الليفنج رووم

[م تيمور المراغي]

مبحبش اقعد مع لماضه في ليفينج واحد

..

بتكسف !

[م تيمور المراغي]

@ ريهام

@ الساري

عندي فكرة فيلم جديد اتوقع انه حيعجبكم

حبكون عن مرشحي الرئاسه كلهم بطريقه كوميديه

وليكوا عليا اخللي كل مصر تتفرج عليه

ان شاء الله

باسلوبكم المبدع الخفيف الساحه فعلا حتكون ملككم لوحدكم

يارب توافقوا !

[رضوي]

ايه كمية الحلويات دي ياجماعة ؟؟؟

لو بينك روز جت دلوقتي هتزعل اوي وتقول شوية نظام وبلاش نرمي الورق في الارض

توينكز وهوهوز دلوقتي ب 50 قرش ........ أما بقي لو حد لسة فاكر جيرسي وماندولين .......... وجيلي كولا وشيكوبون

يااااااااه فكرتوني بجو المدرسة

بس الناس اللي ماسافرتش السنة دي واخدت اجازة مشغولة ونفسها تطلع رحلة وتاخد يومين اجازة

( ايون أجازة العيد كانت نوم بس ماخرجتش برة البيت )

ياتري كل واحد فينا بيقضي اجازته ازاي ؟؟؟ بيسافر لمدينة ساحلية ولا بيقضيها في البيت ؟؟

طيب مين بيسافر مع اصحابه ومين بيسافر مع عيلته ؟

وايه افضل مدينة بتحبوا تقضوا فيها كام يوم اجازة ( جوة مصر )

وبتقضوا الايام ازاي ؟؟ سهر طول الليل ونوم بالنهار ؟؟ ولا مافيش نوم خالص علشان مانضيعش ولاثانية من الرحلة

طيب تجهيزات قبل السفر بيبقى ليها مذاق خاص وبتعملوا ايه ؟

أنا سافرت تقريباً كل المدن اسكندرية ومرسى مطروح ورأس سدر والعريش والغردقة والسخنة وراس البر وجمصة

والسنة دي ان شاء الله هخطف يومين كدة في مدينة بحبها اوي جدا خالص

ها بتعملوا ايه بقي في جو الرحلات والمصايف ؟؟

للاسف فى ناس كتير فاهمة ان الاجازة تقضيها فى البيت وبكده تكون ارتاحت

بالعكس بقى الخروج بيجدد النشاط وبيغير روتين ممل اعتاده يرجع الشغل زهقان ولايشعر باى فرق

ولا كأن اخد اجازة

عن نفسى مش باشتغل لكن باحب اخرج واتفسح واغير جو فباخرج انا واولادى لو زوجى مش فاضى

بنروح كل مكان

وفى اجازة الصيف لازم طبعا المصيف بيكون هو محتاجه اكتر مننا لانه وقته كله لشغله وخاصة

الفترة الاخيرة اصبح قليل الخروج من البيت الا للضرورة والعمل فتغيير الجو شئ مطلوب

ترتيبات المصيف متعبة تجهزى شنط وتصحى ليلتين مش بتنامى ولما توصلى الاولاد يصروا انهم ينزلوا

كل يوم البحر طول اليوم وبالليل ركوب عجل او تمشية على البحر وخاصة ان مطروح مبتنمش بالليل

يعنى لازم تكونى مخزنة نوم سنتين او ترجعى تنامى سنتين لان كل حاجة عليكى

وبرضه رغم الارهاق الجسدى وقلة النوم الا ان التجديد والراحة النفسية بتغطى على اى تعب

ومتعة الاجازة لايضاهيها متعة

اخيرا زوجى اقترح اننا نخرج وحدنا ايام اجازته زى زمان دون الاولاد ولو مرتين شهريا من غير دوشتهم

واعتقد ان ده شئ مفيد لكلانا وقدوة حسنة ولادنا تتعلمها

على جنب بقى

شكلك جاية اسكندرية لو كده حابة اشوفك واقابلك

مدام هند حبيبتي وحشاني

ايون ايون جو الاجازات والمصايف والرحلات توووحفة طبعاً ........ وماتنفعش اجازة في البيت اصلا ( مع اني بحتاجها كل فترة بعد ارهاق الشغل خاصة بعد استلامي لمسئولياتي الجديدة مرهقة جدا بصراحة )

بس ايه بقي ؟؟؟؟؟؟؟ انا كبيري اني اجهز شنطتي بسسسسسسسس ........ وممكن يعني تطوعاً اعمل سندوتشات ...... او اشتري الحلويات ........ لكن اسهر ليه واجهز لمين يعني ....... انا اللي بيجهزولي ......... لأ بصراحة انا بعتمد علي نفسي وبعمل كل حاجة لنفسي ......

