12 اغسطس ,, مليونية الطرق الصوفية !

[se_ Elsyed]

عبجبتني قوي لافته قرأتها في ميدان التحرير لما كنت هناك .. بالرغم من قسوتها إلا إنها جرس تحذير لأي حد شايف نفسه

كان مكتوب فيها

" مصر مش تورته عاوزين تقسموها يا كلاب "

حقيقي

اللي عاوز نصيبة من التورته يورينا نفسه وافعاله ... مش مهرجانات وشعارات وتلاسن على الفضائيات والبلد غرقانه في المشاكل على كل شكل ولون

شوفوا بالرغم من إني ضد الإشتراكية والشيوعية والكلام الهجص ده ..

إلا إن الفكرة نفسها اللي قامت عليها النهضة الصينية وأكتسحت بها العالم دلوقت تستحق الدراسة .. وتستحق التفكير والتطوير

يعني بإختصار عشان ما أوجعش دماغكم ماو تسي تونج الزعيم الشيوعي وباني النهضة الصينية لما قام بالإنقلاب والحركة بتاعته .... بنى الحضارة على إنه يُذيب كل الصينيين في بوتقه واحده وهي " بوتقة الحزب الشيوعي " الكل يشتغل للحزب .. الكل يتعلم عشان الحزب ... ما فيش أم أو اب يربوا عيالهم .. أه والله .. كانا بياخد العيال وهما صغيرين يدخلهم معسكرات الحزب .. ويلعبوا رياضة ويبدعوا فيها عشان الحزب ويكبروا يشتغلوا في المصانع والمزارع عشان الحزب

شوفت أفلام تسجيلية تحس إن الناس إتحولت لمواشي .. سوري يعني .. هما اللي كاناو بيجروا الالات الزراعية ... ويحفروا ويعلوا ويبنوا بإيدهم لإن الأتحاد السوفيتي ما كانش لسه ساعدهم باتكنولوجيا الحديثة ليدعم بها الثورة الشيوعية .... وكله عشان يعلوا الحزب الشيوعي اللي كان يُمثل الصين كلها

اللي أقصدة إن طالما الإختلاف هو سُنة الحياة ... وطالما إنه لا مفر من التعايش مع بعضنا البعض لإن مافيش حد هايطرد التاني من البلد ويعيش لوحده ويبرطع فيها

يبقى ليه ما نشتغلش كلنا عشان مصر كل في مكانه وكل حسب معتقداته وثقافتة ؟

إحنا كده بالظبط كإننا بنقول : لأ ما ينفعش ... مصر لازم تبقى كلها دكاترة .. وباقي المهن أو الوظايف وشاغليها يطلعوا بره الدائرة خالص وتفضل البلد بشكل واحد فقط ...

------------

على فكرة .. تخيلوا في الزحمة دي وقع مننا عنصر هام في البلد وهما المصريين المسيحيين ...

إيه خير ماحدش جاب سيرتهم ليه في التقسيم ؟

ولا كنا فالحين إننا نهاجمهم بس لما كانوا بيعتصموا أمام ماسبيرو ورافعين الصليب ؟

وكلنا عارفين إن تاثير الكنيسة على أتباعها أقوى من تاثير مشايخ السلفية مثلاً على أتباعهم

فهايبقى إيه رد فعلنا لو حشدوا نفسهم وبرضوا أتوبيسات فاخرة وميكروباصات جابتهم من انحاء مصر وجه حوالي 3 مليون مسيحي ميدان التحرير ورفعوا لافتات إنها مسيحية مسيحية .... يبقى إيه الوضع ساعتها ؟

[se_ Elsyed]

انا رأيي تحترموا شهر رمضان و بدل الكرنفالات دي كل واحد يقعد في بيتهم يمسكله مصحف يقرا فيه اكرمله عند الله و اهو يتكتب في حسناته

طب ولما نقعد نقرأ في المصحف ليل نهار .. مين هايتشغل وياكلنا يا ريم ؟

ومش من الأفضل إننا نقرا في المصحف ونصوم ونصلي ونشتغل ونبني ونعلي كله بالتوازي ؟

أظن ده أفضل من المليونيات والإعتصامات والعين البجحة اللي قد كده اللي بتعمل إضرابات عشان زيادة المرتب وهما مآنتخين وما بيشتغلوش بتعريفه

