تسقط 6 ابريل .. يسقط العملاء الخونة . كوميديا سوداء

[Simba]

كلنا بنحب البلد

ومين بس ما يحبهاش

بس كل تيار بقي شايف اللي قدامه مسخ

اللي بيشكك يمكن اكتر وطنية من الطرف التاني بس مغيب والطرف التاني مش بيساعد ان حد يفهمه

كله بيخون في كله

http://www.youtube.com/watch?v=S5kW_pBempQ&feature=related

يا سلام لو حكومتنا الرشيدة تعمل الحد الادني 1200 جنيه ورقابة مشددة علي الاسعار علشان المواطن البسيط يحس ان فعلا الثورة دي كانت حاجة حلوة

صحيح الحد الادني مالوش ادني علاقة بالفيديو

لكن اقصد ليه سايبين الناس كلها تخون في بعضها

انا شفت الفيديو

ضحكت بحسرة

[م تيمور المراغي]

http://www.youtube.com/watch?v=-QXDOTbA8cE&feature=related

[Scorpion]

الفاضل architect

لا يوجد ادني شك ان شباب 6 ابريل هم و جميع شباب الحركات الأخري همهم الأول هو مصر .. تصحيح مسارها الأجتماعي و السياسي ...

مثلنا هنا جميعآ ... كلآ منا له طريقه و لكن الهدف النهائي واحد .

تحفظي الوحيد علي 6 ابريل هو اسلوب حضرتك في التعبير عنها علي الأقل هنا في المحاورات .. فهذا ما يخصنا في النهاية ..

عرفتك قلم رشيق .. مهذب ... متواضع يجنح الي السلم و لا يسعي الي خلافات ...

و لكن هذا القلم ابحث عنه الآن و لا أجده .. فلقد حل محله ما استطيع ان اشبهه بفتوة حارات نجيب محفوظ ...

تهديد و ووعيد دائم .. سخرية و استهانة ... استخدام مصطلحات قد اتفهمها من شاب بلطجي يريد لفت الأنظار اليه. و لكني لا أتخيلها من من هو المفروض ممثل لحركة سياسية تبحث عن صالح الوطن .. ارتداء ثياب الزعامة الكاذبة التي هي آخر ما يحتاجه وطننا الآن ...

الم تتسائل مرة لماذا تغيرت مشاعر كثيرين معك .. هؤلاء الذين يومآ ما صوتوا في صالحك لتحصل علي اشارة مميزة في المحاورات ... ما الذي جد كي تفقد رصيدآ كبيرآ من اعجابهم هذا .. ما الذي جد كي تجبرفريق المشرفين علي حذف تعليقات لحضرتك و ما يواكبها من اجراءات ادارية ..

تلك رسالة من زميل لحضرتك في المحاورات يأمل ان تغير قليلآ من اسلوب لم نعرفك فيه ... و هو اسلوب ليس في صالح الحركة التي تمثلها اطلاقآ...

حتي العنف اذا تم اجبارنا عليه يمكن ان يكون في اطار من الفروسية ...

اتمني ان تتفهم المغزي الحقيقي لرسالتي تلك ( و التي لا انتظر ردآ عليها ) و ان لا تأخذها كهجوم شخصي .. فنحن في النهاية لسنا اكثر من حروف تعبر عن آمالنا ...

أعتذر للفاضل سيمبا علي الخروج عن فكرة الموضوع الرئيسية ...

[م تيمور المراغي]

اوك يا سكوربي

وفعلا الواحد حماسه خلاه يفقد احيانا فضيلة الصبر وسعة الصدر واللي كان ممكن في ثواني تكسب كل الخصوم الى صفك وتجعلهم يؤمنون بمبادئك

عموما عفى الله عما سلف واحنا ولاد النهارده

ومحتاج رأيك السديد في موضوع الدائره البيضا واديني لا جبت سيرة فصيل معين ولا نسبت الفضل لنفسي

ومادام فتحت الموضوع انا بطبعي غير كده خالص على فكره لكن كثرة الخصوم كما تعلم انت تستفز روح المقاتل

لكني اكتشفت الآن ان روح النبي صاحب الرساله المفاوض هي التي تربح في النهاية

نفسي ابتدي مع الجميع وانت بالذات صفحه جديده ونرجع حبايب وصوحاب زي زمان

ان شاء الله

[Simba]

وانا راجع في باص الشغل

اللي في الباص بعد ما غسلوا المخلوع وابنه وكانوا قارفين الشعب

اذا فجأة هما كمان بيشتموا في 6 ابريل

وواحد في اخر الباص بيقول ايه 6 ابريل دول شوية بلطجية مع انه من ثواني كان بيشكر في الثورة

واذ فجأة أنا اتغظت مش حب في 6 ابريل ولا حاجة بس انا مش بحب التشكيك في اي حد وقولت له انت تعرف الحركة دي بدأت امتي

قال بثقة المحللين السياسين آه في عز الثورة

يايلا خير برامج التوك شو عملت احلي شغل :happy:

[م تيمور المراغي]

العيب مش في الإعلام

العيب في محدودي التفكير اللي مش قادر يربط الاحداث ببعضها

المفروض اللي بيفهم لما يلاقي ابناء مبارك وآسفين ياريس محروقين اوي من حد وحيموتوا م الغيظ

لو عنده ذرة عقل يربط فورا اطراف الصورة بعضها ببعض