مرة طلعنا الغردقة وماما ماقدرتش تيجي معانا .......... بابا بقي واخد علي الدلع وحد يكويلي حد يجهز مش عارف ايه والكلام العجيب دة .......... بس علي ميييييييييين .......... ؟؟؟؟؟؟ احنا مابنحبش نضيع فنتو ثانية من وقتنا في مكوى وتجهيز غدا وتنضيف هدوم ؟؟؟ ايه الكلام دة ؟؟؟

بس خلاص بقي دلوقتي مابنطلعش اي رحلة الا لما نتأكد من الخدمة

علي جنب بقي

حبيبتي كان نفسي جدا جدا جدا اجي اسكندرية حبيبتي الغالية ......... بس للاسف الشديد مش هقدر السنة دي

المكان اللي بحبة شرم الشيخ ........ يادوب اخطف كام يوم هناك اعمل ريفرش لطاقتي وارجع تاني

بس لو عرفت ان شاء الله اسافر اسكنرية في الشتا اكي بإذن الله ربنا يكتبلنا ونتقابل

[pink rose]

انا متضايقة و مخنوقة من نفسي اوي

حاسة اني ام شريرة جدا

يوم الاربع اللي فات المدرسة بعتت مع مريم ورق عشان التطعيمات بتاعت سنة اولى

و ما قالولهمش الورق دا فيه ايه كل اللي قالوه ماما او بابا بيوقعوا على الورق دا

جت اديتهولي بكل براءة و مامي الورق دا لازم يتوقع ما تنسيش

و انا الام الشريرة كمان خبيت عليها الورق فيه ايه

و ما فهمتهاش ان في تطعيم النهاردة

و راحت المدرسة على عماها

كل اللي قولتهولها لو سمحتي يا مريم اسمعي كلام التيتشر في اللي هاتقولهولك النهاردة و اكدت عليها دا

اول مرة اعمل معاها كده

اول مرة ما افهمهاش حاجه

عملية اللوز انا شرحتها ليها قبل ما تعملها

بحب دايما اخليها في الصورة عشان تبقى فاهمة و مستعدة

النهاردة ليه ما عملتش كده

خوفت ما ترضاش تروح المدرسة و تقد تعيط لانها بتخاف من الحقن

انا بجد متضايقة اوي من نفسي

انا شريرة جداا و مش مسامحة نفسي ابدا

هاين عليا انزل اروحلها المدرسة و ابقى معاها و هما بيطعموها

[Dreamwithme]

هوني علي نفسك يابينكي

بصي نصيحة مخلصة أي حاجة حصلت فعلا حتي لو أنتي اللي غلطانة ما تفكريش فيها كثير

كفاية إنك عرفتي إنك غلط واتوجعتي ومش هتكرريه تاني لكن ما تفضليش قاعدة تلومي في نفسك كثير

بالنسبة للموقف نفسه أنا ما أقدرش أفيدك قوي إنتي صح ولا غلط

لكن أعتقد إنك المفروض كنتي تفهميها وتطمنيها

قومي دلوقتي صلي ركعتين طلب حاجة واطلبي من ربنا إنه يشجعها واليوم يعدي بخير

وهوني علي نفسك وإن شاء الله اليوم يكون جميل

وأكبر دليل إنك أم مش شريرة إحساسك بالندم والقلق دلوقتي

كل ما هنالك إن الحياة لا تخلو من أخطاء في بعض المواقف

[عبير يونس]

خايفة كلامي يوجعك

بس بجد انا حسيت اني مكان مريم

و ماما ضحكت عليا برضه

فعلا مفيش حل غير الدعاء ان ربنا سبحانه و تعالى هو اللي يكون معاها

هو ارحم منك

انتي ممكن تعيطي جنبها

او تاخديها في حضنك و هي بتعيط و تطبطبي عليها

ربنا وحده اللي بيزيل الخوف و يدي القوة و الشجاعة

و بإذن الله حتلاقيها جاية تضحك

و تقولك الحقنة ما وجعتنيش و معيطتش

و تحكيلك عن شجاعتها و هي بتاخد الحقنة

ريم انتي حنينة اوي

ياريتك كنتي مامتي

اهئ اهئ اهئ

:sad:

[pink rose]

ان ان. ااااان

انا جيت

عشان بس تعرفوا ان قلبي قلب خساية

و ربنا ما كسرش بخاطري

مريم راحت المدرسة و النهاردة و ما جوش بتوع وزارة الصحة

و بالتالي ما اتطعمتش النهاردة

و الحمدلله اتكلمت معاها

و فهمتها الليلة بطريقة كويسة

بس اول ما جت سيرة الحقن عينها فورا اشتغلت دموع

بس اتكلمت معاها و شجعتها

المشكلة انها تقريبا عندها بدايات برد و شغالة عطس و رشح بس هو ما فيش سخونية الحمدلله