وطبعاً لا ننسى الثورجية اللي معتصمين ليل نهار في التحرير وكأن في فئات أخرى بتصرف عليهم أو إنهم ناس صيع ما عندهمش شغل

أنا أفهم إني أعتصم عشان قضية معينة ... ولما أوصل رسالتي أنصرف وأراقب هل تم تنفيذ المطالب المشروعة أم لا .. وارجع تاني إذا لم يتم تنفيذها ما فيش مشكلة

مش أفضل شهور مرابط في الميادين لا شغله ولا مشغلة .. لا وأعطل مصالح الناس بمنتهى الفجاجة وقلة الأدب

نفسي الثورجية يشغلوا مخهم هما كمان ويعرفوا إزاي الناس إتقلبت عليهم وعلى افكارهم ... اللي حتى لو كانت صحيحة فطريقة التنفيذ منتهى الخطأ والأستفزاز وبتجعله كل دقيقة يكتسب أعداء .. ومهما قال بعد كده رياني يا فجل ماحدش هايسمع له

[أسد]

ما يحدث هذا ما هو إلا تهريج

عموم الناس في مصر لا تقبل بهذا

عاش المصريون عمرهم يحلمون بالاستقرار .. والهروب من جحيم الظالم

ولم تكن فرحتهم بسقوط الظالم .. إلا فرحة ... فرحة كبيرة (أتحدث عن عموم الناس) ..

ولكن أن يصيبهم الطامعون .. وأصحاب الأصووات العالية بالإكتئاب والرعب والخوف على مستقبلهم ومستقبل أولادهم فتلك مصيبة

عملية محاولة تقسيم التركة .. والصراح على أكبر نصيب فيها .. ستأخذنا إلى مهالك عظيمة ..

المشكلة ..

مش لا قيين حد عاقل .. بيخاف على مصلحة البلد .. وبيفكر بشمولية .. الناس تتجمع وراه

[hanzalah]

المشكلة مش لا قيين حد عاقل .. بيخاف على مصلحة البلد .. وبيفكر بشمولية .. الناس تتجمع وراه

والمشكلة كمان انه بعد سنوات من القهر والظلم والتهميش المتعمد والمنهجي

والقضاء على حرية الرأي والتعبير وبالتالي القضاء على تعلم منهجية الحوار المثمر الفاعل

وبعد القضاء على قيم الانتماء وقتلها داخل الناس

وبعد القضاء على قيم احترام المرجعيات وانعدام القدوة

بعد كل هذا التدمير المتعمد للمجتمع المصري وبنيته الاخلاقية

من الصعوبة ان نجد اجماع من عموم الناس على رأي أو فصيل بعينه

واتمنى ان يكون الخلاص في صندوق انتخابات نزيه يرفع عنا هذا التخبط في المشهد السياسي والاجتماعي في بلدنا

[se_ Elsyed]

واتمنى ان يكون الخلاص في صندوق انتخابات نزيه يرفع عنا هذا التخبط في المشهد السياسي والاجتماعي في بلدنا

ما هو ده نصف الحقيقة يا حنظله

الصندوق مش هو كل الديمقراطية

الصندوق مش هو الحل

لكن الحل إن يكون عندنا وعي

وعي لدى الناخب

ووعي لدى المُُرشح

يعني لو ضربنا مثل بالإصرار العجيب على وجود 50 % عُمال وفلاحين ... وعن إيشي قايمة نسبية وإيشي فردي وإيشي وإيشي وحاجات محتاجه كتالوج

ورفض تام لرقابة دولية على الإنتخابات وكإن عندنا عورة أو سوءة عاوزين نداريها ... تماماً كما كان يفعل المخلوع

هانفهم اللخبطة اللي إحنا فيها دي سببها إيه

[أسد]

بعد كل هذا التدمير المتعمد للمجتمع المصري وبنيته الاخلاقية

من الصعوبة ان نجد اجماع من عموم الناس على رأي أو فصيل بعينه

محدش قال إجماع

إحنا بنقول توافق أو إتفاق ..

