شقة فى الدور الخامس

[aboramy]

معروض على شقة فى الدور الخامس بسعر زهيد جدا

ولكن عليها اقساط .. اللى مجرب الدور الخامس ايه هى مساوؤه بصرف النظر طبعا عن تعب السلالم

[marselia]

هي الشقة فين ؟؟..... و لو فيها اسانسير حلو اوي ... لكن لو مفهاش هتتعب الاول بس هتتعود بعدين .. اخوك احمد في مساكن شيراتون .انا اصلا كنت ساكن في السادس اخر دور:) .. بس بعد كده ركبولنا اسانسير

[aboramy]

هي الشقة فين ؟؟..... و لو فيها اسانسير حلو اوي ... لكن لو مفهاش هتتعب الاول بس هتتعود بعدين .. اخوك احمد في مساكن شيراتون .انا اصلا كنت ساكن في السادس اخر دور:) .. بس بعد كده ركبولنا اسانسير

مفيش اسانسير

ولن يكون هناك اسانسير فى يوم من الايام

لكن انا اقصد من حيث الحرارة فى الصيف بتكون حر زيادة عن اللازم

واثناء الشتاء ايضا

ولماذا شقق الدور الخامس بتكون ارخص

[marselia]

مش شرط انها تكون حر بس اغلب الاحوال الشقق في الدور الاخير حر و دائما تلاقي ان الحيطان بتشقق بسرعة عشان الدور الخير فديما شقق الدور الخير تبقي عايزه صيانة اكتر من شقق الدور التاني او التالت

[aboramy]

هى فى الدور الاخير واتجاهها غروب شمس

والناس اللى كانوا مأجرينها لسه بسألهم بيقولوا حر نار فى الصيف

والمياة تقطع يوميا

[raouf]

شوف يا سيدى طالما لا يوجد عندك مشكلة فى السلم يبقى 90% من المشاكل محلولة

بس خلى بالك مشكلة السلم مش هاتحس بيها الا وانت شايل حاجات تقيلة زى انبوبة غاز او متسوق من السوق او لا قدر الله حد عيان ومش قادر يطلع الناس الكبار فى السن مش هايقدروا يزوروك فى البيت انت نفسك لما تكبر فى السن مش هاتقدر تطلع ده اولا

مشكلة المياه سهلة هو موتور صغير وتحل المشكله

مسالة الحرارة برضوا سهلة تعزل السقف بمواد عزل حرارية وتركب تكييفين

بس راييى اللى هاتصرفوا ده كله + ثمن الشقة يجيب ليك شقة افضل

وللمستقبل هاتتعب فى السلم