لو فضلت كده لبكرة مش هاوديها

المدرسة منبهة علي اولياء الامور لو الطفل بيعطس او بيكح و حرارته 37 و نص يقعد في بيتهم

لما اشوف بكرة هاتبقى اخبارها ايه لو في سخونية انا عارفه انها ممنوع تطعم و في حرارة

ربنا يجيب الخير بقى

ميرسي كتير يا دريمي و ميرسي كتير يا بيرو :give_rose:

تم تعديل 25 سبتمبر 2011 بواسطة pink rose

[عماد حمدي]

الدنيا دي بسين كبيررررررررررررررر ..

يا أما نفسي أتعلم العوم بقا :closedeyes:

[MemoG]

هاي عليكو يا بنات

انا كنت ناوية افتح موضوع عن السجاد بس مش لقيت احسن من التوبيك دا

لان القاعدة الحلوة دي مش تتعوض ابد

انا يا بنات عايزة اشتري سجاد لبيتي ايه احسن الانواع واماكن البيع في الرياض(اسماء المحلات+العناوين)

ولو عندكو فكرة عن الاسعار

انا دخلت كدة من غير احممم ولا دستوووور

معلش بقي اختكم الصوغننة استحملوني

[MemoG]

ايه دا انتو عزلتو من الليفنج ولا ايه

f((: f((: f((: f((:

cr((: cr((: cr((:

تم تعديل 21 أكتوبر 2011 بواسطة MemoG

[engmido]

الليفنج ده موضوع جميل جدااا

بس كنت عايز اقول للاسكندرانية وخصوصا القريبين من البحر يابختكوا

انا امبارح خطفت يوم جميل مع اصحابى بالعربية صد رد كده

اسكندرية كانت جميلة والجو فى شهر 10 خيالى والبحر والشواطىء رااااااااا يقة والدنيا زى الفل والفطار عند جاد عالبحر فظيييييييييع

اااااااااااااااااااااااااااااااااااااه انا عايز اروح تانى ( وش عيل بيجعر وفاتح بقه عالاخر)

مدام هند انتو فين فى اسكندرية؟؟؟؟

ممكن تستضيفونى ان شاالله حتى شهر ...ههههههه :closedeyes:

[engmido]

ايه محدش عايز يخش الليفنج

[engmido]

للرفع

[engmido]

للرفع تانى

[pink rose]

و الله حضرتك طيب اوي يا باشمهندس

عمرك شفت ناس بيتخانقوا و مقطعين بعض هايقعدوا في الليفنج زي العيلة الواحدة يتكلموا بود و حب و صداقة

سيب الموضوع دا يتدفن زي ما كل المواضيع الحلوة ما بتدفن وسط الخناقات و الزعيق

اول مرة اقتنع ان سعد زغلول كان معاه حق لما قال

ما فيش فايدة

تم تعديل 28 أكتوبر 2011 بواسطة pink rose

[engmido]

ليه بس كده ياريمو يا بريمو

ربنا يتقبل منا ومنكم صالح الاعمال

ده انتى حتى الى فاتحة الموضوع

تم تعديل 28 أكتوبر 2011 بواسطة engmido

[طارق مصرى]

طيب مساهمة منى فى الموضوع ده أحب أفرجكم على مقطع لطيف

مؤكد هنا فى الليفنج فى تليفزيون LCD 30" على الأقل

http://www.youtube.com/watch?v=4aEuYIewm5I

[Dreamwithme]

إيه يا جماعة هو الموضوع ده أتردم ليه؟

محدش عايز يقعد قاعدة عائلية في الليفنج روم؟

وحشتوني جدا ووحشتني لمتنا مع بعض

بما إن البرد شديد النهاردة فجبيتلكم معايا حاجة سخنة

اتفضلوا اتفضلوا

يلا عشان أنا مكتئبة ومحتاجة أتكلم مع حد فياريت ماتسيبونيش لوحدي أكلم نفسي

[Dreamwithme]

طيب بما إني قاعدة لوحدي

أنا بأحب جدا السناجب وسلسلة الأفلام بتاعتهم

ده إعلان الفيلم الجديد بتاعهم

http://www.youtube.com/watch?v=ZeqYxxD3tF4

[Dreamwithme]

بما إني استوليت علي الليفنج روم وقبل ما ريمو تيجي تقفشني

أحب أشغلكم أغنية لذيذة تغير المود شوية

http://www.youtube.com/watch?v=-RP19fnff_c&feature=player_embedded

ياريت حد يجي يرغي معايا هنا