لا يمكن أن يحدث إجماع في أي مجتمع

ولكن يمكننا أن نتفق على مبادئ واضحة .. أو على الأقل .. يقبل طل طرف الآخر .. ويعترف ويقر بوجوده

هذه أولى الخطوات .. أما إنكار الآخر .. وحتى إنكار حق الآخر في الوجود أو التعبير عن نفسه .. فهذه مشكلة حقيقية

أو لنقل أنها كارثة تحلق بمصر

[التونسى]

يا درويــــــش .. يا درويــــــش

إحضر ... ونا حديك ..بقشــيش

عايزين بقى .. نخلص م الجيش

وحياتنا تصبح .. شيــش بيــش

ياللى بتسأل على أهدافنا

فوضى فوضى .. وغيرها مفيش

[pink rose]

رأينا واحد يا س س

انا ما قولتش يقعدوا ليل نهار يقروا قرآن

الرسول عليه الصلاة و السلام شاف واحد ليل نهار في المسجد نهاه عن كده

اللي اقصده بدل كرنفالات التفرقة دي يحترموا شهر القرآن

رمضان مش شهر عادي

نشتغل فيه بالنهار للدنيا و نكمل بعد الشغل شغل للاخرة

و الجمعة بما انه اجازة من الشغل نزود فيه طاعات و قرآن

مش ناخد ناس نحشدهم زي بتوع الموالد

عارف يعني انا موافقة على مليونية الجمعة الجاية اللي دعا ليها دكتور صفوت حجازي من باب التواد و الرحمة و التقريب بين الناس تخيل ميدان التحرير بكل طوائف الشعب المصري في فطار جماعي يقوم ربنا يبارك في اللقمة و بعدها صلاة تراويح

استشعر معايا مهابة اليوم ميدان التحرير ملياااااااااان عن اخره مصليين و نقعد نسمع خطبة جميلة للشيخ عمر عبدالكافي

كده دا موافقه عليه حاجه تعلي الايمانيات تماشيا مع مكانة الشهر الفضيل

مش نقلبه حلقة دروشة و ناس بتطوح و اغاني و بكرة يعملوا مقام و تروح الناس تتمسح في الحديد

[م تيمور المراغي]

اكتر الفئات قربا من الوجدان الجمعي للمصريين هم الصوفيين ,,

مش بقصد الشكل الشعبي بالطبع بل اقصد النبع الاصلي للفكر الصوفي السليم

لان الشخصية المصرية منذ الازل ذات طبيعه خاصه تميل للروحانيات اكثر من العصبية والتشدد

اما التريقه على بسطاء الصوفيه فهو سخريه على قطاع عريض من الشعب المصري يا من تتشدقون ليل نهار باحترام البسطاء لما فلقتوا نافوخنا

وهم فئات وطوائف لم تاخذ حقها في نزول الميدان والتعبير عن رأيها ووجودها

على العموم بسطاء الصوفيين امام بسطاء السلفيين والعقول في المعسكرين امام بعضها

ومادامت السيطره بالملايين فحنشوف مين ملايينه اكتر

مستغرب من هجوم البعض اللي ماقالش نفس الكلام ده يوم جمعة السلفيين

على الاقل دول هواهم مصري مش سعودي

و س س مش وقته خالص التريقه على المعتصمين لان موقفك تبدل 180 درجه بدون اي داعي

مش عارف ايه السبب ,,!!

تاني عشان الحبايب

بسكلته الانتاج مش حتتاثر لانه يوم اجازه

يعني الخمسين مكوك فضاء اللي بنصنعهم كل اسبوع مش حيبقوا 49 ان شاء الله

[مغتربة]

