقام بتسليمهم للشرطه الخ

ويكفي من الشخص العاقل ان ينصفك من نفسه ومن اولاده

تم تعديل 17 سبتمبر 2011 بواسطة وطني حر

[Simba]

و كمان نربأ بأخونا سمبا عن العنوان المهيج ده و اللي بيثبت واقعة الله اعلم بيها .. فيا ريت اخونا سيمبا يطلب تغيير اسم الموضوع و ما نعملش في المنتدى زي الجرايد الصفرا اللي بتهيج و يوم ما الأولاد يطلعوا ليهم حق مش هنشوف ولا كلمة حق و هيفضل الموضوع وصمة عار للي ما يعرفش و اللي مش هيقرأ الموضوع .. أقترح و أطلب مترجياً تغيير اسم الموضوع لحين ثبوت الواقعة و ليكن مثلاً .. خلاف بين ......... او اتهام ............... و هكذا

شكراً

اتمني ان اي حد من االافاضل المشرفين يقوم بتغيير العنوان بما يتناسب مع الحدث

[eslam elmasre]

و كمان نربأ بأخونا سمبا عن العنوان المهيج ده و اللي بيثبت واقعة الله اعلم بيها .. فيا ريت اخونا سيمبا يطلب تغيير اسم الموضوع و ما نعملش في المنتدى زي الجرايد الصفرا اللي بتهيج و يوم ما الأولاد يطلعوا ليهم حق مش هنشوف ولا كلمة حق و هيفضل الموضوع وصمة عار للي ما يعرفش و اللي مش هيقرأ الموضوع .. أقترح و أطلب مترجياً تغيير اسم الموضوع لحين ثبوت الواقعة و ليكن مثلاً .. خلاف بين ......... او اتهام ............... و هكذا

شكراً

اتمني ان اي حد من االافاضل المشرفين يقوم بتغيير العنوان بما يتناسب مع الحدث

وتغير العنوان ليه يا سيمبا

مش هي دي الحقيقة

مش ولاد رئيس حزب العدالة هما اللي ضربوا الضابط

مش الموضوع يتكلم عن هذه الحادثة

يبقى مافيش احسن من العنون ده

تحياتي

[عماد حمدي]

و كمان نربأ بأخونا سمبا عن العنوان المهيج ده و اللي بيثبت واقعة الله اعلم بيها .. فيا ريت اخونا سيمبا يطلب تغيير اسم الموضوع و ما نعملش في المنتدى زي الجرايد الصفرا اللي بتهيج و يوم ما الأولاد يطلعوا ليهم حق مش هنشوف ولا كلمة حق و هيفضل الموضوع وصمة عار للي ما يعرفش و اللي مش هيقرأ الموضوع .. أقترح و أطلب مترجياً تغيير اسم الموضوع لحين ثبوت الواقعة و ليكن مثلاً .. خلاف بين ......... او اتهام ............... و هكذا

شكراً

اتمني ان اي حد من االافاضل المشرفين يقوم بتغيير العنوان بما يتناسب مع الحدث

وتغير العنوان ليه يا سيمبا

مش هي دي الحقيقة

مش ولاد رئيس حزب العدالة هما اللي ضربوا الضابط

مش الموضوع يتكلم عن هذه الحادثة

يبقى مافيش احسن من العنون ده

تحياتي

يا سبحان الله يا عليك يا أخي بجد ..

ليه عايزها حضرتك تولع .. العنوان كدا مجرد أي حد يقراه بس خلاص يبقي حاجة أكيدة و فعلاً ضربوه ..

و مش كل من هيقرا العنوان هيقرا تفاصيلة علشان يعرف ابعاد اللي حصل ..

و يبقي زينا زي الصحف النص كوم . و المحاورات مش كدة بما اني مشترك هنا من 2006

كمان ليه ميكتبش عنوان الموضوع :

بعد ثورة 25 يناير : ضابط شرطة يسب الدين علناً في وجه أبناء رئيس حزب الحرية والعدالة و كان الرد قلماً ساخناً ع وجهه !

تكتبه كامل بقا علشان نكون وسطيين و مش متحيزين ..

برده لسة الموضوع مجهول و معرفناش لسة الرواية الصحيحة ..

يبقي المتهم بريء حتي تثبت إدانته . صح و لا اية ؟

احنا دلوقتي قاعدين نحلل الروايتين لو الخبر صح أو خطأ .. لكننا لا ندين أحد حتى الأن !

الله يباركلك يا أستاذ أسلام احنا في مرحلة ربنا العالم بيها عايزين نتوحد مش نقف لبعض ع الغلطة

اهو حادث زي دا هيعدي عدد صفحاته 500 صفحة و سيبنا البلد

و عايزين مصر تتغير !