رأينا واحد يا س س

انا ما قولتش يقعدوا ليل نهار يقروا قرآن

الرسول عليه الصلاة و السلام شاف واحد ليل نهار في المسجد نهاه عن كده

اللي اقصده بدل كرنفالات التفرقة دي يحترموا شهر القرآن

رمضان مش شهر عادي

نشتغل فيه بالنهار للدنيا و نكمل بعد الشغل شغل للاخرة

و الجمعة بما انه اجازة من الشغل نزود فيه طاعات و قرآن

مش ناخد ناس نحشدهم زي بتوع الموالد

عارف يعني انا موافقة على مليونية الجمعة الجاية اللي دعا ليها دكتور صفوت حجازي من باب التواد و الرحمة و التقريب بين الناس تخيل ميدان التحرير بكل طوائف الشعب المصري في فطار جماعي يقوم ربنا يبارك في اللقمة و بعدها صلاة تراويح

استشعر معايا مهابة اليوم ميدان التحرير ملياااااااااان عن اخره مصليين و نقعد نسمع خطبة جميلة للشيخ عمر عبدالكافي

كده دا موافقه عليه حاجه تعلي الايمانيات تماشيا مع مكانة الشهر الفضيل

مش نقلبه حلقة دروشة و ناس بتطوح و اغاني و بكرة يعملوا مقام و تروح الناس تتمسح في الحديد

سورى يا بينك مش معاكى

لو كان رفضك للمبدا نفسه و هو مبدا الحشد من اي جهه كانت فاكيد دا رايك و بالتاكيد احترمه

لكن ان يكون رفضك مبنى على مجرد عدم استساغه التيار الموجهه ليه الدعوى للحشد

مع مباركتك لحشد اخر لان من قام عليه تتفقين معه

الحياد يقتضى اننى اما اعارض الدعوى لحشد الناس ايا كان مطلقها او لا اعارضها ايا كان ايضا مطلقها

او اننى اعارض الاسباب التى من اجلها تتم الدعوه للحشد كان تكون مطالب غير مشروعه

اما ان ارفض الدعوى لمجرد ان الفصيل او التيار لا يعجبنى

فهذا مدخل للاقصاء

مصر ملك جميع ابنائها

و من حقهم جميعا ان يعبروا عن انفسهم طالما كان هذا التعبير بالطرق المتعارف عليها

شئنا ام ابينا هناك الاخر فى مصر

و الاخر هذا قد يكون المختلف دينيا او مذهبيا او فكريا

و ليس من حقى و لا حق احد ان يحاول التضييق عليه فى التعبير عن نفسه لمجرد انه مختلف معه

خلاصه الكلام

الرفض او القبول يكون للمبدا نفسه و ليس للاشخاص المستخدمين له

و الا فان ذلك يعتبر تميز ضدهم

مصر وطن للجميع و يحق للجميع ان يعبر عن نفسه فيه

رمضان كريم

[pink rose]

لا يا مغتربة انا موافقة على المليونية دي بس مش عشان موافقة على من نادى بيها لا خالص

انا موافقة عشان هدفها تقريب الناس من بعض في افطار جماعي و سماع دروس

و اعتقد الشيخ عمر عبدالكافي و الشيخ حسان هايكون كلامهم للتوحيد بين قلوب الناس

فالهدف منها في رأيي هدف نبيل

مش نزول للميدان بهدف استعراض عضلات

[مغتربة]

لا يا مغتربة انا موافقة على المليونية دي بس مش عشان موافقة على من نادى بيها لا خالص

انا موافقة عشان هدفها تقريب الناس من بعض في افطار جماعي و سماع دروس

و اعتقد الشيخ عمر عبدالكافي و الشيخ حسان هايكون كلامهم للتوحيد بين قلوب الناس

فالهدف منها في رأيي هدف نبيل

مش نزول للميدان بهدف استعراض عضلات

يا بينك ما دا الى انا بتكلم معاكى فيه

انت موافقه على المليونيه دى علشان هيكون فيها عمر عبدالكافى و الشيخ حسان فشايفه انهم هيكون كلامهم عن توحيد القلوب

طيب لو فى ناس شايفه ان عمر عبدالكافى و الشيخ حسان ممن يفرقوا و لا يجمعوا او انهم متشددين او انهم بيسيسوا الدين و فعلا فى ناس شايفه كدا و هى حره فى كدا

يبقى تطلع تعارض المليونيه دى بس لمجرد ان الناس دى فيها

الفكره ان احنا لازم حتى لو مش متفقين مع الناس فكريا ان احنا مننكرش عليهم استخدام نفس الوسائل الى احنا بنستخدمها

دى وجهه نظرى

[سنبل الخير]

يعنى يا architect الصوفيين دلوقتى اصبحوا حلوين و عليهم سكر مش دول برضة من بتوع الحاكم و من اكبر من كان بيطبل لمبارك مش هما اللى مغيبين عن الحياة و تلاقيهم فالحين فى الموالد اللى كلها نصابين و حرامية غير مظهرها المسىء للاسلام عن انه دين الدراويش بتوع الفتة ا انت عارف انهم مش بتوع سياسة و لا بتوع برلمان هم بتوع حلقات الفتة و الله حى و هو هو هو علشان كده انت دلوقتى بتعملهم دعاية و تلميع ورنيشى لانهم هيدوا صوتهم للعلمانيين و سياستهم دع ما لله لله و ما لقيصر لقيصر يعنى لو شارون حكم مصر مفيش مشاكل اهم حاجة تفضل الموالد وصناديق النذور شغالة , بس صدقنى نأبك هيجيى على شونة الصوفية فى نقصان فى مصر و بيعتمدوا بشكل اساسى على الارياف و على الفئات الغير متعلمة ونظرة سريعة لمولد الدسوقى و لا البدوى و انت تعرف كلامى ده و يجمعوا الشباب و العواجيز فى رمضان على ختمة القران اللى يعقبها ما لذ وطاب من الطعام و الشراب و اللى اكترهم بيروح على الاكل خد الكلام ده من واحد فلاح معاشر الناس دى .

على فكرة يا architect و انت بتجمع الصوفية و اخوانك المسيحين و اللبراليين لعمل تكتل متنساش ان فى طائفة من اليهود المصريين تقدر بعدة الالاف دول برضه اخوانك معاهم الجنسية المصرية و مؤكد انهم ضد التيارات المتشددة زيك كده و يا ريت متنساش تبعت لاخوانك اليهود المصريين على معابدهم الموجودة فى القاهرة و الاسكندرية مؤكد انهم هيفيدوا حركة 6 ابريل اوى .....سلام.

[نورالعين]

تهريج بجد اللي بيحصل دا تهريج

الناااااااااااااااس قرفانة كرهتوا الخلق في يوم الجمعة

صوفيين ايه و دراويش ايه اللي بتحشدوهم

يا نهار الوان جاية على فوحلوقي

الناس بتو ع الله حي هايجوا الميدان يعملوا كرنفال

كرنفال ايه كلنا مسلمين و مسيحين نفسنا نفض حوار الموالد و انتوا عاوزين تعملوا مولد سيدي التحرير

عاوزين تحشدوا الناس ضد بعض ايه نظام فرق تسد دا

فرق بين الاخوان و السلفية

فرق بين العلمانين و الاسلاميين

خلاص بقى المجتمع المصري فرق و كلها بتكره بعض

مين المستفيد من الكلام دا

انا رأيي تحترموا شهر رمضان و بدل الكرنفالات دي كل واحد يقعد في بيتهم يمسكله مصحف يقرا فيه اكرمله عند الله و اهو يتكتب ف حسناته

اسمحي لي بينك

ان اختلف معك تماما في انتقادك للصوفيين وهم من أهل السنة والكتاب

وكما ذكر ارش في المشاركة 3

وكما قرأت لهم وقرأت عنهم فكثير من علماء الازهر سابقا وحاليا من الصوفيين

وكان للصوفيين مؤلفات وتأثير كبير في قيام دولة الاسلام منذ بداية قيامها

حاولى القراءة لهم ولو على المنتديات وستجدى انهم حقا اهل علم وتقوى

ولا يمكن ان نجعل من الدروشة التى بكل اسف انتشرت في مصر بسبب الجهل

على انها الصوفية الصحيحة

ولا يمكننا جعل كل الصوفيين على هذه الشاكلة

لكنى معك في انه لا يصح ان نضرب قوة بأخرى ونفرق بين أبناء شعب مصربدلا من التقريب بينهم

وخاصة في هذا الشهر الفضيل

تحياتي

[masraweya]

لكنى معك في انه لا يصح ان نضرب قوة بأخرى ونفرق بين أبناء شعب مصربدلا من التقريب بينهم

وخاصة في هذا الشهر الفضيل

تحياتي

bv:-

لعب بالنار

و يا سلام لو السلفيين يمسكوا في خناق الصوفيين

و بعد ما كانت الناس ابتدت تعرف بعض من غير القوالب الجاهزة و الافكار المسبقة

نهيجهم على بعض

لمصلحة ميييييييييييين؟؟؟؟

[أبو يمنى]

سؤال : هل التيار العلماني الذي يحاول إقصاء السلفيين والإخوان من الحياة السياسية ويهاجمهم ليل نهار ، هل سوف يستقبل الصوفية بالأحضان والقبلات ويفرش لهم مسار المشاركة السياسية بالورود ؟!

أم أنه تأييد مؤقت لضرب القوى بعضها ببعض واستخدام لقاعدة (فرّق تسد) .

إذا كانت الإجابة هي الأخيرة فتلك سوءة أخرى وعار سياسي جديد .

[م تيمور المراغي]

فيه فرق بين العلمانيه والليراليه اولا

ثاني حاجه الاخوان ميكيافللين والسلفيين بتوع اطيعوا اولي الامر و متسعودين

فمش غلط اني اتحالف مع تيارات لها ثقل في الشارع عشان انقذ مصر

[se_ Elsyed]

سؤال : هل التيار العلماني الذي يحاول إقصاء السلفيين والإخوان من الحياة السياسية ويهاجمهم ليل نهار ، هل سوف يستقبل الصوفية بالأحضان والقبلات ويفرش لهم مسار المشاركة السياسية بالورود ؟!

أم أنه تأييد مؤقت لضرب القوى بعضها ببعض واستخدام لقاعدة (فرّق تسد) .

إذا كانت الإجابة هي الأخيرة فتلك سوءة أخرى وعار سياسي جديد .

تذكر يا تامر إن المجلس العسكري هو اللي بدء اللعبة .. وبيضرب التيارات السياسية المدنية كلها بالإسلاميين ومحتضنهم على الأخر وهما مش بيبلعوا الطعم لأ .. دول بيهلطوه

وبالتالي لازم القوى كلها تنتبه لذلك وتتألف ولا تتخالف

[أبو يمنى]

فيه فرق بين العلمانيه والليراليه اولا

ثاني حاجه الاخوان ميكيافللين والسلفيين بتوع اطيعوا اولي الامر و متسعودين

فمش غلط اني اتحالف مع تيارات لها ثقل في الشارع عشان انقذ مصر

أعانك الله على إنقاذ مصر .

[أبو يمنى]

سؤال : هل التيار العلماني الذي يحاول إقصاء السلفيين والإخوان من الحياة السياسية ويهاجمهم ليل نهار ، هل سوف يستقبل الصوفية بالأحضان والقبلات ويفرش لهم مسار المشاركة السياسية بالورود ؟!

أم أنه تأييد مؤقت لضرب القوى بعضها ببعض واستخدام لقاعدة (فرّق تسد) .

إذا كانت الإجابة هي الأخيرة فتلك سوءة أخرى وعار سياسي جديد .

تذكر يا تامر إن المجلس العسكري هو اللي بدء اللعبة .. وبيضرب التيارات السياسية المدنية كلها بالإسلاميين ومحتضنهم على الأخر وهما مش بيبلعوا الطعم لأ .. دول بيهلطوه

وبالتالي لازم القوى كلها تنتبه لذلك وتتألف ولا تتخالف

أخي سي السيد .

مازالت لدي قناعة ويقين أن التيارات الليبرالية تحاول فرض ديكتاتوريتها على الأغلبية الشعبية والتي تشمل الاسلاميين وغيرهم ، وهذا هو السبب الأساسي للصدامات .

لو تركت الأمور لتسير تبعاً لرأي الأغلبية ، ولو احترمت كل القوى ذلك ، لما وجدنا هذا الحجم الكبير من الصدام بين فصائل المجتمع .

تحياتي لك وللجميع .

مسافر لعدة أيام .